Në Kërkim të Islamit Shqiptar





 e-zani.

Para pak ditësh lexuam me një dozë kënaqsie artikullin e z. Besnik Mustafaj në gazetën Panorama me titull “Në emër të vlerave të Islamit shqiptar.” Të mësuar me faktin që Islami është shpesh dhe në mënyrë krejt të kollajtë i sulmuar nga shtypi i papërgjegjshëm shqiptar në mënyrë që nuk sulmohet asnjë fe tjetër në Shqipëri, observimi pozitiv i z. Mustafaj është më se i mirëpritur. Por artikulli ngre, gjithsesi, pyetje mbi diskursin mediatik dhe politik mbi Islamin në Shqipëri.

Ka patur një përpjekje të ngahershme për të përkufizuar kuptimin e “Islamit shqiptar” nga komentatorë dhe intelektualë publikë jashtë bashkësisë së myslimanëve. Ka patur prej atyre syresh që ngrinin pretendimin se Islami shqiptar ka një formë tjetër faljeje nga gjithë myslimanët e tjerë të botës. Ky pretendim është i bazuar në një burim të pabesueshëm historik të cilin një sërë autorësh vendosën ta përdornin ideologjikisht. Përpjekja kolektive e këtyre autorëve ka qenë ngritja e një modeli përjashtues që kërkonte të delegjitimizonte dhe margjinalizonte gjeneratën e re të myslimanëve të pas-komunizmit dhe praktikat e tyre si “Islam arab.”

Besimtarëve myslimanë ju tregua më vonë nga njerëz që as nuk e njohin e as nuk e jetojnë traditën e tyre fetare se cilën shkollë ndër shkollat fetare të Islamit duhet të pasonin në mënyrë që t’i përkisnin “Islamit shqiptar”: shkollës hanefi. Këtu kontrbuan edhe udhëheqsit aktual të KMSH dhe z. Selim Muca i cili në fakt nuk ka asnjë lloj kredenciali në njohjen e shkollës hanefi apo ndonjë shkolle tjetër ndër shkollat e Islamit. Dukshëm kjo u përdor si manovër në një kohë kur z. Muca gjendej nën sulmet e akuzave për korrupsion nga baza e bashkësisë. Kjo retorikë e “Islamit shqiptar” u përdor përsëri si përkufizim përjashtues për besimtarët myslimanë të cilët vazhdonin të etiketoheshin si të rrezikshëm, agjentë axhendash arabe etj. E gjithë kjo retorikë injoronte jo vetëm realitetet konkrete të bashkësisë së besimtarëve myslimanë, historinë e zhvillimeve sociologjike të feve, por edhe faktin që shkolla hanefi është një shkollë që adreson elementë teknikë dhe jo botvështrim. E njëjta retorikë ngrihet dhe në Kosovë dhe Maqedoni me inkoherenca të ngjashme.

Artikulli i z. Mustafaj, megjithë qëndrimin dhe vlerësimin pozitiv, ngrihet me të njëjtat premisa që kërkojnë që Islami shiptar të artikulohet mbi një deklarim dallimi dhe përjashtimi nga “Islami tjetër”; vlerësimi mbi Islamin pozitiv shqiptar ngrihet mbi premisën e Islamit të keq jo-shqiptar. Z. Mustafaj shkruan:

Sot, një nga kolonat më të qenësishme ku mbështeten interesat strategjike të Shqipërisë është integrimi i saj në Bashkimin Europian. Dhe ky integrim duhet të përmbushet në një kohë kur disa nga problemet më të mprehta, cenuese për paqen e për prosperitetin e përbashkët, e kanë zanafillën ose në politikën e mbrapshtë të ndonjë vendi të caktuar mysliman, ose në veprimtarinë e mbrapshtë e shpesh hapur terroriste të organizatave të ndryshme myslimane, shpërndarë nëpër botë apo edhe të individëve. Herë me qëllim e herë nga padija, këto probleme janë përdorur jo rrallë gjatë dy dekadave të fundit dhe vazhdojnë të përdoren edhe sot e kësaj dite për të krijuar ankthin e rrezikshëm të një përplasjeje globale në ardhje midis dy qytetërimeve të mëdha, atij islam e atij të krishterë.

Si njeri që është marrë me politikën e jashtme, z. Mustafaj duhet ta dijë shumë mirë që pavarësisht nga firmatoja islamike që vende si Irani kërkojnë të mbajnë, një ligj i pranuar gjerësisht në shkencat politike është se vendet veprojnë mbi baza konsideratash interesash nacionale. Republika Islamike e Iranit apo kushdo vend tjetër i botës me një shumicë myslimane nuk merr mendimin e besimtarëve botërisht për qëndrimet e veta e myslimanët shqiptarë nuk janë përgjegjës e as kontribues e aq më pak përfitues nga politikat e vendeve të tjera myslimane. Problemi këtu qëndron që edhe një vlerësim për punën e institucionit drejtues të myslimanëve duhet të kalojë nën testin e dallimit nga “Islami tjetër,” një retorikë që me gjithë pozitivitetin e vet, përforcon nocionin e Islamit si “Tjetri.”

Territori i Islamit tjetër, pra Islamit të keq mbetet evaziv dhe autorë si Piro Misha, për shembull, të cilët gjer dje lavdëronin Islamin hanefi dhe shprehnin qëndrime më pak negative për Islamin turk, prej sa kohësh na kanë njoftuar për librin e fundit që do njoftojë shqiptarët për rrezikun e ardhshëm eminent, neo-otomanizmin dhe lëvizja Gullen nga përfaqsuese e hanefizmit dhe neo-sufizmit kthehet në garnizon të pushtimit të ardhshëm osman. Ndërkohë nuk ka nevojë të flitet për Katolicizëm shqiptar apo për Ortodoksizëm shqiptar dhe qoftë ai muhabeti i vjetër i kishës shqiptare dhe Nolit së paku në nivel politik është harruar, ndërkohë që as nuk është bërë ndonjë herë fjalë për ndonjë “autoqefali” të katolikëve ndaj Vatikanit.

Islami në Shqipëri mbetet pra me status të dalluar nga religjionet e tjera dhe edhe pse KMSH i dedikon më shumë vëmendje dialogut ndërfetar se sa bashkësitë e tjera, duke i dedikuar këtij dialogu një department të tërë ndër tetë departamentet drejtuese, gjithsesi që të meritojë pranim, Islamit shqiptar i kërkohet që të deklarojë dallimin nga bashkëfetarët e tjerë kudo në botë, të jetë, në një farë mënyre, delja e bardhë në kopenë e zezë që rrezikon stabilitetin e Bashkimit Evropian.

Le të jemi të qartë në mendimin se artikulli i z. Mustafaj është një artikull korrekt dhe shpreh një shqetësim egzistent edhe pse shpesh ky shqetësim ngrihet mbi premisa imorale, ashtu si vetë z. Mustafaj vë në dukje në përmendjen e islamofobëve evropianë. Por këtu na duhet, gjithashtu, të vëmë në dukje se ofrimi dhe gjer imponimi i nocionit të “Islamit shqiptar” nga jashtë komunitetit apo nga figura pa reputacion dhe peshë si z. Muca kanë krijuar tek besimtarët rezistencë ndaj vetë nocionit të “Islamit shqiptar,” pikërisht për shkak të qëndrimit paternalizues që kërkon të imponohet. Do e lëmë që ta trajtojmë më gjatë së shpejti idenë e Islamit shqitpar, jo si deklarim mohimi ndaj “Islamit tjetër,” por si deklarim i profilit të vet të eksperiencës fetare në hapsirën tonë kulturore, i cili duhet të rezultojë nga vetë bashkësia. Ky vetë-përkufizim nuk mundet të jetë historikisht i burgosur në mënyrën që kërkohet prej disave, por reflektues i një bashkësie që jeton dhe bën historinë e vet. Por le ta mbyllim duke thënë se mbi të gjitha duhet të ngrihet, gjithashtu, mbi kërkesën për normalitet dhe barazi ashtu si fetë e tjera ku ne myslimanëve nuk na kërkohet të japim llogari për kusuret e vërteta apo të përfytyruara të myslimanëve të tjerë ashtu si nuk i kërkohet të krishterëve të japing llogari as për priftërinjtë pedofilë në Irlandë e gjetkë apo për priftërinjtë ortodoksë që bekojnë terroristët serbë.

Comments

  • Ja si duhet lexuar citimi i Mustafajt:’Sot, një nga kolonat më të qenësishme ku mbështeten interesat strategjike të Shqipërisë është integrimi i saj në Bashkimin Europian. Dhe ky integrim duhet të përmbushet në një kohë kur disa nga problemet më të mprehta, cenuese për paqen e për prosperitetin e përbashkët, e kanë zanafillën ose në politikën e mbrapshtë të politikaneve shqiptare, ose në veprimtarinë e mbrapshtë e shpesh hapur terroriste të partive të ndryshme shqiptare,apo edhe të individëve jobesimtare. Jo pa qëllim dhe me te drejte, këto probleme janë përdorur jo rrallë gjatë dy dekadave të fundit dhe vazhdojnë të përdoren edhe sot e kësaj dite për të parashikuar rrezikshmerine e një përplasjeje globale në ardhje midis dy qytetërimeve të mëdha, atij besimtar dhe atij jobesimtar’

  • Ezan,uroj te kthjelloheni dhe te kuptoni se per Europen nuk eshte problem qe shumica e popullsise shqiptare eshte e besimit mysliman, por eshte shqetesim i ankthshem fakti qe shumica e popullsise shqiptare eshte jobesimtare.

  • pergezime autorit. edhe kur marrin kurajon ta thone nje fjale te vertete intlektualet tane i fusin ndonje pragraf si puna e ketij qe ta kene “ndergjegjen” e paster me lexuesit jomusliman. nejse me mire nje shkrim i tille sesa tregimet me mrekullira per shefin e sant egidios ne shqiperi ne vitin e mbrapshte ’97

  • Kjo ceshtja e Islamit shqiptar eshte e domosdoshme te diskutohet. Per sa kohe, Islami eshte pershtatur me kultura te shumta gjate shekujve, duke u natyralizuar me mjediset ku eshte perhapur, duhet patjeter te rishohim sesi ai eshte pershtatur ne kulturen shqiptare. Nga ana tjeter kjo teme ngerthen edhe nje diskutim tjeter, qe i shtohet ketij: si duhet te nderveproje Islami me modernitetin. Pra, kulturalisht muslimani shqiptar duhet te zgjidhe problemin midis ndikimeve kulturore islame, moderne dhe dradicionale shqiptare. Pa pasur nje ide me te qarte ne kete problem – them nje ide, pasi zgjidhje perfundimtare nuk mund te kete – cdo fetva qe jepet nga hoxhallaret, cdo vendim per te zgjidhur probleme te ndryshme shoqerore, kulturore si dhe cdo qendrim qe mbahet ndaj dukurive te ndryshme, behet i dyshimte. Ky diskutim eshte themeli mbi te cilin mund te ngreme modelet tona shoqerore e kulturore ne kete vend. Per kete arsye, ky diskutim eshte jetik per Islamin ne Shqiperi.

  • Më duket me vend kjo që shtrohet prej Dalanit. Veç kësaj, do të shtoja se, krahas shqetësimeve të ngritura me të drejtë në shkrimin e mësipërm (si dhe shqetësimeve të ngritura me po aq të drejtë nga z. Mutafaj), jo për të kundërshtuar, por për të plotësuar sa thuhet më sipër, ndoshta mund të shtohet se shqetësimet e ardhura nga jashtë komunitetit kanë vlerën e tyre në kuadrin e vetëdijësimit të vetë komunitetit për jetën e tij si pjesë e një shoqërie e tërësie organizimi shoqëror që nuk është për t’u shpërfillur e parë me sy armiqësor. Duhet bërë kujdes që komuniteti të mos konceptohet si një njësi e veçuar që vetëm përballet me shoqërinë në kuadrin e kërkesave të tij ndaj shoqërisë apo si një pakicë që i druhet diskriminimit, por si pjesë tërësore e shoqërisë, duke ushtruar ndikim dhe duke iu nënshtruar, gjithashtu, ndikimit të shoqërisë. Nga ana e saj, shoqëria ka të drejtën e saj legjitime të ngrejë shqetësimet e veta për jetën e komunitetit më të madh fetar në vend, pasi kjo ka të bëjë drejtpërdrejt me interesat e vetë shoqërisë. Sikurse një drejtues me prejardhje greke në krye të Kishës Ortodokse Shqiptare është një çështje që diskutohet nga të gjithë shqiptarët, edhe problemet e komunitetit mysliman u interesojnë të gjithëve. Dhe mbase ky interes, që e vë komunitetin nën një trysni të caktuar shoqërore, është nxitësi më i dobishëm për përmirësimin e vetë komunitetit dhe për rritjen e cilësisë së tij në përfaqësim.

    • Totalisht dakort dhe sigurisht qe mendimi qe vjen nga jashte bashkesise eshte tejet i vlefshem. Si cdo fenomen ne shoqeri Islami si fenomen shoqeror shqiptar eshte i hapur per tu diskutuar nga te gjithe. Cfare nuk pranohet nga te gjithe eshte qe njerez jashte bashkesise te kerkojne te te mesojne se si duhet te falesh, se si duhet te falesh ulur dhe mos besh shexhde, se cfare medhehebi duhet te ndjekesh. Zoterinjte per te cilet po flasim nuk kane vend te pretendojne te behen myfti. Ne anen tjeter, ajo per te cilen kembengulet ketu eshte qe Islami si fenomen shoqeror shqiptar mos trajtohet ndryshe nga fete e tjera dhe se eshte totalisht absurde qe te kerkohet qe ne te japim llogari e te duhet te pergjigjemi per kusuret e verteta apo te supozuara vendesh qe veprojne sipas interesave te tyre dhe jo sipas sugjerimeve te msylimaneve shqiptare.

      • E drejte, ajo qe ngaterrojne njerez te tille si psh. Piro Misha, Ilir Kulla etj., eshte raporti midis kolektives dhe individuales. Raporti midis njeriut dhe Zotit eshte dicka krejtesisht individuale dhe nuk ka njeri apo shtet qe ka te drejte te futet ndermjet. Menyra sesi une falem, eshte krejtesisht dicka qe me perket mua dhe askush nuk ka te drejte te me imponoje menyren e tij. Liria per te besuar dhe falur sic dua eshte prej te drejtave themelore te njeriut, e shprehur qartazi edhe ne kushtetute.

        Ndersa ajo cfare eshte sociale, kulturore apo edhe politike, mund te shihet ne nje prizem me te gjere, pasi ka te beje me te perbashketen, ashtu sic thote me siper edhe Cami. Por edhe ketu, ceshtja mbetet ne diskutime, pasi ne realitet, askush nuk ka te drejte ti imponoje tjetrit modelin e vet. Problemi ne kete vend, eshte se budallalleku ka shkuar aq larg sa shteti shqiptar ka lidhur nje marreveshje me Komunitetin Musliman ku garantohet kryerja e riteve fetare sipas menyres nje shkolle te caktuar. Dhe, nder te tjera, ne kete marreveshje komuniteti fiton te drejten qe, nese veren deformim te ritualeve ne ndonje xhami, mund te kerkoje ndihmen e policise per te penguar ushtrimin e tyre nga personat qe i kryejne. Pra, nese une falem ndrshe nga Selim Muca, KMSH-ja mund te therrase policine per te me prishur namazin dhe per te me penguar nga prania ne xhami.
        Mos u habisni aspak. Kjo eshte e shkraur, e zeza mbi te bardhe, ne kete marreveshje.
        Marreveshje te tilla informale antikushtetuese ne menyre kaq flagrante, vetem ne nje vend te tille si Shqiperia mund te behen. Kjo lloj komedie eshte aq tragjike sa te ngrin buzen, ndonese te vjen t’ia plasesh te qeshurit sa te shkulesh barkun.

        • Nje analize te mire te marreveshjes mes KMSHse dhe shtetit shqiptar e ka pas bere Justinian Topulli para se ajo te aprovohej. Topulli me hoxhallare te tjere protestuan kundra shume aspekteve te kesaj marreveshje por natyrisht qe keto protesta rane ne vesh te shurdher. Hataja fare eshte se kjo puna e ekskluzivitetit te medhhebit hanefi ishte dicka e shtuar nga ana e KMSHse pas draftit te pare to projektligjit dhe po te lexosh debatet ne komisionin e ligjeve qe e shqyrtoi del se nje nga deputet e ngriti shqetesimin se ndoshta ky ekskluzivitet hanefi do diskriminonte ata besimtare qe faleshin ndryshe, por (i famshmi) Rasim Hasanaj, kryetari i komitetit te kulteve i pergjigjet se “Kjo eshte kerkese e tyre (KMSH), pa kete ata nuk e aprovojne marreveshjen”… pas kesaj mos qesh shume se do shkulesh dhe ndonje brinje pastaj haha…

          analiza e Topullit http://groups.yahoo.com/group/alb-muslimstudents/message/38439?threaded=1&l=1

          • Nuk e mbaj mend fjale per fjale, sepse u be kohe kjo pune, por, mbaj mend me siguri qe, te pakten KMSH-ja ne marreveshje kerkonte nderhyrjen e policise, kur ka konflikte fetare ne objektet e kultit. Tani, duke ditur qe, nese konfliktet jane te dunshme, ketu nuk ka nevoje per marreveshje per te nderhyre policia, keshtu qe ketu behet fjale per konflikte verbale qe kane te bejne me aplikimin e ritualeve. Nejse, ajo marreveshje ka qene nje skec show i papare nga KMSH-ja.

          • Dalan duhet vene ne dukje se ate klauzolen per nderhyrjen e policise e kerkuan ne mos gaboj, ne kontekstin e protestave jashte medresese se Kavajes ndaj mbledhjes se zgjedhjes se paligjshme te Selim Muces. Policia pra duhet te nderhyje ne mbrojtje te prapesive te kryesise se KMSH-se. Kesisoj shteti behet pala ne abuzimet me jeten fetare te myslimaneve.

          • Normailsht, kjo do te thote qe Islami ne Shqiperi mbahet i izoluar prej shtetit, aq sa ka nevoje per polici, per te bere zap reagimin qytetar te besimtareve ndaj padrejtesive qe u behen. Kjo eshte e turpshme per KMSH-ne, si dhe per nje shtet qe pretendon te jete demokratik.

        • Vërtet e ka bërë komuniteti këtë? Qenka gallatë fare. Mos është fjala për drejtimin e xhamive nga imamët, muezinët, këshilli etj., se s’ma ha mendja të ndërhyhet në mënyrën se si falet xhemati i thjeshtë! Apo jam i painformuar? Nëse ideja është që KMSH ka të miratuar me statut ndjekjen e riteve sipas mez’hebit hanefi dhe imamët s’duan t’ia dinë për këtë punë, atëherë KMSH-ja i bie që të mos ketë nën kontroll xhamitë dhe në kushte të tilla, është normale që të gjejë instrumentet e duhura që do t’i sigurojnë këtë kontroll. Xhamitë e shpallura “republika të pavarura” nuk cenojnë vetëm myslimanët, por në mënyrë të tërthortë edhe krejt shoqërinë shqiptare dhe nëse për t’u hequr “pavarësinë” këtyre republikave duhet përdorur edhe policia siç u përdor vite më parë, për shembull, për të mbyllur shkollën e Cërrikut, teorikisht them se s’do të ishte keq. Në atë kohë qarkullonte një batutë se kur po falej një xhenaze, një nga “talebetë” e Cërrikut shkoi t’i thoshte H. Sabri Koçit: “E ku e ke delilin ti që po e fal kështu?” Sabriu i ndjerë hapi një herë sytë dhe e pyeti djalin: “Ku e ke msu fenë ti, mër bir?” “E kam mësuar në shkollën e Cërrikut.” “Mirë, shko m’Cërrik se po vij e po ta kallxoj delilin nesër”, – thuhet se i kishte thënë hafizi dhe të nesërmen i çoi policinë që i vuri drynin shkollës. 😀 😀 😀 Natyrisht, nuk ka qenë kaq i thjeshtë ky muhabet, por me gjithë “ndërlikueshmërinë” e vet, them se mbyllja e atij institucioni, që vepronte jashtë çdo kontrolli të KMSH-së, ishte e dobishme. “Po s’ishte e ligjshme”, – do të mund të thuhet. Për ta bërë të ligjshme, mjafton një avokat. Pa i hyrë interpretimit të ligjit, për të cilin s’jam i zoti, unë po shpreh vetëm gjykimin pragmatist se “goditja” ishte e nevojshme. Nëse KMSH-ja ia del ta bëjë këtë edhe me xhamitë dhe t’ua bëjë të qartë imamëve se nëse duan t’i organizojnë ritet sipas ixhtihadit të shkollave të tjera, duhet të heqin dorë prej drejtimit dhe të zënë vend në radhët e xhematit të thjeshtë, mirë do të bëjë. Po nëse pastaj është e vërtetë që marrëveshja e KMSH-së me shtetin konsiston në pengimin e besimtarëve të thjeshtë që të falen si t’ua ketë qejfi, kjo do të ishte çudia më e madhe! Mbase në dyert e xhamive do të duhet të vëmë nganjë dedektor elektronik gurësh për të kontrolluar shiitë eventualë që mund të përpiqen të hyjnë në xhami me ndonjë gur të Qerbelasë në xhep për ta vënë në sexhde kur të falen. 😀 😀 😀 (Këtë s’do ta bënte vetëm KMSH-ja, në fakt! Këshillat e xhamive do të kishin gatishmëri më të lartë! 😀 😀 :D) Gjithsesi, nuk e besoj të jetë kaq e thjeshtë. Ma ha mendja të jetë ajo e para, që imponimi është ndaj imamit dhe jo ndaj xhematit. Do thoni ju: “E pse habitesh ti me çudirat e KMSH-së?” Hmmm, ku e di unë i shkreti! Kur të thoni gjëra të tilla, të zhysni në mendime. 🙂 🙂 🙂

          • Pra Edvin ti i gezohesh mbylljes se medresese se Cerrikut? te duket arritje ty kjo? Po pse qenka problem nese nje imam apo keshill xhamie ndjek nje medhheb tjeter e jo ate hanefi? Nese shumica e besimtareve te nje xhamie ndjekin nje medhheb tjeter, dhe ata zgjedhin nje keshill qe i perfaqeson ata dhe medhhebin qe ata ndjekin, dhe natyrisht zgjedhin nje imam qe falet si ata, ca te keqe ka ketu? Pse u dashka te nderhyje KMSH? Prania e disa medhhebeve ne jurisprudencen islame eshte pjese e meshires se Allahut kam mesuar une kur kam qene i vogel, keshtu qe pse u dashka qe KMSHja ta kufizoje kete meshire? Ne duhet te kemi me teper akomodim te brendshem te diversitetit tone fetar e jo te krijojme korniza ligjore qe e shkelin kete diversitet.

          • O Arnaut, sigurisht Edvini e ka gabim, por jo totalisht ama. E para ai e ka gabim se me krahason te ndjerin Sabri Kocin me kete palacon qe eshte ne krye sot. Por ti nuk duet te harrosh se teksa te gjithe jemi dakort dhe eshte fryma ne kete blog per te njohur validitetin e shkollave legjitime te tradites fetare, shkolla si ajo e Cerrikut qe mbylli Hafiz Sabriu rahmet paste nuk kishin njihnin shkolle tjeter pervec vetes se tyre dhe nuk kerkohet zemergjeresi nga zemerngushti. gjithsesi keto jane histori te periudhes se pubertetit dhe keto qe ben sot Selimi nuk kane te bejne me hanefizmin se ai nuk e ka idene se cfare eshte hanefizmi apo cfaredolloj shkolle tjeter.

          • Diferenca mes nderhyrjes se H. Sabrise per me ja pre mjekren atij pseudomezhebit te Cerrikut, dhe ndonje mesymje te milicise prosomoziste (Selimiste desha te them) eshte se: atehere policia nderhynte pa ligj (allatalenance) per te kthjellu delilin, ndersa milicia sipas nje klauzole ne marreveshjen mes KMSH dhe shtetit, kur te nderhyj ne xhami qe te ndeshkoi (zap) firkan e rastit, do te bej njet me i’u ujdis imamit (Selimit), nese ne detashment ndodhet ndonji milice femer, do te vendosi nji cope ne koke(ne tekst qeveria ka kembegul te mos quhet ferexhe, ndersa KMSH burka. Pas negociatash ka triunfuar mendimi i R. Hasanaj qe te quhet beze) , nderkaq nje funksionar nga ata te kujdesshmit e KMSH do te testoje milicet te dera e xhamise me tub alkooli, se mos dikush nga ata ka thyer normen (nji teke raki rusi me mjes, nga ajo qi bon ruza kur e tun, ti djeg mikrobet)

  • Nuk kam pare ndopnje here ndo nje shkrim te hajrit te kjo faqa e-zani. Qe ne emer ja keni futur kot sepse si rregull shkruhet “Ezani” dhe jo “e-zani”.
    Si nuk ju vjen turp qe shaheni mes vedi. Duhet te mbrojhme njeri tjetrin dhe jo te shajme njeri tjetrin. Disa si puna juaj qe keni kete faqe dhe nuk pranoni Selim Muçen ne krye te KMSH-së. Me sa po shoh misioni juaj nuk qenka Islami por denigrimi i KMSH-së dhe udhehqësve te saj se mabse po mbështetni ndonjë lob që synon të “rrëmbejë” KMSH -në. Por Allahu(xh.sh) sheh dhe e mbron mësëmiri fenë e Tij, prandaj janë këto që jan sot në krye të KMSH-së. Elhamdulilah që këto dy vitet e fundit po rigjallërohet KMSH-ja dhe po i dëgjohet zëri, se më përpara ishte qelbur situata fare.

    • Nese ti nuk paske pare asnje shkrim te hajrit ketu, atehere Zoti na ruajt nga hajri jot.

      Ti, kendej i ben me turp administratoret e kesaj faqeje sepse, sipas teje shahen me te tjeret, nderkohe qe postimin e pare qe ben ketu e ke per te share. Nuk kam gje kundra sharjes ne vetvete, ka njerez qe e kane hak, por te shash pa teklif, duke dashur te luftosh sharjet, eshte nje prej absurditeteve qe karakterizon shume nejrez te indoktrinuar si puna jote ne rrethet muslimane.

  • Feruz efendi jo qe nuk kemi turp per keshtu punesh po hic, hic fare ama. Drejteshkrimin e emrit ndoshta do e kuptosh dhe ti ndonje dite po me lejo te te sygjeroj qe mbaj freret kur shpreh inatin ndaj faqes se e demonstrove menjehere tesren.

    • Perkundrazi, duke i rene Selimit ne bejme te ditur qe myslimanet nuk mbeshtesin korrupsionin, vjedhjen, ryshfetet e kryesise se tyre edhe kur kete kryesi e kane te faturuar nga qeveria. Ky eshte amanet profetik efendi dhe jo sulm ndaj fese se shyqyr Zotit Selimi nuk perfaqson bashkesine e myslimaneve shqiptare. Ai eshte thjesht nje uzurpator me direktive nga lart.

      • Leje se nuk e ka hallin tek Selimi Feruzi. E ka tek legjitimimi i lepepqeizmit nurxhi, ndaj turli fare soj zullumi. Kur dalin ca dhe e thone te verteten hapur, disa te tjere, qe e kane, fshehur vihen ne siklet.

  • bravo ezani. jeni njesha. allahu ju rujt dhe ju dhente sukses. mendimi inlektual te muslimanet mungon dhe ata qe jane pak intlektual i sherbejne teserave. une do ju beja thirrje lexuesve qe shkrimet e ezanit ti marrin si parime ne ideologjine dhe praktiken e tyre dhe jo vetem thjesht artikuj per tu lexuar. selam

    • Eshte e drejta jote te mendosh si te duash, vetem se, e drejta e mendimit nuk do te thote se ke mendim te drejte. Po ta shohesh problemin nga bodrumi i pub-it, normal qe tjetri mund te te duket ne maje te piakloit, por ky nuk eshte problemi i tjetrit. Eshte i yti qe i sheh gjerat nga shume poshte. Pervec kesaj, me e pafalshmja ketu eshte paaftesia jote per te kuptuar se bota nuk ka vetem nje perspektive, e aq me pak perspektiva e sakte nuk mund te jete ajo e coroditjes se sotme globale qe ka sjelle moderniteti.

  • Selam.

    i lutem administratorit t mos lejoje t ndyhet faqja me ksi diskutimesh si postimet e fundit m siper. N t kundert, esht i lutur t na shpjegoje urtesine q postime t tilla lejohen t dalin n faqe.

    • E vertete, po ky postimi i fundit per c’arsye lejohet?!

      Kush eshte urtesia kur lejohet qe cdo njeri te filloje e te jape mend se cilat jane qendrimet qe kjo faqe duhet te mbaje, cilat jane temat qe duhet te preke, cilet jane autoret qe duhen promovuar dhe ata qe duhen eleminuar, cilat jane komentet qe duhen lejuar e cilat jo.
      Dhe jo vetem kaq, por ky personi me siper psh. kujton se ka te drejte edhe te kerkoje hesap, te kerkoje shpjegime, te qortoje, e pse jo, te vendose edhe nota.
      Mesohuni o njerez te mos beni si brigadiere SMT-je apo si sekretare partie, se nuk ia ndjen kujt nese njerit i pelqen e tjetrit jo. Ne epoken e tregut te lire, sido qe te veproje kjo faqe, do te dalin disa qe do te kenaqen e do te dalin disa te tjere qe do te rrudhin buzet. Po kujt i behet vone per keto?! Gjithsekush ben ate qe mendon se eshte me e mire dhe as qe ia ndjen kujt se cfare thote njeri apo tjetri. Cdo oferte prodhon kerkesen e vet – thoshte Bismarku. Nese oferta eshte e mire, do ta gjeje vete kerkesen. Kujt nuk i pelqen, le te dale verdalle neper pazar e te kerkoje ndonje oferte me te mire.

      Mund te kete nje mije arsye qe administratoret lejojne nje koment: Per qef, per neglizhence, per gallate, per eksperiment, per respekt te lirise se fjales, per rrjedhoje te debatit, per qellime studimore psiko-sociale, per feedback, per te shmang nje rrace tjeter komentuesish qe denoncojne ate qe ata e mendojne si censure ndaj tyre apo edhe per te peshkuar ndonje tip qe e ka per zanat qenin roje, dhe futet ne blog vetem per te gjetur gabimet e rradhes, per gjithcka.
      Problemi eshte qe, kush je ti qe kerkon llogari?! Gjerat jane shume te thjeshta, nese nuk te pelqejne komentet, mos i lexo!

  • Perpara se t’i sqaroj rofeshates c’mendoj, do prisja me shum durim pergjigjen nga administratoret e faqes.

  • Your email address will not be published. Required fields are marked *