Bismilahi Rrahmani Rrahim
Deklaratë
Në lidhje me frymën përjashtuese të drejtuesve të KMSH
Nisur nga ngjarjet e fundit të ndodhura në xhaminë e Medresesë, por edhe veprime të tjera të gabuara dhe jostatutore të shkaktuara më parë nga kryesia e KMSH, ne si organizatë fetare që shqetësohet për problemet e komunitetit të besimtarëve muslimanë, jemi të detyruar të reagojmë kësaj here publikisht.
Si besimtarë jemi treguar të duruar duke mos reaguar në disa raste dhe duke pritur që njerëzit, të cilët drejtojnë aktualisht KMSH-në, të reflektojnë nga gabimet e tyre dhe t’i përmbahen premtimeve publike dhe private që ata kanë bërë për gjithëpërfshirje dhe për një frymë të re e të ndryshme në këtë institucion. Por, zgjedhjet e parregullta të Këshillit  të Përgjithshëm, praktika selektive në përzgjedhjen e imamëve dhe myftive të rinj dhe tani së fundi, vendimi për shkarkimin e imamit dhe hatibit të xhamisë së Medresesë tregojnë qartë se jemi përballë një agjende e cila në emër të së vërtetës klanore absolute, që supozon se mbart, kërkon të ndryshojë me çdo mjet, qoftë edhe jomoral, realitetin shumëngjyrësh të xhematit të besimtarëve shqiptarë, duke e nisur së pari këtë agjendë nga hoxhallarët dhe predikuesit islamë që kanë vite që kontribuojnë për fenë në këtë vend.
Hoxhallarët janë udhërrëfyes dhe edukatorë të popullit, janë bartësit e fjalës së Zotit, ata nuk mund të trajtohen si administratorë xhamish, të cilët mund të qarkullohen, të hiqen apo emërohen sikur të ishin punonjës të një ndërmarrjeje private, ata janë fytyra e parë e Islamit në këtë vend dhe duhet të trajtohen në mënyrën më dinjitoze, me projekte që rrisin nivelin e tyre intelektual e moral dhe plotësojnë nevojat jetësore. Depersonalizimi i hoxhës dhe përulja e dinjitetit të tij me çfarëdo lloj forme do të thotë përçudnim i fytyrës së Islamit në këtë vend.
Fryma përjashtuese, që po përçohet nga drejtuesit e KMSH-së, do të provokojë vetëm konflikte dhe fitne në mes besimtarëve dhe do të cenojë paqen sociale që ekziston sot në mes tyre, do të ndjellë urrejtje të panevojshme, të cilat do të degradojnë pashmangshëm deri në trajtime doktrinale sektare ndarëse, gjë kjo që do të sjellë zhvillime negative të dëmshme për të gjithë.
Ne si hoxhallarë, që mbartim dijen islame të marrë si amanet nga Allahu, i bëjmë thirrje besimit, moralit, ndërgjegjes dhe fjalës së dhënë nga këta njerëz, që të mos përfshihen nga ethet e euforisë triumfaliste dhe të mos kërkojnë të instalojnë për besimtarët muslimanë shqiptarë një diktaturë fetare të palegjitimuar nga xhematet, por të ndërtojnë një institucion që respekton rregullat e lojës dhe nuk praktikon frymën përjashtuese dhe klanore mes nesh.
Feja islame, përgjegjësi kjo me të cilën na ka ngarkuar Allahu, është shumë e madhe dhe e gjerë, e si e tillë nuk mund të mbartet nga një grup i vetëm muslimanësh, kushdo qofshin ata. Zoti i gjithësisë nuk ka pakt të veçantë me asnjë prej krijesave të Tij, lidhja me Të mbahet vetëm nëpërmjet respektimit të parimeve të Tij.
Lidhja e Hoxhallarëve të Shqipërisë
29/02/2012

Comments

  • Pershendetje dhe mbeshtetje per kete deklarate te Lidhjes se Hoxhallareve. Eshte sinjali i duhur se besimtaret dhe hoxhallaret jane bashke ne perballje me poltikat klanore te KMSH. Ne menyre te vecante mendoj se ky pasazh eshte i rendesishem:

    “Por, zgjedhjet e parregullta të Këshillit të Përgjithshëm, praktika selektive në përzgjedhjen e imamëve dhe myftive të rinj dhe tani së fundi, vendimi për shkarkimin e imamit dhe hatibit të xhamisë së Medresesë tregojnë qartë se, jemi përballë një agjende, e cila në emër të së vërtetës klanore absolute që supozon se mbart, kërkon të ndryshojë me çdo mjet, qoftë edhe jomoral, realitetin shumëngjyrësh të xhematit të besimtarëve shqiptarë, duke e nisur së pari këtë agjendë, nga hoxhallarët dhe predikuesit islamë që kanë vite që kontribuojnë për fenë në këtë vend.”

  • Une gjithashtu pershendes kete deklarate ne analizen qe i ben gjendjes dhe problemeve te KMSH-se. Eshte shume e rendesishme qe kjo Lidhje njeh ashtu sic ajo e quan “realitetin shumengjyresh te xhematit te besimatereve shqiptare”. Po kaq e rendesishme, mendoj une, eshte qe te punohet fort qe kjo deklarate te gjeje mbeshtetje sa me te gjere, ne radhe te pare ne mesin e Lidhjes, si dhe xhematin e thjeshte.
    Nga ana tjeter, Lidhja dhe cdo organizim tjeter i ngjashem me te duhet te punojne shume per te qene ne gjendje qe te ofrojne alternativa per daljen nga situata. Vetem konstatimet jane te pamjaftueshme. Ka nje krize te thelle perfaqesimi, pa trajtimin dhe zgjidhjen e se ciles, te gjitha zgjidhjet e tjera do jene afatshkurtra.

  • Jam dakort me reagimin dhe e falenderoj lidhjen qe po behen aktive ne kete ceshtje qe shqeteson te gjithe besimtaret. Besoj se kriza eshte e tille sa ja vlen te thirret nje simpozium i gjere i besimtareve dhe hoxhallareve per te diskutuar mbi menyrat se si besimtaret mund ta rimarrin institucionin e tyre perfaqesues prej klaneve qe e kane zaptuar pa te drejte e pa qene te zgjedhur aty.

  • hallall vellezer, keshtu ju pafsha perhere, me rezistencen e solidaritetin, jo me pushtetin

    larg hoxhallareve te pushtetit, afer drejtesise, afer Zotit

    • Qe kur ujku hengri laramanen , ! e paten dhe delet e tjera pas saj…! pyetja eshte se kush do jet Xhamia e rradhes qe do zevendesohen, un kete e shoh dhe si nje gazep prej te madhit ALLAH, e gjith kjo vjen nga mos objektiviteti dhe indiferenca e teologeve , me pak fjale o mete per vete, selami qofte me te gjith dashamiresit e kesaj feje.

  • selam alejkum. vellezer te nderuar. kmsh eshte nxituar me nje vendim qe na indinjoi duke pare kontributet e medha qe ka dhene sidomos imam Feridi. nga aana tjeter mendoj se ne po i hedhim benzine zjarrit duke vazhduar percarjen. zerat per rebelim jane vetem se ne dem te Islamit. i perjetshem dhe i Pafundem eshte vetem Allahu, prandaj mos ta shikojme si fund i botes. fitneja qe del nga rebelimi eshte gjithsesi me e rende. secili do jape llogari. Allahu na udhezofte.

  • S’po flet njeri per rebelim besmir, po flasim per tu mbledhur ne nje simpozium e per te diskutuar hapur cfare ka qe s’shkon me KMSHne dhe si mund te rregullohen punet. Nje nga menyrat me te mira per rregullimin e puneve jane zgjedhjet e lira per perfaqesuesit e xhematit ne KMSH, zgjedhje te mirefillta demokratike ku te perfaqesohen gjithe besimtaret pa perjashtim. Ky nuk me duket rebelim, apo jo???

  • o lidhja jam dakort qe hoxhallarët janë udhërrëfyes dhe edukatorë të popullit, janë bartësit e fjalës së Zotit,por kur i japin xhematit orientime politike si do ti quajme? une them qe feja te mos politizohet dhe xhemati te mos perdoret per interesa te ndryshme. le te merren ato qe e kan per detyre. imamit dhe besimtareve i shkon per hije vetem kenaqesia e Zotit.

    • Ku ti dergojme vajzat, motrat dhe kusherirat z. Hasani? Ne gjimnaze? Ndonje shkolle private tjeter?

      C’pamje ideale ke ne mendje, qe ta marrim si standart dhe te vendosim se ku tjeter te cojme vajzat dhe motrat? Ku jane shkollat shqiptare me mesues idealiste dhe me moral te mire, qe do te na edukojne vajzat dhe motrat me dije te thella fetare vec dijeve shkencore? Apo mos eshte me mire te bejme krahasime me realitetin moral te shoqerise tone, dhe te gezohemi me pamjen modeste prej muslimaneje te kesaj vajze?

      Medrezete dhe kurset e Kur’anit, apo financimet e ndryshme per Islamin, nga jashte kan ardhur gjithmone; nga vendet arabe dhe Turqia, kryesisht. Ne kemi qene nevojtaret, jo ato. Me botekuptimin dhe dijen qe posedojne kan ardhur, me nje detyre te veshtire ; te merren me popullin me te ditur, me te zgjuar dhe me bukurosh ne bote…

      Interpretimi qe ti i ben kesaj videoje eshte i pavertete, pa u zgjatur shum. Ato jane femije te dalluar ne “lenden e gjuhes turke” ne shkollat e tyre, ku studjojne anglisht. Asnje nga ata nuk harron anglishten, kurse gjysma e me shum turqishten e harron. Pastaj disa nga kolegjet nuk kan turqisht fare. Keta te programi nga ke marr videon jane femije nga 100 e kusur shtete te botes qe studjojne ne kolegjet turke te levizjes Gylen. Ato para te cileve po kendojne, per respekt dhe jo si sherbetore (krahasim naiv dhe i ngutur), jane njerez per t’u puthur duart. Nuk e di a hedh peshtymen ne toke pa patur interes ti z. Hasani, por keta variojne nga ata qe ua pakesojne femijeve kafshaten der te ata qe japin miliona dollare me nje qellim, rizane e Allahut. Kete e kam me Ilm al-Yakin. Keta jane ‘forca e madhe ekonomike’ pas levizjes Gylen. Kolegjet turke nuk kane pronare, nuk kane aksionere, nuk kane asnje njeri qe i rritet fitimi me shtimin e fitimeve te kolegjeve… nuk e kupton kush shijen e mjaltit pa e provuar, thote ajo shprehja, prandaj s’pres te kuptosh apo besosh… Por nuk do i fsheh te vertetat per tu dukur i paanshem.

      Eshte fare lehte te besh pak empati. Ne, nje grup muslimanesh shqiptare kemi hapur shkolla ne Bosnje psh, per hir te Allahut. Neqoftese ato na pershendesin ne gjuhen tone, te cilen e dine mire ose thjesht kane mesuar nje kenge apo ilahi, do na behet qejfi apo jo. Kaq e thjeshte eshte puna.

      Por eshte ne natyren e te marrit me djege jorganin per nje plesht. Eshte po ashtu ne natyren e te marrit me ngrit zerin si gomari qe te beje zhurme dhe te degjoje lagjja. Eshte ne natyren e te marrit me u mundu me fut shkopinj ne rroten e vellait qe ecen me biciklete per ta hedh nja 5 meter tutje (vellain e parapreferon se i bie me qafe kollaj).

      Dhe dicka tjeter, me c’te drejte vendos videon e vajzes se botes duke ofenduar se sillet si sherbetore (ky i fundit eshte problemi, jo vete videoja)? Do vesh edhe ndonje video si kundermodel, dmth video qe na tregon modelin e duhur per motrat e vajzat tona? Por ama gjej nje video qe ke leje te sigurt ta perdoresh…

      Kur rri ne anen e ‘teoricieneve’ dhe fle gjume eshte e lehte te shohesh gabimet e tjereve dhe mos te kuptosh veshtiresite e punes. Me gabime pa gabime, me mevlude tallava, pa tallava, me plane te hollesishme apo me dilatentizem, keto i shohim qe po mundohen me punu. Nuk thot kush se keta jane me te diturit, me karizmatiket…
      Nqs e dine veten per te tille i ka marr lumi. Shpresa eshte, qe ata i jane dorezuar plotesisht Allahut( mbrojtjes dhe ndihmes Tij ) dhe vrapojne jo se ka kush nevoje per vrapin e tyre, por per te perfituar ne nje pune me ‘fitim te madh’.

  • Your email address will not be published. Required fields are marked *