Unioni i shqiptarëve musliman në Itali dhe Union der Islamisch-Albanischen Zentren in Deutschland

Përshkallëzimi i ngjarjeve lidhur me situatën e krijuar nga ndërhyrja e pashpjegueshme e organeve drejtuese të KMSH-së në shërbesat fetare të xhamisë së Medresesë është përjetuar me keqardhje nga mjaft muslimanë të bashkësive që jetojnë në Evropë. Rutina e metodës së shkarkimit dhe emërimit të prijësve fetarë nëpër xhamia sigurisht nuk i shërben aspak frekuentuesve të atyre ambienteve, aq më tepër kur raportet e besimtarëve me imamët janë konsoliduar prej vitesh dhe këmbëngulja e vepra e këtyre të fundit është pasqyruar në domosdoshmërinë e zgjerimeve të vazhdueshme të hapësirave të kultit. Shtimi i besimtarëve të një xhamie është meritë e aktivitetit të imamit, më tepër se sa influenca e poltronave.

Qarkullimet horizontale nëpër mimberët e xhamive dhe ato vertikale në administratën drejtuese krijojnë përshtypjen e një realiteti ku mbizotëron konkurrenca dhe fraktura e lidhjeve me besimtarët, që janë edhe i vetmi motiv për të cilin ekziston KMSH-ja. Për më tepër, kur imamët shkarkohen pa motivacione të qarta, etike apo profesionale, sikur pozita e tyre nuk është publike, por çështje e brëndshme e një ndërmarrje private, këto ndërrime marrin karakter abuziv.Si përherë, janë besimtarët ato që paguajnë vendimet uniformizuese, ndonëse diversiteti është dhuratë e Krijuesit. Këto veprime nuk i paraqesin vendimarrësit e KMSH-së si shërbyes kalimtarë të Islamit dhe zë i besimtarëve, por, në të kundërt, si zotërues zyrash, pronash e aktualisht edhe njerëzish.

Diçka e këtillë vërtetohet më së miri, fatkeqësisht, nga kërkesa për ndëryrje të policisë, e më saktë të antiterrorit, siç mësuam nga disa organe të shtypit shqiptar. Është vërtetë hidhëruese që përfaqësuesit e besimtarëve u imponojnë këtyre të fundit imamët me mercenarë, çka nënkupton se janë moralisht të zhvlerësuar, por anormaliteti qëndron pikërisht tek ndërhyrja e organeve shtetërore në përcaktimin e drejtuesve të xhamive. Kjo është akoma më shqetësuese për një shtet laik dhe demokratik, pasi roli i tij, në këtë kontekst, duhet të kufizohet tek krijimi i hapësirave përkatëse ku shqiptarët muslimanë mund të ushtrojnë liritë e tyre kushtetuese, që prej njëzet vitesh, të paktën në kryeqytet, jo pa fajin e administratave bashkiake, i ushtrojnë në sheshe e xhami të papërshtatshme.

Drejtimin e kiblës apo preferencat e besimtarëve ndaj imamëve nuk i takojnë shtetit shqiptar t’i përcaktojë, ndërsa, për shembull, qartësimi i ligjeve e normativave që tolerojnë shaminë e muslimanes në ambientet publike shkollore është detyrë dhe kompetencë shtetërore. Meqenëse etiketa e radikalizmit është bërë e modës dhe kushton lirë, e meqenëse nuk përbën as vepër penale, paratë publike të shpenzuara nga policia në një periudhë krize globale mund të shërbejnë në sektorë të tjerë publik ose në rritjen e efikasitetit, pasi hetimet e antiterrorit që botohen të nesërmen në gazetë, duke kontribuar në denigrimin e personave, janë të pakonceptueshme në një shtet funksional.

Ne i konsiderojmë këto ndërhyrje tërësisht arbitrare dhe në funksion të strumentalizimit të etiketave absurde, me qëllim shndërrimin e tyre në justifikime për vendimet e paracaktuara dhe të pamotivuara. Gjithashtu, ato kanë trajtën e mjetit me të cilin drejtuesit e KMSH-së e përdorin në funksion të imponimit, në dëm të besimtarëve. Këto ndjehen dyfsish të nëpërkëmbur, si musliman, nga papërgjegjshmëria e përfaqësisë së tyre, dhe si qytetarë shqiptarë, nga mosrespektimi i lirive të tyre fetare. KMSH-ja nuk është organ politik dhe politikës nuk i mjaftojnë votat e antarëve të këtij organi.

Mbështetja jonë është tërësisht për besimtarët e xhamisë së Medresesë, si dhe për imamin e hatibin e saj, të cilët me punën e tyre kanë kontribuar në lulëzimin dhe harmoninë e xhematit.

UAMI

Unioni i shqiptarëve musliman në Itali

Via Beretta, 11, 25123, Brescia, Italia.

UZIAD

Union der Islamisch-Albanischen Zentren in Deutschland

Oberdorfstr, 33, 45143 Essen, Deutschland.

 

 

 

 

 

Comments

  • Pse duhet te futej edhe Unioni i shqiptarëve musliman në Itali dhe Union der Islamisch-Albanischen Zentren in Deutschland ne kete konflikt nuk e kuptoj? Ky eshte konflikt mes dy xhematesh ne Shqiperi dhe keto dy organizata bejne mire te ruajne paanesine.

    • Mbase nuk e ke lexuar me vemendje. Ose dy shoqatat, ne menyre metaforike, kane percaktuar njerin nga xhematet me arbitraritetin e vendimarresve te KMSH-se qe i drejtohen antiterrorit per hajmali. Deklarata mban anen e besimtareve dhe jo te akrobacive te perfaqesise se tyre e aq me teper te nderhyrjeve te shtetit ne percaktimin e imameve. Ndarja e xhemateve eshte ceshtje relative qe nuk shtjellohet me lart dhe as nuk eshte interesi i Deklarates. Shtypi shqiptar nuk ka nenvizuar ndarje te tilla, por vendime institucionale, me etiketen e radikalizmit, qe kane kerkuar nderhyrjen e policise.

      • Ndryshe nga gylenxhite Qani, muslimanet qe perfaqesojne keto shoqata, jane njerez te drejte dhe nuk e durojne padrejtesine. Per kete arsye ata nuk mund te heshtin kur vellezerit e tyre ne Shqiperi, dhunohen kaq poshtersisht nga vellezer te tjere gylenxhi. Gylenxhite nuk e kuptojne kete nervin e drejtesise sepse: e para nuk kane nerv (ua ka c’aktivizuar hizmeti) dhe e dyta, nuk njohin drejtesine, por vetem interesat e veta te ngushta sektare.

  • Qaniu me ne fund na e sqaroi qe qenka konflikt mes dy xhematesh (gulenxhive dhe xhematit te medreses) se deri tani na thuhej se ishte vendim i paanshem i kryesise per ti dhene hapsire (qe gjithmone e kane pasur) medresisteve. Sidoqofte deklarata e unioneve shqiptare ne mergim jane shprehur ne favor te pales qe mendojne i eshte bere padrejtesi dhe kundrejt Padrejtesise jemi te obliguar te shprehemi te gjithe.

  • ore, akoma nuk po arrini te kuptoni se po na akuzoni me te padrejte. c’duan dy imamllaret e nderuar tek forcat e antiterrorit?! kjo eshte nje akuze e drejtperdrejte se ata jane terroriste. a e kuptoni qe kjo akuze eshte e paperceptueshme. a nuk e kuptoni se nuk mund te kaperdihet lehte. a nuk po e kuptoni se meleket e Allahut e kane regjistruar. a nuk po e kuptoni se nje akuze e tille eshte mekat? A nuk po e kuptoni se ne Diten e Gjykimit do te jepni llogari?! si do t’i pergjigjeni Allahut kur t’ju pyese per kete akuze?
    te qenurit ne krye te KMSh-se nuk do te thote qe ju te nderuar drejtues te instuticionit tone te na shisni tek ata qe nuk kane pike meshire ndaj nesh
    a nuk e kuptoni se nje xhemat i tere eshte irituar me veprimet e juaja
    une e mbeshtes deklaraten e Uamit, sepse megjithese ata jane larg nesh fizikisht, jane shume prane nesh shpirterisht

      • Ai qe eshte pro shokeve te vet ketu je ti. Ti po mbron zullumqartet, ndersa keta emigrantet po mbrojne te drejten. Simbas teje, ti qe mbron zullumin je me i paanshem dhe me vellazeror sesa keta qe mbrojne te drejten?
        Merre me leng.

          • Po kur nuk te vjen turp ty qe perpiqet te mbrosh poshtersite e Komunitetit Musliman, te me vije turp mua.
            Lengu Qani, eshte corba e hizmetit qe abilaret ua ushqejne me pirunj ne vend te mishit.

  • Kjo Puna shkarkimit ndodh si arsye e nje anshmerise qe ka sot Komuniteti brenda vetes.
    Te shtjellojme kryetarin, nje ish Hidraulik(C lidhje ka me kryesine e muslimaneve kur s eshte i kualifikuar per Myfti?) E vetmja pergjigje eshte sepse Ky Nurxhinjte ose Gyllenxhinjte mbrapa.
    Si zgjidhet kjo, jo me Polici po me zgjuarsi Muslimanet duhet te punojne per te rifituar Komunitetin ose Ka Selima te tjere prap pa merak …

  • Kam vetem nje pytje?
    U be shume kohe qe keni blogun, fb etj.

    Cfare keni arritur te ndryshone?
    Apo kot. Mbaj mend dikure kishit nga 200-300 like ne cdo shkrim tani e shikoni vete.

    Me duket ju ra puna.

    • Ne fakt eshte pak me teper se nje vit. Komenti yt ne fakt nuk meriton pergjigje sepse vjen nga llogore sektare e jo nga ndonje prirje qofte kritike xhenuine. Ne kemi bere cfare bloggers bejne kudo ne bote, shprehin mendimet e tyre. E megjithate ketu ka patur me shume analiza, ese, e debat te prodhuar se ne cfaredolloj media tjeter myslimane ne shqip. Ti mund te jesh i verber ndaj kesaj dhe ne nuk kemi mare persiper t’i hapim syte kujtdo.

        • o Qani le nom o burr i dheut. U bone qesharak me keto komente. Pse si jeni mesuar ju gylenxhite me honger hallve ene me fshi tavolina, asi?
          Ma hoqe trunin fare.
          1) Zakonisht fjalet apo togfjaleshat ne cdo gjuhe te botes, po ashtu edhe ne shqip kane kuptimin e drejtperdrejt dhe kuptimin figurativ, apo jo?
          2) Tek llogorja kuptimi i drejtperdrejt ka lidhje me ushtrine dhe nenkupton vendstrehimin qe gjen per t’u mbrojtur nga armiku, kuptimi figurativ ka lidhje me pozicion (zuri llogoren – zuri pozicion).
          Pra 1+1=2
          Hape ndonjehere fjalorin shqip-shqip se megjithese eshte i viteve 80-85 prape ty te ben pune.

          • Vete, te beje kujdes, te mos frekuentoje Xhamine e Medresese nese eshte pro Imam Lulit se nuk i dihet, mund te perfundoje ne ndonje biruce policie, i denoncuar nga sherbetoret e hyzmetit.

    • Zejd, meqe shqetesohesh per rritjen e blogut, po te informoj se, sipas te dhenave qe ne kemi, ne krahasim me nje vit me pare ky blog ka dyfishuar shikueshmerine, madje ne rastet kur diskutojme problemet e KMSh-se klikimet rriten me shume se me cfaredo teme tjeter. Ne fakt, duhet te dish qe, me shume se shikueshmeria ne na intereson te themi te verteten. Dhe do te vazhdojme t’a bejme kete edhe nese na largohet nje pjese e lexuesve. Ne fakt, diskutimi i ketyre problemeve i ka shtuar lexuesit dhe nuk i ka pakesuar.
      Pelqimet ne facebook kane rene kryesisht per shkak te nderrimit qe ne ikemi bere, nga profil ne nje faqe facebooku. Profili eshte me interaktiv dhe si rrjedhim, eshte me stimulues per te terhequr vemendje. Por duhet te dish gjithashtu se tashme ky blog e ka krijuar lexuesin e vet dhe gjithmone e me shume klikimet vijne ne menyre te drejtperdrejte, e gjithmone e me pak vijne nepermjet faqeve te tjera si facebook-u, google-i, etj.
      E kuptoj qe keshilla jote eshte e kundert me deshiren tende, por gjithashtu me duhet te them se edhe realiteti eshte i kundert. Ky blog, jo vetem qe po rritet dita-dites dhe po shnderrohet ne nje vater per shume njerez qe kerkojne nje realitet tjeter ne kete vend, por ai po shnderrohet gradualisht ne nje ze qe po terheq vemendje brenda dhe jashte rretheve muslimane. Dhe per kete, ne menyre ironike, na ka ndihmuar shume edhe Komuniteti Musliman me prapaskenat e hizmetit, duke na dhene mundesine te behemi vec te tjerash, edhe nje burim transparence per realitete qe rendojne ne kurriz te muslimaneve shqiptare.

      • Nese me lejohet, Ezani vetem nje keshille xhenuine dhe dashamirese. Filloni dhe shkruani edhe dicka per alternativen qe kishim perpara se te vinin nuxhinjte. Xhamite praktikisht kishin rene nen sindromen fshati rrethoi qytetin. Selefijte per rreth 20 vjet kane punuar,duke mos dit te bejne asgje, per te na e shkaterruar imazhin e per te na e nxire faqen. Nese sot mendimi per muslimanet dhe per islamin barazohet me terrorizmin, fajin ta dini qe na e kane selefinjte dhe republika qeveri me vete qe kane ngritur. Nese iken nje imam si Luli qe ka qene gjys selefiu dhe i kompromisit une them shume mire, kur po i vjen rradha Kalase. Siqerisht mjaft i kemi duruar. Persa i perket Komunitetit, a ja ka qejfi edhe atij t’i duroje ti vene kushte dhe t’i tregojne si duhet ta beje punen, fakti tregon qe nuk ja ka dhe mire ben. Ne qe beme kompromisin per te mbyll gojen dhe per ti duruar le te mbajme tani edhe akuzat per vrasje e ekstremizem si ne rastin e Maqedonise. Me sa e kam pare une levizjen e Gylenit, gjithnje kane punuar per permiresimin e imazhit publik. Ne kjo na interson per momentin, se jemi cope cope. Nuk kane c’na duhen hic hizmeti apo devocmeria e tyre ndaj abit te vet, per sa kohe ata e kane per vete. Te pakten ata ne keto qjera nuk perzihen si selefinjte nuk shkojne ti nderrojne mezhebet popujve si e kane zakon selefet. Tek ne ata kane per te respektuar deri ne fund mezhebin tone Hanefi.

        • Anila me gjen pjeserisht dakort kur ben thirje qe te shihet gjendja e bashkesise perpara se te vinte ky lidership i ri ne KMSH. Nese do i kushtoje vemendje artikujve te meperparshem, ketu jane shkruar artikuj qe kane vleresuar jo vetem punen e mire qe kane bere aty ku e kane bere, por kam folur edhe per potencialin qe ka ky lidership i ri per te adresuar ceshtje te imazhit te bashkesise. Me gjen dakort gjer diku edhe me sensin kritik per cfare e parapriu, edhe pse nuk jam dakort me etiketimet e tua.

          Por se pari nuk mendoj se ke te drejte kur i atribuon gjithe problemet qe patem keto 20 vjet tek “selefite” dhe “fshataret.” Nese do i shkojme ketij muhabeti gjer ne fund, do duhej te fillonim me aleternativat qe patem para se te ishin keta “selefite” qe i mesuan njerezve te falen, perfshi atyre qe pretendonin te ishin hanefi dhe nuk dinin asgje nga asnje lloj medhehebi. “Selefite” u mesuan njereve te falen e sigurisht paten teprime dhe deme u bene, deme qe lidhen edhe me moshen e re dhe mungesen e tradites ne nje vend ku fetarisht kishte bere plojen komunizmi, por te duhet gjithashtu te kujtojme qe vete ata qe po akuzon kane reflektuar dhe pranuar shume nga gjerat per te cilat po ankohesh.

          Meqe po kerkon te hysh ne origjinen e problemeve qe kemi sot, do duhet te pranosh qe megjithe qendrimet e papergjegjshme te toneve, etiketimet per ekstremizem jane edhe produkt i ngjarjeve globale per te cilat nuk kemi patur dot kontroll.

          E megjithate, fshatare apo jo, ne besojme se udhezimi ne fe vjen nga Zoti, e njerezit nuk jane me pak te vlefshem apo me me pak te drejta sesa “qytetaret” cfaredo kriteresh te jesh duke perdorur per te qenit qytetar.

          Por qytetare e fshatare jane qytetare te ketij vendi dhe kane te drejta, perfshi te drejten e lirise se shprehjes dhe praktikes fetare, sipas cfaredo medhehbi te duan. Kesisoj, e konsideroj fetarisht problematike qe jo vetem qe nuk sheh imoralitetin qe KMSH akuzon imame per ekstremizem, por ti po ben thirje qe te vazhdoje fushata.

          • Ndersa mua nuk me gjen hic dakort kur thua se para 20 vitesh kur u rihapen xhamite nuk kishte njerez qe e njinin se kujt mezhebi i perkisnin. Per ata pleq e cuna, qe ruajten celsat e xhamise dhe fene e te Madhit Zot ne kohrat e koleres pak me shume respekt. Kam qene prezente kur kane qene gati per ta rrahur nje plak te shkrete, nja dy me mjekrrat deri ne brez e me nje busull te shtremet ne dore, vetem se plaku mbronte drejtimin e Kibles ne xhami dhe ata pretendonin se gjoja nuk e paskeshin dit me pare si ta gjenin, se nuk eksiztonte hala busulla. Nuk po rri te numeroj kesi rastesh idiote, vetem po kujtoj perzgjedhjen qe behej per kontigjentin qe do te cohej per studime ne vendet arabe dhe ata ishin te gjithe nga fshati dhe ndonje nga qyteti ishte komplet rrafsh nga trute. Nje pjese madje nuk kane bere as universitet po vec ndonje kurs te remdomte si ata te Ebu Talbes. Tmerri ka qene kur u kthyen keta te ndricuarit dhe prurjet ekstreme, qe ne vende si Egjipti, Siria etj nuk ja ve ne pulle njeri. Tek ne bene kerdine. Gocat me shami lane shkollat bene sherr me prinderit qafira dhe ka nga ato qe sot e kesaj dite ende nuk i flasin nenes e babes. C’te kujtosh, histori te dhimbshme. Ndersa per sa i perket problemit fetar qe shikon tek une qe qendroj dhe e shoh ftohte kete konflikt midis KMSH-se dhe imameve. Une di qe KMSH eshte kercenuar me emaile dhe shkrime te remdomta, madje dhe diten kur eshte komunikuar shkarkimi i imamit jane ngritur ca selefinj nga laberia, nje kryqezim eksploziv :), dhe jane hakerryer ne sulm. Me shume me pak se kaq dhe therritet policia e behet denoncimi ne polici. Pse jeni kaq te sigurte qe Komuniteti i ka denoncuar te antiterrori? Ata thjesht kane bere denoncimin ne polici sipas kercenimeve te marra dhe policia mund te kete gjykuar se kujt sektori ti drejtohen. Ja edhe dikush qe e sheh ftohte e pa u perfshire shume tek ky muhabet koti qe ka sa muaj qe nuk mbyllet. Ne vertet jemi te lire ti perkasim kujt mezhebi duam, por si xhemat ama, ndersa imami duhet te respektoje mezhebin e percaktuar me statut. Me statut mezhebi yne eshte ia hanefi, por qe ne fakt asnje imam xhamie se ka ndjek. Gjithashtu Profeti ka keshilluar te respektohet e te ndiqet imami (ne kete rast Selim Muca, qe nuk kane lene gje pa e share). E kur e kane pyetur po nese eshte i padrejte, i ka thene per sa kohe falet me ju do ta ndiqni.

          • Me vjen per te vjelle kur shoh se si historia perdoret per te legjitimuar shpifesine e se tashmes. Eshte shume cinike te hapesh plage te vjetra per te lene te majisura te rejat. Te tilla jane kujtimet per te shkuaren e barbarise selefite, kur nderkohe barbaria gyleniste po synon te riktheje Enver Hoxhen ne xhematet shqiptare. Do ta kisha pranuar deri diku shfrimin tend, nese do te ishte thjesht si deshperim per ate cfare kemi humbur per 20 vjet, por, menyra sesi shprehesh me poshte, tregon qarte se qellimi yt, eshte shume me i vogel se tema qe prek: thjesht legjitimimi i paudhesive te sotme. Perndryshe nuk ka sesi te kesh kete kurajo per te ofenduar ne menyre kaq te ulet, dy djem te mrekullueshem me gjak e dinjitet labi, qe gjejne kurajen per t’u perballur me shantazhet e uleta te KMSH-se, te fshehura pas kerbacit te uniformave blu, duke i rezistuar paudhesise qe synon t’u imponoje atyre njerezve nje imam qe nuk e duan e qe nuk eshte si ata. Ata djem atje nuk jane hakerryer me sulm, por po tregojne kuraje qytetare duke reaguar e protestuar ndaj harbuterise KMSH-iste e gyleniste, qe po synon t’i trajtoje si dele, duke ua percaktuar bariun me dhune. Ata djem jane shpirti, ai pak shpirt prej muslimani, qe ka mbetur ne xhamite tona, te lena ne meshire te fatit nga kompromiset e pazaret selefito-gylenxhije. Ata djem jane modeli i muslimanit dinjitoz, i cili reagon ndaj padrejtesise, edhe kur kercenohet me prokurori e polici, megjithe hallet pa fund qe kane ne jeten e tyre, duke qene njerez te thjeshte, pa perkrahje klanore hizmetnore nga pas.
            Pikerisht kjo me ben te ushqej respektin me te thelle per ta. Nese ty nuk te ushqen kete respetk, kjo vjen per shkak se je mesuar te respektosh doren qe te rreh e ushqen njekohesisht, doren qe shperhap bujarine e vet nepermjet brutalitetit sektar, doren qe shtiret si bujare ne simpoziume pompoze, nen kemisha te bardha kostumesh te shtrenjta qe mbulojne shpirtin e zi prej provinciali duke u sforcuar te paraqitet ne nje status qe nuk e ka, doren qe shtrihet per bashkepunim, e tolerance teksa nen menge fsheh thiken e pergjakur ne mishin e vellait te vet…

            Sa per fshatare, sa per imazh, gylenxhinjte e sotem thjesht kane shtuar blozen ne portretin e muslimanit te sotem. Pa i hyre moralit e dinjitetit, mjaftojne tallava-koncertet mevludore, thatesira ne biblioteken personale e kolektive te nurxhinjve si dhe perqindja e larte e cerrikasve te kollarisur ne KMSH, per te kuptuar se nuk kemi asnje perparim ne kete drejtim. Jo me larg se dy dite me pare patem rastin te shikojme analfabetizmin e Kancelartit te KMSH-se ne nje debat ne Opinion per “Vargjet Satanike” te Selman Ruzhdi-se. Niveli i perfaqesimit nga Kancelare te tilla raste, na ben qe mos te na ike skuqja e faqeve nga turpi per nje jave rrjesht. Muslimanet shqiptare perfaqesohen me nje njeri qe personalisht nuk do te pranoja ta kisha as shofer makine.

            Me ne fund, shoh nje gylenxhi qe i referohet Profetit a.s. dhe jo fjaleve te abit te madh Gylen. Cinizmi ne fakt ndizet flake kur Profeti citohet vetem kur na leverdis, kur na vjen per shtat si strategji, duke perdorur ideologjine e tjetrit si arme kunder tij. Tashme na u dashka t’i bindemi te parit, duke iu nenshtruar pushtimit gylenist.
            Natyrisht, eshte e lehte t’i bindesh te prijesit pasi e ke korruptuar me pare dhe e ke vene ne sherbim te interesave te tua.
            Maksima eshte shume e kthjellet dhe e vertete: Kur prijesi i sherben interesave tona, te gjithe muslimanet e kane per detyre fetare t’i binden. Ketu nurxhinjte behen selefi dhe nepermjet ezoterizmit te perbashket metodologjik bejne te mundur realizimin e “suksesit” te interesave te tyre latente.
            Rrofte Selim Muca

  • Une e mendoj se shkakun qe u shkarkuan Imami dhe Hatibi ne Medrese eshte per shkak te shkrimeve qe Ezani publikonte kunder levizjes gylenxhi dhe per shkak se Ezani mban nje linje te majte politike ne shkrimet e tij.Ndoshta Gylenxhite te mire informuara se ezani ka lidhje me ardhmerine moren kete vendim.

  • Sa i zgjuar gylenxhiku. E moret vesh ju te ezanit se me ke keni lidhje dhe anen e kujt mbani!!!(‘_’)!. Gyldenxhik-hizmet-aferim, bravo bir, blej nje top hallve tani$$$

  • Allahu ta shperblefte d., na kurseve kohe e mund me komentin tend per t’i thene se na vjen turp edhe nga gylenxhit. Nga keta gjakprishur, qe pervec atyre qe numerove, kerkojne te zhbejne gjithe identitetin tone duke percudnuar shkollat tona dhe historite e tyre, gjithe per te na thene se duhet t’ia dime per nder Gylenit. Pasi kane zbrazur trute e tyre, si ky Gylenxhiku lart fjala vjen, kerkojne te zbrazin edhe tonen.

  • Pikerisht kete krahasim qe bere me siper mes selefive e nurxhive desha te degjoj, d. Shume te drejta gjykimet mbi tallavate e tyre neper mevlude, por ata kur vihen perballe nje presioni publik dije se ndryshojne, te pakten ne Turqi jane ne nje nivel shume me te larte se ne Shqiperi. Mjafton te krahasosh gazeten Zaman me ate surrogaton qe nxjerr Komuniteti. Pikerisht perballe ketij presioni duhet ti vini, ta marrin vesh se ne meritojme shume me teper se Zamani. Se gazeta kur e kishte Ervin Hatibi, megjithese e bente nga fillimi deri ne fund vetem, ishte veper arti. Dhe ne jemi ata qe kerkojme perfeksionin. Meqe i kane dale per Zot Komunitetit te na e japin. Nuk me pelqen fakti qe koncerti i Pellumb Vorpsit nuk u be me, por ta dini ama se selefinjte kane vjelle vrer per ate koncert dhe nurxhinjte me sa kuptoj e pane te parakohshem per ate fare publiku fshateresh qe kemi dhe e kane shtyre per kushedi se kur. Mua kjo mi ngre zorret perpjete, qe na sjellin ndonje tallava si Sami Jusuf, se ate e pelqen populli. Pikerisht perballe ketij presioni duhet ti veme dhe jo ti kerkojme te pamunduren, qe ata te ikin, se kete nuk kane per ta bere kurre. Kane plane afatgjata ata tek ne. Sa vite ka Kolegji turk te ne? Dhe shume vone e morem vesh se kishin pas nuxhite. A del dot njeri te thote se eshte shkolla private me e keqe ne Shqiperi? Jo, duke pas parasysh ca funderrinash jane shkollat e tjera dhe cfare malli kane brenda. Po a mund te permiresohej me shume? Sigursht nese perballe nuk do kishte ca plera si Drita Diturise, Kolegji Amerikan e ku di une. Me keto perseri do me akuzoni per nurxhije dhe per kete nuk ju ndihmoj dot me shume. Megjithate une kam hyre ne nje moment te zjarrte dhe nuk po dua as te shkruaj me shume dhe as te perfshihem me shume se ku i dihet ndohta edhe ju mund te keni deri diku te drejte. Po kam frike se i jeni fut nje lufte te kote. Megjithate Zoti e di me mire.

    • Te kerkoj ndjese neze pozicioni yt nuk ka qene pro gylenxhi, por menyra se si u shprehe me siper te conte ketu.

      Gylnexhite jane edhe me keq se selefite. Selefite e kishin me kokefortesi budallallekun e tyre, kurse keta e kane me skuthllek. Keta kane nje industri biznesi nga pas dhe kjo i ben me problematike. Eshte e vertete qe keta ndryshojne kur jane nen presion dhe mendoj se ky forum po e ben mjaft mire kete pune (perndryshe, kushedi se deri ku mund te kishin shkuar), por sido qe te jete, kur i bejne punet me injorante, sado te ndryshojne, prape na felliqin.
      Eshte cmenduri te mendosh se muslimanet ne reagimet e tyre ndaj Selman Rushdise u perfaqesuan ne emisionin me elitar politik ne vend, “Opinion”, me Ali Zajmin, qe nuk di te lidhe dy llafe, e qe ne fakt, pozicioni i vertete qe ka ne KMSH eshte “shperthyes kasafortash”(kjo ndodh kur perjashtojne ndonje dhe i perjashtuari nuk pranon te dorezoje celesat, – KMSH-ja eshte e pajisur me gure freksibel per te tilla raste dhe abilaret duhet te jene te trajnuar per t’i perdorur, – perndryshe nuk qeverisin dot). Po keshtu, eshte fatkeqesi dhe trishtim qe te ben t’ia fusesh vrapit kur shikon nje zedhenes shtypi qe ne dite te Bajramit, shpjegon para kamerave sesi behet hallva, kur degjon hutbet analfabetike dialektologjike te Bujar Spahihut faqe gjithe Shqiperise, ne Namazin e Bajramit, kur sheh se si medresistet ne Top Show kendojne himnin turk, kur sheh se per Bajram KMSH-ja shperndan falas ne shesh buke e qofte, kur sheh sesi Myftinia detyron me imponim imamet t’i bejne thirrje xhematit te vijne ne KMSH per t’u bere synet falas, ne bashkepunim me Spitalin Amerikan Gylenxhi, kur sheh simpoziumet e KMSH-se ne bashkepunim me Ministrine e Arsimit qe synojne te na bejne tolerante si Fetullah Gyleni… A nuk te vjen te strukesh diku e te lusesh Zotin: Inshallah nuk ma merr vesh njeri qe jam musliman.

      Gylenxhinjte e kane kthyer KMSH-ne praktikisht ne nje Kooperative Bujqesore qe prodhon vetem retorike boshe per te mbushur alienizimin e bashkesise sone. Ndryshimi eshte se keta i bejne reklame budallallekut, duke bere sikur nuk ka asgje te keqe brenda.

      Sidoqofte, nuk besoj se ka njeri ketu qe po synon t’i largoje gylenxhite nga ky vend. Ajo qe po kerkojme eshte drejtesia. Le te ushtrojne veprimtarine e vet, le te bejne koncerte tallava, le te rrahin kalamajte ne kolegje, le te flasin turqisht me njeri-tjetrin, le te lexojne gjithe diten risale, le te bejne dave, le te shtojne sa te munden perqindjen e gumasheve te tyre ne administratat e Eagle-it, Albtelecomit apo BKT-se, le te improvizojne mjedise zbori ne hapesirat e tyre, le te predikojne kudo virtytet e Fetullah Gyletin dhe gjenialitetin e tij ne te gjitha fushat e shkences dhe jetes… le te bejne c’te duan. Ajo qe une dhe shume muslimane si une nuk mund ta pranojme eshte padrejtesia. Kjo eshte arsyeja perse ekziston kjo bote dhe bota tjeter, Dita e Gjykimit. Dhe muslimani nuk mund te pajtohet kurre me padrejtesine, qofte edhe kur u behet te tjereve, jo me kur na behet ne.
      Ti do te thuash se nuk do t’ia dalim?
      Kjo nuk ka pike rendesie per mua. E rendesishme eshte t’i kundervihesh. Kjo eshte detyra jone dhe ne duhet te bejme detyren. Rezultatin e ka ne dore tjeter kush dhe nuk na takon ne te shqetesohemi per te.

  • selam alejkum te gjitheve. une i kam lexuar me vemendje komentet por edhe gazeten online ne pergjithsi. sa per idene e ketij portali dua ti pershendes administratoret e faqes sepse ju japin mundesi besimtareve te thjeshte te shkembejne mendime dhe ide.
    kam disa kritika qe do tu lutesha te mos mi merni per te keq, jo per administratoret por per komentuesit ne pergjithsi. ajo qe i bashkon shumicen e komentuesve ketu besoj se eshte fakti qe jane muslimane.
    nisur nga kjo nuk me duket e udhes qe te mbizoteroje gjuha e urrejtjes, fyerjes, kritikes per cdo gje nderkohe qe Muhamedi a.s na keshillon qe ose te flasim fjalen e mire, ose te heshtim. nuk po them qe mos udhezohen njerezit, por ne frymen e shume komentuesve verej nje urrejtje te papare ndaj besimtareve. psh. ky vellai d. nuk e di c’inat personal ka me kmsh dhe i shumezon me 0 te gjithe punet qe bejne.do bej dy komente te shkurtra nga pikpamja ime. te gjithe e pame opinionin dhe mua ky z. zajmi mu duk se na perfaqesoi shume denjesisht ne muslimaneve. me pare dilte vetem ermir gjinishi qe edhe ai mire fliste. une e kam degjuar edhe ne disa ligjerata kete sek e pergjithshem dhe me duket sh i pergatitur, dhe me sa di une nuk esht gulenxhi se me thane qe shkollen e kish mbaru ne tirane. po crendesi ka, eshte musliman si une, si z. d. si ne.
    per mua z. Zajmi, Elvisi i Tabakeve, Ferit Piku, imam Kalaja, Sabaudini etj qe s’me vijne emrat ne mend jane nga ligjerusit tane me te mire dhe ne duhet te kemi me shume respekt kur flasim per njerezit qe i sherbejne kesaj feje. te vijme te z.Spahiu. mua me duket qe ai ka shume dije dhe ndonjehere mund te beje lapsuse por nuk e meriton te klasifikohet si i paafte se ka mbaruar edhe shkollen ne Al Azhar me sa e di une. kushdo je vella d. mos ma merr personale qe tu drjtova ty. te mora shembull vetem per te ilustruar idene time modeste qe ne muslimaneve nuk na shkon te bejme pergojimin e njerezve qe falen me ne, agjerojne me ne,perpiqen me ne per kete fe, pak apo shume sepse sevapet i ndan Allahu. edhe nje here ju pershendes dhe uroj qe meshira e Te gjithmeshirshmit te jete mbi ummetin e Profetit Muhamed a.s.

    • Te falenderoj per keshillen Shaban, por nuk me duket me vend.
      E para, nuk e kuptoj se ku e shikon urrejtjen. Fakti qe une flas me indinjate, nuk do te thote se urrej njeri. Perpiqu ti kuptosh drejt dhe ti ndash gjerat, indinjata nuk eshte urrejtje.
      Nga ana tjeter, eshte jonormale te kerkosh prej nje muslimani te mos indinjohet kur feja e tij perfaqesohet kaq shemtuar ne syte e opinionit, kur ceshtjet e kesaj feje po shkojne kaq mbrapsht e per me teper kur muslimaneve po u behen kaq shume padrejtesi nga ai institucion qe eshte ngritur per t’i mbrojtur e perfaqesuar.
      Ty mund te te duket se punet shkojne mire, ashtu sic mund te te duket Ali Zajmi e Bujar Spahiu dijetare. Kjo eshte ceshtje kuti. Varet se sa e ngre steken, dhe kjo ka te beje gjithashtu edhe me gjatesine qe ke. Per mua, ky nivel eshte i mjerueshem.

  • Your email address will not be published. Required fields are marked *