e-zani.

 

Xhamia e Medresesë ka kaluar një situatë të tensionuar ditën e djeshme, pas faljes së pasdites. Komuniteti Musliman, me në krye kryetarin Selim Muça dhe një shpurë drejtuesish të këtij institucioni si dhe drejtori dhe mësuesit turq të Medresesë së Tiranës, duke përfshirë edhe shoferët e tyre, kanë qenë të pranishëm gjatë kryerjes së faljes, për të komunikuar shkarkimin e imamit si dhe për të prezantuar imamin e ri, një person i panjohur, për të cilin mësohet vetëm se vjen nga qyteti i Korçës. Ata i kanë dorëzuar imamit vendimin për lirimin e tij nga detyra, një letër në të cilën nuk shprehej asnjë motiv për këtë shkarkim. Megjithatë, të pranishmit kanë vijuar të kryejnë faljen, e cila është drejtuar nga imami aktual Lulzim Plloçi. Më pas, imami u foli besimtarëve mbi arsyet e pranisë së kryesisë së KMSH-së, duke shprehur edhe pakënaqësitë e tij për mosreflektimin e kësaj kryesie ndaj aktit arbitrar të ndërmarrë për shkarkimin e tij. Më pas, Kryetari Muça ka marrë fjalën, duke shprehur vendimin e kryesisë, gjë e cila është shoqëruar me shprehje të pakënaqësisë nga besimtarët e pranishëm në xhami. Muça u është përgjigjur atyre me tone të ndezura, gjë që ka çuar në debate të ashpra dhe në një situatë të tensionuar. Në moment, në mënyrë krejt të papritur, në xhami është futur policia, për të cilën, besimtarët na thanë se prania e saj ka qenë e menjëhershme, gjë që do të thotë se ka qenë e parapërgatitur të ndërhyjë. Ndërkohë, imami Plloçi ka sqaruar policinë se prania e tyre ishte e panevojshme, teksa ka qetësuar edhe besimtarët për t’iu ruajtur provokimeve. Megjithatë, në unison, ata janë shprehur se nuk do të pranojnë asnjë vendim arbitrar nga ana e KMSH-së dhe nuk do të lejojnë asnjë person të komanduar t’u prijë në falje.

Një vendosmëri të tillë besimtarët e kësaj xhamie e shprehën edhe një ditë më parë, në një takim të bërë në mjediset e xhamisë, ku morën pjesë edhe imamët e xhamive të tjera të Tiranës. Ata shfaqën indinjatën e tyre për vendime të tilla, të cilat ata i konsiderojnë armiqësore nga ana e KMSH-së. Gjatë takimit morën pjesë rreth 300 besimtarë dhe besimtare të cilët shprehën vendosmërinë për t’i rezistuar çdo vendimi që do të shkarkonte imamin. Gjatë takimit Plloçi dhe Piku u përpoqën të tregohen të përmbajtur, duke kërkuar maturi dhe durim prej besimtarëve. Ata shprehën besimin se KMSH-ja do të reflektojë duke u tërhequr nga ky vendim. Të njëjtën gjë ata ia kanë komunikuar më parë vetë drejtuesve të KMSH-së, duke u theksuar atyre se kjo xhami ka qenë përherë mbështetëse e akiviteteve të KMSH-së dhe të Medresesë së Tiranës, duke mos shfaqur asnjëherë pengesa ndaj tyre. Megjithatë, duket se asgjë nuk ka ndryshuar në qendrimet e palëve. Kjo do të thotë se situata pritet të përshkallëzohet më tej në vijim, teksa të dyja palët duken të palëkundura në qendrimet e tyre. Nënkryetari i Komunitetit Musliman ka kërcënuar se nëse do të ketë protesta nga besimtarët ai do t’u përgjigjet me një kundëreagim masiv prej qindra mbështesësish të tij.

Pas gjithë kësaj, është e qartë tashmë është se Komuniteti Musliman ka krijuar një klimë tejet të rëndë, e cila do të sjellë një krisje edhe më të thellë midis këtij institucioni dhe besimtarëve. E gjithë kjo situatë ka qenë e tepërt dhe e panevojshme dhe nuk ka asnjë arsye që të justifikojë një papërgjegjshmëri të tillë që krijon situata të pakëndëshme tek besimtarët.

Comments

  • Vendimi i perket KMSH-SE!Ata nese predikojne ato qe thone neper Vaz e Hutbe duhet te binden dhe jo te nxisin njerzit!Selami qofte mbi ata qe e duan Allahun dhe te derguarin dhe i permbahen rregullave!

    • Cili vendim i perket KMSH-se? Ai i shnderrimit te Islamit ne aneks te interesave te felliqura te Selim Muces? Apo asaj KMSH-je qe turqit e kane pushtuar me forcen e fitnes, korrupsionit, dredhive e marifeteve te tilla?
      KMSH-ja ne rradhe te pare eshte e paligjshme pasi nuk ka asnje vote prej xhematit per ta perfaqesuar. Ajo ka shkelur statutin e saj ne menyre flagrante dhe te gjithe ata qe e drejtojne ate, jane te paligjshem.

  • Nuk ka gje me te shemtuar se kjo qe ka kurdisur KMSH. Mbeshtetja ndaj Ferid Pikut dhe Lul Pllocit duhet te jete e plote dhe e palekunder. Ajo duhet te tregoje qe drejtuesit e KMSH nuk mund te neperkembin kaq lehte pelqimin dhe vullnetin e besimtareve per te zgjedhur prijesin e tyre ne falje apo ligjeruesin e tyre fjaleembel ne xhumate apo mbasditet e diturise, qe Ferid Piku kurre nuk ka pertuar t’i organizoje.
    Sulmi ndaj Feridit dhe Lulit, dy figura qe kane reflektuar perkushtim, urtesi e dituri, ne fakt eshte sulm ndaj ketyre vlerave qe drejtuesit e ri e te vjeter te KMSH ne menyre te here te vetedijshme e here te pavetedijshme shfaqin. Ky sulm, edhe nje here e perseris, ne thelb ndaj perkushtimit dhe urtesise/diturise, vetem se i heq lustren fasades qe kuruesit e imazhit te KMSH perpiqen te realizojne: me c’duket e vetmja gje qe i intereson atyre, duke treguar njekohesisht per nje brendesi te semure dhe problematike.
    Une i uroj sukses (me ndihmen e Zotit) xhematit te xhamise se Medresese ne rezistencen e tyre dinjitoze.

    • KMSH eshte e korruptuar, vendimet e saj bien ndesh me interesat e Muslimaneve,Praktikantet e gjith SHYPNISE, ndaj ne kete konteks nuk i pranohen vendim marrjet kur behet fjale per zevendesime ose ndonje gje tjeter.

  • Situate teper e rende, turp KMSH turp. Turp Selim Muca Turp. Turp Gazmend Aga Turp.
    Nje pyetje kam, po nxenesit e medresese ku jane? Pse nuk dalin dhe ata ne proteste kundra uzurpimit te xhamise dhe perzenies se imameve? Po te dalin nxenesit e medresese kundra KMSHse kjo punet mbyllet sakaq.
    PS. thirrja e policise eshte poshtersi nga ato qe vetem Selim Muca dhe Rasim Hasanaj dine te bejne…

    • Nxenesit e Medreseve jane ne nje tredhje mendore intensive nga xhelatet e tyre Gylenxhij. Rezultati ne fund eshte shpartallim i mases se gjere ne ceshtjet e fese, dhe tjetersimi karakterial i pakices se mbetur qe shnderrohen ne makina. Pra nga ata nuk pritet ndonje reagim ose opinion ndaj fitnes Gyleniste ne xhami.
      Problemi qendron ne xhelozine e verber te Abilerve se predikimi i “pakontrolluar” i hutbeve ne xhami pengon seriozisht projektine e tredhjes definitive per nxenesit e Tiranes sic ndodh ne qytete te tjera, ndaj dhe pa asnje shkak serioz kan ndersyer sherbetoret e tyre te KMSH te stertredhur prej vitesh me vendime arbitrare. Vetem rezistenca e forte do ti prapsoje hordhite e te percudnuarve.

    • Nxenesit e medresese nuk dalin ne proteste, sepse nje pjese i kane trute te celefonua me plasmas anadolli, prej propagandes nurxhije, ndersa pjesa tjeter ka frike se e perjashtojne nga shkolla. Kane ndodhur raste te tilla. Kane perjashtuar njerez vetem pse kane nisur te mesojne arabisht tek Dine Hoxha.

      • Nuk ma merr mendja te jene te gjithe kaq bloze nga mendja sa te mos e kuptojne fitnen qe po ndodh dhe detyrimin e tyre ndaj imameve te nderuar Piku dhe Plloci.
        U bej thirrje te gjithe atyre nxenesve te medresese te mos e pranojne kete turp qe KMSH dhe SEMA duan tju hedhin mbi krye e te dalin ne proteste perkrah xhematit te xhamise se Medresese.
        Perndryshe do e coj kete lajm tek djemte e Aleances Kuq e Zi e do u bej thirrje atyre te vijne te protestojne tek Medreseja kundra pushtimit turk te institucioneve autoqefale shqiptare… dhe jam i sigurt qe ata do vijne me qef… me shume qejf madje

        • Po te vije puna edhe ashtu duhet bere. Dhe jo vetem tek aleanca, por tek te gjithe insticuionet shteterore dhe te shoqerise civile. Vete nurxhinjte, e kane luajtur, sa here kane dashur karten e ekstremizmit dhe radikalizmit ndaj xhematit, keshtu qe e meritojne t’ua kthesh ne te njejten menyre, duke shfrytezuar klishete publike.

  • duhet te marrin mesim dhe XHAMIT E tjera se pas Medresese e ka rradhen Dine Hoxha e ka rradhen E TABAKEVE etjr, kjo quhet loja e deles laramane, ne durrsaket e njohim mire kete pas heqjes se hajduteve lir vokshi dhe betime truces me gjith zagaret e tjere asgje spo ndryshon ne lidhje me nje rihapje te mundeshme te Medresese se qytetit hde disa probleme te tipit menaxhues jan si me pare, por ne si durrsake ndjehemi te braktisur nga Tirana mike dhe Komshie , ndaj ma pranoni kete keshille modeste bashkim vellezer kunder …… e dini vet te gjithe kunder kujt.

  • Realisht, jemi perpara nje situate tejet te tensionuar. Shkurt muhabetit perpara nje fitneje qe i ngjan atyre te meparshme. Ne parim jam i mendimit se te drejten e shkarkimit apo emerimit te imamit e ka instuticioni qe ne rastin konkret eshte KMSh-ja. Po ashtu mendoj se nje imam nuk mund te jete i perhershem ne vendin e caktuar. Por perkundrejt asaj qe mendoj dhe besoj, kjo nuk do te thote se duhet te pranoje si te mireqene cdo vendim te KMSh-se. Kjo per disa arsye:
    1 – Nuk ka asnje arsye serioze qe te jete shkak per shkarkimin e Lulit dhe presor Feridit.
    2 – I vetmi pretendim i KMSh-se eshte qe ato do te zevendesohen me nxenes qe do te bejne praktike. Nje pretendim i tille eshte krejt i pakuptimte. Une e di mjaft mire dhe besoj se edhe lexuesit bien dakrod me mua, qe praktikanti i cili deshiron te praktikohet shkon tek specialisti per te mesuar prej tij dhe jo per ta shkarkuar ate. Pra ne rastin konkret me miresjelljen me te madhe nxenesit e medresese te shkojne tek Luli dhe presor Feridi te marrin leje prej tyre qe te drejtojne ndonje namaz apo te mbajne ndonje ligjerate, por qe t’u thone atyre: ikni na leroni vendin, eshte e papranueshme
    Kjo se pari, e dyta mos flasim per nivelin e mesuesve te ketyre nxenesve. Jetojme ne vitin 2012 e jo ne 1992. Niveli i xhematit ne Shqiperi eshte ngritur dhe ky xhemat i nderuar kerkon njerez te pergatitur si presor Feridi dhe drejtues te palodhshem qe i qan hallet me xhematin sic eshte imam Luli. Cdokush prej nesh me nje logjike te thjeshte arrin te beje dallimin ndermjet dijes se presor Feridit dhe atyre qe lene per te deshiruar, si dhe te beje dallimin ndermjet prezences se imam Lulit me xhematin dhe atyre te cilet rrijne larg shqetesimeve te xhematit.
    3 – Vendim eshte krejt arbitrar. Per mendimin tim ketu nuk kemi te bejme vetem me thjesht nje vendim. Prej kohesh marrja e vendimeve nga KMSH-ja behet me te hedhur dhe hile (te futme) Kete e them me bindje se perpara 2 vjeteve afersisht, zyrtaret e KMSh-se (natyrisht jo te gjithe) me ofruan qe te behem pjese e lojrave te tyre jo te ndershme. Jam i bindur se edhe ky rast nuk eshte ndryshe nga ai i meparshmi.
    4 – Para disa vitesh zyrtaret e KMSh-se tentuan qe te shkarkonin imam Visin, tani imam Lulin dhe neser nuk i dihet se kujt do t’i vije rradha. Une mendoj se ketu kemi te bejme nje lufte kundra atyre qe kane mesuar ne vendet arabe.
    5 – Xhematet e Tiranes jane te konsoliduara dhe secili prej tyre eshte i kenaqur me imamim apo mesuesin e vet. Atehere perse ne keto xhami KMSh-ja fut percarjen duke emeruar imamllare dhe mesues, per te cilet xhemati nuk ka asnje informacion rreth tyre.
    Keto pra, jane 5 -se arsyet perse une nuk e mbeshtes vendimin e KMSh-se ne lidhje me shkarkimin e imam Lulit dhe presor Feridit.
    E lus Allahun e Lartesuar qe te na ruaje nga kjo fitne.

  • kujdes plako se na i nxorre qafira, eshte teper e rrezikshme kjo nga ana fetare. qe ata jane nje tufe horrash, cuna mami qe gjithe jeten kane lujt me kukulla, kete nuk e lun topi, por dhe njehere kujdes me etiketimet fetare si : munafik, i pafe etj. ue selam alejkum ue rahmetullah

    • Lali, personalisht preferoj lutjet e Kahramanlalalase dhe Zanzibarit. Po edhe fjalet e tua nuk jane keq…

      Vetem te dini dicka, ne rrethet e atyre qe duan Gylenin, nuk kam degjuar kurre te flitet per qafirllekun e askujt qe i thote vetes musliman. Ne fakt skam degjuar te flitet as per qafirllekun e kristianeve, hebrenjve, budisteve… Me kete te fundit nuk dua te them asgje, mos te kuptoje kush se thote Gyleni jepini lule ushtareve amerikane ne Irak, atyre qe jane bere sebep per 2 milione vejusha der tani… Por botekuptimi, apo kuptimi i Islamit ne keto ‘rrethe’, ndryshon shuuuuume nga ato qe nuk u mjafton te hedhin ne Xhehennem gjithe jomuslimanet, por qe do hedhin edhe shumicen e muslimaneve …
      Le ta dine keta qe hedhin akuzat me te renda ndaj ndjekesve te mesimeve te Gylenit, se keta te fundit i permendin si “vellezerit e xhamise”.

      Edhe dicka tjeter, ju flisni per gjithe ndjekesit e “levizjes Gylen” po i themi, si te ishin prodhim seri, prodhim fabrike. Nuk keni arsye te dyshoni te aftesia e te menduarit e disa personave (se u lahen trute nga abileret me musteqe sipas jush), nje pjese e mire e te cilave vijne nga familje intelektuale, qe kane marre edukimin me te mire qe kane mundur, ne Shqiperi dhe pastaj jashte shteti, nje pjese e mire. Nuk keni as pse beni hetuesin e nderit dhe sinqeritetit te atyre qe falen ne ato xhami qe faleni ju, kur Allahu s’ju ka dhene te drejten as te hetoni apo dyshoni per cipen e grisur te nuses, naten e pare te marteses (kerkoj ndjese per shprehjen). Keto qe po them nuk jane mbrojtje per KMSH, por flas per ‘gylenxhinjte’ qe njoh.

      Qellimi i mesazhit tim, ajo qe me prek mua jane fjalet e renda, shprehjet fyese qe perdoren ndaj Gylenit dhe Nursiut, ne menyre implicite nga E-zani, dhe eksplicite, gjith jarge, nga ca komentues (ca jane te abonuar te keto tema, bile e hapin temen e ‘Gylenxhinjve’ edhe ne tema pa lidhje fare, i bie qe mos te jene shume objektiv…). Akuzat per sektizem, shprehja “Gylenxhi”, apo nje koment plot fyerje i nje fare Qazim Mulleti, jane ato qe me vijne ne mendje per momentin.

      Por drejtuesit e faqes e dine vete qe s’e kane kufizuar gjuhen der te KMSH-ja, por kane bere shpesh edhe si eksperte te Gylenit apo Nursiut. Na kane permendur ‘qendren ne Amerike’ te levizjes, sikur te ishte fakt qe nuk ka nevoje per koment apo kane folur per rrymen jo tradicionale tyre. Ketu poshte komentit tim shoh librin e fundit te perkthyer ne shqip te profesorit te nderuar Hossein Nasr. Ai ka kaluar pothuaj gjithe jeten ne USA, ka studjuar ne Harvard dhe MIT, po kjo nuk eshte problem, madje s’eshte problem as qe ai eshte po aq shiia sa gjithe shiia-t e tjere. Po ashtu s’jane problem takimet e shume debatuara te shejhut te nderuar amerikan Hamza Yusuf (po ashtu shume i rrespektuar nga E-Zani) me Bushin, apo Obamen. Problem jane te shkuarit ne USA, dhe ‘dalja nga tradita islame’ te cilen nuk e keni pranuar apo shfaqur kurre…(pavaresisht se cmund te kuptojne si dalje nga tradita disa…

      Per Gylenin dhe Nursiun edhe folur me mendime dhe konkluzione personale, ne shkrimet e njerit apo tjetrit. Nuk jeni te detyruar te bejne shpjegime rreth dickaje qe nuk njohin, meqe flitet per te…

      Ne pergjithesi E-zani merret me KMSH, e vertete. Por keto temat ‘turqve’ dhe ‘nurxhinjve’ i ka pata qe bejne veze ari. I hedh si bajga dhe mbledh miza…

      Per vete nuk di fare se cbehet ne KMSH. Nqs bejne padrejtesi, shume mire qe ngrini zerin. Nje mendje te thote “kujt po i ankoheni?”, dhe “me sa mend luani rolin e tallallit per te ‘palarat’ brenda familjes”… ate e gjykoni vete.

      Ketu rrotull, te E-zani, sillem se me pelqen si faqe, hiq keto temat me turq, kuptohet. Kjo eshte hera e pare qe komentoj. Der tani kam humbur kohe duke shkruar komente disa here, pastaj i kam fshire.
      Meqe humba kaq kohe, serish… ( me rafte pika), kete here po e nis komentin. Pershendes lalin qe me quajti mua, dhe miliona si une, cuna mamaje qe luajme me kukulla. Gjithe ky kompliment, duhet te merret nga dikush.

      You are a winner lali, I am a looser!(flas si ambasador i gylenxhinjve, se jam me i zgjuari qe kane) Happy? Ka kohe qe ky eshte dallimi mes ulemave te kafeneve qe rrine pa pune per ti sherbyer umetit, dhe injoranteve turq dhe dembeleve te Stambollit… shyqyr qe ju kemi ju Lali, qe punoni dhe jua shofim hajrin.

      Kerkoj ndjese per zgjatjen, dhe gabimet gramatikore. Kolegjistet, nga profili shkencor, gjuha angleze ne shkolle dhe zakonisht te studjuarit jashte, e kane cope cope shqipen.

      • ENO

        se pari, te kerkoj te na japesh nje reference ketu per (citim) “shprehjet fyese qe perdoren ndaj Gylenit dhe Nursiut”. Nese ketu fyhet rahmetli Said Nursiu, te gjithe duhet ta bojkotojme kklikimin ne kete blog, deri sa te kerkohet falje publike prej tij. Sa per Fethullah hoxhen, Allahu e ruajte dhe e permiresofte per te miren e fese, kritikat ndaj te tij dhe ndaj gjithe dijetareve pa perjashtim, nuk jane haram. Sigurisht qe fyerjet ndaj tij, si edhe ndaj cdo njeriu tjeter – jo me ndaj nje dijetari – jane te papranueshme.

        Sa per kolegjet turke, ata qe kane studiuar aty, deshmohet gjeresisht se jane nga shqiptaret me te mire, me te edukuar, me te ditur dhe patriote te gjenerates. Kush pranon te kunderten, eshte xheloz ose i paiformuar. Me sa e ndjek une kete blog, nuk shoh qe po percmohen njerezit pse kane mesuar me arabe, turq apo greke.

        Po qe se flasim per veprimtarite arsimore, po edhe me gjere se kaq, te turqve ne Shqiperi, me le te te them dy gjera:

        Nuk do harruar kurre se loja me koniukturat gjeopolitike nuk do te vijoje pafundesisht te jete pro ketij roli te Turqise ne Ballkan, rol te cilin po e shfrytezon edhe Hizmeti ne Shqiperi. Cdo dite qe kalon, ftohja e marredhenieve Turqi-Amerike do te rendoje ne lidhjet Turqi-Shqiperi dhe po ashtu aktivizmi turk ne Ballkan po ballafaqohet me rritjen e interesit izraelit ne Ballkan. Manovrat e perbashketa ushtarake izraelito-greke, koordininimi zyrtar i veprimeve te lobit izraelit me ate grek, po ashtu do kete pasoja mbi shqiptaret. Atehere do ta shohim sesi do te perfundoje toleranca e shtetit kuisling shqiptar ndaj veprimeve te kompanive e bizneseve turke, po edhe ndaj lidhjeve fetare qe perfaqesohen ne Shqiperi prej Hizmetit dhe xhemateve te tjera. Kjo do te jete e demshme per interesat shqiptare fillimisht, shume here me teper se per ato turke, sigurisht, se Turqia ka treg kudo ne Lindje te Mesme, Kaukaz e Azi qendrore, plus tregjet e reja cep me cep botes, dhe po ashtu nuk ka nevoje per asistence arsimore, ushtarake, fetare, kulturore nga shqiptaret, perkundrazi. Turqia nuk do ta vuaje shume perkeqesimin e lidhjeve me Shqiperine. Shtetit shqiptar do t’i perthyehet si e ka zakon diktatit amerikan, dhe jo interesit te popullit te vet, se edhe po te doje shteti, nuk ka fuqi te mbroje interesin e vet. Por ata qe do ta vuajne me shume kete ftohje te lidhjeve, do jene kryesisht ata qe sot jane te perfshire ne projekte te gjithanshme me turqit.

        Eshte mire qe shqiptaret qe jane te perfshire ne projekte fetare turke, te mos harrojne se neser ndoshta nuk do kene me mundesi te fshihen pas hijes se Turqise. Ata duhet te kuptojne se duhet te punojne me koken e vet dhe dijet e veta e te mbeshtesin vellezerit e tyre vendas, pa dallim, per te forcuar strukturat dhe institucionet vendase, qe te ecin pa paterica arabe ose turke, se edhe sikur te ishin te perkryera keto paterica, serisht mbeten paterica dhe pengojne ecjen me kembet tona.

        • Nder komentet me te kthjelleta te postuara ne kete blog, urime shkruesit te tij dhe shpresoj te lexohet e meditohet nga sa me teper muslimane, sidomos paragrafi i fundit.

        • Kolegjial,

          Interesat e Hizmetit nuk jane e njejta gje me interesat e Turqise. Turqija i ka per bukuri punet me shume shtete qe e kane luftuar haptas levizjen Gylen, qe kane mbyllur shkollat. Ka edhe me keq, ka pasur nxites nga turqit per keto veprime. Nuk e di sa e njeh Turqine, por s’ke si i ve te gjithe ne nje thes. Un po them mendimin tim, po them qe Hizmeti eshte luftuar nga oligarkija kemaliste anti islame, dhe nuk ka lidhje me frymen e Davutogluse, per te fut hundet ne punet e shteteve tjera. Hizmeti eshte hizmet ne rruge te Allahut.

          Nuk eshte Hizmeti Davutoglluja apo Erdogani qe jane si cdo politikan tjeter, ne ceshtjet e shtetit dhe marredhenjet me jashte. Ato jane nacionaliste, jane ultra-nacionaliste ne ate qe e dine popullin turk me te mirin ne bote, pa asnje njolle. Nuk paskan prekur asnje armen per shembull, apo paskan menduar gjithmone vellazerine mes popujve, si sot. Kosoven, Bosnjen dhe shume vende tjera ato i shohin si tyret…

          Sjelljet e Erdoganit me Esadin, Kadafin, apo edhe Thacin, udhetimi ne Egjipt, pa hyre ne detaje, ta shpifin… politikane jane, s’pysin shume se ke puthin, apo se bejne aleance me vrasesit e muslimaneve. Na ruajt Zoti nga politika…

          Vetem para ca ditesh u hap nje tjeter baze ushtarake e NATO-s ( e USA) ne Turqi. Kuptohet se per cfare sherben. Pastaj Turqija eshte demokratike dhe Irani vete djalli…

          Nuk e di se pse do u prishkan marredhenjet USA-Turqi, po edhe po te prishen, dhe ato qe ‘fshihen nen hijen e Turqise’ te perdnjeken, ato qe kerkojne te fshihen ne “hijen e Allahu” do te jene rehat, si gjithmone dhe pergjithmone. Hallin e kujt qan ti?

          Edhe po te ndodhe ajo qe thua ti, do jesh kaq i sigurte edhe ne hajrin e asaj pune? Domethene kush eshte i sigurte ne te miren apo te keqen absolute te nje ceshtjeje, vec Allahut?

          Me rritjen e numrit dhe te mundesive ekonomike te Hizmetit, cilesia bie apo di bie. Neqoftese Allahu i jep nje shkundje te forte kesaj levizjeje, me doren e kujtdo, mbase do jete shkundja qe do e mbaje te gjalle, mbase do jete shkundja e molleve te kalbura, sic ka ndodhur perpara ne kohen e Profetit a.s dhe vete historise se Hizmetit.

          Ato qe duan Gylenin dhe levizjen e tij jane njerez ne terezi te vet, nuk kane interesa fare ne institucionet e Hizmetit, shumica. Ato qe punokan neper shkolla, nuk do hidhen kene ndonje fatkeqesi te madhe nga ana materiale neqoftese nuk do punojne me aty…

          Kam shkruar pa u menduar shume, shpresoj te me mirekuptosh nese nuk kam kapur thelbin e asaj qe theksove ti.

          Komenti yt, dhe si pasoje dhe e E-dinit jane dashamires. Mq lejohen keshillat mes nesh, mos kini me shume frike per imanin apo shkarjet e tjereve se tuat. Domethene mos u shqetesoni me shume per prishjen e tyre se tuajen. Por kedo, mua, juve, Hizmetin, kedo e ruajte Allahu nga gjynahet e pafalshme te arrogances dhe te hyrjes ne hakun e tjetrit.

          • ENO

            Edhe nje here me duket se nuk po debaton me te pranishmit, por me ate sesi ti perfytyron se duhet te jene kundeshtuesit ideale ketu tek komentatoret e e-zanit.

            Nuk permenda ketu imanin, as timin, as tendin, as te te tjereve; i vetmi qe permendi imanin nga ne te dy jeti dhe permende imanin tim dhe me keshillove se duhet te kujdesem per timin dhe jo te te tjereve. Kuro veten doktor- thone romaket.

            Une te flas per politike ketu, per gjera qe maten e mund te maten, per forca te dukshme e te pritshme, kurse ti me del ne metafiizike e mistike. nuk po diskutohej per keto tema. Fe eshte edhe politika edhe metafizika. Kur te mbarojme nje teme, kalojme tek tjetra, po ama jo t’i pergjigjemi politkes me poezi. une them hija e Turqise, ti me permend hijen e Allahut azze ve xhel. Po mire o vella ne Allahun, si paskan hyre ketu kolegjet turke dhe Xhematet turke, me teletransport mistik apo me vegla te prekshme, transaksione te matshme politike, duke shfrytezuar flamurin turk, aleancen proamerikane me Shqiperine, dhe me pas, direktiven e sternjohur amerikane per te ballancuar rritjen e Islamit politik me Islam mistik, specifikuar si “islam turk”? Nuk hyjne fare ne llogari keto? Ashtu bene edhe para xhemateve turke, xhematet arabe qe shfrytezonin po ashtu hijen e Amerikes, dhe perkrahjen qe kjo i jepte radikalizmit selefist kunder influences se shiizmit dhe
            komunizmit. Te lutem t’i ndajme punet. Te flasim per zemren kur ia ndjejme rrahjen neper pune, e jo sepse eshte zakoni te flasim per zemren, apo te flasim per zemren sepse keshtu dallohemi nga literalistet.
            Shprehja ‘Zot na ruaj nga politika’ ka dale ne nje kontekst te caktuar dhe nuk eshte absolute dhe po ashtu nuk i pergjigjet definicionit qe perdorim sot per politiken, si nje art apo teknike e marreveshjes dhe avancimit te intereave ne shoqeri. zot na ruaj, them une, nga cilido qe merret me politike dhe shtyn te tjeret te mos merren me te. Kjo mode eshte shume e perhapur ne Shqiperi, se te gjithe sekseret e krimit, mendimtaret e sistemit neper media, mallkojne perdite politiken e klasen politike duke shtyre njerezit ne pasivitet dhe fatalizem.

            Une e nisa diskutimin tim duke lavderuar ish-nxenesit e kolegjeve, dhe kete nuk e bera per furce, por sepse kam prova te forta keto 15 vjet, se vertet, shqiptaret me te edukuar, te ditur e patriote te gjenerates, masivisht i gjen prej ketij lloji. Nuk dua ta perfundoj kete koment ketu pa e nenvizuar edhe njehere kete. po ashtu ENO, jo per furce, se as te njoh as me njeh, gjuha jote dallon nga shumica e komentuesve ketu, dhe tregon per nje edukim te mire moral dhe fetar, gje per te cilen falenderimi, i shkon mesuesve te tu dhe mesuesve te tyre e keshtu deri tek Profeti alejhi selam, e pastaj deri tek Allahu azze ve xhel. Nje minimum kritike do kemi per njeri-tjetrin, po pa harruar limitet, apo pa shkelur ne hak te tjetrit, si thua edhe ti. Ma be hallal nese kam shkelur aty ku nuk duhet, qofte nga dija qofte nga padija. Sido qe te jete, jemi ne te njejten anije dhe Allahu na befte prej atyre qe e cojne udhetimin deri ne fund

      • Ti Eno ne rradhe te pare mos ngatrro Nasrin qe nuk ka sekt privat, as Hamza Jusufin qe eshte ne atdhe te vet. Agjente te Cia per Azine Qendrore kane deklaruar publikisht se Gylenxhijte jane perdorur me vetedie ne ato ane si kamuflazh per ndikimin amerikan kundrejt atij rus. Valle kur jane perdodur ne A.Qendrore ne bashkpunim me despote e katile si Karimovi, po ne Shqiperi a kane ndonje mision perdorimi-shperdorimi?

      • Zotni Eno kur nuk e njeh KMSH-n dhe degradimin e mbjelle nga gylenxhijt aty mos fol fare. Ju si ish kolegjist qe jeni mbase nuk i dini sa duhet te tera implikimet e xhematit tuaj ne jeten fetare ne vend. Gylenxhijt i kane marre babit tend leket ne shkembim te shkollimit tuaj ne kolegj, dhe ketu nuk ka asgje te keqe perderisa konsiderohet biznes i ligjshem. Por me rastin e Medreseve kane dale zbuluar me misionin e tyre ne Shqiperi, Mbushin xhepat me leke fukarejsh shqiptare te cilet i kane derguar femijet e tyre ne nje institucion fetar. Kusurin e lekeve qe marin nga fukarejte e riciklojne per interesat e sektit, ne Indonezi bie fjala. Diskriminimi i mesuesve shqiptare eshte kriminal krahasuar me kushtet dhe poziten e atyre turq (te cilet lene pa pune dhjetra te tille shqiptar, ndersa shqiptaret nuk i qas njeri ne Anadoll per ti mesuar vellezerve musliman atje gjuhen e bukur shqipe)
        Sa per ate konsideraten “vllezer xhamie”, jane gylenxhijt te cilet konkretisht provokojne duke hequr njerez model dhe me kontribute duke promovuar produktet e tyre OMGJ.
        Nuk ke faj per shqipen e shkruar, turqishtja e injektuar dhunshem ne gojen e pasterviturte nje çoxhuku shqiptar, me nje tufe bashketingelloresh kemaliste, thyen dhembe e dhemballe duke shkaktuar vrime ne qellez.

  • Po pyes vehten se ne cfare gjendjeje te percarjes jemi ne shqipetaret me njeri-tjetrin? Ndoshta me te vertete njen jeriu qe beson i mbetet qe te mare plackat e tij dhe te shkoje ne nje mal dhe te kryeje besimin e tij ne menyre te sinqerte… se keshtu me te vertete qe me vjen zor qe ta quaj veten te perfaqesuar nga njerez te tille. ummetin-ummetin medet halli

  • Ues selam aleikum.Kjo tregon se shumica e Myslimanève nè Shqipèri po ecin nè rrugè tè mbarè dhe vihet re nga ajo pakice qè po i shtohen ethet.Insh’Allah hajèr .Allahu e shpèrbleftè H Feridin pèr Durimin,dhe e ruajtè.Do shtoja se edhe Xhematet nè Itali kanè ngel tè kènaqur nga Imam Feridi .

  • I duhet ruajtur kohes se sotme. Jane momente dhe raste te liga qe edhe pse jane me funksion i duhet ditur burimi i marrjes se funksionit dhe i duhet ditur se ku e ka piksynimin cdo vendim apo veprim i marre ne dem te se mires. Nuk asht e thane te kesh funksionin dhe je ma i miri. Ma i miri nder te miret mund te jete edhe ai pa funksion, por qe fatkeqesisht nuk ka forcen e duhun per ta mbrojt te miren qe sulmohet.
    Prandaj, nen emrin e Allahut duhet te jeni te bashkum e ta kuptoni qellimin e se keqes, qofte edhe tu ardh e keqja nga ndonje funksionar e ta luftoni ate. Allahu ju ruajte, e mos lejoni figura te tilla qe ne emer te Islamit nderhyjne me vendime qe i bien ndesh vete se mires, per te cilen besimtaret po japin perkushtimin e tyne.

  • Kolegjial,

    tek paragrafi i fundit e mesazhit tend te meparshem, shprehja

    “Eshte mire qe shqiptaret qe jane te perfshire ne projekte fetare turke, te mos harrojne se neser ndoshta nuk do kene me mundesi te fshihen pas hijes se Turqise.” , mu duk si paragjykim per nje tip mushriklleku apo zargarlliku ndaj ‘turkut’… Po ashtu duke pasur ne mendje kundershtues, per te cilet skam nevoje te perdor imagjinaten pasi kam edhe nga njerez te afert, thashe ate qe u them atyre, qe te mos qajne me shume hallin e sinqeritetit te tjereve se tyrin. E kam keqkuptuar si duket. Por nuk dilet kund duke sqaruar ate apo kete fjali, fjalet nuk mbarojne, nuk mbarojne as keqkuptimet. Gjithsesi, kerkoj ndjese, jo per sy e faqe.

    Me aq sa marr vesht nga politika, u mundova te them me 2-3 fjali qe nuk kuptoj pse do u prishkan marredhenjet Turqi-USA dhe ne fakt s’me intereson fare a prishen a nuk prishen. Po ashtu u mundova te argumentoj disi qe flamurin e Turqise qe thua, nuk e perdor dot Hizmeti ne Rusi, Ozbekisten, Turkmenistan etj ku nuk jan hapur kurre (si Irani psh) apo ku jane mbyllur kolegje/t. Rusia me Turqine jane popuj ‘armiq’, duke pare lufterat mes tyre, me gjurme te thella mes popujve, por Turqise i pelqejne leket e miliona ruseve qe kalojne pushimet ne Antalja. Kurse Turkmenistani eshte popull vella gjaku per turqit, dhe kolegjet kane qene shpresa me e madhe e tyre per te drejtuar pak kurrizin e shtrember prej shteti ish-komunist. Shqiperija eshte lule ne krahasim me Turkmenistanin apo ndonje vend aty rrotull, per nga numri i mjekeve, inxhiniereve te cfardo lloji, mesuesve me sado pak dije… imagjino, nje vend me i shkermoqur dhe me i korruptuar se Shqiperija. Dhe ne kete vend kolegjet kane ofruar edukim te mire, pastaj atyre nxenesve u ka hapur rrugen e edukimit ne Turqi… etj etj, prap po largohem ndoshta nga tema. Neqoftese flet per politike nje njeri i pakualifikur, si une, kalon ne letersi.

    Por, ti do te shpjegosh (apo me e keqja te harxhosh fryme duke i shpjeguar nje njeriu krejt te anshem ne kete muhabet) dicka qe nuk ka si shkeputet nga metafizika. Nuk po flasim per matematike, qe eshte e ‘thjeshte’, ku nuk ke pse futesh ne metafizike… kur mendoj Uhudin apo Bedrin, mendoj ceshtjet, kuptimet, mesimet metafizike, jo sqarimet orientaliste… te menduarit ‘metafizik’ ne lidhje me ceshtjet e jetes, mund te jete fitimi me i madh qe i jep njeriut per kete jete. Pa u zgjatur me se me duhet ta le ketu, po them mendimin tim. Allahu i jep sukses apo bereqet njerezve te sinqerte, neqoftese kane pasur njelloj suksesi kolegjet, ate e kane nga Allahu. Ashtu si besoj i ka dhene sukses Allahu vellezerve te xhamive, te cilet u jane bere sebep nenave e baballareve qe te futen ne iman, dhe kjo eshte e gjeja kryesore. Kur dikush me tregoi per perjetimin shpirteror te filan vellai, shume te lidhur me Kuran’in, e kam besu pa asnje dyshim Vallahi. Por edhe ato le te besojne nqs nje ‘nurxhi’ i ndodh po e njejta, apo qe ‘nurxhinjve’ ti jape Allahu sukses si mund ti kete dhene atyre. Kete u futa te them, nuk u futa te flas politike, per te cilen zaten skam se c’flas. Ti mund te gjesh fare lehte mbi 100 vendet ku ka kolegje turke, dhe te besh analizen se si u futen aty ku ka ndikim USA, aty ku ka Rusija, Aty ku ka Kina… se nga cilat politika perfitoi Hizmeti…
    Une i besoj ‘teletransportit’…

    Kur thashe “Zoti na ruajte nga politika”, kisha ne mendje dicka tjeter, por pa e zgjatur po them qe jam dakord me ato qe thua ti.

    “je minimum kritike do kemi per njeri-tjetrin, po pa harruar limitet, apo pa shkelur ne hak te tjetrit, si thua edhe ti. Ma be hallal nese kam shkelur aty ku nuk duhet, qofte nga dija qofte nga padija. Sido qe te jete, jemi ne te njejten anije dhe Allahu na befte prej atyre qe e cojne udhetimin deri ne fund”

    Ma bej hallall edhe ti.

    Es’selam alejkum.

    • Me beso Eno, po te mos diskutonim ne distance dhe te barrikaduar pas paragjykimeve te natyrshme, te pashmangshme qe prodhon distanca, jo vetem fizike, por edhe terminologjike (fatkeqesisht muslimanet ne Shqiper punojne me 6 fjalore te ndryshem), jam i sigurt se do zbulonim edhe me shume ngjashmeri e perputhje ne sa po themi.

      Mos me keqkupto per sa fola mbi ndarjen e temave kur diskutojme, pra nje here per nje ceshtje, pastaj per tjetren, ndonese ceshtjet asnjehere nuk mund te jene te pastra dhe laboratorike, por nderthurje, fjala vjen te politikes me mistiken, te lutjes me kimine etj. Ajo cka desha te them eshte se ka vepra qe bazohen teknikisht tek shfrytezimi i rrethanave te volitshme, po kjo nuk perjashton faktin se ka patjeter edhe vepra qe bazohen ne nderprerje te cdo ligji te njohur natyror apo sociologjik, e po ashtu se ka vepra qe bazohen ne te dyja keto. Nuk besoj se eshte nevoja te te them se edhe ne Beder e Uhud ka gershetime te te gjitha ketyre parimeve. Shtoj ketu, se ne brezin tone, per arsye qe nuk ia vlen t’ì perserisim, se trishtohemi, veprat gjithnje e me teper behen prozaike, politike. Bereqeti i kesaj gjenerate nuk eshte i njejte me ate te nje gjenerate me pare, dhe ai i nje gjenerate me pare, me i pakte se i pararendeses, teorikisht them.

      T’i japim Cezarit cfare i takon, jo ne kuptimin qe e perdor i madh e i vogel kete shprehje, po thjesht per faktin se edhe Cezari ka hakun e vet, e nuk mund t’ia shkelim.

      Gjithe te mirat vella e Allahu te ruajte .

      Falenderoj edhe vella e-dinin per komentin e tij

  • Your email address will not be published. Required fields are marked *