Mësimi Fetar në Shkollat Publike.





Besnik Sinani

Kërkesa e komuniteteve fetare në vend për përfshirjen e lëndëve fetare në kurikulën e shkollave publike ka ndeshur në reagimet e atyre që e shohin këtë propozim si rrezik kombëtar dhe kërcënim ndaj laicizmit. Kryetari i komisionit parlamentar për shëndetsinë, punën dhe çështjet sociale, Et’hem Ruka, tha se:

 Kushtetuta e Shqipërisë nuk e lejon një gjë të tillë. Shkolla ka karakter laik dhe laik do të thotë që nuk mund të zhvillohen mësime fetare në shkolla.

Historiani dhe politikani Pëllumb Xhufi, nga ana tjetër, citohet të ketë thënë se:

Po të mos jetë laik shteti shqiptar, sigurisht do të mund të krijoheshin probleme të cilat na drithërojnë dhe na trembin kur shohim se ç’ndodh sot në Liban. Ta kthesh edhe shkollën në parcelizim shpirtëror, atëherë kjo mua më duket krejtësisht e papranueshme. Është antikushtetuese, antihistorike.

Por a do ishte një edukim i ditëve të sotme mjaftueshëm i plotë pa studimin e fesë? Nëse, siç mendoj, një edukim i tillë nuk do të ishte i plotë dhe do shihej nevoja e studimit të feve, sipas cilave premisave do të duhej të ndërtohej një lëndë fetare në shkollat publike?

Disa nga ngjarjet më të rëndësishme të historisë botërore të kohës së sotme, nga rënia e komunizmit në Lindje e gjer tek Pranvera Arabe janë të ndikuara e të frymëzuara nga narrativat fetare. Amerika e sotme nuk mund të kuptohet pa kuptuar ritjen e të djathtës fetare në ShBA dhe në vende nga Lindja e Mesme gjer në Korenë e Jugut, nga Amerika Latine në Afrikë, pa haruar vendet e rajonit si Greqia, Turqia, Italia e Serbia, feja luan rol të rëndësishëm në artikulimin e debateve publike, në ndikimin politik e në formësimin e kulturës popullore. Në një botë gjithnjë e më të ndërlidhur nga forcat e globalizmit, të kuptuarit e simboleve, vizioneve dhe idealeve të religjioneve të mëdha është thelbësor në kuptimin e botës ku jetojmë. Njëkohësisht, trashigimia kulturore botërore nuk mund të shijohet e vlerësohet pa kuptuar gjuhën e simboleve dhe kuptimeve fetare në të cilën – apo qoftë edhe kundra të cilës – është shkruar.

Kritiku i kulturës dhe i pedagogjisë, Neil Postman, propozon edhe një rol tjetër të rëndësishëm për ato që ai i quan “narrativat e mëdha,” ku ai përfshin Judaizmin, Krishtërimin, Islamin por edhe Marksizmin. Në periudhën e post-modernizmit Postman propozon rëndësinë e mësimit të narrativave të mëdha si rezistenca kulturore ndaj një bote që nuk udhëhiqet nga ide të mëdha inspiruese që mund të na shpjegojnë prej nga vimë e për ku jemi nisur. Sipas Postman, utiliteti ekonomik, konsumerizmi, teknologjia dhe multikulturalizmi janë ‘zotat’ që mësohen në shkollë por që na kanë lënë në baltë.

Postman ka shkruar për rëndësinë e një pedagogjie që promovon një ndërgjegje, ndërvarësi dhe bashkpunim global në përkujdesjen e planetit tonë si ruajtës të tij. Kjo narrativë kërkon gjithashtu edhe promovimin e mësimit të diversitetit kulturor njerzor me një kuptim mbi vazhdimësinë dhe mbi udhëtimin e njerëzimit në tokë si dhe – e për këtë ai vendoste theksin edhe tek rëndësia e studimit të astronomisë – në ngritjen e “pyetjeve thelbësore rreth vetes dhe misionit tonë.” Jo vetëm që Postman vuri theksin në studimit e narrativave të feve të mëdha, por edhe në sa kam shkruar më sipër, pasuesit e feve të mëdha do dallonin disa nga temat e rëndësishme të traditave të tyre fetare.

Por sa kam shkruar më sipër do kërkonte një mësim të integruar jo të nxënësve sipas përkatësive fetare, por një mësim të përbashkët të feve të mëdha në një klasë pa dallim përkatësie fetare apo qoftë pa përkatësi fetare. Përveç feve që janë pjesë e trashigimisë dhe aktualitetit tonë si Krishtërimi dhe Islami, do shtoja edhe përfshirjen e njohurive mbi fetë e vendeve si Kina dhe India, (Taoizmi, Budizmi dhe Hinduizmi) ritja globale e të cilave do i bëjë gjithnjë e më prezentë në mbarë globin. Në dallim nga nxitja e ‘Libanizimit,’ siç e quan z. Xhufi (e disa të tjerë preferojnë ‘Ballkanizim’) nxënësit e shkollave tona do të mund të vlerësojnë temat e përbashkëta ashtu si dhe diversitetin e traditave fetare që informojnë botën tonë imediate ashtu si dhe atë përreth nesh.

Unë nuk po sygjeroj të shuaj mësimin e dalluar të këtyre traditave fetare sipas vetë aderuesve të këtyre feve, por një gjë e tillë mund të bëhet në hapësira dhe rrugë të tjera. Personalisht besoj se një lëndë që do i prezantonte nxënsit me temat dhe idealet, ritualet dhe simbolet e feve të mëdha, do shërbente më mirë në hapsirat e arsimit publik. Shkrutimisht do sygjeroja dy tekste – jo si modele tekstesh shkollore – po si informues të formuluesve të një kurikulumi të tillë të mundshëm. Njëri është World’s Religions (apo qoftë edhe Why Religions Matter) të Huston Smith, dhe tjetri është The Transcendent Unity of Religions të Frithjof Schuon. Ajo që është e rëndësishme të vihet re është se të dy këta autorë kundërshtuan përpjekjet për “të shkrirë fetë” edhe pse vetë Huston Smith praktikoi përveç Krishtërimit – në të cilin lindi – edhe Budizmin e Islamin, ndërsa Schuon, megjithëse mysliman, konsiderohej nga T.S. Eliot si personaliteti më i rëndësishëm në studimin e krahasueshëm të feve. Këta autorë vlerësuan dhe shkruan mbi dallimet e feve të mëdha duke theksuar gjithashtu temat e përbashkëta të këtyre feve.

Nxënësit e shkollave tona nuk rrezikojnë ‘libanizim’ nëse mësojnë se fetë e tyre apo qoftë të gjyshërve të tyre frymëzohen nga të njëjtët profetë, ndajnë ideale të përbashkëta dhe një sens misioni të prezencës tonë në këtë jetë teksa kanë dhe dallime në kuptimin e natyrës së Zotit. Ata do mund të kuptojnë më mirë edhe tensionin dhe dramën njerzore që mbart Taxh Mahali apo Cappella Sistina, apo qoftë afresket e Et’hem Beut dhe ikonat e vëllezërve Zografi.

Në një artikull të botuar në gazetën The New York Times, Hirësia e Tij Dalai Lama i Katërmbëdhjetë shkruante se:

Gjetja e të përbashkëtave midis besimeve mund të na ndihmojë të ndërtojmë ura midis dallimeve të panevojshme në një kohë kur veprim i unifikuar është më i nevojshëm se asnjëherë tjetër. Si qenie na duhet të përqafojmë unitetin e njerëzimit teksa përballemi me çështje globale si epidemitë, krizat ekonomike dhe shkatërrimet ekologjike. Në këto sfida, përgjigja jonë duhet të jetë si një i vetëm.

Harmonia midis feve të mëdha është bërë një ingredient thelbësor për bashkëjetesën paqësore në botë. Nga kjo perspektivë, mirëkuptimi i përbashkët midis këtyre traditave nuk është çështje që u përket vetëm besimtarëve, por ka të bëjë me gjithë njerëzimin në tërësi.

Ideja se laiciteti i shkollës përjashton mësimin e feve në të është jo vetëm anakronik por edhe i bazuar mbi një laicizëm militant që ka rrënjët në një eksperiencë të caktuar historike – atë të revolucionit francez – po që nuk është as universale e aq më pak funksionale në botën në të cilën jetojmë. Frika nga fetë si frymëzues konfliktesh ngrihet mbi një vështrim selektiv e të mangët të eksperiencave globale të marëdhënieve fetare, përfshi në hapsirën tonë. Një edukim bashkohor pa njohuri mbi fetë që frymëzojnë e motivojnë miliona njerez do ishte një edukim i mangët dhe një lëndë që vë në dukje diversitetin e besimeve fetare ashtu si dhe temat e përbashkëta do jepte një kuptim më të mirë për njëri-tjetrin dhe për botën në të cilën jetojmë.

Comments

  • Vetem teosofistet si puna Frithjof Schuon (musliman???!!!) gjejne te perbashketa kaq te rendesishme mes besimeve fetare! mes islamit monotesit dhe budizmit qe sbeson as ne Zot, mes islamit monoteist dhe induizmit politeist… sa per fete me origjine semite si krishterimi dhe judaizmi te perbashketat dihen, por Zoti thote: “Feja e vërtetë tek Allahu është vetëm Islami.” dhe thote: “Nëse e pranojnë Islamin, atëherë kanë gjetur udhën e drejtë. Por, nëse refuzojnë, detyra jote është vetëm që t’ua përcjellësh dijen. Allahu i vrojton robërit e Vet.” dhe thote : “Kush kërkon tjetër fe përveç Islamit, nuk do t’i pranohet dhe ai në botën tjetër do të jetë i humbur.” keshtu qe e perbashketa jone mes tyre eshte pikerisht kjo thirrje: “Thuaj: “O ithtarët e Librit, ejani të biem në një fjalë të përbashkët mes nesh dhe jush: se do të adhurojmë vetëm Allahun, se nuk do t’i shoqërojmë Atij asgjë (në adhurim) dhe se njëri-tjetrin nuk do ta mbajmë për zot, në vend të Allahut!” Nëse ata nuk pranojnë, atëherë thuaju: “Dëshmoni se ne i jemi nënshtruar Allahut!”
    ruajtja e teuhidit dhe nxjerrja e tij ne plan te pare eshte me rendesishme sesa “çështje globale si epidemitë, krizat ekonomike dhe shkatërrimet ekologjike.” asgje ska vlere me shume sesa teuhidi sado e madhe qofte ajo! nese paqe ne kete bote do te thote per disa qe te heshtim ndaj shirkut te tjereve dhe te mos e veme theksin tek teuhidi yne sepse per disa qenka e rendesishme “të ndërtojmë ura midis dallimeve të panevojshme” per ne teuhidi dhe shirku nuk eshte dallim i panevojshem. ju lutem mos na promovoni te tilla “vlera” ketu!

  • Ku eshte kerkuar ketu zotrote qe te mohohet apo anashkalohet vlera e teuhidit? Perpara se te te zene ethet prej puritani qe ka per detyre te drejtoje grigjen e humbur, meso te lexosh. Je duke komentuar paragjykimet e tua e jo artikullin.

    • ne asnje vend te tij nuk eshte kerkuar as mos kerko ta gjesh as ti ate ne asnje fjale apo fjali te artikullit, as une se kam gjetur, thjesht kur pashe se nuk me pelqyen fjalet e dalai lames mu ndez delli i puritanit (ihlasit) per teuhidin.

  • nuk po komentoj artikullin ma siper sepse nuk dua te humb kohen kot por vetem te sugjeroj dicka qe po shoh ketu ne librat qe jane ne shitje po me bie ne sy ky me tarik ramadan ;ky jeton dhe shkruan ne france;dua te shtoj se ne france mund te jete nje nga personat nga ma negativet ne ide dhe literature qe vetem ekstremsitet marokene e perkrahin; po me vjen keq qe paska mujte te hyje edhe per lexuesin shqiptar;megjithate secili ashgte i lire te lexoje cdo lloj literature sado qe negative dhe errsuese ashte ajo;; ashte e vertete se mesojme edhe nga te keqijate dhe te keqijt;;; me mire do ishte te perkthehej ndonje liber shkencor do hapte ma shume horizontin te padijve

    • O nacionalist se paku mer informacionet minimale te sakta, per shembull qe Tariku jeton ne Angli, profesor ne Oxford e nuk eshte ne France e nuk ja vlen te besh muhabet me gjate me ty po moderatoret mos sjellin ketu cdo te marre qe vendos te thote ndonje gje

  • Artikull i spikatur, masha’a ‘Llah.

    Sic thote hadithi (parafrazimi im): “Shejtani u largohet tehave/aneve te mprehta.” Urime

  • Une mendoj se klasa e njohurise se pergjithshme mbi fete ka shume vlere dhe besoj se nuk eshte aspak kontroverse apo e debatueshme nje ide e tille. Edhe ne gjimnazet e kohes sone kemi marre pak njohuri baze mbi fete e botes, edhe pse fare pak dhe normal qe do ishte mire te zgjerohej ne nje klase te plote me me teper njohuri, debat e diskutime.
    Por ajo qe eshte propozuar nga komunitetet fetare dhe qe ka ngjallur reagimet e Xhufit me shoke, eshte ideja e klasave me zgjdhje ku femijet te mesojne vecanerisht rreth fese se tyre. Ky eshte model shume i perhapur ne vende te ndryshme evropjane, dhe ka ekzistuar dhe tek ne ne kohen e Zogut. Kuptohet qe shumica e analisteve, ashtu si Sinani, do thone qe mund te gjenden hapesira te tjera per kete lloj dije fetare, por kjo nuk eshte e vertete. Per nxenesit qe studjojne me ore te tera ne shkollat publike, nuk eshte e lehte qe pas shkolle apo ne fundjave te shkojne ne medrese apo ne kishe e te mesojne rreth fese. Kjo gje eshte provuar qe nuk funksionon, sidomos tek ne. Prandaj une them se eshte absolutisht e nevojshme per formimin e ketyre klasave fetare me zgjedhje ne menyre qe taksapaguesit shqiptare te kene mundesine tu japin femijeve te tyre mesimet baze rreth fese se tyre nepermjet shkollave publike qe mbahen me taksat e tyre.
    Per te eliminuar cdo lloj opozite ndaj kesaj ideje, duhet qe programi mesimor dhe mesuesit e ketyre klasave te jene te aprovuar e licensuar nga MASH, dhe tu nenshtrohen kontrolleve dhe inspektimeve te herepashershme ne menyre qe te hiqet cdo dyshim se mos femijet indoktrinohen me ekstremizma fetare. Madje keto klasa dhe kurrikula te kontrolluara nga shteti ofrojne dhe mundesine e kaqperfolur te mesimit te nje feje “shqiptare” si nje islam shqiptar, nje krishterim autoqefal shqiptar etj etj. Per islam shqiptar nuk e di cdo kene ne mendje ata te MASHit po ma merr mendja do jete hanefi, anti-vehabi, dhe pro-perendimor. Por kur mendojme se 99% e femijeve tane marrin zero mesime fetare ne shkollat publike, me mire nje klase e tille se hic fare. Apo e kam gabim???

  • C’fare lidhja kane keto linke qe ke sjelle me artikullin e botuar ketu?
    Cfare lidhje kane keto linke gjithashtu me faktin nese eshte apo jo musliman Frijof Schuon? Rikthehu tek perkufizimet klasike mbi te qenit musliman. Musliman eshte ai qe beson Zotin nje te vetem dhe Muhamedin si te derguar te Tij. Asgje tjeter nuk mund ta beje mohues njeriun pervec mohimin e kesaj formule. Mbi te gjitha artikulli i mesiperm nuk e merr per asnje rast Schunonin si autoritet ne fikh, por si studiues i filozofise, antropologjise dhe krahasimit te feve, kua ai eshte vertete autoritet i fuqishem.

  • Ti nuk e di fare sesa libra akideje ka lexuar secili prej nesh ketu, keshtu qe mos hamendeso ne ajer. Pernkundrazi, fakti qe ti merr persiper te ndash perfundimisht muhabete te cilat jane te diskutueshme tregon se je ti qe ke nevoje te lexosh me shume dhe ta zgjerosh pak horizontin e leximeve pertej doktrinave te ngurta propagandistike qe vijne nga burime puritane dhe perjashtuese.
    Kur thashe se njeriu del nga feja vetem kur mohon formulen, e thashe kete duke pasur para sysh edhe kushtet e kesaj formule. Ti duhet te kuptosh se ka disa kushte te kesaj formule, per te cilen bien dakort te gjithe dijetaret ashtu sic ka edhe kushte te tjera per te cilen jo te gjithe dijetaret bien dakort. Psh, vetem nje pjese e dijetareve e vendos namazin si kusht te te qenit musliman. Ka te tjeret qe nuk e konsiderojne lenien e tij, si dalje nga feja. Po keshtu edhe ne rastin konkret, duhet te kesh guxim shume te madh ti thuash dikujt jobesimtar, vetem se beson se Zoti mund t’i shpetoje edhe pjesetare te feve te tjera. Mund te thuash me vendosmeri se kjo eshte e gabuar, por te thuash se personi qe e mendon kete eshte jobesimtar… me duket guxim i madh.
    Megjithate, ti me siper e nxorre nga feja Schuonin per pikturat qe nxorre nga interneti. Ketu mund te them se nuk ka fare diskutim qe ato nuk te nxjerrin nga feja dhe kjo do te thote se ti je ne gabim sipas cilitdo botekuptim tradicional mbi kushtet e te qenit musliman.
    Megjithate, te gjitha keto nuk ia zbehin aspak vleren e tij si studiues dhe librat e tij jane me te vertete shume te mire. Pavaresisht se mendja jote e ngurtesuar ne labirinte te vendosjes se targave akidore, nuk arrin ti kuptoje.
    Sido qe te jete, ky muhabet eshte krejtesisht jashte teme dhe diskutimi ketu nuk eshte fare se cfare akideje ka Schuoni.

    • Muhabetin e leximeve e solle ti ketu, ndaj je ti qe po e ben qesharak diskutimin duke keshilluar te tjeret te lexojne, vetem sepse nuk mendojne si ty. Me kete vetem sa tregove qe nuk ke lexime te mjaftueshme ne kete fushe si dhe qe nuk je mendjehapur. Fakti qe une nuk kam mendimin tend, per ty do te thote se une nuk kam lexuar libra akideje, ose se nuk kam lexuar librat qe ti ndjek. Sipas kesaj logjike, po te kisha lexuar librat e tu, do te besoja doemos si ty. Nuk ka rruge tjeter.

      Ne lidhje diskutueshmerine e temes ke nje keqkuptim. Ne fakt ka autore qe kane lene shteg hapur per pjestare te feve te tjera, por megjithate une nuk jam i ketij mendimi dhe mendoj gjithashtu se ky lloj diskutimi mund te mos pranohet. Por diskutueshmeria nuk qendron ne ceshtjen: a hyjne apo jo ne parajse pjestaret e feve te tjera. Diskutueshmeria qendron ne ceshtjen: a konsiderohet apo jo jomusliman ai qe beson se pjesetaret e feve te tjera jane te shpetuar. Jam duke thene se ka diskutim ne percaktimin e kushteve qe te nxjerrin nga feja.

      Sa per rregullen tende, ai qe nuk i thote qafirit qafir behet qafir, eshte nga gjerat e para qe kam mesuar, sepse arabet selefi, e kishin ne maje te gjuhes kete rregull. Pikerisht kjo ka sherbyer si mekanizem per perhapjen e tekfirizmit, prej te cilit bota muslimane po vuan shume. Me keshtu rregullash havarixhet theren dynjane. Sipas tyre kush nuk thoshte se Aliu eshte gjithashtu qafir edhe vete.
      Sipas kesaj logjike, nese une besoj se kush nuk fal namaz eshte qafir, atehere duhet te quaj qafir edhe kedo qe nuk i thote qafir atij qe nuk fal namaz. E per rrjedhoje, duhet te jete gjithashtu qafir edhe ai qe nuk i thote qafir atij qe nuk e quan qafir ate qe nuk fal namaz. Dhe ky zinxhir qyfri behet pafund. Me sakte shnderrohet ne qyfyre.
      Sipas kesaj logjike, i bie qe edhe ne te jemi qafire, sepse nuk i themi qafir qafirit Schuon.

      Problemi me i madh tek ty eshte se mendon se feja duhet te mbrohet doemos nepermjet “gerrmimit”. Per ty feja mbijeton vetem nepermjet pergojimit, qofte edhe permes hamendesimeve te percipta. Dhe me interesantja eshte se ti nuk po le fjale pa thene per Schuonin, por jam i bindur se librin per te cilin ben fjale shkrimi nuk e ke lexuar.

    • Jo libra akideje qe ti nuk duhet te lexosh po as libra per pionere e fatosa, sepse qartazi nuk di te kuptosh teksten qe lexon. Ndoshta do ishte e justifikuar gjithe ky “delli puritan” nese artikull do kish kerkuar qe librat e Schuon te behen librat e studimit te akides ne medrese. Artikulli sugjeron qe per nje lende te integruar njohurie mbi fete me te rendesishme te njerezimit, te konsultohen tekstet e autoreve me te njohur ne fushen e krahasimit te feve. Prandaj nuk po komenton artikullin por paragjykimet e tua.

      • me vjen keq per kete gjuhe qe perdor, por me duhet te rithem se edhe une per pikerisht per librat qe keshillohen per krahasim fesh dhe jo per libra qe duhet te mesohen ne shkollat fetare,librat qe keshillohen ketu per krahasim fesh jane libra te njerezve te cilet perqasjen e krahasimit e kane te gabuar, theosofiste, pereniste, jo islame te cilat kerkojne te perbashketen e feve ne nje nivel esoterik spekulant qe edhe pse duken te bukura dhe joshese -sic thoshte Masinioni- nga prespektiva islame apo edhe e feve te te tjera jane te pasakta, keshtu qe a do tia vlente tu afronim njerezve nje perqasje krahasmitare ndaj feve nga nje kendevshtrim i gabuar qe as vete fete nuk e pranojne?!

      • perseri te them qe nuk di te lexosh. Po propozohet nje lende qe prezanton studentet me fete me te medha te njerezimit dhe jo me fene tende dhe jo vetem nxenesit qe i perkasin fese tende e kesisoj, llogjika qe po perdor ti perforcon argumentin e atyre qe jane kundra mesimit te fese ne shkolla publike. Edhe nje here, po flasim per shkolat publike me nxenes te feve te ndryshme apo pa fe fare qe marin nje lende te kultures se pergjithshme mbi fete. Frithjof Schuon nuk te eshte sugjeruar ty ta lexosh dhe ti ben mire mos harxhosh as veten e as Schuon-in per ta lexuar. Fusha e studimit te krahasuar te feve nuk eshte fushe e studimit te fese nga brenda traditave te tyre por nga jashte si disipline akademike dhe si disipline akademike ka dhe figurat e veta te njohura ku Schuon apo dhe Huston Smith jane nder emrat me te rendesishem, ne mos me te rendesishmit. Ti nuk ke pse i pelqen, nuk pse bie dakort me idete e tyre sepse nuk po flitet per studimin e fese si e verteta sublime e jetes, se kjo ne nje shkolle publike te nje vendi seular nuk eshte e mundur, pra dhe njehere, eshte e nevojshme te kuptosh cfare po thuhet e cfare po diskutohet.

  • Pikturat e marra nga kjo faqe

    http://cret.blogspirit.com/album/schuonneries/

    te cilat jane sjelle ketu si te Schuonit, qartas pohohet se jane te nje artisti qe jeton ende, dhe mund te provoje autoresine e vet per to. Po ashtu ato jane kompozime, fryt i fantazise, jo foto dokumentare nga jeta e Schuonit. Pse sillen atehere si argument ketu, kur as kane autor e as Schuonin e as kane subjekt ngjarje reale nga jeta e tij?
    Schuoni ka qene nje personalitet i cuditshem por veprat e deklarimet e tij, kane bere qe te pranohet si musliman nga bashkekohesit. A ka arsye te dyshohet se ka ndryshuar qendrim apo besim? Mbase, por perderisa njeriu eshte afishuar si musliman dikur, behet pak e veshtire te flasesh kuturu per fene e tij pastaj.

    E rendesishme eshte qe te perzgjedhim nga vepra e tij, ate qe pranohet unanimisht se ka vlere, dhe jo detyrimisht pjesen tjeter

    Para se te sillni argumente ketu

  • Fotoja e Schuon-it nuk eshte me “sektin e tij”, po eshte me nje fis nga indianet e Amerikes, me te cilet ai kaloi disa kohe si mik. Nuk jane veshje ose zhveshje sekti ato, jane thjesht veshje tradicionale te nje populli. Shihet qarte se perfytyrimi yt per boten nuk ka popuj, po sekte; dhe kur nuk arrin dot te dallosh veshjet e e indianeve te Amerikes dhe te shkon direkt mendja tek satanizmat, kjo nuk eshte shenje se je ne nje territor qe te perket.

    ps: Fjala ‘kufrale’ nuk ekziston ne asnje gjuhe te botes

  • Pertej emrave te pervecem, kisha shprese se lexuesit e kesaj faqeje cilesore do ta kishin verejtur tashme gabimin aq te perseritur te shume muslimaneve shqiptare, te cilet shperfillin teresisht motivin, permbajtjen, mesazhin dhe qellimin e artikujve aq te mprehte per nga problematika qe shtrojne dhe sugjerimet qe ofrojne. Por eshte e thene qe, sahere dikush flet per nje problem goxha te rendesishem, sikurse autori i artikullit, hallku merret me sulme te hidhura derrmuese ndaj ndonje emri te pervecem apo detaji jothelbesor ne tekst, gati si zhvendosje frustrimi voodoo nga objekti te sendi i ngjashem me te, me shpresen per t’ia rrenuar perpjekjen ose thjesht per te bere pak zhurme, ashtu si per te treguar se jemi gjalle, si gomari qe i pellet bilbilit. E zeme se autori e terheq sugjerimin e dy mendimtareve qe ua citoi vepren, cfare alternative/kontributi/ideje/sugjerimi/zgjidhjeje kane (per te) ofruar (ndonjehere) keta zhurmemedhenjte? Ketu po flitet per nje problem qe rrezikon ushtrimin e fese, kuptimin e saj, perceptimin e saj, dhe rolin e saj ne jeten publike te shqiptareve. Autori ben gjithe ate mund, hallku merret me tjegullat. Ani, ani. Kush nuk do te mesoje, do te pesoje. Ndjese per zgjatjen. Wesselam

  • komenti im i fundit si pergjigje ndaj Selmanit eshte fshire, Pse?
    gjithsesi Selan shihe mire se fotoja nuk eshte me nje fis indian por me anetaret e tarukatit merjemije, mjafton nj shikim i vemendshem per te kuptuar se nuk kemi te bejme me i indian.

    p.s. per fjalen kufrale ke te drejte verejtje me vend.

  • Your email address will not be published. Required fields are marked *