Ndotja Akustike dhe Nata e Kadrit.





Nga Tirana në Sarandë po mbyllen lokale 24 orëshe të cilat shqetësojnë publikun me volumin e lartë në orë të vona të gjumit. Teksa kjo është njoftuar në disa edicione lajmesh, një mik i vjetër më tregonte se kish vajtur një nga këto netë të falte namazin e natës në Xhaminë e Xhurës, një xhami e rrethuar me pallate në një nga lagjet historikisht të varfëra të Tiranës. Duke qenë se xhamitë e Tiranës prej vitesh nuk ofrojnë hapsirën e nevojshme për të akomoduar beimtarët, altoparlantët janë vendosur jashtë, në mënyrë që ata që nuk mund të falen brenda xhamisë të kenë mundësi të ndjekin recitimin e Kuranit në faljet e gjata gjer në orët e mëngjesit në dhjetë ditët e fundit të Ramazanit. Teksa kemi vendosur pankarta në katër anët e qytetit duke kujtuar banorët e kryeqytetit se ky është muaj i harmonisë, faljes e i mëshirës, a kemi menduar se për kaq e kaq banorë pa ndjeshmëri fetare si tonat, këta altoparlantë pengojnë gjumin e pushimin e natyrshëm të natës? Për këta banorë që u duhet të ngrihen herët në mëngjes për të vajtur në punë, a ka sjellë Ramazani harmoni e falje në lagjen e tyre apo shqetësim e lodhje?

Këtu tek EZN është hapur këto ditë debati mbi taravitë e propozuara në bulevardin e Tiranës dhe thirjen për mbylljen e xhamive, gjë për të cilën kemi bërë të qartë se nuk mendojmë se është një ide e mirë, mendim që e kemi dëgjuar në shumë rrethe myslimanësh këto ditë.

Në këtë debat, komentuesi 00355 shkruante:

Tani, dalja ne bulevard per Nate Kadri ne kete drite duhet pare: si nje nisme e atyre personave qe botekuptimin fetar e kane pak te ngushte e ceket. Nese arsyeja do te ishte thjesht “s’ka vend ne xhami”, nje propozim i mire per t’u mbledhur bashke do te ishte “hajde ikim falemi t’gjithe bashke me i ven t’hapet ku s’na shofin shume njerez”. Por jo, te falurit ne mes te Tiranes tregon qarte deshiren per tu dukur. Kjo nuk eshte menyra e duhur per te pastruar zemren. Kjo nuk eshte as menyra e duhur per te bere davet.

Duke thene ne fillim se nje ene nuk mund te jape ate qe nuk e ka brenda, po shtoj se ne vija te trasha, lidhur me pjesen jopraktikante ose jobesimtare te popullit, nje menyre e mire daveti me duket qe imamet te edukojne xhematet qe gjithsecili te behet qytetar i ndergjegjshem, njeri i dobishem per te tjeret, njeri ku te tjeret te gjejne mbeshtetje, siguri, qetesi, fjale te buta, sjellje shembullore, kujdes per te mos rene ne gabim, kujdes per te qene moralisht korrekt, etj. Shkurt, besimtari te kultivoje virytet profetike tek vetja. Nje njeri i virtytshem nuk ka nevoje t’i therrase njerezit, se i vijne vete; nje xhemat i virtytshem pastaj, nuk do te kishte nevoje te priste naten e 27-te per t’i kujtuar njerezit se eshte ramazan apo se jemi edhe ne ketu.

Me dy fjale, kjo dalja ne shesh eshte perpjekje per paraqitje, por pa permbajtje.

Jam tërësisht dakort me këtë shënim por doja të kujtoja se para ca kohësh në këtë faqe kemi bërë thirje: Occupy Namazgjah. Atëherë, meqë e paskan merak djemtë (se janë vetëm djemë e nuk ka vajza) e kryesisë së KMSH-së, pse mos i falin taravitë  tek Namazgjaja?

Comments

  • “Atëherë, meqë e paskan merak djemtë (se janë vetëm djemë e nuk ka vajza) e kryesisë së KMSH-së, pse mos i falim taravitë tek Namazgjaja?”

    Ne kryesine e KMSH-se eshte hedhur edhe kjo ide, por eshte kundershtuar me pretekstin se, atje nuk ka ndricim te mire dhe nuk del mire ne kamera.

  • Nese me lejoni, ju dhe vete autori i postimit, po i risjell edhe njehere dy postimet e cituara ne kete shkrim, sepse me pelqyen shume dhe me vjen keq qe te humbin ne morine e fjaleve boshe te debatit te zhivlluar ne temen e Nates se Kadrit.

    Postimi i pare:

    E keqja e internetit eshte qe u jep te gjitheve te njejten mundesi per te folur, pavaresisht nga diferencat ne merita qe njerezit kane.

    Ti Besimtar i ke hy i çik m’hak Sajmirit ketu dhe xhematit te Pazarit. Pastaj ben edhe nje gabim tjeter, kur i sheh xhamite si konkurrente te njera-tjetres. Por me e rendesishme eshte qe anashkalon nje detaj me rendesi: ramazani (dhe feja ne pergjithesi) nuk eshte qe te shkelqesh para njerezve, por eshte per te shtuar drojen prej Zotit dhe per te permiresuar marredhenien e robit me Zotin. Kjo pastaj sjell nur ne fytyren e robit, por nuri nuk ka lidhje me shkelqimin qe thua ti.

    Shkelqimi, ku ti perqendrohesh dhe e perdor si kriter per matjen e suksesit ne punen e imameve, eshte diçka e jashtme, eshte nje perceptim ne syte e te tjereve, eshte nje imazh qe projektohet ne nje pale te trete spektatore. Ky shkelqim eshte nga problemet me te medha qe kane disa prej imameve sot. Ne menyre absolute as besimtari i thjeshte, as imami nuk duhet te rendin pas nje shkelqimi te tille. Muslimani ka synim kryesor zemren e tij dhe gjendjet ne te cilat ajo kalon. Disa imameve dhe shume besimtareve pas tyre, me sa duket, i ka rreshkitur kjo gje nga vemendja dhe hera-heres perqendrohen tek imazhi qe japin. Sa per shembull, ka prej tyre qe duan te rezervojne safet e para te namazit te Bajramit vetem per ata me kollare, qe te mos stonojne anash atyre qe vijne me qeleshe. Njerez te tille, jo vetem qe nuk duhet te jene ne poste drejtuese, por eshte e mira te marrin ne hesap veten e tyre seriozisht.

    Tani, dalja ne bulevard per Nate Kadri ne kete drite duhet pare: si nje nisme e atyre personave qe botekuptimin fetar e kane pak te ngushte e ceket. Nese arsyeja do te ishte thjesht “s’ka vend ne xhami”, nje propozim i mire per t’u mbledhur bashke do te ishte “hajde ikim falemi t’gjithe bashke me i ven t’hapet ku s’na shofin shume njerez”. Por jo, te falurit ne mes te Tiranes tregon qarte deshiren per tu dukur. Kjo nuk eshte menyra e duhur per te pastruar zemren. Kjo nuk eshte as menyra e duhur per te bere davet.

    Duke thene ne fillim se nje ene nuk mund te jape ate qe nuk e ka brenda, po shtoj se ne vija te trasha, lidhur me pjesen jopraktikante ose jobesimtare te popullit, nje menyre e mire daveti me duket qe imamet te edukojne xhematet qe gjithsecili te behet qytetar i ndergjegjshem, njeri i dobishem per te tjeret, njeri ku te tjeret te gjejne mbeshtetje, siguri, qetesi, fjale te buta, sjellje shembullore, kujdes per te mos rene ne gabim, kujdes per te qene moralisht korrekt, etj. Shkurt, besimtari te kultivoje virytet profetike tek vetja. Nje njeri i virtytshem nuk ka nevoje t’i therrase njerezit, se i vijne vete; nje xhemat i virtytshem pastaj, nuk do te kishte nevoje te priste naten e 27-te per t’i kujtuar njerezit se eshte ramazan apo se jemi edhe ne ketu.

    Me dy fjale, kjo dalja ne shesh eshte perpjekje per paraqitje, por pa permbajtje.

    Postimi i dyte:

    Ata qe do vinin me qeleshe ishin besimtare te thjeshte, po nejse.

    Une nuk them fare te mbyllen njerezit neper xhami. Per t’u shprehur me fjale te tjera, daveti nuk ngjit kur fjalet jane te pambeshtetura ne jeten personale. Duhet qe robi te merret fort me edukimin e nefsit te tij, me plotesimin e karakterit te tij, me ndjekjen e sunetit te Profetit a.s. jo vetem ne anen e jashtme, por edhe ne anen e brendshme; dmth besimtari duhet te kerkoje te arrije ihsanin ne çdo veprim qe ben dhe ne çdo gjendje qe eshte. Fjala e nje njeriu me te tilla preokupime ka shume peshe tek ai qe e degjon dhe daveti i tij eshte i mbeshtetur mire.

    Kujto historine e Jusufit a.s. ne burg, kur vajten ta pyesnin per dy endrrat. I thane qe e njihnin per njeri me vlera te larta morale, prandaj po i drejtoheshin atij. Dhe ai fillimisht i beri nje davet te shkurter per bazat e besimit, pastaj u zgjidhni edhe punen qe kishin.

    Kjo eshte ideja ime e davetit, kultivim i virtyteve dhe bashkeveprim me njerezit e tjere. Them se vlen ne çdo realitet. Por ka prej besimtareve sot, te cilet jane edukuar me nje fryme izolimi; veçohen prej pjeses tjeter te shoqerise dhe madje i shohin nga lart poshte te tjeret. Te jesh kaq i sigurte per veten do te thote te shohesh vetem te mirat e vetes dhe te keqiat e tjetrit. Si mund te behet permiresimi i vetes, kur i sheh vetem te mirat?! Si mund t’i thuash nje fjale dashamirese tjetrit, kur i sheh vetem te keqiat?! A ka dashamiresi dhe dashuri me te madhe per tjetrin sesa ta therrasesh te behet prej atyre qe Zoti u ka premtuar Xhenetin? Po i pe te tjeret nga lart poshte dhe po u largove prej tyre, nuk ka me davet, por vetem gjykim. Keq me vjen ta them, por kete dukuri ne e kemi ketu ne Shqiperi. Per te mos thene qe kjo eshte nje fryme e futur prej nje pjese te atyre qe kane studjuar per fe dhe edukojne xhematet, po mjaftohemi duke pyetur ç’kane bere ata per korrigjimin e saj?

    Sa per dinamiken dhe pjekjen, nuk ka pjekje ne fe qe te mos lejoje te tjeret te afrohen. Pjekja ne fe ka pasojen e kundert, i ben te tjeret te afrohen. Ajo qe shihet shpesh ne xhamite e medha eshte nje grup si ai qe ceka me siper, qe i duket se ka arritur majen dhe i sheh te tjeret nga lart poshte, qe jane te gatshem per te dhene mend per çdo gje, sidomos per pune feje. Keta jane pjesa me e paformuar e xhematit, me mungesa ne formimin arsimor dhe kulturor, por edhe me mungesa ne formimin fetar dhe ne edeb. ‘Kalliri bosh, koken perpjete’ eshte nje fjale e urte.

    Shpresoj mos te me kerkosh detaje te tjera per mungesat ne formim qe thashe, se do te largoheshim shume. Mjaftohu me bashkimin e shputave te kembeve ne namaz. Me sa duket, xhemateve u eshte mesuar qe perqendrimi kryesor duhet te jete tek kemba e tjetrit qe ke anash: po e shkeputi, ti menjehere duhet ta bashkosh! Pak rendesi paska perqendrimi vetijak tek Zoti te cilit i ke dale perpara e po i flet, pak rendesi paska perqendrimi i tjetrit anash ne namazin e tij, nuk ka rendesi fare pastaj ai i dhemb kemba atij tjetrit kur i ngul thoin e gishtit te vogel.

    Te gjitha keto vijne prape ne nje pike: forme pa permbajtje, si puna e shkembinjve butafori neper filma, qe duken te rende, por jane prej kartoni. Xhematet drejtohen te bejne pune pa marre vesh se cilit parim i sherben kjo pune; nuk u mesohen kriteret e vleresimit te situatave, por u mesohen vetem pergjigjet “lejohet, s’lejohet” – kishte nje artikull ketu per kete pune; nuk u mesohet te merren me te metat e vetes, por me ato te tjetrit. Ne kete vije, po e perseris, eshte edhe falja sonte ne bulevard. Hajde se po bejme davet, por me çfare po e bejme kete davet? Si u shpjegohet te tjereve qe peshtjellimet e brendshme qe kane dhe boshlleqet vijne nga mungesa e lidhjes se shpirtit te tyre me Zotin – a behet kjo me namaz ne bulevard? Si u tregohet nga bulevardi njerezve qe problemet e shoqerise dhe shtetit shqiptar eleminohen duke kultivuar vlerat islame? Çfare t’i themi njerezve per kompromiset e politikaneve, kur ne bulevard do kryesojne njerez qe bejne per vete kompromise?

  • Bla bla bla bla…bidat….!!!
    aktiviteti ishte i shkëlqyer Allahu ja shpërbleftë organizatorëve dhe inshAllah bëhet çdo vit…!

    • me bo bla bla bla qeka bidat, po a ke ndonje argument o tironc i vjeter qe me urdher partie te mbyllen xhamijat e t’i nxjerresh njerezit ne bulevard me fal taravite nuk eshte bidat? Mos i boni ibadetet e Zotit festa me tullumbaca dhe me babagjysh. Se me thone te drejten mu kujtun mitingjet e PD dhe PS qe kur jane ne pushtet nxjerrin me liste gjithe zyrtaret ne miting edhe ata mjeshtrat e festave te KMSH mbyllen xhamite me pas sa me shume masivitet, se besimtaret e thjeshte taravite do t’I flashin diku aq me teper dje. Ky per mu eshte abuzim i paster me besimtaret qe kur te vijne zgjedhjet kollarexhit e KMSH dhe ata qe I vijne verdalle te korrin te vjelat me ndonje post a ndonje tender ose me ndonje favor tjeter.

  • Te nderuar vellezer e dini ate shprehjen “sa bukuri ka fusha” sigurisht qe e dini por e permenda kete per tu e dalur atje ku ma merr mendja mua te dal. Te falesh ne shesh eshte gje e mire apo jo, kjo diskutohet por te dalesh naten e kadrit ne shesh e te falesh kjo nuk ka diskutim qe eshte gabim. Arsyeja e pare: duke dalur ne shesh kete nate qe tashme e kane bere sikur te ishte e sigurte qe eshte nata e kadrit ndoshta teologet mund te arrijne ta kuptojne dhe mund te bejne adhurime edhe netet e tjera ne menyre qe te hasin ne naten e kadrit por besoj shumica e atyre besimtareve qe kane dalur aty ne ate shesh ne kthim per ne shtepi jane kthyer me nje qetesi te plote duke kujtuar se ne tashme e beme adhurimin e duhur ne naten e kadrit, ku neten e tjera i lene ne harrim sepse per ata kjo gje ka mbaruar.
    Arsyeja e dyte: Monitorimi pra pse jo te Namzagjaja por ne rruge me larte pash qe ishte permendur kamera, po kjo eshte nje nder asryet pse ne rruge, kjo gje po i jep atmosferen e nje feste e jo nate me vlera ashtu siç i ka. Vlerat kjo nate nuk i ka per te festuar por per te adhuruar e per te shfrytezuar naten sa me mire.
    Aryeja e trete: Keto tubime kane filluar te behen tashme si tubime elektorale e kjo eshte pikerisht hadithi i Pejgamberit a.s ” Kush i ngjason nje populli ai eshte prej tij”.

    Nuk po zgjatem me teper se nuk kam shume kohe qe te humbas.

  • Aktiviteti ishte fantastik, por do doaj qe te ishim te pranishem edhe politikane te rangut te larte, p harruar edhe ndonje kengetar…ne fund nuk e kuptoj pse s’u bene dhe pytje pergjigje.

    Teravite ishin spektakel i garantuar, vitin tjt ta shesim te drejten televizive si KMSH.

    • Haha. Fiks fare.
      Vitin tjeter gylenxhite do fitojne zgjedhjet e pergjithshme dhe bashke me imomet do e shpallin Shqipnin kalifat.

  • Komentet e tua Efendi nuk i botoj se nuk dua te ul pazarin e debatit, sic ndodhi ne temen paraardhese. Nese deshiron te te botohen komentet, ulu me qetesi dhe shkruaj gjera qe ofrojne argumente te nje niveli te pranueshem (nese ke mundesi). Perndryshe, nuk do te lejoj askend t’a ktheje kete hapesire ne nje shesh ku populli ka mundesi te ushtroje xhahil-llikun e vet.
    Besoj se nuk ke iluzionin se argumentet e tua jane te pakundershtueshme.
    Kemi sot pa fund faqe muslimanesh qe ofrojne banalitete dhe asnjera nuk te lejon te debatosh e t’i dalesh kundra. Nuk ka kuptim te lejoj te banalizojme nje nga te paktat faqe serioze qe, vec te tjerash te lejon edhe mundesine e debatit.

  • I nderuar Admin,

    Mund ti botosh dhe le te jene lexuesit ti gjykojne komentet e mia. Ne asnje nga komentet nuk ka fyerje, sharje, mashtrim. Ka thjesht fakte ato fakte bashkimi qe ti do ti mohosh. Fakte uniteti te te gjitah xhamiave, xhemateve ne TR.

    Persa i perket faqeve islame eshte e vertete qe ka shume dhe elhamdulilah qe jan islame…

    Gjithsesi nese nuk do ti botosh, nese nuk do qe njerzit te te kundesrhtojne mua nuk me prishte ndonje gje.

    Thjeshte lexo pak me lart cfare ke botuar, dhe krahasoji me komentet e mia…

    ::::
    Pres nje pergjigje,

    Selam
    Ergys Mertiri

  • Ti ke probleme serioze ne te kuptuarit e gjerave. Ishe nje nga protagonistet e degjenerimit te debatit te meparshem ne akuza banale pa lidhje as me temen as me nejrezit e permendur. Jo vetem qe nuk kupton sensin e arsyetimit te kritikave te bera ndaj faljes se Nates se Kadrit ne shesh po ofrove vetem doza paragjykimesh te artikuluara me akuza agresive pa baze e pa argumete per fitne, per turpe, per grindavecllek. Nese keto i quan fakte pune per ty. Per mua nuk jane. Ajo qe me ben te mos i toleroj postime te tilla eshte mbi te gjitha niveli i te shkruarit dhe arsyetuarit. Gjithcka qe ne duam eshte te krijojme nje mjedis te pershtatshem per te diskutuar e ndare mendimet tona. Per kete arsye, nuk mund te largoj njerezit qe shkruajne mire dhe arsyetojne mire, duke lejuar te ndotet mjedisi ku zhvillohet debati, per hir te lirise se shprehejes se mendimeve qe vetem polarizojne klimen e diskutimit. Vihet re se shtimi i komenteve te tilla si ato te tuat, ka larguar shume prej diskutuesve ketu, te cilet nuk marrin pjese me komente duke dashur te shmangin atakimet pa lidhje te komentuesve si ty.

    Gjithashtu, postimet e tua ndryshojne shume nga ato te mesiperme, sepse keto te fundit jane thjesht batuta, kurse te tuat jane akuza dhe fletrufe.
    Per kete arsye, ose meso te sillesh ne menyre te permbajtur, etike dhe racionale dhe do te kesh te gjithe hapesiren e nevojshme per t’u shprehur.

    Shpresoj ne mirekuptimin tend dhe te te gjitheve qe duan te marrin pjese ne ne kete forum.

    • nje nate qe eshte me e mire se 1000 muaj sipas Kuranit, normal qe eshte rast per te festuar. rast per tu lutur e falur po e po, por edhe festuar, vetem sikur ta dinim me te vertete qe ishte Nata e Kadrit…

  • Deri dje ankoheshim pse sna paraqesin mediat pse rrime mbyllur ne xhamia,pse nuk behemi popullore, kurse sot themi pse ngrejme zerin e bokseve jashte xhamiave duke bere zhurme akustike.Po na shqeteson zhurma akustike ne ramazan dhe po na shqeteson falja ne shesh e nje nate qe nen vete nuk ka qellim festiv por ka qellim fetar qe Nata e Kadrit te njihet si shqiptaret si nate e shenjte dhe e bekuar.Pse pikerisht per bajram muslimani duhet te vije nga nje rruge dhe te shkoje nga nje rruge tjeter.Kush eshte qellimi? Qe ti tu tregosh njerzve te dy rrugeve qe ti je prezent ne kete shoqeri.Nese ne e bejme netet e ramazanit populiste per njerzit kjo tregon se kemi ditur ti bejme publicitet islamit.Ne kapemi me dicka qe ne dukje eshte e mire po ne deshirojme ta bejme se sben te keqe .kjo eshte semundja me e madhe qa na prekupon sot eshte qe sulmojme veten tone dhe veprimet tona duke mbrojtur gjumashet e ramazanit apo duke mbrojtur pertacet qe kane frike te dalin ne shesh se jane mesuar me murgerin e tyre brenda dhomave nderkohe qe duhet te jetojne si qytetare muslimane jo vetem me besim tek Zoti por dhe ne harmoni me bashkesine tyre.

    Umer Inb Hatab i bashkoi njerzit per Teravi duke qene se ata faleshin vec e vec ne xhami dhe e quajti kete risi te mire.Umeri ishte kryetar muslimaneve.Cfare problemi ka qe Kryetari yne i bashkon muslimanet nga xhamia ne shesh.
    A eshte e gjithe toka e Zotit faltore?
    A e ndalon Islami paraqitjen tone ne publik me vepra dhe adhurime apo na nxit dhe motivon qe te jemi pjese e paraqituir ne shoqeri dhe pjese mistike dhe e fshehur brenda mureve te xhamiave.
    Keto te dashuruarit me xhamiat duhen ne rradhe te pare te dashurohen me Zotin pastaj me keto njerez qe nuk falen dhe mesazhi qe ti falesh ne shesh eshte shume here me i madh se mesazhet qe dervishleret dhe murgjit japin kundra islamit.Jetoni si qytetare publike te ketij vendi dhe jo si faraone brenda piramidave tuaja te injorances.Une falenderoj Hoxhe Ahmed Kalane per realizmin e tij ne kete ceshtje dhe imamet e Tiranes te cilet i akuzojne per servilizem ndaj KMSh nderkohe qe ato i shikojne gjerat si bashkesi dhe jo si individe dhe po i japin Islamit nje hapje dhe frymemarje te re duke i bere xhamiat vende te hapura per te gjithe dhe jo vetem per nje shtrese, klase apo rrace te caktuar.Bravo i qofte per vizionin e tyre Zoti i ndihmofte te gjithe muslimanet e Shqiperise.

    • Problemi eshte se nuk mund te luhet me ritualet e percaktuara te fese thjesht per t’u bere publik. Feja ka ardhur e plotesuar dhe ritualet e saj po ashtu. Teravia asnjehere ne kohen e Profetit a.s. apo te sahabeve nuk eshte falur ne shesh te hapur. Edhe Omer Ibn Hattabi qe bekoi mbledhjen e njerezve ne xhami per te falur teravite dhe qe tha “Sa bidat / risi e bukur qe eshte kjo”, pra edhe Omeri e bekoi kete veprim, por se ky veprim i sahabeve nuk ishte i pabaze ne fe. Vete Profeti (a.s.) i kishte falur ndonjehere teravite me xhemat, pastaj ishte terhequr nga frika se mos kjo gje behej detyrim. Teravite, ne te vertete, jane namaz nate dhe namazi i nates ka qene detyrim per Profetin a.s., por jo per njerezit e tjere. Kur erdhi Ramazani, Profeti (a.s.) e fali kete namaz nate ne xhami dhe njerezit e tjere u lidhen pas tij, pa u thene ai. Ditet e tjera te Ramazanit ai nuk u fal me ne xhami por u fal ne shtepi. Nejse, ideja eshte se menyra si kryhen ritualet islame nuk mund te ndryshohet nga njerezit, sepse eshte percaktuar nga Zoti dhe namazi i nates (apo teravite per ramazan) nuk ka qene falur ndonjehere ne shesh. Sado dobi te shohim ne kete veprim, ai serish mbetet bidat, risi dhe shtese e panjohur ndonjehere me pare nga brezat e pare te muslimaneve te mire ose selefus-salih, emertimin e te cileve ti mban. Vete xhamia eshte vend publik, ka qene dhe eshte vazhdimisht e hapur per te tjeret. Ezani degjohet 5 here ne dite, keshtu qe nuk mungon ne publik prania e riteve islame. Po ashtu namazi i Bajrameve falet ne shesh te hapur dhe njerezit e deshmojne. Pra, feja islame e permban edhe alternativen e ritualeve publike, keshtu qe nuk eshte nevoja nevoja te shpikim te tjera. Megjithate, shpresoj qe ky veprim te mos perseritet prape, se atehere do te kthehej ne “sunet” e do te quhej gabim po te mos behej.

      • Edhe namazi i Bajramit nuk behet ne shesh per t’i tregu publikut perpara kamerave se sa shume jemi ne, apo sesi falemi ne. Ajo behet ne shesh per te pasur nje dite ku besimtaret e nje qyteti te mblidhen dhe falen se bashku. Pra, efekti qe kerkohet nuk qendron tek kamera apo sehirxhinjte, por tek vete ata qe falen. Ata kane mundesi qe aty te bashkohen, kurse fakti qe eshte mire te kalosh nga rruge te ndryshme nuk behet per te te pare njerezit se ke shkuar te falesh, sic mendon komentuesi me siper, por behet per te pasur mundesi te takohesh dhe pershendetesh e urohesh me sa me shume njerez.

        • Normal, namazi i Bajramit nuk falet ne publik per t’u dukur, por qe, sic ka thene Profeti a.s., njerezit te deshmojne miresine dhe bereqetin e dites se Bajramit.

    • Ne qofte se jemi ankuar deri dje per mbylljen ne vetvete, kjo nuk do te thote qe hapja pa mend e tanishme eshte e drejte. Gjerat nuk shikohen bardhe e zi dhe bota nuk ndahet vetem ne dy kategori ekstremale: populiste dhe murgj.
      Gjithashtu, askush ketu nuk ka thene qe muslimanet sot nuk kane nevoje per te qene prezent ne shoqeri. Perkundrazi, ne kemi shume nevoje per hapje, por nuk kemi nevoje per shou. Ne kemi nevoje te jemi prezent ne menyren e duhur, ne nivelin e duhur dhe me parimet e duhura ne shoqeri, ne te kundert, mbullja eshte me e mire. Kur drejtuesit tane kepusin dokra neper televizione, duke folur fshatarisht, pa nivel e pa kulture, patjeter qe eshte me e mire fshehja sesa hapja. Pastaj hapja ka vendin e vet dhe vetmia e intimiteti ka te vetin. Ka vepra qe duhen bere ne publik dhe ka vepra qe duhen bere ne vetmi. Namazi pergjithesisht eshte dicka intime dhe jo populiste e spektakolare. Mosdallimi midis ketyre tregon papjekuri dhe paaftesi per te ndertuar komunikimin e duhur me publikun.

      Ajo qe nuk kuptojne imamet tane (dhe nuk ka sesi ta kuptojne sepse nuk marrin vesh nga keto pune), eshte se produkti i nje aktiviteti publik, nuk matet me efektin e shkaktuar ne turma, por me perceptimet qe krijohen ne shtresa te ndryshme te shoqerise. Per sa kohe shoqeria shqiptare nuk eshte turme, por eshte nje bashkesi e organizuar ne nje menyre te caktuar, edhe komunikimi publik duhet te jete i organizuar ne baze te menyres sesi shtresezohet kumti i diskursit publik. Shembujt e ndertimit te ketij diskursi imamet tane i marrin nga sfera me e shemtuar e komunikimit publik qe ekziston ne Shqiperi, nga politika. Por keta nuk kuptojne se politika nderton komunikim afatshkurter, ngase asaj i duhet nje efekt i atyperatyshem, e jo nje efekt afatgjate. Dhe konkluzioni eshte se shoqeria shqiptare ne teresi eshte e neveritur me politiken.
      E njejta gje ndodh edhe me Islamin nese zgjidhet ky profil komunikimi qe i drejtohet vetem turmave dhe shtresave me te ulta te shoqerise. Ai shkon drejt deshtimit nepermjet sukseseve te volga afatshkurtera. Ne fund, kemi faktin qe nje mori njerezish i akuzojne muslimanet per te prapambetur. Pse eshte krijuar ky imash? Pikerisht per shkak te modeleve, profileve dhe diskursit qe te paret e fese ne kete vend kane paraqitur deri tani.
      Por kete nuk ka sesi ta dine dhe kuptojne imamet tane pasi ata kane boshlleqe te theksuara ne shkollim e nivel intelektual.

      Problemi tjeter qe tregon driteshkurtesine e ketij visioni eshte konceptimi i hapjes se muslimanit. Islami nuk eshte populist dhe nuk ka qene kurre keshtu. Profeti nuk ka vepruar kurre mbi baze populizmi dhe perkundrazi, feja ka kaluar nje kalvar te gjate pjekjeje ne vetmi dhe ne rrethe te ngushta besimtaresh, derisa ka arritur te depertoje tek njerezit. Populizmi eshte nje fjale e keqe ne thelb. Ta paraqesesh si vlere eshte qesharake. Gjithashtu, i tille eshte edhe perceptimi i fese si marketing. Ky eshte modeli i muslimanit bosh qe interesohet per ambalazhin e produktit dhe jo cilesite e tij. Ky ligjerim ngaterron komunikimin me propaganden, qe eshte forma me e shemtuar e komunikimit publik. Propaganda, marketingu jane karakteristike e modeleve totalitariste te vizionit per boten.
      Kjo eshte gjeja me e gabuar, per nje fe qe ka 1400 vjet qe qendron aty duke deshmuar fuqine e vet. Marketingu eshte nje dukuri moderne dhe vjen nga prirja per sukses te shpejte, te atyperatyshem. Ndersa ne nuk i shohim gjerat me kutin momental. Ne e shohim Islamin si nje fe qe eshte pjese e realitetit shqiptar pre qindra vjetesh dhe efekti i punes sone duhet te jete shume i shtrire ne kohe. Feja nuk eshte nje realitet qe perhapet tani per tani.

      E fundit, Omeri r.a. i bashkoi besimtaret. Patjeter. Por Omeri beri ate qe Profeti a.s. kish dashur te behej. Profeti hoqi dore nga falja me xhmeat e taravive, per te mos krijuar idene se ato jane vaxhib. Pas vdekjes se tij a.s. Omeri rivuri ne zbatim nje sunet per te cilin I Derguari i Zotit kishte vene nje moratorium te perkoheshm. Por Omeri solli thjesht rifaljen e namazit me xhemat ne xhami dhe nuk solli faljen e tij ne shesh apo rruge. Bajrami falet ne shesh. Sepse eshte nje namaz qe kerkon bashkimin e te gjitheve. Ndersa taravite jo. Mbi te gjitha, me cfare te drejte imamet i detyrojne njerezit t’i falin taravite doemos ne shesh? Me cfare te drejte ti mbyll xhamite dhe u imponon te gjitheve zgjedhjen tende?
      Gjithastu as Omeri, as Profeti a.s. nuk na kane lene te kuptojme se namazi duhet falur qe te te shohin te gjithe se je duke u falur. Islami na kerkon qe t’i falim taravite perpara Zotit jo perpara kamerave. Falja me xhemat eshte falje ne grup por jo falje perpara publikut. Taravite falen ne gurp, ne bashkesi dhe jo ne sy te bashkesise. Duke i dhene nje karakter dukjeje nje namazi, KMSH-ja dhe imamet kane deformuar natyren e nje ibadeti.
      Nga ana tjeter, efekti publik i kesaj nisme, nuk garanton aspak ate per te cilen pretendohet, sukses ne dave. Kjo vjen, pasi ka shume njerez, me nje tjeter nivel inteligjence sesa turmat, te cilet shohin ne kete aktivitet show e jo pershpirtshmeri. Ka shume njerez qe aktivitete te tilla i shohin si analoge me ato kryqet qe fanatiket e krishtere i ngulin neper maja kodrash neper rruge nacionale ane e kend vendit dhe kjo le nje shije te hidhur me efekt me te gjate ndikimi.

      • Kjo ceshtja e marketingut eshte nje nga dukurite me te shemtuara te daves. Na eshte bere obsesion ceshtja e PR me fene. Jane te shumta shoqatat islame qe po marrin kete drejtim. Kur bejne ndonje bamiresi me jetimet, me studentet, me nevojtaret, apo kur bejne ndonje aktivitet tjeter “shkencor”, “kulturor”, gjeja qe i kushtojne me shume rendesi eshte imazhi i jashtem, te krijojne sa me shume pershtypje te mira, pavaresisht thelbit qe ofrojne. Sadakaja, e cila preferohet te jepet fshehtas, tashme filmohet e fotografohet nga dhjetera aparate dhe “merr me teper vlere” nese transmetohet ne ndonje televozion apo, minimalisht ne facebook a youtube. Nuk e di, ndoshta obsesioni per te qene te dukshem ne shoqeri po na shtyn te bejme gjera qe bien ne kontradikte si me fene, ashtu dhe me arsyen e shendoshe. Shpresojme qe ky te jete thjesht nje hap i metejshem drejt procesit te pjekurise se xhematit dhe qe te arrijme sa me shpejt per te gjetur rrugen e mesme midis qenies sone parimore e besnike ndaj rregullave fetare dhe nevojes per te komunikuar me shoqerine sipas frymes se kohes dhe sipas nivelit e kerkesave te saj.

  • Me qene te dukshem ne shoqeri do te thote te jemi te paret qe denojme korrupsionin, do te thote te jemi te paret nder ata qe thone te verteten edhe kur te gjithe heshtin, edhe nese e verteta shkon kundra pushtetit. do te thote te angazhohesh ne ceshtjet sociale qe jane bere gangrene e atij vendit tone te mjere e qe po e brejne perdite shpirtin e njerezve… te qenit publike me cka eshte lidhje personale e robit me krijuesin nuk ka asnje vlere per nje popull qe po perjeton nje nder momentet me te veshtira te vetat ne te gjitha rrafshet: sociale, ekonomike, politike e morale… shkrimi i nje vellai mysliman (me poshte) me ka bere shume krenare sot; Allahu ia shperblefte inshallah!

    http://www.gazetatema.net/web/2012/08/19/iftaret-hipokrite-te-saliut/

  • http://www.gazetatema.net/web/2012/08/19/iftaret-hipokrite-te-saliut/…..krushqi me Jovan Bregun!

    ..mu kujtua nje shprehje e bukur “socializem hallall” e nje prej cunave qe i kane jetuar te dy kohet. Retorika me individet apo burimet e paragjykuara perkon me pjerrjen driteshkurter politike ku katandiset ndonjehere debati ne blog. Nje blog qe meton te qaset ne rrafshet e besimit behet krejt banal kur fajet i trupezon tek individet apo rendita imediate e akshampazarit politik. Kjo eshte trishtushem nje idhujtari qe rreh te shohe zgjidhjet ne vetanake e jo ne ndihmesat e secilit prej nesh per te mbjelle nje fryme perpjekjeje e bashkimi te bashkesise ndaj te mires. Mendoj se adminisrtatori duhet te nderhyje apo filtroje me shpesh ne blog per te ruajtur shendetin e P.H. organik te tij.

  • Your email address will not be published. Required fields are marked *