Fëmijëri e vështirë





E. Mërtiri

Dita e sotme, është shumë e dashur për fëmijët, të cilët mezi presin festimet e përcaktuara enkas për ta. Dhuratat, këngët, lodrat e argëtimet janë ato që do t’i shoqërojnë pjesën më të madhe prej tyre gjatë kësaj dite. Institucionet e arsimit parashkollor e tetëvjeçar janë zbukuruar sot, për t’ua bërë atyre sa më të gëzueshme festën dhe vëmendja e shoqërisë sot do të jetë më shumë se kurrë mbi ta.

Natyrisht, ndoshta asgjë më shumë se fëmijët nuk e meriton vëmendjen tonë, ndaj çdo aktivitet i zhvilluar për ta është i nevojshëm. Megjithatë, ashtu si çdo ditë përkujtimi, asnjë reflektim nuk pritet të ketë as sot. Përveç ndonjë organizate për mbrojtjen e të drejtave të fëmijëve, e cila duket se më shumë prodhon ideologji mbi shoqërinë dhe rolin e individit në të, sesa sensibilitet mbi përmirësimin e saj, asnjë angazhim për reflektim e sensibilitet shoqëror nuk pritet të ndodhë. Askush nuk duket se ka vullnetin të ndalet dhe të tregojë se shoqëria jonë është një mjedis krejt i pashëndetshëm për rritjen e fëmijëve.

Sot, familjet shqiptare po shthuren dhe rrënohen në mënyrë progresive. Prindër të ndarë, të dhunuar, të alkolizuar, të paangazhuar siç duhet në familje, janë tashmë pjesë e përditshmërisë ku jetojmë. Familja shqiptare po bëhet gjithnjë e më shumë e paaftë të rrisë dhe edukojë siç duhet fëmijët. Gjithnjë e më pak ajo tërheq satisfaksionin, përkushtimin dhe solidaritetin prindëror duke u bërë gjithnjë e më shumë një vatër e parehatshme, një mjedis konfliktesh, tensionesh, pakënaqësish e mosmarrëveshjesh, në të cilat fëmijët rriten të traumatizuar dhe të deformuar. Gjithashtu, gjithnjë e më pak peshë kjo familje ka mbi edukimin e tyre, peshë që po e zëvendëson në mënyrë të pakonkurueshme televizioni dhe bota e konsumit, të cilët në fakt, janë në një nivel të frikshëm, prodhues epidemish masive shoqërore. Kjo vjen edhe për shkak se prindërit janë gjithmonë të gatshëm ta zgjidhin qesen për fëmijët e tyre, por nuk janë të tillë për të sakrifikuar nga vetja për edukimin e tyre, për të edukuar pikë së pari veten duke u çliruar nga egot, në mënyrë që të krijojnë mjedisin e nevojshëm për kultivimin e vlerave tek ata. Fëmijët janë të privuar më shumë se kurrë nga e drejta për të patur prindër të edukuar e të përkushtuar, si dhe një mjedis që i ushqen me modelet e duhura.

Fëmijët sot gëzojnë jopak të mira materiale, por gëzojnë shumë pak mundësi për t’u rritur në një shoqëri të shëndetshme. Ata sot nuk gëzojnë të drejtat për të pasur edukim të mirë, arsim të mirë dhe marrëdhënie të drejta shoqërore. Ata janë të llastuar e të dhunuar, të privuar e të velur, të rritur para kohe e të vonuar njëkohësisht, për shkak se modelet që shohin tek të rriturit nuk ofrojnë shembujt e duhur si dhe për shkak se shpesh bëhen zgjatime të ëndërrave, ambicieve, problemeve, tekave prindërore, ashtu si dhe produkte të çbanalncuara të mjeteve të komunikimit masiv.

Paradokset ku ata jetojnë janë të shumtë. Shohim psh. filma me kartona për fëmijë të moshave 5-10 vjeç, ku subjektet janë të mpleksura keqas me intriga e dashuriçka që nuk do të ishin të shëndetshme as për të rritur. Shohim gjithashtu figura të gazetarisë shqiptare që bëjnë emisione televizive për fëmijë, ku pyetja më e shpeshtë ndaj tyre është: “A ke zënë ndonjë të dashur?” Në një aktivitet në Pallatin e Kongreseve, të organizuar për fëmijët jetimë nga një shoqatë që kujdeset për ta, nuk mungoi edhe një program i ashtuquajtur “artistik” ku performoi për fëmijët – mbani frymën – Noizi, ikona e skandaleve të shoubizit të varfër shqiptar, simboli i vulgaritetit artistik dhe i promovimit të sjelljeve devijante që bluajnë subjektet e tyre nga jeta rrugaçërore e periferive të kryeqytetit.

Nuk mungojnë gjithashtu as shfaqje, pothuaj pedofilike, spektaklesh kërcimi ku fëmijët ekspozohen me veshje striptize aerobike apo belly dance, të cilat, në çdo vend të botës do t’u hapnin procese të rënda gjyqësore atyre që i organizojnë. Spektaklet e “gjenive të vegjël” mbushen me këngë nga Rihanna, Shakira, Lady Gaga, të cilat do të duhet ta kishin të ndaluar edhe vetëm ti dëgjojnë, e jo t’i këndojnë e interpretojnë. Në të vëtetë ata fëmijë do të duhet të jenë vërtetë gjeni, përderisa arrijnë të interpretojnë e përcjellin mesazhe sentimentesh kaq të huaja për botën fëminore.

Të gjitha këto nuk pritet ti kujtojë kush sot. Duke qenë një popull që lodhet ta vërë trurin në punë, ne i perceptojmë gjithmonë ditë të tilla si festë e aheng. Kështu bëjmë edhe në ditën e gruas, edhe me atë të rinisë, fëmijëve, e çdo gjë. Ne jemi një popull festëdashës. Si të tillë, mendimi dhe reflektimi na bezdis. Kjo e bën gjithmonë të pamundur të eleminojmë problemet, gjë që i bën groteske edhe festimet tona. Megjithatë, fëmijët kanë të drejtë të festojnë, sepse nuk është detyra e tyre të mendojnë për të gjitha këto. Eshtë detyra e prindërve që sot të mendojnë pak më shumë sesa për festimin dhe argëtimin e fëmijëve. Është detyra e prindërve, të rriturve, të mendojnë pak më shumë për veten e tyre dhe të përpiqen të kuptojnë se çfarë modeli u japin fëmijëve të tyre.

Comments

  • Nderkohe qe forumi musliman dhe lidhja e hoxhallareve demonstronin kunder kater gejve ( ketu po numerojme edhe ambasadoret e huaj qe i mbeshtesin) dhe nderkohe qe ketu behej debat per jetimet, nje femije vdiq ne spital, pasi apelit per ndihme per operaconin e veshtire te cilit duhej t’i nenshtrohej. Me vjen mire qe ne listen e atyre qe jane ndihmuar financiarisht qe femija te operohej, ishin dhe nje grup nxenesish nga Kolegji Turk.

    http://www.shekulli.com.al/shekulli/2012/05/31/jam-shume-e-varfer-nese-ai-i-shpetoi-semundjes-une-nuk-mund-ta-marr-dhe-ta-vdes-per-buke/

    Emrin e Forumit Musliman nuk e pashe tek ndihmetaret, as Lidhjen e Hoxhallareve. Pankarta 20 metra e demonstrates kunder 4 gejve e gjysem qe ka Tirana, nuk e di sa leke ka bere, po shpresoj qe te kete
    sherbyer si nuske magjike qe te zgjidhet problemi i homoseksualizmit ne vend. Shpresoj ta ruajne pankarten per demostraten anti-gej vitin tjeter, dhe me leket e kursyera te bejne ndonje pune prej verteti.

  • Nuk jam mbeshtetes i protestes antigay te forumit, por cinizmi i mesiperm me ben per te vjelle.
    Te perdoresh ndjesite humane, per te ndryshuar rrjedhen e ujit nga njeri mulli tek tjetri, eshte krejt e pamoralshme, aq me teper kur mjet per kete behet vdekja e nje njeriu, aq me shume, e nje femije.
    Njerez vdesin cdo dite ne kete vend, dhe cdo dite ka njerez qe jane ne prag te mbijeteses, e qe ne cast mund te pesojne te njejtin fat per shkak te pamundesive per te mbijetuar. Kjo nuk do te thote qe ata nuk duhen ndihmuar, por kjo nuk do te thote as se e vetmja gje qe duhet te bejme me parate tona eshte te ndihmojme kete kategori. Fakti qe vdiq nje njeri per pamundesi kurimi, nuk eshte faji i Forumit Musliman, dhe as i protestes se tyre. Te perpiqesh te gjesh lidhje faji ne kete mes, eshte instrumentalizim i fatkeqsise se tjetrit.
    Aq me teper, kur, per te pasur te drejte te flasesh keshtu, duhet te jesh vete prej atyre qe kane dhene para per kurimin e personit ne fjale. Nese eshte keshtu, i bie te jesh prej atyre kolegjisteve te cilet jane bere pjese e ketij veprimi human. Por ne kete rast, publikimi i ketij akti, duke e perdorur per te provokuar kontraste instrumentale pelqimi midis grupesh te ndryshme muslimanesh, ben qe te humbe vlera e sadakase.

    Pyetja mund t’ju kthehet mbrapsht ne te njejten menyre: A kane vepruar ne te njejten menyre gylenxhite per sa e sa raste te tjera kur ne kete vend njerezit kane mbetur pa jete per shkak te pamundesive per t’u sheruar? Une mund te permend sa e sa raste kur besimtaret e xhamive, perfshi ketu edhe anetare te forumit, kane dhene leke per te semure te tille, per te cilet eshte bere thirrje per sadaka ne xhami, nderkohe qe mund te permend per krahasim edhe se gylenxinjte i kane dhene cmim Blendi Fevziut per vlera te medha ne gazetarine shqiptare, apo i kane dhene para Sami Jusufit per te englendisur me ilahi tallava miletin xhemator.

    Ne fund te fundit, a shpetoi personi qe ndihmuan kolegjistet? Nese parate per t’u kuruar nuk kane arritur te mblidhen, atehere perse nuk trokite zotrote tek SEMA per t’a shpetuar ate jete njeriu?! Nuk besoj se ka vend ketu krahasimi mbi mundesite financiare te Forumit dhe Lidhjes se Hoxhallareve me Perandorine Gyleniste SEMA! Forumi ka shpenzuar te gjitha parate qe ka mundur te mbledhe ne ate aktivitet. Per SEMA-n, aq para sa kerkon ai operacion, nuk jane asgje.

    • Nuk me duket se ka ndonje gje per vjelle ne kete mes e per sa mundem te kuptoj, ‘Femija i vdekur’ po sfidon sensin e prioriteteve qe organizatat myslimane te shoqerise civile kane. Personalisht, mu duk e tepruar vemendja qe myslimanet i dhane kesaj – me nder jush – parade. Ne jemi nje vend protektorat dhe Byroja Politike e Brukselit na jep direktiven qe duhet te kemi nje politike te caktuar gay, edhe kur na duhet qe gay-t ti marim borxh nga refugajtet e Italise, si ai lezhiani i shkrete qe i gjithe qyteti e beri hasha. Problemi eshte qe mua me duket se me protesten e tyre myslimanet ndihmuan kauzen dhe apelet per fonde te ambasades pink.

  • Patjeter, kete mendoj edhe une, por kjo nuk lidhet aspak me ate cfare kerkon te na thote personi me siper, qe forumi nuk ka ndjeshmeri ndaj njerezve qe vdesin pasi nuk i shpenzon parate per njerezit ne nevoje por i shpenzon per protesta, nderkohe qe kolegjistet e SEMA-s e paskan kete ndjeshmeri.
    Mga ana tjeter, sido qe te jete, protesta nuk behej per 4 gej e gjysem sic shprehet zonja apo zoteria me siper, por ndaj nje propagande qe synon te degjeneroje edhe ato pak perceptime te drejta mbi shoqerine qe na kane mbetur.
    A ishte kjo levizja e duhur? Patjeter qe vlen te kritikohet, por jo nen prizmin e parashtruar me siper, per me teper jo nemerpjet kontrastit midis kolegjisteve humane dhe forumisteve agresive.

  • Your email address will not be published. Required fields are marked *