Turqit pushtojnë Xhaminë e Medresesë





E-zani.

Drejtuesit e Medresesë së Tiranës, nëpërmjet ndërhyrjeve në Komunitetin Musliman, kanë marrë në administrim Xhaminë e Medresesë duke shkarkuar imamin e saj Lulëzim Plloçin si dhe hatibin Ferid Pikun. Vendimi është marrë në mënyrë arbitrare, pa u konsultuar me drejtuesit e xhamisë, me këshillin e saj, e aq më pak me besimtarët që falen në të. Burime nga Komuniteti Musliman bëjnë të ditur se imamit dhe hatibit u është komunikuar me gojë largimi prej detyrës, ndërsa nuk dihet nëse ka ndonjë dokument zyrtar për këtë. Gjithçka është bërë nga Medreseja e Tiranës, më saktësisht Fondacioni turk SEMA, me pretekstin se kjo medrese ka nevojë për një xhami ku nxënësit të ushtrojnë praktikat e tyre mësimore, ushtrimin e ligjërimit.

Ky akt përbën një precedent të rëndë, jo vetëm për arbitraritetin me të cilin një grup i vogël, pa lidhje me traditën fetare Islame ne Shqipëri, qeveris besimtarët, ndonëse i përket një rryme të ndryshme nga ajo tradicionale si dhe nga ajo çfarë paraqesin besimtarët muslimanë sot, por edhe për faktin se ai u heq besimtarëve një prej xhamive të rëndësishme të kryeqytetit. Vendimi i jep Xhamisë së Medresesë statusin e një objekti praktikash mësimore kursantësh, duke e zhveshur nga ai i një objekt të mirëfilltë kulti në shërbim të qytetarëve. Tashmë i bie që kjo xhami, të mos jetë më xhamia e lagjes së kësaj zone të Tiranës të njohur si “Medreseja”, por të ketë statusin e një kabineti praktikash mësimore, njësoj si laboratori i kimisë, fizikës, punës me dru, apo si palestër shkolle, ku medresistët kanë mundësi të mësojnë dorën, për të marrë vlerësimin përkatës me notë në lëndët fetare të kurrikulës shkollore. Kjo do të thotë se tashmë do të kemi një xhami më pak në kryeqytet dhe besimtarët e thjeshtë, të cilët, sipas KMSH-së, do të vazhdojnë të kryejnë ritualet e tyre në këtë xhami, i bie të konsiderohen objekt i ushtrimit të praktikave mësimore.

Në fakt, vendimi përbën një shkelje të rëndë në lidhje me statusin e xhamisë të përcaktuar ligjërisht brenda KMSH-së. Xhamia nuk ka qenë pjesë e medresesë, por ka qenë historikisht në varësi të Myftinisë së Tiranës. Kur turqit morën medresenë (gjë që u bë nën indinjatën e plotë të të gjithë besimtarëve të xhamive), xhamia nuk ka qenë pjesë e kontratës, e cila ka vazhduar t’i mbesë myftinisë. Gjithçka është bërë nëpërmjet një marrëveshjeje gojore, rreth katër vjet më parë, kur medreseja kreu disa investime për të rregulluar mensën e shkollës, duke spostuar xhaminë në një hapësirë tjetër. Imami i saj atëherë ra dakort me ndryshimet, për hir të nevojave të medresesë, pa e ditur se çfarë planesh do të kishin më vonë drejtuesit e saj. Tashmë, territori i xhamisë, është brenda territorit që në kontratë figuron nën administrimin e medresesë. Kjo është përdorur si argument për të ushtruar të drejtën marrjes nën administrim të kësaj xhamie, ndonëse, ligjërisht do të duhet që, xhamisë t’i rikthehet mjedisi i mëparshëm, për të qenë korrekt me rregullat.

Gjithkush e kupton se ky akt, nuk ka të bëjë aspak me çështje të rritjes së performancës së nxënësve të medresesë, të cilët, sipas asaj që është shfaqur në një emision në Top Show, thuajse tërësisht nuk kanë ambicie për t’u bërë hoxhallarë, por aspirojnë të vijojnë studimet në fusha të ndryshme si mjekësi, juridik, ekonomi etj. Eshtë e qartë se gjithka është pjesë e një strategjie afatgjatë të turqve gylenistë, për të uzurpuar hapësirën fetare muslimane në Shqipëri, duke spostuar gradualisht elementin autokton. Ky është një projekt që ka kohë që vepron dhe tashmë duket se po synon të shtrijë sundimin e tij kudo. E gjithë kjo përbën një situatë të rëndë ku muslimanëve shqiptarë vendas po u mohohet çdo hapësirë dhe mundësi organizimi e përfaqësimi. Atyre po u imponohen institucione dhe autoritete të huaj që nuk kanë botëkuptimet, ndjeshmëritë dhe aspiratat e besimtarëve vendas, gjë që përbën një situatë diktature ndaj Islamit në Shqipëri. Në këto kushte, shprehim indinjatën tonë ndaj projekteve të tilla, shtypëse dhe përçarëse, të cilat u imponohen me të padrejtë besimtarëve. Jemi krejtësisht të hapur dhe mirpritës ndaj çdo projekti që synon të promovojë vlera dhe kulturë në Shqipëri, duke përfshirë këtu edhe aktivitetin gylenist. Por nuk mund të pranojmë axhenda të tilla, të cilat i realizojnë projektet dhe qëllimet e tyre fraksioniste duke përdorur, nëpërmjet makinacioneve, institucione që nuk u përkasin, për më tepër kur i shndërrohen këto institucione në struktura që imponojnë përdhunshëm verdiktet e tyre të padëshiruara në bashkësinë e besimtarëve.

Comments

  • Nese ne xhami do te vazhdojne te kryhen lutje islamike, nuk ka arsye pse te perdoret fjala “pushtim”, a thua se xhamine e mori armiku. Parregullsite mund te pershkruhen edhe me nje gjuhe me neutrale se kjo me pushtues turq. Nga ana tjeter, titulli me pushtues turq justifikohet vetem nese shumica e turqve eshte ne dijeni qe Xhamia e Medresese u pushtua prej tyre. Nderkohe, ju e dini se turqve nuk iu mor leje per kete veprim tek MEdresaja, prandaj nuk kane pse permenden kolektivisht. Padashur, me duket se kemi te bejme me nje stigmatizim e pergjithsim, te paqellimshem sigurisht. Nuk ka asgje posacerisht turke ne uzurpimin apo shkeljen proceduriale ne lidhje me pezullimet e imameve e muezineve ne kete xhami. Ndoshta nje titull tjeter, me pak problematik, do kishte qene me me vend

    • Ata te Lidhjes e shpenzojne kohen e tyre te vyer duke demaskuar shijate dhe duke kundershtuar “rrymat” qe percjellin ide rreth barazise gjinore…

  • Cfare eshte kjo keshtu, te largosh nje imam nga vendi i punes, se ka punuar mire, kjo nuk eshte politike, kjo eshte te percash xhematin. imam Luli ka punuar se bashku me hoxhe Feridin per t’i dhene sa me shume xhematit, dhe kjo ka kaq vjet qe duket. une do t’iu propozoja juve te ezanit qe te hapni nje faqe per peticion ne mbrojtje te imamit, dhe ta nenshkruajme te gjithe.

  • Ketu s^ka asgje te paqarte.Xhamiat jane te Turqve dhe te Arabeve.Edhe nese Shqiptaret vet me mjete te tyre vetanake ndertojne objekte te iilla ato u takojne te huajve.Kjo vlene per te gjitha objektet fetare ne Shqiperi te te gjitha feve te huaja.Kjo eshte sikur Flamuri Shqiptar qe s`guxon te quhet i Kosoves!Pra SHQIPTARET nese duan te kene mundesi te ushtrojne fe,ata duhet te ndryshojne edhe Xhamia,edhe Kishat edhe gjuhen e predikimit edhe brendine e mesimit fetar.Pra duhet,ne mos krejte te krijojne fe te re,se paku 40 % te thelbit fetar duhet te ndryshohet nga fete e huaja.Thene me hapur Planprogrami i mesimit fetar duhet te jete i ndryshem me ato te te huajve.Edhe Objektet fetare duhet te ndryshojne ne pamje nga te huajat.Perderisa kjo nuk behet,asnje Objekt fetar ne shqiperi nuk eshte autokton as vendas por i atij qe e ka zbuluar at PATENT i pari!Ne kete rast shqiptaret e kane gabim.ZOTI i huaj nuk te mbrone tye por i yti.Jo me kot ata e kane krijuar Zotin e tyre dhe ju detyrojne juve ti sherbeni!

    • Tek cila xhami shkoni ju Murtez per te premte? Ku e keni pare ju se hoxha flet gjuhe tjeter vec shqipes? Vetem kendimi i Kuranit behet ne origjinal, gjithe predikimi eshte shqip. Murtez: njeriu para Zotit eshte i barabarte dhe i njejte me cdo njeri tjeter: ne kete permase universaliste vjen edhe nje gjuhe e perbashket e librit te Zotit, per gjithe njerezine. Me ngushtesisht, jemi shqiptare dhe duam te merremi vesh me sho-shokun, brenda kultures e zakoneve tona – ne kete permase kemi predikimet shqip te hoxhes ne xhami. Kur lutemi per shpirtin tone, flasim te gjithe me Zotin, barazisht, i bardhe e i zi, shqiptar a kinez. Kur hoxha na porosit per punet e mira e per te dashur njeri tjetrin, na flet ne gjuhen e nenes, edhe Kuranin ne ate gjuhe na e perkthen.

      NE nuk i sherbejme askujt, as turkut as amerikanit, por i sherbejme Zotit per te pastruar e shpetuar shpirtin, kaq o Murtez. MOs te sherbejne ca incidente banale per te prodhuar urrejtje kot per vende dhe popuj

    • Murtez, A eshte ky emri yt i vertete apo pseudonimi i ndonjerit qe Islami ia ze syte? A jeton ne realitetin shqiptar ti apo jo? Nese ka mangesi dhe sigurisht qe ka mangesi dhe paaftesi ne drejtimin e KMSH, mos ia mvish keto probleme te huajve por shqiptareve vete. Nese nuk shkon ne ndonje xhami, te ftoj te shkosh ne Medresen e Tiranes, kur te flasin Lulzim Plloci e Ferid Piku, atehere do ta shohesh nese flitesh shqip apo “serbo-kroatisht”. Nese mendon te nxjerresh ndonje ligj te ri per leximin e Kur’anit ne shqip, dije se Ataturku ka kohe qe ka vdekur dhe madje as nuk eshte varrosur se nuk e ka pranuar varri. Po qe se te intereson te dish detaje mbi kete pike, atehere lexo me shume e mos na trego arabet e turqit ne Shqiperi.

  • Pertej vleresimeve pa vend te Hafsase, me te cilat jemi mesuar tashme, me duhet te them se, edhe ne qofshim te infektuar me mentalitet komunist, shqetesimi qe ne po ngreme eshte shume me i rendesishem sesa problemet e mendimeve tona. Ketu po bejme fjale per shkarkimin e Imamit dhe Hatibit te nje xhamie pas asnje shkak, me te vetmin motivacion, se nuk jane nurxhi. Gjithcka behet me qellim qe nje rrjet i caktuar njerezish te shtrijne sundimin e tyre, duke spostuar imamet ekzistues. Neqoftese Hafsane apo ndonje tjeter e shqeteson me shume menyra sesi mendojme ne sesa veprimtaria uzurpuese e nurxhinjve ne sulm kundra elementeve klerikale autoktone, nuk di c’te them me tej.
    Me duhet te sqaroj gjithashtu se ne nuk kemi urrejtje ndaj askujt dhe sigurisht as ndaj nurxhive. Ne reagojme ndaj nje akti padrejtesie dhe gjuha jone e ashper buron nga niveli i abuzivizmit te veprimtarise qe denoncojme. Ju garantojme se nuk do te thonim asnje cerek fjale ndaj nurxhive, nese ata nuk do te perdornin mjete te tilla te shemtuara per realizimin e aspiratave dhe objektivave te tyre, por do te zhvillonin veprimtarine e tyre ne pune te vet, pa pushtuar institucione, pa perfaqesuar me te padrejte grupe fetare, te cileve nuk u perkasin.
    Ne lidhje me ate qe thote Shqipnia Etnike se, turqit e sollen Islamin dhe se po marrin ate qe u takon, kjo me duket krejtesisht jashte parimeve tona fetare. Eshte elementare te theksojme se Islami eshte feja e Allahut dhe jo e tuqve, arabeve apo kujtdo tjeter. Po te jete keshtu, sauditet do te kishin te drejten te pretendojne te qeverisin te gjithe boten islame. Por ne i besojme Allahut, ne pavaresi se cfare mendojne apo duan njerezit, kushdo qofshin, turq, arabe, kineze, europiane, amerikane etj. Pervec kesaj, konstatoj se kjo fjale nuk ka as parimet me elementare te lirise se te besuarit, duke pranuar imponime te huaja, vetem sepse disa qindra vjet me pare, ata kane ndikuar ne konvertimin e shoqerise shqiptare. Mbi te gjitha, duhet thene gjithashtu se Islami ne Shqiperi ka hyre qe perpara turqve, nepermjet misionareve te ndryshem. Ka deshmi historike per kete. Pertej ketyre, duhet thene gjithashtu edhe se Islami shqiptar qe ka ardhur nepermjet Perandorise Osmane nuk ka qene islam nurxhi. Nurxhizmi eshte fenomen i koheve te vona, i lindur ne nje situate diktature ataturkiste dhe nuk ka lidhje me Islamin osman.
    Se fundi, e vleresoj nderhyrjen e komentuesit te pare “Pushtues dhe administratore”, dhe me duhet te sqaroj se ne nuk i perziejme te gjithe ne nje kallep. Eshte e vertete se Islami turk nuk eshte i gjithi nurxhi, por ajo eshte thjesht titull, i cili synon te etiketoje nje realitet, pavaresisht se nuk eshte teresisht ashtu. Ne vete kemi botuar ne kete blog, artikuj ku kemi sqaruar kete dallim. Por, kur ne themi “turqit”, kemi parasysh nje grup te caktuar qe vepron ne Shqiperi dhe jo te gjithe popullin turk. Kemi para sysh, turqit e Komunitetit Musliman, te cilet administrojne edhe Medresene e Tiranes. Realisht organizata qe administron medresene dhe qe ndermerr veprimet ne KMSH, nepermjet njerezve te saj te integruar ne poste te larta ne kete institucion, eshte nje organizate turke, e cila mbron interesa te ngushta te rrymes se saj gyleniste. Jo vetem kaq, por ata u mesojne medresisteve turqisht, duke lene anash arabishten si gjuhe e fese, u mesojne koreve te medresese te kendojne himnin turk, i dergojne shume prej tyre te studiojne ne Turqi, u flasin dhe mesojne per kulturen turke etj. Nga ana tjeter, ne Shqiperi, Islami turk, perfaqesohet thuajse teresisht nepermjet nurxhizmit. Atyre ua kane lene kujdestarine dhe perfaqesimin e veprimtarise e muslimaneve turq ne Shqiperi, dhe per kete arsye nurxhite identifikohen si te tille, pavaresisht se realisht jane thjesht nej rryme e vone qe nuk eshte vertete Islam turk. Por ne po flasim per turq konkrete dhe jo per Islamin turk.
    Gjithashtu, duhet sqaruar se ne nuk kemi marre para sysh te perfaqesojme Islamin autokton, por thjesht po reagojme kur muslimaneve vendas u imponohen politika, kultura, dogma dhe interesa te huaja.

  • Kjo demokracia per hir te demokracise sikur nuk shkon. Si nje lexues i thjeshte i ketij blogu simpatik me vrasin syte komentet vulgare dhe pa lidhje me temen si te disa komentuesve me siper. Administratoreve te blogut nuk duhet tua ndjeje fare se po censurojne komentues e komente te tilla. Tek e fundit do i benin nje favor lexuesit te thjeshte duke i kursyer kohen dhe irritimin.
    Ne lidhje me shkrimin duhet thene se tema qe prek eshte shume delikate dhe duhet ti shqetesoje muslimanet shqiptare. Ky hap i turqve eshte pertej limiteve qe duhen toleruar ndaj tyre dhe uroj qe xhemati i xhamise se medresese mos ta lejoje uzurpimin qe po i behet xhamise. Gjithashtu, kjo levizje e gylenisteve duhet te shqetesoje jo pak edhe xhematet e xhamive te tjera duke qene se kjo praktike mund te kthehet ne nje precedent i rrezikshem per te ardhmen. Edhe pjesa e imameve qe jane pjese e strukturave te kmsh duhet te reagoje ndaj ketij sulmi kundra hoxhallareve shqiptare.

  • Më duket se në këtë punën e përplasjes mes KMSH-së dhe “xhamive” po gjen tenxherja kapakun. Ishte një kohë që “xhamitë” shpallën pavarësinë nga KMSH-ja dhe KMSH-ja merrej vetëm me “intriga oborri” duke krijuar lobingje e duke ngritur e ulur duar në institucion për të caktuar njerëzit më të pazotë për punë, por më të zotë për të ruajtur karriget e veta, për të drejtuar institucionin që s’kontrollonte dot xhamitë. Ndërkohë, xhamitë “e pavarësuara” kishin nisur gjithashtu përpjekjen për t’u bërë pjesë e lobingjeve që të “pavarësonin” edhe institucionin duke e futur në varësi të vet.

    Mirëpo ia tek ia behën ca turq që ishin edhe më të regjur për këto punë. Si hap të parë, kapën KMSH-në (duke pasur parasysh kujt ia morën, s’di mund të them se shkaktuan ndonjë dëm). Në mungesë të mbështetjes së xhematit, që është edukuar në kudhrën e xhamive “të pavarësuara”, turqit e rinj (por jo “xhonturqit”) u përpoqën të shtrinin autoritetin e tyre (lexo: të KMSH-së) ose të KMSH-së (lexo: të tyrin) nëpër xhami duke shkarkuar imamët e “pavarur” e duke caktuar imamët e KMSH-së, por u përballën me një të papritur: imamët nuk iknin. “Na do populli”, – thoshin (më herët na kishin thënë se demokracia është haram dhe se në Islam nuk pyetet populli, por prijësi).

    Kjo përplasje, në opinionin e thjeshtë, u pasqyrua së paku me kalendarin e faljeve të KMSH-së që nuk përkon me oraret e xhamive, me Ramazan e Bajram që nuk përkonin me agjërimin e xhamive, të mos flasim pastaj për faktin që KMSH-ja impononte me statut zbatimin e riteve sipas medhhebit hanefi (thoni po të doni “turqeli”), ndërsa xhamitë drejtonin e drejtojnë xhematin në rite sipas medhhebit të të pamedhhebve…

    Por natyrisht, turku është “skile e vjetër” për këto punë, sepse ka përvojë më të hershme se kjo jona. Kështu që po gjen dalëngadalë mënyrat e veta për t’i vënë xhamitë në kontroll të KMSH-së. Prisni dhe pak, kur Bedriu (=Universiteti “B-E-D-Ë-R”) të nisë të nxjerrë kuadrot e parë. Atëherë edhe xhemati do të jetë shumë më ndryshe nga ç’është sot dhe nuk do t’i dojë imamët kaq fort sa ç’i do sot, sepse turku do të tregojë kujdes që edhe hoxhallarët (=teologët?) e rinj që do t’u sjellë, t’ua sjellë gjithsecilit nga fshati i vet.

    Kështu, në gjithë këtë avaz, mund të thuhet se po gjen tenxherja kapakun dhe se askush nuk është pa kusure. Po nëse, si hap i parë për kthimin e normalitetit, mundësohet që xhamitë të jenë nën kontrollin e KMSH-së, s’është ide e keqe.

    Në rastin konkret, duket se turqit do ta kenë marrë me mend që shkarkimi i imamit nuk do t’u vlente për gje, sepse imami do të qëndronte në detyrë me mbështetjen e “masave popullore”. Atëherë kanë gjetur një mënyrë makiavelike për të vënë nën kontroll xhaminë. A e kanë bërë keq apo mirë? Ehhh, sa relative janë e mira dhe e keqja!

    Kam kureshtje dhe pres me durim të shoh se cilat janë mënyrat që do të përdorin turqit për të vënë nën kontroll xhamitë e tjera “të pavarura”, por të them se kjo situatë më shqetëson shumë, s’e them dot (në fakt, s’them dot as që s’më bëhet vonë fare), sepse duke parë alternativat, nuk më duket se xhamitë do të administroheshin më mirë nëse do të ishin nën kontrollin e “masave popullore” dhe të imamëve që “i do populli”, krahasuar me xhamitë që do të synojnë t’i drejtojnë turqit.

    Pavarësisht gjithçkaje, unë besoj se më e mira do të ishte që:

    1. xhemati të kishte nivelin e duhur kulturor e arsimor dhe etikën e duhur për të ushtruar kontroll mbi KMSH-në;
    2. KMSH-ja të përbëhej prej njerëzish që xhemati (i pikës 1) i do dhe i zgjedh që ta përfaqësojnë;
    3. xhamitë t’i administronte KMSH-ja dhe jo tjetërkush (përjashtoj këtu xhami e salla faljeje që mund ndërtohen nga individë me nisma private).

    Por për të qenë realist, e kuptoj se situata nuk mund të jetë kaq ideale në kushtet tona, ndërsa nuk e di nëse nisja nga pika 3 (pra nga fundi apo, në dukje, së prapthi) është ajo e duhura. Po as nuk di të them nëse është e panevojshme.

    Shkurt, në kushtet kur përpjekjet “imperialiste” të turqve të rinj (jo xhonturqve) nuk përballen me ndonjë alternativë më pak “imperialiste” apo më shumë shqiptare dhe në realitetin kur filozofia e tyre e administrimit të institucioneve nuk përballet me ndonjë filozofi më serioze (në fakt, nuk përballet me kurrfarë filozofie), pëlqej të mendoj se, së paku, e-zani po bën një oponencë të dobishme që do t’i shërbejë KMSH-së për të kuptuar se i takon të punojë më seriozisht për të rritur cilësinë e vet. Fundja për një gjë jam i sigurt: pavarësisht se KMSH-ja (lexo: turqit e rinj) dhe të zgjedhurit e xhematit (lexo: selefinjtë) veprojnë me metoda të ngjashme dhe shpesh njëlloj makiaveliste e jashtinstitucionale në “betejën institucionale” me njëri-tjetrin, nëse ndodh që turqit “nurxhinj” të shtrijnë kontrollin e tyre nëpër xhami, nuk do të përpiqen t’i mësojnë xhematit që pas namazit, të bëjë duatë dhe tesbihatet e shkurtra e të gjata të Said Nursiut.

    Veç kësaj, më në fund, edhe ne, xhemati i thjeshtë që s’përzihemi as me KMSH-në e as me “teologjinë e çlirimit” të xhemateve të xhamive (ose më saktë, ne që përzihemi nga pak me të gjithë!) do ta dimë se në ç’datë nis Ramazani, në ç’datë bëhet Bajram, në ç’orë falet jacia e në ç’orë hyn sabahu.

    Atëherë, sipas rastit, me dashamirësi e mirëkuptim për të gjitha palët që duan të kapin KMSH-në (qoftë për turqit që thonë “po e lamë ne, e marrin selefinjtë!”, qoftë për selefinjtë që thonë “po e lamë ne, e marrin bidatçinjtë!”), me shpresën se të gjitha përpjekjet nuk i bëjnë për karrigen e vet, por për të mirën e Fesë dhe si rrjedhim, do të shpërblehen një herë nëse veprojnë keq e dhjetë herë nëse veprojnë mirë, më mbetet të them vetëm të famshmen “elhamdulil-Lah ala kul-li hal” dhe të pi i qetë kafenë time turke, të shoqëruar me pak tiramisu nga të “llatinit” dhe në fund, të freskohem me një gotë ujë Zemzemi, të sjellë nga Arabia Saudite me avion të “Emirates Airways”. 🙂 🙂 🙂

  • Procesi i gjonturqizimit te Shqiperise ka filluar me hapa galopante, nderkohe komentuesit merren se me cfare fonti ka shkruar artikullin E. M.

    • Po ku ka filluar ky procesi i gjonturqizimit o mik? Turku vazhdon te mbetet hasmi mesimor i cdo shqiptari, kultura dhe fjalori politik mbeten te dominuara nga anti-turqizmi, haptas dhe me pak haptas, kursi ti thua gjonturqizimi… Gjonin po e shoh perdite e me shume te zyrtarizohet ne Shqiperi, cep e me cep, po kete turqizmin sikur nuk po ma ze syri fort

      • Po ky eshte problemi. Turqit i duan thjesht me mbajt peng xhematin. Nurxhinjte nuk kane per qellim te ndihmojne muslimanet ne Shqiperi, por t’i sundojne ata. Politikes i intereson nje grup qe u jep muslimaneve valium duke i bere qe te gjitha hallet t’ua besojne abilereve me kallare qe ngrofin karriket dhe vetem zbatojne urdherat qe vijne nga Pensilvania.

  • E kush do te munde te ligjeroje aq embelsisht, njerezisht ,gati hyjnisht Ajetet Kuranore ,pervec hoxhe Feridit dhe imam Lulit.
    …ulur mbi shilten e gjelber, rrethuar nga te kater anet me motra myslimane, emocionet ne qenien time skane te sosur.Permes zerit te bute, te embel,te ngrohte te imamit vershojne dhe njomeshtojne zemren time te etur Ajetet Kuranore: …All-llahu i do durimtarët… All-llahu i do bamirësit
    …All-llahu i do të drejtit. …All-llahu nuk ua humb shpërblimin veprimmirëve
    …All-llahu i do ata që mbështeten tek Ai…

  • Te nderuar komentues!

    Meqenese keni deshire te shprehni mendimin tuaj, jeni te lutur te respektoni temen dhe etiken e diskutimit. E.zani eshte i hapur per diçka te tille.

    Ne te kundert, nese keni deshire te lini thjesht gjurme, ku ofendohen autoret dhe i kerkohet llogari blogut, ju keshillohen dekoracionet epigrafike ne muret e pallateve te Tiranes, ose ne ndonje qytet ku mungojne dhe mund ta pasuroni.

    Ne sherbim te klimes se diskutimit, jemi te kushtezuar t’i moderojme komentet. Sigurisht, kjo nuk nenkupton nivelin, por etiken.

    Faleminderit per mirekuptimin

  • Selam te gjitheve !

    Shkrimi i Camit mu duk realist, vetem se do te propozoja jo vetem ndarjen bardhe e zi (Selefinj dhe Gylenxhinj) dhe edhe disa “ne mes”, qe do ishte me vlere t’i behej edhe atyre nje skanim.

  • Nuk është se e mohoj atë që thotë Fatihu se ndarja nuk është vetëm mes arapçinjve dhe turqelinjve, por po t’i hyjmë edhe asaj analize, i bie të zgjatemi në ca hollësi që do të hapin më tej debate e diskutime të reja dhe me thënë të drejtën e kam me shumë përtesë. 😀 😀 😀 Gjithsesi, e kam përmendur atë “shtresën gri” njëfarësoj duke u rrekur të përshkruaj jo pa synim vetëkritik veten në atë “mes”; prandaj e bëj atë përshkrimin e “nefsit” tim pasiv e kafepirës, që teorikisht s’është me asnjërin, por që praktikisht është me të gjithë. 😀 😀 😀

  • Selam heqa e njerezeve nga puna,sidomos imameve dhe teologeve ne menyre arbitrare mbasi kane nje jete qe investojne ne kete fushe sic eshte rasti i xhamise se medresese eshte mos respektim i te gjithe atyre imameve qe jeten e tyre megjithe pagave poshteruese ia kan dedikuar Zotit.Kjo lloj forme e te vepruarit tregon verberim dhe jo maturi nga drejuesit aktual te kmsh.Keto veprime duhen ndjekur ne menyre institucionale qe mso te perseriten me fenomenet e shkuara..Lusim Allahun qe e drejta te shkoi ne vendin e vet.

  • Nese do te shprehesha per kete ceshtje, do te thoja se askush nuk duhet te mendoje se mund te dale mbi planin e Zotit.

    Ne kete kohe te turbullt, ne vend qe te shohim cfare kemi gabuar gjithsecili, turremi te shohim ku kane gabuar te tjeret.

    Meqe cdo gje ka kuptim, besoj se te gjithe duhet te mundohem ta rrokin ate kuptim, me sa te munden.

    Me i gjetur me duket postulati i mendimtarit musliman Abdul Hakim Murad, ‘aktivistet muslimane do te kete sukses vetem kur te kuptojne se historia eshte ne duar te sigurta’.

    Pra, ne fabula te tilla nuk shoh ndeshjen midis armiqve dhe shpetimtareve, por thjesht perplasjen ndermjet grupeve qe besojne, nga cfare shohim, se ata, ne menyre ekskluzive, perfaqesojne kuptimin e vetem te drejte dhe te vertete te Islamit.

    Por ‘historia eshte ne Duart e Providences’ dhe jo te vetebesimit apo planit te secilit prej nesh, njerezve.

    • vehap! ketu nuk ka perleshje “mes armiqsh dhe shpetimtaresh” por ka nje arrogance nga nje pale drejtuese e zgjedhur ne menyre jolegjitime ndaj xhematit te nje prej xhamive te tiranes duke kerkuar te shkarkojne imamin dhe hatibin ne menyre arbitrare dhe pa asnje lloj argumenti.ekskluzivizem apo vetpelqim per mbajtjen e pishtarit te fese se Allahut me thene te drejten une nuk shoh asgjekundi…

  • Selam vellezer e motra. Deri kur do te vazhdojne te perdhosin Islamin dhe vlerat e tijj ata qe “Dretojne”. Me cfare motivi pushohen nga detyra dy kuadro te KMSH?? Kush guxon te luaje me emrin e Myslimaneve Shqiptare? Me gjithe respektin per perpjekjet e herepashereshme pozitive te turqve ne Shqiperi, mendoj se nuk eshte aspak e drejte ajo cfare ata po bejne ne Medresen e Tiranes. Fillimisht e moren Medresen me dredhi dhe ne vend te funksioni te saj si nje Medrese Islame e kthyen ne Kolegj Turk, duke demtuar keshtu shume rende infrastrukturen fetare ne vend. Te dy, Imami dhe Hatibi i Xhamise se Medreses, dallohen jo vetem per profesionalizem, por edhe per menyren e shkelqyer ne maredhenie me publikun. Komuniteti Mysliman duhet te mbaje qendrim ndaj kesaj shkelje ligjore. Po keshtu ftoj Imamin dhe Hatibin te mos terhiqen nga detyra derisa t’u dorezohet vendimi me shkrim, bashke me motivet e largimit nga puna. Ky nuk eshte vecse TURP. Te largohen nga puna, pse nuk jane shkolluar ne Turqi dhe nuk jane adhurues te HOXHEM?? Shoqata qe administron Medresen nuk eshte pronare e Medreses dhe as fese ne Shqiperi. Aaaaaaa, ne qofte se ka ndonje shkelje nga ana e drejtuesve te xhamise, qe ne xhemati nuk e dime, atehere bujrum na e thoni. Pra, po qe sa per faktin; ngrihu Hoxhe te ulet prifti, atehere s’ka arsye zevendesimi i tyre. Mos valle te studiosh ne Turqi, te ben me profesionist ne fe se sa ata qe kane studiuar ne vende te tjera Islame? Eshte e njohur tashme strategjia e turqve, qe pushojne nga puna te gjithe ata qe kane studiuar ne vende te ndryshme Islame, per ti zevendesuar me studente “te tyre”, qe per fat te keq turqit i trajtojne si ….. nejse s’po dua te perdor ndonje fjale jo te kendeshme, se nuk dua te prek askend, por kjo eshte ulje e vlerave islame te te gjithe botes dhe ngritje e islamit sipas stilit turk……. kjo eshte ajo qe bejne turqit jo vetem ne kete rast.

  • leksioni i kesaj qe ka ndodhur eshte i qarte:

    Kush tregon qytetari dhe vepron sipas rregullave, komuniteti e shkel me kembe: me ata qe bejne zhurme dhe rezistence, qe bejne karshilleqe, protesta e greva urie, komuniteti zbrapset me bisht nder shale.

    Nuk kane qene ndonjehere burra qe te behen sot.

  • e ku je o shqiptar bir shqiptari, te hongert goja mjalt, qe keshtu funskionojne punet ketu tek na, shqiptarce, me dajak,me ulurima macesh qe bucasin si luaner, ene prandaj si turku , si italioni si gjermoni si kallam kusuri sbojne dot pushtet ketu tek na, shqipetaret vetem shqiptaret dine me i qeverise njeashtu me te futme, ska rob ne dynja qe di me i vu ne rresht shqiptaret vec shqiptarit, keshtu qe mo e vrani mendjen, se no shqiptaret jena si ata qe lu me letra te hapme ene prap e fito lojen. he mor bab kur te qytetrohena ne atehere kane per te na pushtu me gjithe mend, por shyqyr Zotit ene per ca kohe do ta kena fatin me qene koke shqiptari e deri atehere kushedi se sa pushtues kane me ardhe e kane hike ketu tek na, keshtu qe ne gjithmone kena qesh kur sqajshim dot, se e qamja ne fakt i bo qejfin “armikut” ene na zbulo taktiken tone te fshehte qe sna e ka morr vesh kush deri me sot.

  • Kjo e shkruajtura me metafora, ka te miren se edhe repliken e shtyn ” ne mekat “, madje kesaj here une po cuditem me varferine e temave, fyerjeve dhe ndertimit te prapaskenave. Vetem larmia e pseudonimeve eshte me tepri, praktike qe besoj se duhet te marre fund.
    Ja disa prej titujve, qe besoj se jane te mundshem te pasonin kete shkrim : ” pushtim apo clirim ” , “na duhet nje skenderbe” , ” pushtimi i shqiperise filloi nga dibra” , ” a do tradhetoje perseri moisi golemi” etj etj.
    Po tju shtojme ketyre titujve, edhe analiza qe jo rralle po behen neper rrjete te ndryshme sociale, dhe qe jo rralle i gjejme edhe ketu, nuk do te pijne me uje, thirrjet per permbajtje etike, mosfyerje etj.
    Sa me serioz te jete blogu, aq me te nderuar do te jene adminet, dhe tek e fundit ky do te ishte vertet nje ze ndryshe ne rrumpallen virtuale.
    Per sa i perket temes, i takon perseri ” gazetes online” qe te percaktoje frymen e artikullit, investigues, infomuers, shantazhues, opinion, etj
    Problemi eshte se kater lojtaret e kesaj meseleje : kmsh, medrese, imam, xhemat, kane shume vite qe e kane bere shume te qarte dhe publike, stilin e punes, qendrimin ndaj fenomeneve dhe nj – tj, keshtu qe cdo informacion mbi mardheniet e ketyre paleve duhet me reference te sakte, dhe cdo ngarkese emocionale duhet te mos preke ” harmonine” ose te pakten te buroje prej paleve.
    Perndryshe

  • Perndryshe, shkrimi i perngjet rolit te sehirxhiut te papune, qe shyqyr qe ndodhi dicka qe te shtyjme diten.
    Nqs keshtu edhe une si Vini, po e pi nje turke

  • Turqit po i cojne xhematin shqiptar ne nje ndasi te madhe deri dje skishin xhemat turk tani vendosen tu bien gjerave nga koka duke pushtuar KMSh vec kesaj here jo me jenicere shqiptare por me jenicere turq.Mirepo ne Shqiptaret e kemi administruar Turqine per shekuj me rradhe nen hyqmin e Sulltanit keshtu qe kur Sulltani do i largoj shqiptaret nga pjesa e vet shqiptaret shenderrohen ne “Bej” pa Skender kesaj rradhe duke e administruar Islamin instucional shqiptar ne 100 mynyra te tjera duke filluar nga musalatat, shoqatat, televizionet etj por kjo do sjelli luften midis turqve dhe shqiptareve saqe ne popull sdo kishte derman ndryshimi i historise nga qeveria.
    Shqiptaret kane kerkuar shkeputje nga davoleti dikur por mund ta bejne kete me shume mynyre te tjera saqe Perandorise Osmane sdo ti shkonte ndermend duke perjashtuar shembullin e Qemalizmit meqe ky i fundit kishte origjine shqiptare.Keshtu te nderuar Turqeli dhe KMSh-iste nese prishni harmonine e paqes se krijuar deri tani ne shqiperi do filloj rilindja te ngrej zerin por jo si rilindje laike por si rilindje islame. Nese turqve u duhet patjeter xhamia e Medresese le tu jape ,z. Piku, xhamine e Etem Beut ne administrim, ne te kundert do mendojme se lufta e ftohte turke shqiptare sapo ka filluar.

  • Me duket se po e rendoni diskutimin, ose, me mire te themi, po lexoj vetem emocione te galvanizuara dhe shume pak mendime. Kjo hipoteza e levizjes neorilindese per te perjashtuar turqit del teresisht jashte logjikes.
    Pergjithesimi ‘turk’ dominon ne pjesen derrumese te komenteve te disa temave te fundit, pa asnje kriter dhe qartesine e duhur. Here nenvizohet KMSH-ja, pastaj Sema, pastaj nurxhite, gylenistet dhe, gjithe keto, hyjne nen çadren e turqve, madje edhe te ‘islamit turk’.
    Keto jane percaktime qe dallohen mire nga njeri-tjetri dhe nuk e kuptoj – ose po bej gjoja sikur nuk e kuptoj – perse vazhdohet ne kete linje ne nje kohe qe precedenti flet qarte, ka emra dhe fytyra. Apo, doli ky rast dhe t’i biem dajres tek kompleksi me turqit?

    E thene ndryshe: shqetesimi perqendrohet tek ngjarja, tek xhemati, tek dy imamet, tek raste te tjera, apo tek ndonje problem i lidhur me te kaluaren historike?
    Me konkret dhe koherent ju lutem.

    • Te mos hiqemi si njerez me ndjesi te thella ne ceshtjet e etikes sepse vetem rrafim uje ne havan. Prej kohesh dhe diten per diell flitet per Islam Turk i cili duhet te mbisundoje jeten fetare ne vend ne emer te ruajtjes se paster te “Islamit Shqiptar” nga ai arab. Une si xhematli shof vetem shtim te prezences se Abilerve me musteqe ne forme kakzozi ne turi, te cilet yshtin bukuroshet me kostum KMSH-je per ti ra shqiptareve per hesapin e tyre. Nese paska turq te tjere, pervec atyre qe numrojn paret ke BKT-ja dhe atyre qe shtrijne tlyne te petet e bakllavas, bujrum te distancohen publikisht nga fitnexhijt nurxhi. Perderisa nuk e bejne, turqit qe merren me pune feje ne Shqiperi do te shihen toptan si nje kallup, njerez me interesa sektare. Turqit qe jane me mijra nder ne po nuk i shoshiten vete punet e tyre per t’u lare me opinionin e xhematit, padrejtesisht por kuptueshem do te perballen me reagime te formave te ndryshme nga xhemati.
      Me kot jemi qare nga arabet, sekti i nurxhijve do te jete nje tumor malinj i kushtueshem per tu shkulur nga trupi i muslimaneve. Pjese e kesaj kostoje do te jete dhe imazhi i turqve ne Shqiperi, shpresoj qe ata ta menaxhojne vete per te miren e te gjithve.

    • o vellai ke shume te drejte, po shqiptarin kur e kap inoti vepron sipas modelit “i thyen te gjitha me pjata me filaxhana” e kjo ndoshta eshte meshira e Allahut se pse nuk ua jep pushtetin disa njerezve sepse sado te mire te jene nese do te hypnin aty do te ishin te pameshireshem me te tjeret, e keshtu qe Allahu i meshiron robet e tij edhe duke ngritur nje pale kundra nje pale, ne menyre qe askush te mos kete pushtet absolut se ndryshe njeriut po i ra ne dore pushtet i madh ai ben hatan, mjafton te lexosh ajetin bekare: 251 dhe e kupton urtsine e Zotit per kete.

    • Shume dakord me ju, Doan. Ja qe ne shqiptaret i shohim gjerat shume bardh e zi. Ose absolutisht i mire, ose absolutisht i keq. O me ne o kunder nesh.

  • Selom paci.
    Ma boni hallall babes po ju fola icik ronde po ju du fort pranej jom cu prej vorrit ene po jua shkruj dy rreshta. Une qe po ju shkruj jom Haxhi Qamili qe lash lesht per Tyrqini, aq sa nuk lane emision pa me denigruar dhe degjeneruar keta kaurret moderrn te sotem me emra myslimonsh qe jon nis per Evrope. Tradhetar te Shqipnise me qujten e tyrrli lloj epitetesh me vune. Problemi eshte se ne luftum per islam dhe jo per Turqini. Mesa po vrej punet qekan ngaterru keq e ma keq dhe ajo skilja e vjeter sic e permend edhe ky turku siper, (qe e fliska edhe arrnautcen birinxhi, mbaka edhe emer gjermonsh mos me ra ne sy) qeka bo beterr dhe ia paska lene punet ne dore nji mysteqeje qe jetoka ne Amerike demek Fethulla Gylen ia thokan emrit. Ne ne vaktin tone i kemi pas thone Inklizi se nuk e dishim ca osht Amerika. Ky tipi, demek hoxhe prej tyrqinie, dashka me i bo karshillik Shqipnise prej Amerike dhe i ka dhone fjalen anej se kom me i bo myslimont e Shqipnise si Mehmeti me Ezelin qi gjezdisin prej lulje m’lulet, e pine ene ka i domixhon vene m’vaftit ene no n’Shqypni i thomi osht bo si nona me shtat sahona.
    Po mir mer ju, qi qekeni merzit fort prej t’hekmes imomvet t’nerum, qe makan vaze si hoxhallaret e zamonit, cere bojshit ju mer horra kur banda qeter ishte tyj vjedh miljonat e eurove n’komunitet? Apo ishit duke bo siyaset sherijeti se demek dojshit me ia fut skiles duke qene vete ju skilja. Pse mer horra kshu ju ka msu Allahu ju? Un, ene icik jom tuj mush 100 vjet qi kom vdek po imen osht duke me ra nermen me ju dhon nji kshille. Jua ka cu i modhi Zot gazepin me ju bo gazep ju, se fort keni lujt me dinin e Allahut. Ju pasket qene ma gazep se gazepi, se po t’kishit pas i fije burrni kishit nrejt kta halle prej kohesh. Kthehuni ke i modhi Zot ene mos boni filma. Boni hyzmet Shqipnise se Turku iu trashte hallku ka ardh me fitu dhe ene me nrejt alemin e Tyrqinise m’shqipni si e ka per zakon se nuk ka me e zon gjumi mo po se pa ene iher ate ondrren e vjeter prej Murit Kinez gjyr m’Adriatik. Ma boni hallall babes se kom fol icik ronde po ju kom si evladin tem ene jua du t’miren. Mos i bini Tyrqinise ene shkoni matone t’rruni noi dallar prej arapvet, po bohuni shqiptare t’vertete ene mani dinin e Allahut me djersen tuj se vallahi gazepi ka me ju zon shpejt. Turku osht tu ju shti m’sherr me Ameriken ene vete oshte me amerikont si veshka mes vjomit. Mlidhni ment ke baba se ju do baba fort ene veni men shkolles . Hapni syt mire lexoni ata habere ata xhorrnale, se vallhi kon me ju myt kta turqit e Gylenit, se kta jo vetem piken e meshires qi se pasken pas, po kta paskan qene binjaket e iblisit ju trashte hallka jarebi. Rrofte Shqypnia e lire dhe e mosvarme!

  • Atehere Zanzibar nuk paska nje Islam, por disa, ku mund te rendisim edhe “islamin e BKT-se” e “abilereve (por) pa mustaqe”, etj. A nuk eshte me logjike te thuhet qe feja eshte nje, ndersa ithtaret dhe interpretuesit jane me miliona? Qe individet kane disa dhjetera identifikime, te cilat shtresezohen per te formuar identitetin?
    Ja pra, dolem nga problemi specifik tek mustaqet e bakllava.

    Meqenese dikush – e falenderoj per kete – me lart citoi çeshtjen e “pjatave e filxhaneve te thyer” nga nxitimi ose “inati” m’u kujtua nje replike e Colin Powell, qe po e perifrazoj: kur hyn ne nje dyqan dhe thyen pjatat, copat jane te tuat.

  • Sa per t’ju larguar sehirllikut (dmth kaves )dhe pa e renduar debatin do shtoja dicka te shkurter :

    “Ti je fajtor për gjendjen e shoqërisë! Çkado që i ndodh asaj, edhe ti je përgjegjës. Dhe përderisa ne, bashkërisht, nuk e ndajmë pra fajësinë, të ulim kokat, të pendohemi sinqerisht, dhe t’i drejtojmë rreshtat e t’i shtrëngojmë ato, s’ka për të ndodhur gjë ndryshe veçse ashtu siç është duke ndodhur, madje edhe më rëndë. Goditja, është mosgoditja e jonë! Dhe kjo goditje ndalon vetëm kur ne e godasim, dhe themi: Jo më!”

    Avni Tafili

  • Es selamu alejkum ue rahmetullah. Ajo qe ndodhi ka ndodhur. Me tej cfare te bejme? Nje keshille kam per hoxhallaret qe ti mesojne xhematit fene e vertete, mos ti trembet syri kur te flasin per te verteten, mos te tremben se do tu iki rroga, as posti, as reputacioni. Beni sic beri imam Ahmedi qe nuk i levizi se vertetes edhe pse te gjithe nga kenaqesia apo nga frika thane se Kur`ani ishte i krijuar dhe jo fjala e Allahut, edhe dijetaret e tjere e thane ate fjale te rende, vetem ai jo. Le te behet te pakten njeri burre dhe mos t’i trembet syri per asgje, por para se t’i mesojne xhematit te verteten duhet qe ta zbatojne vete ate. Mos te varin kollaret neper qafa por le te mbajne nga nje takije ne koke qe te pakten te dallohen mire se jane muslimane, t’i zgjasin mjekrat e jo t’i shkurtojne ose ti rruajne sepse duke zbatuar sunetin do te kursejne dhe leket e nuk do ti harxhojne me brisqe dhe tek berberet. Le t’i shkurtojne dhe pantallonat sepse keshtu kursejne dhe copen e nuk behen shperdorues, le t’i tregojne xhematit me veprat e tyre dhe me pamjen e jashtme se kush eshte Islami dhe kush eshte muslimani.

    Eshte per t ardhur turp qe nga dita ne dite po zdhuken shenjat qe e dallojne nje musliman nga nje jomusliman dhe kete e shikojme te hoxhallaret para xhemateve, po xhemati nuk ka vetem nxenes dije, shumica jane njerez te thjeshte qe dine fare pak nga feja. Dhe per shumicen e tyre feja eshte ajo qe u meson imami sepse ne shqiptaret nuk e kemi as zakon qe te lexojme shume libra, na pelqejne vetem llogjet dhe llafet. Kthehuni o vellezer tek feja e Allahut dhe kapuni fort pas saj me dhemballe sepse ka filluar koha e fitneve te medha qe lajmerojne afrimin e Kijametit, nuk ka shpetim vecse duke u kapur fort pas fese dhe duke u bashkuar te gjithe rreth saj.

    Nese xhematet e xhamive e mesojne fene e vertete atehere nuk ka se cfar te bejne as nurxhite, as KMSH, as nurxhiu qe eshte nenkryetar i saj, as Selimi e askush tjeter. Po sic thuhet ne hadith: “Si te jeni vete, ashtu do tju vihen edhe drejtuesit” Nuk jemi ne ne rregull prandaj na i drejtojne punet ata qe vetem shkaterrojne e nuk rregullojne. Filloni me veten, pastaj me gruan, pastaj me femijet, pastaj me te tjeret me rradhe. Se fundi nuk dua qe askush mos ta marre fjalen time si sulm ndaj hoxhallareve sepse jam vete hoxhe dhe nese peshtyj lart, atehere peshtyma do te me bjere ne fytyre, por dua qe te jete kjo nxitje per ta dhe pastaj te tjeret me rradhe. Allahu na i lehtesofte sprovat.

  • Eshte vertete per te ardhur keq nga kjo situate qe eshte krujuar ne lidhje me Xhamine e Medresese ne Tirane.Nuk kuptoj sesi eshte e mundur qe ne vend qe KMSH te interesohet te zgjidhe probleme nga me ndryshmet qe shqetesojne besimtaret muslimane ne Shqiperi merret me krijimin e problemeve apo ne “zgjidhjen” e problemit te praktimit te nxenesve te medresese ne xhamine ngjitur me godinen e medresese. Per nxenesit eshte e nevojshme pergatitja e tyre sa me e mire fetare ne medrese-shkolle, ndersa per praktiken ata (nxenesit) le ta bejne ne mjaft xhami qe mendoj se per arsye te kota jane edhe sot e kesaj dite pa imam apo hatibe. Ne fillim te artikullit verejta perdorimin e termit “precedent”, jo une mendoj se tashme kesisoj levizjesh kudo qe kane ndodhur nuk jane me PRECEDENTE por fatkeqesisht levizje qe tregojne qellime aspak te mira perderisa nuk na jane dhene asnjehere arsyet e drejta dhe se ku jane bere gabime nga pergjegjesit ne secilin rast. Gjithmone na serviret dikund Shkarkimi, here tjeter Largimi dhe vetem kaq. Sa i perket kontribuesve te fese dhe perkrahesve te ceshtjes se forcimit te besimit ne Shqiperi nga vellezerit tane muslimane ngado qe kane ardhur ne Shiperi mendoj se nuk duhet te ngutemi duke i quajtur me epitete qe nuk duhet. Ata mund te japim mendime dhe sygjerime nga me ndryshmet por na takon neve qe te dime sesi atyre tua marrim ne kosiderate dhe tua sqarojme nevojat tona ne lidhje me cfare na ofrojne.

  • Your email address will not be published. Required fields are marked *