Nuk ka tarikat pa sheriat*





Teolog Mehdi Gurra

Fundi i shekullit të XIX dhe fillimi i Shek XX solli transformime të mëdha në botëkuptimet njerëzore, duke përhapur ideologjitë më shkatërrimtare të njohura ndonjëherë, që i sollën njerëzimit dy luftëra botërore me përmasa katastrofike.  Dëmet materiale ishin të pallogaritshme, por akoma më të pallogaritshme ishin dëmet shpirtërore. Shumë njerëz vijojnë ende të qëndrojnë larg fesë, larg besimit, larg moralit, në shkretëtirën e ateizmit, liberalizmit ekstrem e shterpësisë shpirtërore.

Ideologji të tilla, si dhe politikat që ato krijuan, patën pasoja të rënda per fetë. Ato rënduan marrëdhënien e shërbyesve të fesë me popullin, nëpërmjet propagandave të tyre, por rrënuan gjithashtu edhe aktivitetin organizativ të tyre.

Një gjë e tillë ka ndodhur edhe në Shqipëri. Propaganda komuniste, idetë liberale dhe antifetare, turbulluan mendjet e njerëzve në gjysmën e parë të shekullit të kaluar, deri në ardhjen e komunizmit dhe në shfarosjen e plotë të klerit.

Islami është një fe që ka hyrë në Shqipëri shumë herët. Ndryshe nga ç’pretendojnë sot trashëgimtarët e ideologjive të tilla. Islami nuk ka hyrë në Shqipëri nëpërmjet shpatës, por nëpërmjet paqes bujarisë dhe përkushtimit të misionarëve muslimanë të hershëm, shejhlerëve dhe sufistëve  të devotshëm, që rrezatuan mirësinë e tyre në shoqëri, duke tërhequr zemrat e njerëzve. Të dhëna të shumta rrëfejnë përkushtimin e këtyre njerëzve që arritën të krijojnë bulëzat e një tradite, që më vonë do të masivizohej. Ata ishin pararoja e një transformimi të madh, që do të ndiqte ky popull në shekujt në vazhdim. Vepra e tyre u pasua më vonë nga qindra dhe mijëra vijues, të cilët me përkushtimin e tyre filluan  të ndërtojnë institucionet  e tyre (xhamitë dhe teqetë)  dhe shndërrimin e teqeve të tyre në sofra bujare për shpirtërat e uritur. E gjithë kjo na tregon, se nuk ishte shpata ajo që e uli Islamin në sofrat e shqiptarëve, por ishte dashuria dhe shpirtmadhësia e këtyre njerëzve të përkushtuar, që janë para-ardhësit tanë, në gjurmët e të cilëve  u munduan të ecin H.Sabri Koçi, Baba Reshat Bardhi, Baba Selim Kolicani,  Shejh Muamer Pazari, etj.

Sot  më shumë se kurrë, duhet të ndjekim rrugën  e  Ejup Efendiut, historinë e  të cilit na e tregon udhëtari i hershëm në Ballkan Evlija Çelebiu, i cili thotë  se  babai i shtatë djemve,  i cili kishte udhëtuar nga larg dhe ishte vendusur në Elbasan,  dhe  aty kishte filluar t’i mësojë njerëzve islamin, përpara  se të vinin muslimanët turq në këtë vend. Gjithashtu nuk duhet të harrojmë misionin fisnik, që kishte  marrë mbi supe Sarisalltëku, Kuz Babai etj, për përhapjen e Islamit në vendin tonë. Po  ashtu në asnjë mënyrë nuk duhet të harrojmë  ndërtimin   e xhamisë se kuqe  në Berat nga misionarë  të Islamit, përpara se  të vinin osmanët në vendin tonë.Të parët tanë janë përpjekur që hakikatin dhe tarikatin, Islamin dhe mistikën  ta mësojmë dhe ta zbatojmë, mirëpo  ne sot nuk po ndjekim siç duhet shembullin e të parëve tanë. Komunitetet tona  duhet të bëjnë më shumë për përhapjen e frymës mistike islame në vend. Ata duhet  të organizojnë sa më shumë aktivitete  nëpër teqe, ku të gjithë besimtarët,  dashamirët e të gjitha tarikateve të gjejnë qetësinë shpirtërore pas kryerjes  së  faljes së namazit dhe dhikrit. Nuk ka islam pa namaz, nuk ka tarikat pa namaz, nuk duhet të ketë shejh pa namaz, nuk  duhet të ketë murid, muhib, dervish pa namaz. Kjo, pasi shumë prej nesh nuk e kanë përkushtimin e duhur në tarikat, si rezultat i mospasjes së njohurive të duhura për Islamin në rradhë të parë, pastaj për tarikatin. Është momenti që të gjithe të ndalemi dhe të mendojmë për tarikatin e vërtetë,  të  reflektojmë  për detyrimet që kemi si muslimanë. Nëse e bëjmë këtë do të shohim se vetëm përkushtimi dhe devotshmëria do të na i hapin dyert drejt suksesit.

 

___________________________

*Fjala përshëndetëse e mbajtur nga Drejtori i Shoqatës ALSAR në Konferencën mbi Tesavufin dhe Tarikatet në Ballkan

Comments

  • Allahu te shperblefte me gjithe te mirat per kete tubim qe ke orguanizuar e per kete fjale qe ke mbajtur z.Gurra

  • Nga Besnik SInani e Ervin Hatibi te zbresesh te M.Gurra eshte katapulte intelektualesh 😛 Rendesi ka qe nuk eshte me Kmsh`ne thuaj. E-Zan, do jeni shume te vyer nese s`bini ne nivele pazaresh! Ose te pakten lerini te mundohen t`ju afrohen e jo te nxirrni veten ne shitje!

  • Po te jete per ate pune ne po te krijojme hapesire edhe ty, megjithe inkoherencen dhe mungesen e kthjelltesise.
    Problemi i pare qe ti nuk kupton: Diversifikimi i zerave nuk do te thote se ata qe vijne me vone, perjashtojne ata qe kane qene qe ne fillim.
    Problemi i dyte: Nuk ka asnje lidhje domosdoshmerie qe te na beje te besojme se pasqyrimi i nje komenti nga drejtori i nje shoqate do te thote se ka nje marredhenie shitblerje midis shoqates dhe mediumit qe publikon shkrimin. Pasqyrimi i aktiviteteve qe behen midis nesh, eshte nje vlere e shtuar per ne dhe nuk ka kurrfare logjike te nxjerresh konkluzione mbi pazare te tille hipotetike.
    Nje nga gjerat qe ky blog synon te luftoje, eshte pikerisht mentaliteti i tille, qe shikon kudo klane, interesa dhe pazare, aq sa e ka te pamundur te kuptoje se ka njerez ne kete bote qe i bejne gjerat edhe per ideal, duke i qendruar me kokefortesi parimeve.

  • Admin, jeni te paperseritshem nganjehere. po te citoj: “Pasqyrimi i aktiviteteve qe behen midis nesh, eshte nje vlere e shtuar per ne dhe nuk ka kurrfare logjike te nxjerresh konkluzione mbi pazare te tille hipotetike.” applause.. Si gjithmone, e ke artikuluar shume bukur. Vetem se ska lidhje me ate qe ndodh ne te vertete. Ne shqiperi po jepen konferenca e aktivitete fetare pa fund e dynjaja ska pare ndonje pasqyrim nga ana juaj.
    Po beheni si ata qe ju kritikoni me shume. Qe e quan gje te madhe te nxjerre nje koment ndryshe, por qe nuk i honeps dot kritikat produktive 😛 😉
    Selam

    • Besimtar, mos i ngaterro gjerat. Me sa kuptoj une, E-zani eshte blog vullnetar qe synon te jape fryemarje ne sferen e mendimit, nuk eshte nje agjensi lajmesh nga ato qe rendom shkemben lajme me ndonje simoter per te pasur ne permbajtje dhe reklama bankash e telefonishe. Personalisht mbi kete ngjarje u informova permes E-zanit, dhe per kete e falenderoj, por sic e kemi mesuar, ky blog nuk ka misionin e tij qendror lajmin, pasi kjo kerkon te tjera kapacitete mbi te gjitha financiare.
      Ps. po nuk e kuptove kete qe shkruajta, me siguri e ke tjeterkun qellimin.

    • Besimtar, e shoh qe nuk dashke te levizesh nga a jotja. Gjithsesi, po perpiqem te shpjegoj se, jo cdo lloj konference, fjalimi e tubimi njerezish perben lajm. E dyta, ne nuk nxjerrim cdo lloj lajmi, pasi nuk jemi agjenci lajmesh. Ne pergjithesi ne perpiqemi te vendosim ne vemendje ate qe nuk bie ne sy dhe qe e mendojme se eshte e rendesishme per t’u informuar. Ne rastin konkret, eshte hera e pare qe organizohet nje konference e kesaj natyre, e mbi te gjitha, ne te merrnin pjese studiues serioze te kesaj fushe. Nese e ke vene re, emrat qe referuan ishin te gjithe Prof. Dr dhe kjo nuk eshte pak, per me teper per nje teme si ajo e tarikateve ne Ballkan, qe nuk ka shume studiues sot ne bote. Pervec kesaj, ajo nuk ishte nje konference fetare, por shkencore e studimore. Aty u paraqiten artikuj studimore qe ngjallin interes per nje kategori njerezish dhe kjo me duket e rendesishme per t’u marre ne konsiderate.
      Persa i perket akuzes tjeter qe hedh, se ne kritikojme shume por nuk i honepsim krtikat “produktive” (?!), kjo eshte nje tjeter lajthitje e pabaze.
      E para, sic po e sheh, ne po vijojme te lejojme komentet e tua ne blog.
      E dyta, nuk ka asgje qe nuk shkon te mos honepsesh kritika ne ajer, pa asnje lloj koherence dhe racionaliteti.
      E treta, ti e quan kritike produktive akuzen se jemi te shitur tek ALSAR-i, vetem pse kemi publikuar nje lajm mbi nje konference te kesaj shoqate, qe ne na duket se i duhet kushtuar vemendje?!

      • Konferenca e mesiperme, ka nje lloj vlere tjeter, per sa kohe aty merr pjese Kryegjyshi Boteror i Tarikatit Bektashi. Konferenca nuk eshte ndonje konference rutinore me dekor trendafilash tek holli i Hotel Tiranes, ku tregohet se kush eshte Hoxha me i madh, me i esueshem e me tolerant ne bote sot.Komentuesi me emrin ‘Besimtari’ me duket shume cinik per te kuptuar se kjo konference eshte historike. Ne kete kohe kur te gjithe perpiqen te na m ushin mendjen se bektashizmi eshte fe vec islamit, e jo tarikat islamik, dhe se bektashizmi qenka i liruar nga detyrimet para Zotit qe ndiqte perpikmerisht Imam Aliu ( kerem Allahu vexh-heh) dhe Ali Bejti. I dashur ‘Besimtar’, lus Zotin te ta zbuse zemren deri sa te kuptosh vleren e kesaj ngjarjeje historike, te cilen nuk e ka bere dot KMsh gjithe keto vite.

        Ky blog o ‘Besimtar’ eshte me liberali qe kam pare ndonjehere, se u ben vend gjthe shkollave islamike, edhe shiave bile, kur ka dobi prej fjales se tyre, pra kur ajo nuk eshte sektare. Eshte e padrejete besoj qe ta gjykosh kete blog vetem nga postimi me lart. Shiko pak edhe cfare eshte botuar me pare

        • Nese i ben vend dhe shiave dhe i konsideron dhe me te dobishem se KMSH dhe puna e saj eshte muhabet tjeter o Medio:)

          • Besimtar, vazhdon te keqkuptosh thellesisht qendrimet e ketij forumi. Ne i bejme vend, jo vetem shijave, por edhe pjesetareve te feve te tjera, madje edhe te pafeve, me te vetmin kusht, te sjellin vlera te verteta qe nuk bien ne kundershtim me parimet tona. Ne asnje rast, nuk e perjashtojme ketu as Komunitetin Musliman e as gylensitet qe e sundojne. Nese ndokush prej tyre troket tek E-zani dhe na ofron, shkrime, ide, mendime, lajme… qe perben interes per publikun dhe qe i afrohet kritereve tona per vleresimin e gjerave, patjeter qe e publikojme.
            Nga ana tjeter, ne nuk kemi thene kurre qe shijat jane me te dobishem se KMSH-ja – krahasim krejt pa vend ky – por gjithsesi, as qe e ve ne dyshim se ka shija qe jane me te mire se dobishem se KMSH-se.

        • Nuk e di si e bere lidhjen e besimtarit me konferencat me trendafila. Gjithsesi, po te them qe ne nje periudhe kur u perhap e u perfol shume nje ‘tradite’ (te pavertete) rreth alevive te Turqise, Gyleni u shpreh qe kjo eshte shpifje shume e shemtuar, dhe qe gjera te tilla jane fitne nga jashte per te thellu percarjen mes sunive dhe vellezerve tyre alevi. Shpifja bente fjale per nje gjoja praktike te alevive te quajtur ‘fikja e qiriut’, sipas te ciles ne nje dite te caktuar te vitit (nje fundmuaji me duket) anetaret e nje familjeje kryejn marrdhenje ne erresire me kedo te kene afer, pas fikjes se qiriut.

          Alevite kane qene dhe jane mbeshtetesit me te flaket te fashizmit anti-islam kemalist, qe shyqyr po nxjerr zorret dhe kuptohet jan ‘zbut’ icik . Ata kane qene gjithmone te paret ne kundershtimin e kurseve te Kur’anit, lendeve fetare ne shkolle, mbuleses ne institucione shteterore… te paret kudo ne ebu leheb’llik. Pra muslimanet suni turq , kane njefare hesapi me to meqe alevite jane aleatet ne kolonizimin e Turqise… nga ca turq tjere. Ti dalesh ne mbrojtje ketyre (kush tjeter s’e beri) dhe ti quash vellezer, eshte pune e nje hoxhe tolerant padyshim.

          Ne Turqi alevive, doren e miqesise ja ka zgjatur vetem levizja Gylen. Ajo eshte munduar te pajtoje popullin me alevite, aleatet e kemalizmit, ne emer te bashkimit te muslimaneve. Per kete ka perdor mjetet e veta, gazetat dhe konferenca pa fund, psh gazeten Today’s Zaman, ku shkruan 1 her ne jav me duket, Ibrahim Kallini, nxenes i Hossein Nasrit. Per ta zgjeru te shiite ne pergjithesi, Prof. Nasri ka mbajt fjalimin kryesor ne nje ‘konference trendafilash’ ne USA (Rumi forum). Ai e dijetare tjere shii, citohen e perdoren me bollek si burime ne artikujt e librat e levizjes Gylen.

          Sa per sufizmin, ne cdo shkrim te Gylenit gjen gjurme sufizmi, pervec nje libri me 4 vellime tijin te quajtur Sufism… ku shpjegon elementet baze te sufizmit; cdo koncept i rendesishem perben nje kapitull disa faqesh. E gjith ‘shkolla’ turke fundja, ka lidhje te forta me sufizmin, ne nivele te ndryshme.

          Qendrimi i Gylenit per shiiat ne pergjithesi (jo vetem alevite dmth) eshte qendrimi i Nursiut; ne risalen Lemalar Nursiu shprehet qe kemi te njejtin Zot, te njejtin Profet, te njejtin Liber… “1,1,1…, 1000 mije ‘1’ te perbashketa” dhe kete besojne edhe njekesit e tyre. Kete duan ata qe te besojne ndjekesit e tyre..

          Per Khomejnin, Gyleni ka patur shprese te ai si njeriu i vetem i koheve tona me aftesite e mundesite per te ‘pajtu’ dhe bashku shiiat me sunite (gje qe nuk e ka ber). Mendoj qe ka patur respekt per te dmth, mgjs s’kam ne mendje ndonje shkrim ku shprehet qarte sic shprehet per Hasan el Bena-n, kur thote qe ate e do po aq sa Nursiun.

          Nejse, gjitha keto i thashe se nuk marr vesh se ca dreqin mund te kete nje shii me Gylenin dhe ndjekesit e tij, duke shiku qe keta jane sunitet me qendrimet me te buta dhe me miqesore ndaj tyre, ne nje kohe kur shume sunite i kane heq vizen si murtede dhe tjere besojne lloj lloj budallelliqesh per ta (nga keto me qirinj, dhe jo vetem per alevite e Turqise). Me mire mos na hapni barkun me kunja, e mos zgjatni gjuhen kot se koti se vetem do futni veten e tjeret ne gjynah.

          • We Alejkum Selam vella i nderuar

            Kalini kisha pershtypjen qe nuk eshte nxenes i Nasrit vetem se ka marre ca kredite me te apo se Nasri mund ta kete ndjekur gjate doktoratures. Kisha idene per te si nxenes i tiji ne kuptimin tradicional. Te faqja e tij e internetit qe e kam pare dikur, punimet e tija te jepnin idene e nje nxenesi qe zhvillon idete e mesuesit tij, Nasrit. Ju shihet qarte qe e njihni me mire.

            Ne lidhje me “shiizmin e Nasrit”, mbaj mend permendjen (pranimin e shpjegimin disi te hollesishem)te Ghadr Kumit ne nje biografi per Profetin e nderuar a.s. Kjo eshte pjese e perjashtimit vertet, me sa kam pare nga perkthimet tuaja te mrekullueshme dhe ndonje vepre tjeter te paperkthyer akoma. Reklamen e tij me then te drejten e kam marre nga persona brenda levizjes Gylen, dhe pavaresisht se ca mund te keni kuptu nga mesazhi i meparshem, respekti qe kam per te eshte shum i madh. Intelektualet kryesore te levizjes Gylen si Ali Bulaç apo Ali Unal, e permendin her pas here ne artikujt e tyre. Ky i fundit perdor shpesh shpjegime nga tefsiri i Tabatabait dhe libra te Mutaharit ne nje perkthim me shpjegime te Kur’anit. Dmth as nuk i perzihet barku si ndokujt tjeter nga Nasri vetem se eshte shii megjithese jo perfaqesues i shiizmit, dhe as nuk frenohen te mos perdorin shpjegimet brilante te Mutaharit per kaderin apo ndonje ceshtje ne lidhje me te drejtat e grave (ne keto dy ceshtje me duket jan perdor).

            Ajo qe dua te them me dy paragrafet e meparshem, eshte qe levizja Gylen eshte ne nje fryme dialogu me kedo qe kam permend te komenti i meparshem. Nuk doja te thoja qe Nasri ishte ne forumin Rumi per te levdu Gylenin a idete e tija, por ishte aty (fale xhentileses se tij) dhe fteses me shum respekt (se e dine me ke kane te bejne) te levizjes Gylen. Kjo ishte atmosfera e dialogut qe doja te pershkruaja. Pastaj, keto doja tia thoja Bashkimit qe u shpreh me cinizem fyes, nuk e kuptova se nga i erdhi… Kur shkruajta ne mendje kisha Bashkimin, jo juve a kend tjeter.

            Me gjithe respektin e dashurine per Nasrin, dashurija per Gylenin, Nursiun dhe rrugen e tyre apo rruget e tyre, eshte nja 10 her me e madhe. Me kete dua te riperseris qe Nasrin nuk e permenda si mbajtes leksioni i ideve te Gylenit (ne Rumi forum) se s’eshte ndonje krenari e vecante, a hall i madh per mua, aprovimi a mosaprovimi ne cfaredo lloj perqindjeje i prof Nasrit. Kur kam lexuar permendjen si ‘modernist’ i Nursiut, ne nje liber rreth teknologjise dhe ceshtjeve mjedisore i perkthyer nga ju, duke ditur per qendrimin thellesisht tradicional te Nasrit, nuk esht se me eshte shembur bota mbi krye.

            Edhe dicka te fundit, me siper thashe “rruget e tyre” se edhe mes rrugeve te vet njerit prej tyre ka patur ndryshime. Ka patur 3 Said-a, po mund te kete edhe 3 Gylene. Keto qe them dua ti lidh me shijen jo fort te mire qe keni, kam pershtypjen, kur permendni ndikimin e levizjes Gylen ne politike. Ne literaturen perendimore zakonisht, ajo qe ndan Gylenin me Nursiun eshte ‘perfshirja ne politike’, duke harru qe Nursiu ka mbajt fjale ne parlament por Gyleni jo e gjera te ngjashme. Perendimi ofron krahasime ekzotike te Nursiut jo vetem me Gylenin po edhe Malkolm X-in apo Antonio Gramshin. E shikuar nga Anadolli, ceshtja eshte ndryshe.

            Jua shperblefte Allahu per linkun, eshte hera e pare qe lexoj nje opinion te Nasrit per Gylenin, mgjs mendime pak te mbyllura per mendjen time, jo per shkak te anglishte. Ma beni hallall nqs ju kam merzit ne mesazhin e meparshem, por ishte pergjigje vetem per nje person.

          • Esselamu Alejkum vella,

            “Ata që besojnë në ëndrrat e këtyre REFORMUESVE, duke u kthyer deri te Muhammed Ali Pasha, Xhemāl ed-Dīn Afghānīu e Muhammed ‘Abduhu, përfshirë madje edhe Bedī‘ uz-Zamān Sa‘īd Nūrsīun e Turqisë dhe Muhammed Ikbalin, duke besuar se mund ta marrim atë fuqi teknologjike e në të njëjtën kohë të mbetemi autentikisht brenda botëkuptimit islam, ëndërrojnë të pamundurën. Mendoj se ajo që duhet të bëjmë si mendimtarë dhe studiues islamë është të pohojmë se botëkuptimi islam rreth shkencës e natyrës duhet ruajtur patjetër, cilatdo qofshin rrjedhojat në këtë botë.”

            Pikerisht per keto rrjeshta e kisha fjalen. Mendimi i marrjes se teknologjise nga perendimi (meqe pikerisht me kete teknologji perendimi ato vite sundonte materialisht boten dhe literalisht pushtonte Anadollin e Nursiut me anijet e fundit te kohes) ishte ndoshta ide e domosdoshme e kohes, po ashtu ide disi e re. Prandaj me ka ngel ne mendje si modernizem, dmth modernizem ne kuptimin dicka e re, jo modernizem si ndonje lloj devijimi apo grumbull bidatesh te demshme. Nejse, ska rendesi. Jua shperblefte Allahu per sqarimet me saktesi te plote.

            Tezen qe permendet do ta lexoj me shume interes, inshaAllah, me kushtin qe mos t’ju marri kohe gjetja e linkut. Nqs e keni te gatshem ne pc, ndoshta mund te ma dergoni te kjo adrese emaili qe hapa me kete rast: e-no877@hotmail.com

            gjitha te mirat

      • Admin, nuk e kisha menduar najher qe niveli potencial intelektual juaji do fliste ndonjehere apo do shtjellonte MENDIMET e M.Gurres. Vetem kjo ishte pak a shume. Se si u artikulua kjo habi eshte e drejte qe mund te mos kete qene me e mira. Ju i duheni ketij vendi per me gjate, per me shume.. Do doja te pinim nje kafe e ti degjoja keto fjale me superlativa per M. Gurren sepse nuk me besohet akoma qe ne mexhlisin tuaj te kaloje fjala Alsar 🙂 Na e beni hallall dhe mirutakofshim ne artikullin tjeter se per kete sja vlen te konsumojme tastjeren 😛

        • Ne nuk kemi paragjykime. Sic e sqarova me lart, jemi nisur nga rendesia e aktivitetit, per faktin qe vijne profesore serioze per te trajtuar nje teme qe diskutohet per here te pare ne mjedise te tilla, ne Shqiperi. Ky ishte lajmi. Shkrimin e Mehdiut pastaj, – e cila ne fakt, eshte fjala e tij pershendetese, e mbajtur ne konference, – e botuam si ilustrim te qellimeve te ketij aktiviteti. Pertej rezervave te ndokujt, shkrimi nuk ishte i keq, brenda limiteve te kontekstit per ku eshte shkruar.

  • Une e mirekuptoj shqetesimin e besimtarit.
    Ky shkrim mund te sherbeje thjesht si lajm, por jo per te treguar rendesine e aktivitetit megjithe pranine e njerezve me grada atje.
    Ato grada nuk kane asnje lloj vlere kur mbrohet idhijtaria, tarikatet e devijuara. Tani dikush do thote se nuk eshte keshtu. Kurse une them se eshte keshtu derisa mbrohet mbrohet tesavvufi (dhe qe e zbukurojne me fjalen: mistika) me devijime te renda ne besim, me tarikatet e ndryshme, qe jane nje perzierje e sufisteve ekstreme dhe shijave ekstreme. Pra aty nuk flitet per asketet e brezave te hershem qe ka njohur ummeti islam te cilet u largoheshin prej kesaj bote dhe ishin te drejte ne besim, por flitet per tarikate me deviacione thelbesore ne besim. E pra kjo eshte e rrezikshme per besimin.
    Gurra – sipas shkrimit – eshte munduar mesa duket te jape nje mesazh se tarikatet kane gabime, gabime qe qendrojne ne mospraktikimin me rregullsi te riteve islame. Por mendoj se nuk eshte kjo menyra e duhur e te ndrequrit. Po marrim bektashite: problemi i tyre qendron tek njesimi i Zotit, dersa ata i falen varreve, i bejne sexhde varreve, i bejne tavaf varreve, atehere te gjithe e dime se keto pune jane pjese e shirkut te madh qe te nxjerrin prej besimit. Pra ketu duhet pare thelbi, perndryshe tentimi per te rregulluar per mua do te jete gjithmone nje ndersjellje ne mocalishte pa ditur sesi duhet dalur prej saj.
    Por sigurisht qe kjo qasje per te cilen flas duhet bere sipas moralit islam dhe me urtesi.

    • Ani, e para, studimet ofrojne qasje shkencore e jo morale. Ato nuk behen as per t’i mbrojtur e as per t’i sulmuar keto tarikate, por per t’i njohur. Perfundimet, gjithsecili i nxjerr vete. Studime te tilla, na tregojne sesi jane parimet e tarikateve qe shohim ne Shqiperi, dhe me pas sesi ato jane devijuar sot. Nga ana tjeter, na tregojne historine, perhapjen dhe veprimtarine e tyre, ne menyre qe te njohim me mire realitetet ku ato veprojne. Kjo eshte dicka mese e nevojshme per kedo qe ka aktivitet fetar e kulturor ne Shqiperi.

      E dyta, tesavufi nuk zbukurohet me fjalen mistike, sepse vete tesavufi nuk eshte nje fjale e shemtuar dhe fjala mistike nuk eshte me e bukur se fjala tesavuf.

      E treta, tesavufi nuk eshte jashte fese. Shume dijetare muslimane, rigorozisht suni, sic eshte ps. Jusuf Kardavi, pohojne se tesavufi eshte pjese e fese sone, por duke pasur kujdes te eleminohen teprimet qe nuk ngrihen mbi argumente fetare.

      E katerta, duhet te dish se ka tarikate brenda sunizmit dhe tarikate jashte sunizmit. Mos i perziej ne nje thes te gjitha, duke i konsideruar adhurues varresh, per me teper duke u mveshur atyre rituale qe jo te gjithe i kane, sic jane tavafet dhe sexhedet e varreve. Askush prej nesh tek E-zani nuk eshte ndjekes tarikatesh dhe as nuk jemi mbrojtes te tyre, por kjo nuk do te thote qe t’i konsiderojme ata idhujtare e t’i nxjerrim te gjithe nga besimi. Edhe tarikati Bektashi qe t’i permend, mund te kete sa te duash njerez qe kryejne rituale te papranueshme nga koka e tyre, por vete bektashizmi si tarikat nuk i ka keto. Nese bektashite do te ndjekin me perpikmeri mesimet e Haxhi Bektashit, do te kuptoje se bektashizmi eshte shume rigoroz ne fe, madje shpesh edhe ekstremist ne hukmet fetare, gje qe nuk ka te beje me ate qe bejne sot shume baballare qe shtrohen me raki gjithe diten.

      E pesta, ajo qe duhet te bejne muslimanet, eshte te mos i perjashtojne keto grupe, te cilat kane prirjen te shfaqen shepesh si fe me vete, pasi kjo eshte ne dem te Islamit ne Shqiperi. Sot psh. shume intelektuale priren te thone se ne Shqiperi nuk ka tre fe, por kater, duke i marre bektashinjte me vete, gje qe me pas, sipas tyre redukton numrin e muslimaneve, nga 70 perqind, ne rreth 40. Dhe kjo eshte politike. Natyrisht, qellimi ketu nuk eshte thjesht t’u mbyllim gojen zerave te tille, por qellimi eshte qe muslimanet te bashkepunojne dhe solidarizohen me njeri-tjetrin, pasi kjo eshte ne dobine tone te perbashket.

  • Nuk jam dakort me kete menyre te llogjikuari.
    Ketu nuk behet fjale per studim te thate shkencor, bie fjala per studime gjuhesore apo te ngjashme me to, ketu behet fjale per fe per te ardhmen e njeriut per njohjen e te vertetes nga e shtrembera. Pikerisht per kete arsye, por pare dhe nga ajo qe kjo gje eshte bere ne bashkepunim me kryegjyshaten boterore atehere ne nje fare menyre i bie sikur tu themi ketyre tarikateve: vazhdoni se rruga juaj eshte ne rregull pervec disa gabimeve pa shume problem. Per studime kemi vevoje, sidomos per bektashite, por ky simpozium nuk eshte i tille.
    Ja pse fjala mistike ne kete rast eshte zbukurim: me tesaufin sot nuk kuptohet me vetem zuhdi ne kete jete. Ata askete qe u shfaqen ne fillim ne boten islame diku pas kohes se tabiineve njiheshin per asketizmin, devotshmerine dhe largimin prej dynjase, por njiheshin per besim te paster, pra s’kane asnje lidhje me besimin e sufizmit te sotem. Ndersa e pakta gje tek sufistet do gjesh qe punet mund t’i perziejne me bidate (p. sh. i ben dua Zotit tek varri duke besuar se atje eshte me e pranueshme per shkak se ndodhet prane varrit te nje njeriu te mire), por jane me shumice dhe ata sufista qe kane ekstreme te dukshme ne ceshtjet e besimit (p. sh. i lutet varrit, i ben sexhde, ben tavaf, beson se Zoti eshte kudo, le adhurimet duke besuar se ka arritur ne nje grade te larte, madherojne shujuhet e tyre…).
    Une nuk jam njohes i mire i tarikateve, por persa i perket bektashive ceshtja e tyre eshte shume e qarte. Besimi i bektashive eshte ne kundershtim me fene islame. Bektashizmi eshte bashkim i ekstremit sufist dhe i ekstremit shiit (kjo e fundit duket ne madherimin e Aliut). Kane ndryshuar fene, pra kane ibadete te tjera, mjafton te permend ketu se kane per agjerim 21 dite. Ne aspektin e adhurimit kane idhujtari te madhe, gje qe unanimisht kleriket e tyre feja jone i detyron te rigjenerojne shehadetin pasi t’ia dine mire kuptimin dhe se me c’fare te obligon ky shehadet.
    E pare ne kete aspekt sot nuk ka me sufizem qe eshte ne perputhje me fene, ndaj dhe perpjekja qe bejne sufistet sot per te thene se i kane rrenjet tek ata te pare te hershem nuk qendron sikurse e sqarova. Pra sufistet sot me e pakta eshte se mund te kene risi ne punet e tyre, dhe ata me ekstremet mund te kene qendrime qe komplet bien ndesh me fene.
    Ti admin duhet te jesh me i sakte kur me lexon. Nuk kam folur duke i futur ne nje thes te gjithe se jane adhurues varresh, por jam shprehur konkretisht ndaj bektashinjve. Mendimi bektashian, filozofia bektashiane apo feja bektashiane eshte nje fe tjeter por kurrsesi islame. Eshte nje mendim i ndertuar ne baze te idhujtarise. Te gjithe shikojme se si ata bejne haxh ne Tomorr, se therrin kurban per baba Aliun. Besimi nektashian lejon t’i lutesh varrit. Cdonjera prej ketyre puneve eshte kufer me unanimitetin e dijetareve muslimane. Por ato ketu jane mbledhur dhe bashke. Pra ky eshte realiteti i fese bektashiane. Plus qe bektashianet vete kane qene te perndjekur nga Porta e Larte derisa u vendos qendra e tyre ne Shqiperi.
    Ceshtja e perqidjes eshte dicka tjeter, por ana besimore duhet kuptuar mire. Une besoj se mund te kete ne popull bektashinj qe nuk e njohin vertetesine e Islamit dhe vertetesine e bektashizmit. Pikerisht me keta duhet punuar sipas aftesise qe ata zoterojne qe te kuptojne Islamin e vertete.

    • A ke qene ne konference i dashur vella, a e di c’eshte diskutuar aty? Nese po , na informo, se ne po shohim vetem nje shkrim te z. GUrra ketu, e mbi te po gjykojme. Ke ndonje gjykim per shkrimin?

      Ti vete thua se nuk i njeh mire tarikatet, po nga na tjeter thua se njeh bektashizmin. Nga cfare tekstesh e njeh, na thuaj nje titull. Pelegrinazhi ne Tomorr eshte forme e religjionit popullor, fenomen qe haset gati kudo ne bote e gati kudo ne boten islame, ku njerezit shkojne e kalojne naten neper tyrbe e teqe, presin kurbane e festojne ditelindje shehleresh te vdekur. Si t’ia bejem, t’i lejem keta njerez, ta nderpresim dialogun, t’i braktisim ne punet e veta duke u distancuar nga interneti me ta? Apo mos eshte pak me mire te ulesh e te diskutosh, te shqyrtosh bashkerisht tekstet e fese, historine e prkatikimit te saj, te gjesh si u arrit deri ketu e deri aty. A eshte mire ta braktisesh dike me te cilin ti edhe ngjason edhe dallon, apo eshte me mire t’i afrohesh per dialog, t’i perkujtosh afersine e ngjashmerine, me shprese se kjo do te zmadhodhet gjithnje e me shume? Gjithe keta dhjetera mije shqiptare bektashinj, qe sot kane mbetur ne meshire te kronikave tel;evizive mbi fene, te spekulimeve dashakeqe e islamofobe, a nuk kane nevoje te perkujtohen me Kuran e me shembullin muhamedan? Nese ata jane kaq gabim sa thua ti, cili do t’u tregoje se qenkan gabim? Ti ketu, me pseudonim? Se paku detyra qe ka kryer z.Gurra, eshte “ikamet ul-huxhxheh” perkujtimi i argumenteve te Zotit para nje parie fetare qe duket se i ka harruar disi keto. Dallimet ne besim e praktika midis njerezve ne pergjithesi, e midis muslimaneve ne vecanti kane ekzistuar e ekzistojne, e do ekzistojne deri sa Zoti i Madh t’i ndaloje, por puna eshte te tregohemi te meshirshem dhe te afrojme aq sa mundim e te perkujtojme aq sa mundim, te ndreqim sa mundim. Te kritikojme nga larg, si spektatore, ka te mirat e veta, po me e mira eshte te shkosh aty ku ndodhin gjerat, e te perpiqesh per ndryshim

  • Per sofizma nuk ka nevoje.
    Pikerisht ndryshimi fillon aty dhe ku eshte plaga. Derisa semundja eshte ne rrenjet e besimit, atehere dhe kurimi aty duhet te filloje.

    • As per vulgarizim nuk ka nevoje

      Plaga eshte ne koncept dhe z.Gurra i eshte drejtuar konceptit per sherim. Asnje bektashi nuk e pranon kurre se qenka politeist, por, me ditet qe kane ardhur, me paburrerine e drejtuesve muslimane ne vend qe ulin kokat para detyres se vet, sot ka gjithnje e me shume bektashinj qe pranojne se tarikati i tyre eshte fe me vete, dalluar nga Islami, dhe se ne fene e tyre, namazi e agjerimi nuk jane shtylla, dhe se pune te mbrapshta si pirja e alkoolit jane te bekuara. Si pasoje e propagandes se vjeter, sipas te ciles bektashinjte jane hallka e dobet e zinxhirit ku duhet te nise deislamizimi i shqiptareve, rikthimi i tyre ne krishterim, bektashinjte lavderohen perdite si te moderuar, patriote, moderne, tolerante, jo si suninjte e keqinj. Sot kjo propagande eshte bere mbizoteruese dhe njerezit gati po e harojne se Kuarani eshte libri i perbashket, dhe Sheriati eshte parimi rregullues i besimit. Ne kete pike po therret kjo fjale e z.Gurra. Kjo eshte kryesorja. Per te tjerat, dilni ju qe keni monopolin e monoteizmit dhe beni hapin e dyte

  • Hajt do ti degjoni zerin sufizmit, panteizmit,perenializmit etj… Dhe do thuhet. Na i shte njhere e e kohe kur na ishin ca muslimane ekstremiste monotesit puritan medemek. Ca vehabi…

    • Pash Zotin mos na be si viktime ketu dhe mos akuzo terthorazi te pranishmit se nuk jane monoteiste. Nuk ka gje me humoristike kur sheh ketu selefinj e nurxhinj se bashku duke sulmuar nje aktivitet ku therriten njerezit QE NE CESHTJE TE FESE, ARBITER TE KENE SHERIATIN!

      Ku eshte problemi ketu? Apo se e ka organizuar dikush qe nuk ju pelqen? Apo se aktiviteti eshte pasqyruar ne nje blog qe nuk ju pelqen? Apo se e keni ndare mendjen se vete jeni te shpetuar e te tjeret nuk duhet te shpetojne?

      • O Baçi, a po na thu se cili nurxhi te sulmoi aktivitetin se spo e marr vesht. Ti ja vure damken “nurxhu” besimtarit. Mos fol ne delir pash Zotin.

        • ‘nisi,

          po lere Besimtarin (e mire) te flase vete po deshi. Ku e di ti, une mbase njihem me te dhe e di cili eshte. Zakonisht mbeshtetesit e KMSH-se kryesisht jane ose shiksa ose vellezer nurxhinj (Allahu i ruajte e i permiresofte) e po ashtu sulmuesit e gjithckaje qe botohet ketu zakonisht jane vellezerit tane nurxhinj.

          Konferencat me trendafila te edukuar (pa gjemba) tek holli i hotel Tiranes i permenda si e kunderta ekzakte e aktivitetit per te cilin po shqetesohen ca ketu.

  • nuk kuptoj kete shqetesim kaq te madh perse e kane vellezerit qe jane pjese e fondacionit sema dhe gulistan .
    shqetesohen sepse kete aktivitet nuk e bene ata apo ndjekesit e rruges se tyre dhe e beri alsari ?
    shqetesohen se z.gurra me alsarin po mundohet ne maksimum te kontriboje ne te gjitha fushat per nenshtetasit shqiptar ?
    shqetesohen se ne kete konference nuk ishin pjesmarres antare te kmsh ?
    per kete te fundit ne kontaktuam me z.gurren dhe na tha se kryetari i kmsh dhe myftiu i tiranes kane qe te ftuar .
    shqetesoheni perse nje teolog merr nje nisme qe eshte per tu pershendetur dhe per tu perkrahur sepse sot fatekeqesisht tarikatet ne shqiperi jane shume larg islamit dhe duhet me cdo kusht qe se pari udheheqesve te tyre ti mesohet islami dhe pastaj ndjekesve dhe frekuentueseve te instituconeve te tyre .alsari dhe veçanerisht z.gurra eshte teper i ndjeshem per çeshtjen fetare ne vend per kete ju garantoj se e njoh dhe e di mire se me te vertete i dhemb zemra per problemet e islamit ne vend .
    te nderuar

    mos u shqetesoni z.gurra mendoj se duhet kontaktuar per kete problem

  • Zotrinj klerikë të të gjithë feve (Partive), jeta mbi të gjitha është dhe konsum, por që të konsumosh duhet të prodhosh dhe që të prodhosh duhet të punosh, të të kullojë djersa deri në fund të kurrizit. E gjithë kjo masë e madhe klerikësh konsumon shumë herë më shumë se masa e besimtarëve dhe jo besimtarëve. Nga i nxirni ju këto të mira materiale që bëni një jetë të rehatshme? Unë mendoj se i nxirni nga besimtarët duke i trembur ata se në rast mosbesimi ndaj Zotit, ata i pret një jetë me vuajtje. ju prpogandoni nënshtrim të njerëzve të thjeshtë dhe të dobët ndaj më të fortëve dhe të plotfuqishmit. Të mos hyjmë më thjellë se ç’bhet në ato objekte kulti që keni ngritur që nga Pedofilia, imoraliteti dhe deri tek politika përçarëse midis feve dhe kombeve. Mendoj se janë të pakët klerikët të pastër shpirtërorë, por që në fund të fundit edhe ata jetojnë me djersën e të tjerëve. Por kjo botë këstu ka shkuar dhe do të shkojë: “Gënje të gënjejmë” Përderi sa gjeni naivë, vazhdoni të gënjeni për të bërë për vete një jetë të rehatshme!

  • Your email address will not be published. Required fields are marked *