E-zani

Komuniteti Musliman ka shkarkuar dje Zëvendësmyftiun e Tiranës Nasuf Hoxha. Shkarkimi erdhi krejt papritur, pa asnjë arsye të justifikueshme ligjore, gjë që duket se po përshkallëzon konfliktualitetin në të cilin ky institucion është futur tashmë në mënyrë të verbër. Z. Hoxha njihet si një kontribues i rëndësishëm në Shoqatën Ardhmëria, drejtuesi i së cilës është shkarkuar ditë më parë nga pozicioni i predikuesit në Xhaminë e Medresesë, gjë që e bën mjaft të qartë arsyen e këtij shkarkimi. Sipas KMSH-së vendimi është motivuar me faktin se z. Hoxha është gjithashtu i punësuar në Medresenë e Durrësit dhe se nuk mund të ketë dy pozicione njëherësh. Ky sebep duket qesharak, për më tepër kur z. Hoxha nuk ka qenë i punësuar me bordero të rregullt në postin e Ndihmësmyftiut. Nga ana tjetër, nuk dimë nëse ka apo jo ndonjë mbështetje ligjore për këtë, por sido që të jetë, kjo është një praktikë që ndodh rëndom në KMSH. Për më tepër, nëse është antiligjore, pyetja shtrohet se përse kjo gjë është lënë deri më tani dhe nuk është zbatuar që në fillim dhe nga ana tjetër, përse nuk i është kërkuar të zgjedhë se cilin prej pozicioneve do të duhet të mbajë?

Armiqësia e shpallur nga KMSH, ndaj shoqatës Ardhmëria, në mënyrë të qartë tregon rivalitetin që krerët e lëvizjes Gylen në Shqipëri ndjejnë prej aktivitetit të kësaj shoqate, si një prej stacioneve të rëndësishme të ekspansionit të tyre në truallin xhemator shqiptar. Nuk mund të shpjegohet ndryshe ky fakt kur dimë se kemi të bëjmë me një shoqatë që nuk nuk është shprehur kurre kundër vendimeve të KMSH-së, e cila ka pasur historikisht marrëdhënie korrekte me këtë institucion. Mbi të gjitha, shkarkimi i Zëvendësmyftiut, vjen kur shoqata Ardhmëria ka pranuar vendimin e KMSH-së për shkarkimin e kryetarit të saj z. Piku, nga vaiz i Xhamisë së Medresesë, duke u tërhequr rezistenca e besimtarëve të kësaj xhamie ndaj padrejtësisë së vendimit. Pra, goditja vazhdon, edhe pasi Shoqata Ardhmëria, ka pranuar verdiktin e KMSH-së.

Ekstremizimi i arbitraritetit që Komuniteti Musliman po ushtron ndaj besimtarëve, po i fut marrëdhëniet e këtij institucioni në një qerthull të rrezikshëm armiqësie, gjë që rëndon shumë klimën fetare në vend. Pak ditë më parë, imami i ri i emëruar për Xhaminë e Medresesë, ka denoncuar në Prokurori dy nga besimtarët e xhamisë, për shkak se së bashku me të gjithë të tjerët, e kanë penguar atë të marrë drejtimin e faljes. Denoncimi pretendon se është ushtruar forcë gjatë pengimit të tij, ndërkohë që një prej të denoncuarve është një burrë i moshuar. Nëse imami i ri mendon se do të mund t’a ushtrojë detyrën duke e filluar me denoncime në Prokurori ndaj besimtarëve të vet, ky është një lajm i keq jo vetëm për këta besimtarë, jo vetëm për të gjithë besimtarët muslimanë në Shqipëri, por për klimën e lirisë fetare në vend. Eshtë jashtë çdo lloj logjike normale, që një grup besimtarësh, të cilët mblidhen në mënyrë vullnetare në një objekt kulti, të detyrohen me forcë që praktikat fetare t’i ushtrojnë nën drejtimin e njerëzve që nuk i duan. Kjo do të thotë se klima që po mbillet tashmë në KMSH, është një klimë diktati dhe arrogance, e cila në fakt, nuk mund të dëmtojë tjetër vetëm se vetë atë që e ushtron.

Comments

  • Duke biseduar para disa ditësh me një shok mbi veprimet arbitrare të hizmeqarëve të KMSH-së kundrejt xhamisë së Medreses, dëgjova se Ardhmëria luhatej t’i këshillonte imamët të tërhiqeshin nga xhamia për të mos u shkaktuar më shumë fitne. Mendimi im ishte që: 1. Edhe sikur Ardhmëria të tërhiqet, nuk tërhiqet xhemati, dhe tërheqja e imamëve do të dukej si lënie në baltë e xhamatit; 2. Hizmeqarët e KMSH-së po veprojnë si komunistët motit: Xhamia e Medreses është vetëm hapi i parë, lufta e tyre kundër ihuanëve. Pas tyre e kanë rradhën gjitha xhematet e tjera, natyrisht në fillim ato të asociuarat me arabët (dmth selefinjtë), dhe në fund fare ato filoturke që s’janë pjesë e hizmeqarëve. Ky është interpretimi hizmeqar i davetit. Me vendimin e tyre për të shkarkuar zv.myftiun ndihem i konfirmuar në shqetësimin tim dhe u këshilloj drejtuesve dhe xhematit të Medreses por edhe gjithë xhemateve të tjera që t’i qëndrojnë vendimit të tyre.

    P.s.: Dje po shihja në youtube një film mbi jetën e Seid Nursit, ku natyrisht vëmendje i ishte kushtuar burgosjes, gjyqit, por edhe kthimit tek xhemati i tij. Jam i vetëdijshëm që hizmeqarët e sotëm s’kanë lidhje me Said Nursin dhe janë celula autonome kundrejt hoxhës së tyre të sotëm Fethulla Gülen. Megjithatë, është interesante, se si njerëzit janë të paaftë të nxjerrin mësime nga vetë historia e dhimbjeve të tyre. Siç duket, një lëvizje si e hizmeqarëve, që është përndjekur në zanafillat e saj, nuk di tjetër veçse të përndjekë në çastin kur merr pushtetin. Allahu na ruajttë!

    • Kjo eshte si puna e hebrenjve, qe kane ngritur nje holokaust te tere, dhe e harrojne kur vjen puna per palestinezet, te cilet i vrasin pa pike meshire….

      • Jan be te gjithe me mastera psikologjije dhe sociologjije; ja marrin shpirtin ideve te Marksit dhe Frojdit. Shume mire, po sikur quhet spekullim te rrish kembekryq duke teoritizuar (me keq hedhur akuza te renda) dhe mos provuar asgje… ky qendrim eshte qesharak kur behet fjale per ide shkencore, por kur behet fjale per akuza dhe etiketime, qendrimi juaj eshte edhe me problematik.

        A keni ndonje shpjegim me argumente ose prova per mesazhin e meposhtem te para ca koheve, i cili nuk u diskutua sa duhej. Te ma beje hallall z. Dervishi se ndoshta z’do ti pelqeje te sjell mesazhin e tij.


        Cfare ka ndodhur ne te vertete dhe pse u provokua gjithe ky debat? KMSH-ja ka marre nje vendim qe imami dhe hatibi i xhamise se medresese te levize dhe xhamia te administrohet nga medreseja per praktiken e nxenesve. Kur kerkova detaje per kete ceshtje dolen ne pah shume te verteta qe deri tani nuk jane thene fare. Kur kontaktova me dy ish mesues te medresese para me shume se nje dekade ata me thane tekstualisht se ne kohen kur medresene e tiranes e administronte shoqata e katarit ky ambjent faljeje ka qene vetem per nxenesit. Me lejen e KMSH dhe ndihmen e shoqates se katarit u be e mundshme qe kjo te kthehet ne xhami duke u hapur edhe per publikun e jashtem, por edhe duke i ndertuar nje minare. Ne marreveshje me KMSH shoqata e katarit administronte xhamine dhe vendosen qe hatib te ishte mesuesi i lendes se predikimit (hitabetit). Ne ate kohe mesues i predikimit ishte Ferid Piku. Ndersa drejtues te KMSH thone se ne vitin 2005 kur shoqates turke sema iu dha per administrim medrseja, ne marreveshjen protokollare ishte edhe xhamia si ambjent i kesaj medreseje. Drejtues te KMSH u shprehen se kjo eshte nje e drejte e vonuar e medresese qe per shume rrethana e shkaqe qe kane te bejne me te kaluaren, ka ardhur ne kete menyre ne ditet e sotme. Ne vendimin e tanishem te KMSH perseri hatib ishte vendosur mesuesi i hitabetit. Kur verifikova nese ky vendim a bien ndesh me parimet e vete statutit te kmsh, pashe se kmsh i kishte kompetencat e plota per kete pune.”

        E keni te plote ketu http://www.e-zani.com/2012/03/15/kmsh-kercenon-imamin-e-xhamise-se-medresese/#commentspost

        Kur nderroi administrata e medresese se djemve (ose ndoshta e vajzave, s’po me kujtohet) ne Shkoder, i gjithe stafi ndryshoi me sa mbaj mend. Kjo ka ndodhur edhe Cerrik, mund te kete ndodhur edhe perpara. Ju i dini me mire si me te interesuar qe jeni. Ate kohe pyeta nje shokun tim medresist se pse u hoqen mesuesit e vjeter, se mu duk e gabuar. Ai thjesht me tha “po te ‘vetet’ nga ti conin”… pergjigja mu duk e arsyeshme, me kembe ne toke… Mund te kete pergjigje me te mira; meqe merr persiper administrimin dhe te investosh edhe shuma te medha, normal qe ke te drejten te punosh me njerezit qe vendos vete. Ide per ideale mund te kemi te gjithe, por po ashtu dime realitetin.

        Deshira e xhematit ka shume rendesi. Te isha pjese e xhematit te asaj xhamije dhe i lidhur fort me imam Lulin e Feridin, reagimi mund te me dukej normal besoj. Po me sa duket me siper, eshte ne mes edhe e drejta e medresese. Neqoftese kjo eshte e verteta. Nuk dua te polemizoj dhe nuk e heq mundesine qe ne teresi KMSH te jete gabim, nuk e di fare. Nuk heq as mundesine qe mund te shkoj ne nje grope te xhehennemit. Thjesht po pyes per ndonje argument ne lidhje me ‘rebelimin’ se edhe ne paste argumente te kenaqshme, humbasin ne fluksin e madh te fjaleve e teorive boshe plot vrer. Te pakten kur shani beni ndarjen, thoni ketu e kemi me filan ‘gylenxhinj’, ketu e kemi me te gjithe ‘gylenxhinjte’, ketu e kemi me te gjithe nurxhute… se 99% e nurxhuve shqiptare (‘gylenxhite’) s’ja kane haberin se ca behet me KMSH, pine caj e lexojne Risale per qejfin e vet, edhe si plas fare se ca mendon njeri e tjetri per selamin e jahudillekun tyre. Nga mengjesi der ne dark mund t’ju bej lidhjen me figura te shpifura per mua si harixhinjte e Jezidi, (jo muslimane s’ju them dot) po duhen provuar pastaj, ne anen tjeter.

        Sic me duken idiote apo edhe zullumqare akuzat per terrorizem, apo pakujdesia ne te shprehur ne letren e drejtuar policise, qe mund te kete shkaktuar klasifikimin si ceshtje e anti terrorit, nuk i jap kuptim pengimit te imamit te ri per te ushtruar detyren. Qendrimi ‘origjinal’ i imam Lulit “po te mos deshironte xhemati, patjeter qe nuk do qendroja”, me duket nen standardet e nje imami qe ka aq shume simpatizante. Ca eshte ky lloj qendrimi dhe a ka kush ndonje gje per te thene per marrdhenjet hierarkike ne pune e Islamit ne Shqiperi.

        • Enis kam vene re se je pyetur disa here per ceshtje thelbesore nese vazhdon te qendrosh ne llogoren tende sektare, edhe kur eshte bere e qarte qe jane shkelur ato parime qe nuk mund te shkelen, e prape se prape ti je i qete me veten kur shkruan keto qe shkruan.

          Atehere, jo si sociologe e psikologe, por si myslimani myslimanit po te them qe eshte imorale te vendosesh shenjen e barazise midis venies se llagapit te ekstremizmit dhe cuarja ne zyrat e anti-terrorit dhe asaj qe ti po quan si mosbindje e imamit te Medresese.

          Se dyti, pershkrimin e ngajrjeve e ke gabim. Atyre cunakeve te KMSH-se, qe nuk mund ta njohin dinamiken e xhamive sepse nuk i kane hypur ato shkalle duke dale nga rradhet e xhamive, ju tha qe ne fillim qe xhamine le ta merrnin, por te krijonin kushtet per nje xhami per bashkesine e besimtareve te Medresese, por ata ishin totalisht te painteresuar per ata njerez qe falen aty.

          Cdo te thuash qe qenka normale qe sa here qe nderrohen nje pale drejtues duhet nderruar gjithe personeli? A nuk kupton se kjo eshte formule shkaterrimtare?

          • E kam fjalen vetem per nderrimin e administruesve te medreseve qe financohen ne menyre private. Dmth nderrimin e mesuesit te hitabetit ne rastin konkret, pra edhe te imamit. Kjo eshte dicka e pranuar, qe as e ve kush ne diskutim normalisht, pse qenka rasti konkret ndryshe. Problemin kerkoje me heret, te dhenja e administrimit Sema-se. Se keshtu po bejme, po nderrojme dege per te qendruar, ne kerkim te deges me te forte.

            Per mua le te dale nga mesimi nje mesues me 4 gisht mjekerr dhe te futet nje me musteqe, neqofte e mundur. Nuk i kam thene askujt terrorist qe te quhet imoral qendrimi im. Ne lidhje me problemin e xhamise, s’eshte bere e qarte asgje. Versioni qe kam degju qe ne ditet e para te problemit ka qene ky qe ka shprehur z. Dervishi, ne detajet e nevojshme. Neqoftese ka kush ca te thote ne menyre jo spekullative, le ta mbylle kete ceshtje para se te kalojme te ‘zullumi’ i radhes i KMSH.

            Psikologet e sociologet me ide fantastike jane palestinezet siper qe u kan hedh nurxhute bomba caji, s’e kisha per kend tjeter.

        • Enis, ky blog nuk ka akuzuar ne asnje rast gylenxhinjte si nje grup fetar qe ka botekuptimin dhe qendrimet e veta mbi fene. Ajo qe ne kemi bere here pas here eshte denoncimi i akteve abuzive, te drejtuesve te kesaj levizjeje ne Shqiperi, e cila perfaqesohet kryesisht nga fondacioni SEMA, si dhe nga zyrtare te tjere ne KMSH dhe institucionet qe varen prej saj. Ne denoncojme veprimtarine e tyre, kur ajo i imponohet muslimaneve shqiptar, nepermjet lojerave abuzive ne institucionin perfaqesues te tyre KMSH, sic eshte edhe rasti per te cilin po diskutojme. Pertej kesaj, ne nuk kemi kurrfare problemi me asnje individ qe preferon te frekuentoje rrethet e muslimaneve qe lexojne risalet e Said Nursit. Kjo eshte e drejta e tyre, te cilen ne nuk na takon t’a gjykojme. Ne jemi te hapur dhe njohim te drejten e gjithsekujt per te praktikuar fene ashtu sic ai e gjykon se eshte e verteta (ne pavaresi nese jemi apo jo dakort me te), por nuk mund te pranojme padrejtesite, sic eshte rasti i tanishem kur nje grup i imponohet nje tjetri, aq me teper me menyra te tilla ilegjitime e te pandershme.
          Ne lidhje me postimin e z. Dervishi, e verteta mbi xhamine eshte se, ne kontraten e SEMA-s me KMSH-ne, xhamia percaktohet se do te perdoret per praktikat e Medresese, por percaktohet gjithashtu se do t’i sherbeje edhe besimtareve (jo-medresiste) qe falen ne te dhe nga ana tjeter, kontrata percakton se imami do te zgjidhet nga KMSH-ja. Pra, eshte KMSH-ja qe vendos se kush te jete imam, dhe jo medreseja, gje qe do te thote se argumenti i perdorur prej KMSH-se nuk vlen aspak ne rastin konkret. Xhamia eshte ne dispozicion te medresese, kur ka nevoje per praktika mesimore, por ajo, ne rradhe te pare eshte xhami, e jo palester per te mesuar doren prkatikantet. Xhamia nuk ka qene deri me tani pengese per medresene dhe nuk ka arsye perse te ndryshoje imami per kete. Pra i gjithe pretendimi per nevojat e Medresese eshte fiktiv.
          Ajo per te cilen reagohet ne rastin konkret eshte se levizja e imamit prej KMSH-se eshte bere ne menyre te padrejte, pa asnje arsye ligjore te justifikueshme. Argumenti se gjithcka po behet per t’i dhene Medresese te drejten e vet, nuk qendron aspak, per sa kohe ne kontrate imamin e zgjedh KMSH-ja dhe jo Medreseja. Pervec kesaj, vendimi qe xhamia t’i kaloje per administrim medresese eshte marre vetem ne mbledhjen e fundit te Keshillit te Pergjithshem http://www.e-zani.com/2012/04/21/largohet-kryemyftiu-vendin-e-ze-gurra-me-100-te-votave/.
          Kjo do te thote se deri tani xhamia nuk ka qene nen administrimin e saj ligjerisht.
          Ne fund te fundit, vendimi per zevendesimin e imamit bie ndesh me frymen statutore te KMSH-se. Eshte gabim i madh qe kjo ceshtje te trajtohet si nje e drejte administrative. Ceshtja nuk eshte se kush ka te drejte te zgjedhe imamin administrativisht, por ceshtja duhet pare ne funksion te parimeve themelore mbi te cilat ngrihet institucioni. Nese do te benim nje paralelizem me hierarkine e ligjeve te shtetit, ceshtja ka te beje me kushtetutshmerine e vendimit. Konkretisht qeveria ka te drejte te ndermarre vendime mbi probleme te caktuara ekonomike e administrative, por nuk ka te drejte te ndermarre veprime qe bien ndesh me frymen e kushtetutes. Ne rastin konkret, KMSH-ja mund te zgjedhe nje imam, por nuk mund te zgjedhe nje imam ne kundershtim me vullnetin e xhematit, pasi vete KMSH-ja presupozohet te dale nga xhematet dhe nuk mund te dale mbi verdiktin e njerezve qe e zgjedhin, per t’u imponuar atyre se pas kujt duhet te falen. Fundja fundit, po te shkojme edhe me larg ceshtja ka te beje me lirine fetare, e cila eshte ceshtje thellesisht kushtetuese. Ne kushtetuten e ketij vendi liria fetare eshte e garantuar dhe njerezit kane te drejte te ushtrojne veprimtarine e tyre fetare ne menyre private dhe publike, ne menyre individuale dhe te organizuar. Ketu kemi te bejme me nje grup njerezish qe mblidhen per t’u falur ne nje objekt kulti dhe nuk mund te kete asgje qe mund t’u imponoje atyre me zor se kush do t’u prije ne ushtrimin e ritualeve fetare qe kryejne. Kjo vjen pasi kemi te bejme me fe, qe i perket sferes shpirterore dhe qe ka te beje me vullnetin e perbashket dhe nuk mundet asgje te dale mbi vullnetin e ketyre njerezve ne praktikat e tyre fetare ne xhami. Nese KMSH-ja mendon se do t’u imponoje vullnetin e saj burokratik ketyre njerezve, aq me keq, nese mendon se do t’a beje kete me polici, kjo tregon per nivelin e mjerueshem mendor e shpirteror ne te cilin ajo gjendet, kjo tregon per raportin e trishtues qe drejtuesit e ketij institucioni kane me lirine dhe besimin. Mbi te gjitha, duhet te kuptojne se me mjete te tilla nuk mund t’ia dalin. Nese vijojne ne kete mnyre, ky institucion do te vijoje te jete subjekt konfliktesh te pashterrshme. KMSH duhet te terhiqet, te kthjellohet dhe te kuptoje se nuk mund te sundoje ne menyre arbitrare dhe despotike shpirtrat e besimtareve. KMSH duhet te kuptoje se ne xhami nuk hyet me kambalet e policeve, por duke zbathur kepucet e duke qene i perunjur.

  • Selam Alejkum

    Eshte vertet per te ardhur keq kur degjon qe te tilla veprime te pahijshme ndermeren nga perfaqesuesit e institucionit me te madh fetar ne vend, ne nje kohe kur perqindja me e madhe e deklaratave te ketij institucioni glorifikon me te madhe kontributi i tij ne lidhje me tolerancen nderfetate ne Shqiperi.

    Sulmet e vazhdueshme te krereve te KMSH drejtuar imamlarreve dhe xhematit musliman ne pergjithesi si dhe shoqates Ardhmeria, nuk jane gje tjeter vecse nje njolle e madhe morale qe po i shtohet karvanit te njollave dhe padrejtesive ketij institucion dhe perfaqesuesve te tij. Denoncimet neper organe policore si dhe shkarkimet e vazhdueshme nga puna pa nje motivacion te qarte, te cilat perngjajne tejmase me metodat mafiozo-komuniste te para viteve 90, cdo dite e me teper po e bejne kete institucion me pak te besuar dhe me te urryer ne syte e neve besimtareve te thjeshte.

    Personalisht shpreh indinjaten time te thelle per kete veprim te padrejte te KMSH te ndermarre ndaj te nderuarit Nasuf Hoxha.

    Lus Allahun qe padrejtesi te tilla te mos perseriten me nga kreret e KMSH dhe gjithashtu e lus Allahun qe tua hape zemrat atyre dhe ti beje qe te dalin e te kerkojne falje publike per gjithe xhematin e Shqiperise ne pergjithesi dhe per Shoqaten Ardhmeria ne vecanti per te gjitha padrejtesite qe u kane shkaktuar. Besoj se u ka mbetur sadopak burreri per ta bere kete.

    Allahu dhashte hajrin dhe jo sherin per te gjithe besimtaret.

    Me respekt
    Klodian Abazi

  • imami i xhamise se Ethem Beut mban dy poste, ate te imamit dhe profesorit te Bedri keshtu qe sipas motivacionit me te cilin eshte oushuar Nasauf Hoxha duhet te oushihet edhe ky njeri nga imami i xhamise. per te mos thene qe ky mund te jete i punesuar edhe tek Sema pra firmos ne se paku dy bordero! haram duhet te pushohet shkelje instutcionale! dy punesimi eshte i ndaluar .

  • Qani, keta gylenxhite e KMSH-se kane qene dele te perendise deri me tani. Dhe ti qenke kaq elitar e intelektual i formatit te larte saqe te duket i dhunshem komentuesi i mesiperm.
    Pastaj me duket se ke ngaterruar kahje, levizja Gylen i ka per zanat prapaskenat, bashkepunimet e turpshme, goditjet pas shpine,blerje-shitjet e personave, te cilat na i shet trashe fare.

    • Per ca u dritherove bre Qani? Mos te doli gje e verteta, se vetem ajo ta prish gjakun. lexo pak gazeten shqip te dates se sotme, ku flet per ate Gylenin dhe levizjen e tij, per t’u dritheruar ca me shume. Edhe mjaft na shite profka se per cfare meson Islami se kesaj i thone bej si them e mos na beni kete qe ju bejme ne.

      • Muslimani nuk ofendon muslimanin sic beni ju. Dhe as nuk i behet qejfi kur te pabeset e sulmojne muslimanin. Ju zoterinj zgjidhni anen me cilen jeni? A jeni me muslimanin apo me te pabesin? Gazeta Shqip ndoshta e sulmon hoxhen tone, por juve, nuk duhet tu behet qejfi, por te dritheroheni nga ky sulm.

        • Sigurisht qani, muslimani nuk denoncon as qafirin tek antiterrori kur e di qe ai nuk eshte terrorist, e jo me muslimanin, sic bejne abilaret tuaj. Tani, ti zoteri zgjidh i pari se me ke je, a je me imam Lulin apo me antiterrorin dhe gylenxhinjte e KMSH-se.

        • Qani, te pelqen apo jo , aty i eshte bere nje skaner asaj levizjeje. Dhe puna nuk eshte na behet qejfi ose jo. Po nuk kemi pse durojme dajakun dhe marrezite e juaja me ate idiotizmin a jeni me ne apo me te pabesin.Ju nuk ngurroni te spiunoni te antiterrori dhe ne u dashkemi te qakemi per Gylenin!?
          Pastaj ajo qe me ka bere pershtypje eshte edhe se shume nga abileret tuaj e kane raftin mbushur me librat e Gylenit dhe nuk shoh kurre te referoheni per ceshtje feje nder dijetare te njohur te botes islame, apo libra te njohur te ISlamit, apo nuk citoni kurre ndonje sahab apo nuk keni as qasjen me te vogel ndaj cdo gjeje qe del jashte rrethit te Gylenit. Apo cdo liber, cdo mendim, cdo veprim, shkurt cdo gje kalon nga Gyleni. Juve ju ka bo truni qark te shkurter, o vella.

        • Ju po bini viktime e atyre qe ju akuzoni vete hizmetin. Nese Selim Muca ka cuar hoxhen tuaj ne antiterror, edhe ju, me verberine qe tregoni ne urrejtje ndaj muslimanit tregoni qe do benit edhe me keq po te kishit pak pushtet ne dore. Duhet te pendoheni dhe te beheni muslimane te mire dhe mos te flisni sic beni ju, pse kjo eshte turp dhe mekat. Nese bota e gjitha prishet, ju nuk duhet te prisheni. Faluni, duroni, duani dhe rrespektoni. Mos u beni si shkruesi i ketij shkrimi qe eshte i mbushur me urrejtje dhe intolerance ndaj vellait musliman.

  • Allah Allah duhet me qene shiks per me kerku qe KMSH te mos ndjek dy standarte! ah more hizmetci te mjere qe jetoni me intriga dhe kujtoni se te gjithe ata qe ironizojne punen tuaj jane si ju te mcefte qe keni frike me dhene selam ne publik se ju zbulojne dhe keshtu qe ata qe sajne si ju qenkan agjente te sherbimeve sekrete! mendjengushtesia sektare e xhematit gulenxhi qe ssheh pertej hundes se vet te tilla semundje ka.

  • S A.
    Perse behet valle gjithkjo katrahure? Cili eshte qellimi i imamit te medreses te prish imazhin e vet dhe te fese islame. Imami si prijes i xhamise duhet te perdor cdo menyre fetare per te ftuar sa me shume njerez ne fene islame e jo te denancoj ato vetem per te mbajtur nje vend pune. Cfare shkolle do te kete mbaruar imami i xhamise, dhe ku e ka mbaruar.nga pa aftesia e tije per te bindur xhematine medreses. Nuk eshte i arsimuar ashtu sic duhet per postin e imamit te medreses …. feja islame eshte per bashkim harmoni respekt ndaj vetes dhe shoqerise.tek nje drejtues nuk shikoj asnjeren cili eshte qellimi i imamit te ftoj sa me shume njerez ne islam apo te percaj sa me shum njerez………..ne myslimanet jemi ne qender te vemendjes per cdo levizje. Zoti i udhezofte te gjith.
    S.A

    [Ju lutem mos lini komente ku te tera fjalet jane shkruar me shkronja te medha shtypi. Veshtireson leximin dhe ndikon ne vizualitetin e te gjithe materialit.]

    • Berti, kaq shume kompleksoheni ju nga selami saqe e shkruani SA.
      Imami qe po sillni ju nuk ka detyrimisht vlera pse ia keni ngritur me elozhe neper gazeta. D.mth. rregullojini pak CV, per t’i bere te besueshme, se ajo e myftiut ishte fare qesharake. Pastaj perderisa imami kerkon te imponohet me zor ne nje xhemat qe nuk e do, sa per t’i shku prapa urdhrave te hizmetit, nuk premton shume per Islamin ne Shqiperi. Xhamiat nuk jane vende eksperimentale te kolegjeve.

    • selam alejkum
      Katrahura nisi nga lart o vella! imami i xhamise mund te kete gabimet e tij, por gabimi i tij sado i madh qofte nuk justifikon veprimin ose me sakte menxyren e KMSh per te denoncuar njerezit e saj tek antiterrori! a nuk e kupton dot sesa e rende eshte kjo?! kjo eshte prishja e vertete e imazhit te Islamit! te cosh ne zyrat e policise nje imam tendin qe e ke mbajtur per 10 vjet si ekstremist dhe radikal kjo ska ku te shkoj me keq per imazhin e Islamit dhe kmsh vete qe me kete veprim ja ka fut vetes ne rradhe te pare dhe pastaj ka nxire edhe faqen e muslimaneve te ketij vendi. pastaj ku ishin keta te kmsh para 10 vjeteve kur e vune ate imam dhe ai spaska pregatitjen e duhur as e shkollen qe duhet? po pastaj tani u plotesuan kushtet per te zevendesuar imamin mbasi erdhen ata qe mbaruan ne turqi?! a e di ti sesa studente kemi ne shqiptaret qe jane diplomuar ne vendet arabe madje edhe master per fe dhe jane shume e shume me te pergatitur nga ana fetare sesa keta qe nuk dine arabisht dhe po i sjellin sot neper poste, e megjithate per ta nuk ka vend pune? pse a nuk plotesojne ata kualifikimin? jo vella i dashur por sepse nuk i perkasin xhematit te hizmetit dhe kjo kuptohet qarte dhe nuk e hame dot sapunin per djathe me te tilla justifikime boshe, jo deftesa jo kualifikimi ejt…, atje ku duan as pyesin per keto kualifikime, merr si shembull ca myftinj rrethesh qe jane pa shkolle hic dhe vazhdojne te jene myftinj? pse kur ka me dhjetra hoxhallare qe rrijne pa pune ose shesin qofte dhe rregullojne celular apo ikin rrugeve te perendimit se kmsh nuk i qas prane saj?! po mos lodhemi kot fjala e urte thote se peshku qelbet nga koka, shiko kryetarin qe kemi dhe kualifikimin e tij arsimor fetar dhe intelektual dhe e merr vesh se per cfare shkolle behet fjale qe duhet plotesoje nje imam qe te jete punonjes ne kmsh! mos ti hyjme pastaj anetareve te keshillit te pergjithshem duke nisur qe nga Tirana se kush jane se po ti dini kmsh me ceshtjne kritereve te shkolles qe na hedh hi syve del lakuriq fare dhe shemtojne veten dhe islamin me ata njerez qe mbajne, 100 here me teper sesa nje imam qe nuk kerkon ti bindet nje vendimi sektarist te ketij insituvionin sektarist. hapeni nje cike mendjen dhe shihini gjerat ashtu sic jane behuni me objektiv ne gjykimet tuaja.

  • sa keq po me vjen per Nasufin, ngeli pa pune. O Nasuf vellai, ngushellimet e mia! T’u keput rizku. Si do t’ia besh more vella, ke tre femije per te rritur. Nejse takohu me mua se ndoshta mund te te gjej nje pune.
    gjithsesi, te nderuar miq! Ju kerkoj ndjese qe e nisa keshtu kete koment, por besoj se e kuptoni qe fjalet e mia jane teresish ironi e asaj qe po ndodh.
    Nuk arrij ta kuptoj, por realisht ky veprim eshte krejtesisht foshnjarak. Doni qe t’jua vertetoj. Djali i im 7-te vjecar i jep vajzes time nje loder si dhurate. mbas disa ditesh djali per nje qejf te prishur nga e motra i drejtohet dhe i thote: ma kthe lodren qe ta dhashe perpara disa ditesh. Vallahi, ky veprim i djalit tim eshte mese i justifikueshem, sepse eshte ende femije dhe nuk e di se si funksionojne punet. Por qe drejtuesite KMSh-se ta bejne nje gje e tille eshte komplet jashte cdo norme dhe etike. Para disa muajsh ishin ata vete qe e kerkuan Nasufin dhe tani me nje veprim te nje djali 7-te vjecar e largojne ate nga posti i zv myftiut, qe me sa di une nuk eshte se ka ndonje rol kushedi se cfare.
    Ej Zot i madh, dita-dites po shfaqen veprime te pakontrolluara nga drejtuesit tane

  • eshte me te vertete per te ardhur keq. jemi as jemi 5% praktikant ne Shqiperi dhe jemi nda si mos me keq. Une mendoj se duhet te jemi larg etiketimeve dhe ndasive. A nuk po e kuptoni qe jemi shqipetare dhe nuk duhet me sjelle ne Shqiperine tone as Arabine dhe as Turqine. Ajo qe duhet te ngulmojme eshte te percojme tek bashkekombasit tane fene e Allahut dhe jo grindjet tona.
    Une jam dakord plotesisht se myslimani nuk duhet ta ofendoje e ta shaje vellain e vet mysliman. Por ne te njejten kohe nuk mund ta toleroj aspak faktin qe vellai im te me akuzoje si terrorist. I nderuar Qani ofendohesh per disa fjale (dhe ke te drejte)por akoma nuk e kuptuar se akuza qe KMSH-ja i beri dy imamllareve eshte shume here me e rende. Besoj se e di mire qe Profeti Muhamed (a.s.) ne gjirin e tij mbajti munafiket (hipokritet) dhe asnjehere nuk nderrmori masa te rrepta ndaj tyre. Perse? Qe rrjeshtat e myslimaneve mos te percaheshin dhe mos t’u behej qejfi pabesimtareve. Ndersa instuticioni jone pa hezituar aspak denoncon dy persona qe ne duhet t’i mbajme ne pellembe te dores per ate qe kane kontribuar.
    Perse te gjithe keta njerez perjashtohen nga instuticioni pa asnje motivacion. Ore vella i nderuar, nese une punoj ne nje firme dhe neser pronari me thote qe je i pushuar, instiktivisht do te me linde pyetja: perse po me pushon. Nese ai me thote qe pergjigjen do ta jap neser. Atehere une gjithe naten do te mendohem duke kujtuar rastet se ku mund te kem gabuar qe pronari te marre kete vendim drastik. Nga muaji Shkurt e deri tani imam Lulit nuk i eshte gjetur asnje cen ku mund te kete gabuar. Atehere perse gjithe ky arbitrarizem. Apo topi eshte i imi dhe penalltine do ta gjuaj une. Kjo eshte shprehja e Gonit tek filmi “Mengjese Lufte” por nje parim te tille Allahu nuk e pranon, dhe me pas po ashtu nuk e pranojne as myslimanet qe ndjekin parimet e Islamit. A nuk po e kuptoni qe ju nuk ju ka dale kundra Luli dhe Feridi, por i tere xhemati qe ju nuk keni tentuar asnjehere te shkriheni me te. Jeni shkrire apo nuk jeni shkrire me xhematin kjo eshte puna juaj dhe tek e fundit nuk perben ndonje problem serioz, por qe te prekesh ndjenjat e tij, ta akuzosh per terrorizem, t’i besh padrejtesi, atehere edhe njeriu me i thjeshte do te reagonte. Le t’i kthejme kartat pak mbrapsht, si do te vinte ty nese une do te te akuzoja tek forcat e antiterrorit. Ti u preke per hoxhen e nderuar,Fet’hulla Gylenin, dhe kjo eshte nje e drejte legjitime, sepse edhe une prekem kur cenohet figura e nje personaliteti islam. Dhe perkundrejt kesaj ti kerkon qe ne te qendrojme si lepuj e pula perpara kesaj situate. Une e kam thene dhe do te perseris me qindra here. I AM NOT A TERRORIST. WE ARE NOT TERRORIST. Me cfare te drejte na akuzoni?! A e di ti vella i nderuar se edhe lepuri ne disa raste tregohet trim ndaj dhelpres. Dua te me kuptosh drejt, nuk te akuzoj duke ju krahasuar me dhelpren, por eshte e drejta ime te cilen Allahu e ka instaluar ne natyren e cdo njeriu qe te mos ta pranoje akuzen qe i eshte bere me te padrejte. Me sinqeritetin me te madh, une do t’ju ftoja qe te kerkonit falje publike per akuzen e rende, sepse eshte me mire qe te kerkoni falje ne kete dynja, sesa ne boten tjeter ku edhe nese deshironi te kerkoni falje, ajo nuk do t’u pranohet.

  • Your email address will not be published. Required fields are marked *