Si “ia bëj” me shaminë!





 

 

 

Lisiana F. Demiraj*

 

Koncepti i ‘modës’ qartësohet për shumë nga ne teksa në librin e matematikës së shkollës fillore ti mëson se ‘moda’ është numri që përsëritet më tepër në një varg. Dhe me siguri momente zhgënjyese të tilla ndezin përbrenda zjarre idealizmash për veçantinë. Të qënit i veçantë është koncepti i rradhës me të cilin të duhet të merresh gjatë për t’i qartësuar vehtes se si do të shpërfaqesh.

Në fakt kjo nuk do zor të madh se gjithsecili ka mënyrën e vet të të qënit, të qetësimit dhe të pranimit të vetes, saqe padashur je pashmangshëm i veçantë. Megjithatë unë me fanatizëm i qëndroj konceptit të veçantisë si masë kategorizimi dhe menjanimi nga e zakonshmja pa e bërë këtë të fundit më pak të veçantë në vetvehte. Kështu si shëmbull do sillja një kategori që e dua fort. Një skizofren.

Skizofrenia i ndodh statistikisht një njeriu në njëqind. Dhe pas kësaj ai konsiderohet një i sëmurë mendor që stigmatizohet, asocializohet, shtrohet, izolohet, -ohet, -ohet… Oh…mos dhëntë Zoti ta stigmatizoj edhe unë.

Por, të paktën, dhe s’ka dyshim në këtë, ai është në paqe të madhe. Janë të tjerët ata që nuk e pranojnë e që nuk gjejnë paqe.

Në fakt, ti mund të jesh dhe i shëndetshëm dhe të sigmatizohesh paq.

“Ke vënë shami?!” – ka qënë reagimi i parë (dhe se vë në dyshim tepër i sinqertë) që unë kam marrë ditën e parë që kam dalë në rrugë nga një shoqe që takova rastësisht ende pa arritur në destinacionin tim.

Sigurisht, nëse ajo s’kishte haluçinacione athere: Po, unë kisha mbuluar flokët.

Pra që nga ajo ditë unë jam kështu, jam këtu dhe: Kaq.

Por pikërisht këtu kur ti vendos ‘kaq’-in fillon e gjitha. Ndërkohë që ajo çka mundesh të bësh është të shohësh si në shfaqje reagimet, shqetësimet apo dhe agresivitetin e të tjerëve për paqen tënde dhe të habitesh ditë pas dite. Në fakt, ajo që të jepet është mundësia të dëgjosh pyetjet më naive, por ndonjëherë edhe më të liga të mundshme. Kështu, nga eksperienca ime e re, vetëm njëvjeçare, kam bërë një kategorizim të ri të njerëzve sipas mënyrës së përballjes dhe reagimit ndaj diçkaje me të cilën nuk janë të familjarizuar.

Këtu mund të them se ka një pyetje të cilës jam e paaftë ti përgjigjem çdo herë që më bëhet: ‘’Ti merresh me këta të fesë?” Në këto raste, pavarësisht të gjitha sforcove të mia mendore dhe fizike për të realizuar qoftë edhe një tingull të vetëm, vazhdimisht kam dështuar. Madje mendoj se ata nuk mund të ndihmohen as që të formulojnë një pyetje të saktë.

Një kategori tjetër, më tepër në modë, ka keqardhje për mua. Më thotë se jam shumë e re për të mbyllur jetën dhe ka gati të gjitha xhevapet, nëse ti mund të bësh ndonjë përpjekje për diskutimin solemn mbi parëndësinë e kësaj jete. Por një moment: Çfarë ndryshon të mbulosh flokët?

Me ç’jam përpjekur të kuptoj janë shumë koncepte që duhen reformuar dhe jo vetëm në shoqerinë jo-myslimane. Të mbulosh flokët nuk do të thotë të mbyllësh jetën për të fituar diçka tjetër, por përkundrazi, ta hapësh atë. Nuk do të thotë të izolohesh nga mospranimi, por ti bësh të tjerët të kuptojnë që mospranimi vjen nga frika e tyre për të pranuar atë që qëndron thellë-thellë në ndërgjegjen e tyre, fakti se kjo është ajo që duhet. Të mbulosh flokët nuk do të thotë të privohesh nga ajo që të ka dhënë Zoti, por të mundesh ta ndjesh që është jotja.

Por a është vështirë të jesh me shami në kohët e sotme?

Ç’të them? Të them se ta lehtëson Zoti e ta bën fushë me lule? Ka shumë muslimanë që e thonë këtë, por më shumë më ngjan si përgjigja se fëmija vjen në jetë nga lejleku, që u japin të vegjëlve kur duan të dinë mënyrën si janë krijuar.

– A nuk ke vapë? –ka qënë pyetja që më shoqëroi gjatë kësaj vere të stërzgjatur.

Kam. Sigurisht. Madje kjo është pyetje retorike. Por si t’ua thuash? E pse duhet disa prej nesh të shkojnë deri aty sa të përgjigjen se “ferri është më i nxehtë”. Oh, kam lexuar diku: “si do ishte besimi nëse nuk do kishte sistem shpërblimi?” Andaj, të flasim në koncepte më të përballueshme nga ata që ende nuk i kuptojnë drejt shumë gjëra.

Çështja e vapës është si të ftohtët e këmbëve me minifund në dimër, apo më thjesht akoma, si ajo e takave stërmunduese – për të cilat një miku im, kirurg vazash, bën tifozllëk të madh që të operojë sa më shumë variçe grash. Atëherë, si mundet një femër të mos arrijë ta kuptojë sesi unë mundem ta superoj vapën?!

Ose, le të themi se është si jetesa në një gjërësi gjeografike më të vogël ku temperaturat janë më të larta. Kështu kjo mund të kuptohet edhe nga meshkujt.

Gjithçka qendron tek ajo së cilës ti i atribuon qëllimet e tua. Të gjithë referohemi diku në mënyrë të pashmangshme. Atëherë, në këtë pashmangshmëri, pse të mos zgjedhim të vetmin referim që është jo relativ?

Megjithatë, me shpresën se do ua lehtësoja të tjerëve shqetësimiet (megjithëse nuk e kuptoj se përse shqetësohen për mua kur asgjë s’më ka gjetur), vendosa ti kënaq duke bërë disa kompromise. Ja, vura një shami të vogël e sa më të pranueshme. Por tashmë, në mënyrë të paparashikueshme, njoha një dimension tjetër të të menduarit: “Po ti pse nuk e vë sipas formatit të zakonshëm?”

Dhe në këtë pikë jam zënë vërtet ngushtë. Fillimisht ti nuk i përket një normaliteti duke vënë shaminë, por ama, në ‘anormalitetin’ tënd duhet të ketë një normë, ose ndryshe, një standard të anormales. Epo këtë s’ma rrokte më truri, andaj, definitivisht, hoqa dorë nga shqetësimi për të tjerët.

Por kategoritë e njerëzve nuk mabrojnë këtu. Ato janë nga më të larmishmet, duke nisur që nga ata për të cilët vendosja e shamisë nuk përbën asnjë ndryshim, e deri tek ata, që mendojnë se është bërë ‘nami’, se po ‘ia mbyll vetes mundësitë sociale’, etj.

Ka njerëz që më pyesin se ‘si ia bej’ ndërkohë që unë ende nuk e kam të qartë se cila është pjesa e ‘të bërit’. Unë bëj atë që bëjnë të gjithë. Nëse jetesa sot ka vështirësi, kjo vlen për të gjithë dhe është trik shumë i konsumuar ai i të fokusuarit të prozhektorit vetëm tek një kategori e caktuar individësh, duke ia atribuar vështirësinë një sjelljeje që fundja është zgjedhje personale. Jetojmë në një kohë ku perceptimet tona e kanë të gjithë terrenin e nevojshëm për tu ngjizur e formësuar.  Nuk ka më kuptim të qëndrojmë për forcë zakoni peng i argumenteve me fuqi të venitur.

Për ta mbyllur, nuk tentoj ti mbush mëndjen kujt që të ndryshojë qëndrimin. Përkundrazi kam hequr dorë dhe as nuk besoj në thirjet me tendenca revolucionare. Me këtë doja vetëm tu thoja të gjitha atyre vajzave që kanë dëshirë të pafund të bëjnë këtë gjë, por që stepen nga frikëra të panumurta e legjenda urbane, që të çlirohen. Nuk ndodh asgjë e jashtëzakonshme po të mbulosh flokët, asgjë. Je prapë ti, me të njëjtat sprova, por që arrin ta ndjesh Krijuesin në mënyrën më intime të mundshme.

 

________________________

Autorja është studente në Fakultetin e Mjekësisë në Tiranë dhe së shpejti diplomohet për psikiatri

Comments

  • Shume rrefim i bukur. E pershendes autoren.
    Kemi vertet nevoje per me teper narrativa te tilla personale nga besimtaret muslimane shqiptare.

  • “Nuk ndodh asgjë e jashtëzakonshme po të mbulosh flokët, asgjë. Je prapë ti, me të njëjtat sprova” eshte e vertete… e kam bere para dy vitesh dhe konfirmoj qe ashtu eshte. Ne thelb gjithe vendim-marrja eshte nje ceshtje intime midis robit dhe Krijuesit. Sado pyetje patetike, e te pakuptimta si: “Si ja ben?”,”Merresh me keto te fese”…etj(skan te mbaruar larmia)keto thjesht te lodhin, te bezdisin…por nuk jane keto pyetje qe te mbajne me vendimin pezull per shamine…
    Eshte biseda e sinqerte me veten…kur robi e do dhe respekton Allahun nuk arrin ti degjoje zerat e ngacmuesve…kur ke perqafuar thirrjen e embel islame…ato thuajse nuk degjohen…
    Ne cdo veper qe robi duhet ta beje per hir te Allahut por nuk e ben, e ka se i anon zemra nga dynjaja(nga bota llafazane qe i ben keto pyetjet patetike) dhe jo nga ana e duhur e peshores…
    Besimi i sinqerte ta jep forcen dhe driten.E kur ka ndodhur qe Allahu ta ket braktisur dike qe e ben dicka per hir te Tij?
    Goca…jini te isnqerta me veten..nese beni bilancin pa bere hile…do kuptoni se nuk ju pengon dynjaja…por vetja…

    Lisiana…urime per mbulesen..tani qe e ke vene besoj e kupton se cfare po them me mire akoma… Suksese ne shkolle 🙂

  • Pershendetje. Nese i referoheni mbuleses qe mbajne vajzat besimtare, per shkak te asaj qe Urdheron Allahu xh.sh, artikulli eshte interesant. Nese eshte nje perjetim personal i juaji, nuk kuptoj dot se cfare lidhje ka mbulesa e femres besimtare(qellimi i se ciles eshte modestia dhe mbulimi i formave te trupit), me ate qe mbani ju. Nuk kam dijeni qe te veshesh geta, fund deri tek gjuri,te mbulosh floket me nje fare shalli, te besh makiazh te ekzagjeruar dhe te rrish gjithe diten ne nje kafe duke pire duhan gjithe kohes te kete ndonje fare lidhje me te qenit besimtare. Kur besimi eshte i sinqerte brenda, ai reflektohet edhe se jashtmi,ose po genjen veten ose te tjeret. Dobia?

    P.s.jam e njejta komentuese e komentit paraprak, pasi ju pashe kuptova qe artikulli ishte nje genjeshter.

  • Kush je ti qe gjykon te tjeret mbi menyren sesi e krijojne raportin e tyre me Zotin dhe kush je ti qe merr persiper te tregosh nese besimi i dikujt eshte apo jo i sinqerte? Perse te mos themi se je ti ajo qe po genjen veten duke ndjekur e imponuar stereotipe?
    Leri te tjeret te bejne ate qe gjykojne se eshte me e mira dhe mos i jep vetes rolin e gjykatesit. Zoti nuk ta kerkon kete, ndaj mos merr me shume pergjegjesi se c’te takojne, sepse do kesh per pasoje edhe me shume llogari per te dhene.

  • Besa-Bese-s i drejtohem,

    Mbeshtes Besen ne ate qe thote, edhe pse duket si menyre e ashper te komentuari, mendoj se eshte e vertete ajo cka ka shkruar.
    Ne mardhenien e njerezve me Zotin nuk e dime, por ama Zoti gjthsh na ka sugjeruar te keshilojme nj-tj. Dhe kjo mund te shihet si forme keshille.
    Dashje padashje Lisiana me shkrimin qe ka shkruar perfaqeson edhe vajzat e tjera me shami,dhe fatkeqsisht une si e mbuluar nuk ndihem krenare me kete.
    Vertet veshja ne Islam nuk ka nje model te caktuar, por ka rregulla qe jane: jo e ngushte, jo e tejdukshme dhe jo e shkurter. Nese i ploteson keto te treja, me modelin e bluzes, fundit, pantallonave apo shamise bej cte duash, ngjyrat po ashtu vishi si te duash.
    Keshtu Lisiana moter e dashur, nk eshte puna te behesh rebele ndaj atyre qe te kundershtojne (qofshin keta muslimanet apo jo muslimanet)por puna eshte qe perderisa ke perqafuar nje fe, nje besim mundohu ta zbatosh ne menyren e duhur (kete e ke si keshille jo si gjykim). Feja nuk eshte vetem ne shpirt, por edhe ne veprime.

    • Ada, kujt i hyn ne pune se se me cfare ndihesh ti krenare. Mendon se ta ka njeri per borxh krenarine, qe ua kerkon te tjereve me zor?!
      As Lisjana dhe askush ketu, nuk ka kurrfare detyrimi per te ndjekur ate qe ti deshiron apo ate qe ti mendon se duhet fetarisht. Secili ka zgjedhjet e veta dhe nuk ka perse i jep llogari askujt per gjera krejt personale. Mesohu te besh krenare veten dhe mos dhe leri te tjeret ne zgjedhjen e tyre.
      Gjithashtu, kush mendoni se jeni qe te merrni persiper te keshilloni tjetrin, pa ua kerkuar ai vete keshillen? Nuk ua ka askush per borxh qe t’ua pranoje keshillen, ndaj tregohuni me te kujdesshem dhe ruani etiken. Minimalisht, duhet ti kerkosh tjetrit ndjese per ate qe e keshillon, e jo te futeni ketu brutalisht, duke percaktuar si pa te keq me kompetence nje ceshtje kaq intime sa sinqeriteti i tjetrit ne marredhenien e tij me Zotin.

      Kushtet e veshjes jane e variueshme, sidomos ne kushtet dhe shoqerine ku jetojme. Tek e fundit, edhe nese dikush vepron gabim, eshte zgjedhja e vet dhe nuk ka perse na pyet fare as mua e as ty.

      Shkrimi i Lisjanes ishte shume i mire dhe ne vend qe ta falenderoni per kurajen dhe nivelin me te cilin e ndermori kete perballje publike, rrini e merreni me yckla personale te autores.

      Problemi juaj eshte se, keni ne koke disa klishe fikse te fortifikuara ne menyre kolektive, dhe per ju behet problem cdo refuzim i unifromitetit. Mesoni pra, se ka nejrez qe as duan t’ia dine per uniformitetin tuaj apo per paragjykimet xhematore. Sepse ka vajza qe, ashtu sic kane ditur te refuzojne kushtezimet e opinionit shoqeror ku jetojne, duke vene shami, po ashtu nuk u mungon kurajoja, te refuzojne edhe kushtezimet standarde te opinionit xhemator, duke mos u mbuluar ne perputhje me formatin standard. Mesohuni te jetoni ne nje bote te lire ku gjithkush vepron ashtu sic e mendon me mire dhe mos gjykoni te tjeret per zgjedhje personale. Lirine qe kerkoni per vete, duhet te mesoheni fillimisht ta jepni ndaj te tjereve.
      Zaten, Zoti nuk na i sjell kot sprovat. Kete e deshmon fakti qe ne me shume jemi sprove per njeri-tjetrin, sesa na sprovojne te tjeret.

  • Nese ne nuk do e kerkonim krenarine pervecse tek vetja, edhe tek te tjeret, atehere si do funksiononin mardheniet njerezore?

    JO, besa-bese, nuk eshte ajo cka mendoj une fetarisht, eshte ajo cka udhezon feja, perderisa po flasim per nje person qe ka perqafuar fene ne kete rast.
    Keshillen thjesht e dhashe, nuk imponova askend ta marre. Nese ke qene i/e vemendshem ne lexim duhet ta kuptoje qe nuk kam folur aspak per mardhenien e saj me Zotin, andaj mos u kap pas fjaleve qe vete i ke thene.
    Kushtet e veshjes jane te percaktuara se perndryshe nuk ka pse mbulohet fare nje femer muslimane nese nuk do kishte nje percaktim per kete. Jam dakort qe konteksti ku jetojme ndikone ne menyren tone te adhurimit, por kjo nuk mund te perdoret si nje justifikim per ta anashkaluar fare ate.
    Fakti qe autorja ka ndermarre kete nisme publike nuk e ben domosdoshmerisht nismen te mire, cdo femer muslimane mund ta perfaqsoj shume mire veten e saj, dhe per ta bere kete nuk eshte nevoja te prononcohet patjeter, por prononcimi mund te jete thjesht nje nga format.

    Mesa duket besa-bese edhe ju paskeni problem ne konceptimin e fese, perseris qe pervec perjetimeve shpirterore feja ka edhe rregulla te cilat nuk mund ti anashkalojme. Nuk eshte fare ceshtje uniformiteti, eshte ceshtje rregullash, besoj e kupton dallimin midis te dyjave?
    I gjithe komenti juaj duket me se shumti si nje justifikim I vetvetes., meqe kalove dhe ne nivele ‘xhematore’,po perpiqesh te justifikosh menyren tende te praktikimit te fese tani?
    Ke shume te drejte, me llogjike si kjo e juaja ne patjeter qe behemi sprove per njeri-tjetrin.

    • Ada, me vjen keq qe me duhet t’u shpjegoj ty dhe Beses gjera elementare. Natyrisht njeriu mund te krenohet me gjera kolektive, por nuk mund ti detyroje te tjeret qe ta bejne ate krenar. Ti psh, mund te krenohesh me mua nese une jam bie fjala futbollist i mire e bej gola te bukur. Por nuk ke asnje te drejte te me kerkosh mua qe te bej gola patjeter, sepse perndryshe ti nuk krenohesh dot. Nuk ta kam hic per borxh te bej gol me zor qe ti te arrish te ndjehesh krenare. Krenaria jote eshte problemi jot, jo i tjetrit. Kaq eshte muhabeti. Edhe Lisianes, nuk ka perse t’ia ndjeje fort nese behesh apo jo krenare per te, ti, Besa, e kushdo tjeter. Njeriu ben ate qe gjykon se eshte me e mira dhe kaq.

      Se dyti, se cfare udhezon feja, nuk eshte dicka qe eshte ekskluziviteti i yt. Ajo qe ti mund te thuash eshte vetem ajo cfare ti mendon se udhezon feja, gje qe mund te jete e ndryshme nga ajo qe une, Lisjana, E-zani, apo gjithkush tjeter mendon per fene tone. Secili ka mendimet e veta dhe nuk ka perse i jep llogari askujt per to. Pra, feja eshte ajo qe ka zbritur Zoti dhe ne gjykojme midis mendimeve tona mbi ate cfare ka zbritur Zoti. Por askush prej nesh nuk ka te drejten qe mendimet e veta, qofshin keto edhe te mbeshtetura mbi dijetare, ti shprehe sikur jane definicione te fese.

      Keshillen qe ti jep, duhet pikes se pari te kerkosh leje per ta dhene. Ta thashe edhe me lart, nuk ta ka askush per borxh per te ta pranuar. Kjo eshte jo etike. Nese nuk e kupton nuk kam si te te ndihmoj. Perpiqu te dalesh nga standardet e ngurta xhematore qe i imponohen njeri-tjetrit ne emer te keshilles duke u bere bajate, te bezdisshem dhe mbi te gjitha pergojues e imponues. Keshilla jepet aty ku ta pranojne. Une psh. nuk dua te me keshillosh. Nuk mund ta besh kete me zor. E njejta gje vlen edhe ne lidhje me Lisjanen. Asaj mund te mos ia ndjeje fare per keshillen tende dhe as qe do ta degjoje. Rrjedhimisht ajo qe del shemtuar ketu, je ti qe e jep keshillen pa te ta lypur askush.

      Nisma e autores, eshte shume e mire dhe shume e nevojshme per muslimanet. Ajo ka ditur te mbroje me mjaft nivel, sinqeritet dhe qytetari nje norme te fese sone, gje qe juve zonjushat kritizere dhe te devotshme, nuk ju shoh ta beni. Duhet ta falenderoni per kete, dhe jo te kapeni pas gjerave personale, per te cilat nuk u ka vene kush roje te njerezve.

      Se fundi, nuk kam hic problem te kem probleme me konceptimin tend te fese. Une e konceptoj fene ashtu sic mendoj se eshte me mire. Nese ty nuk te perputhet me konceptimin tend te fese, ky, per mua eshte problemi yt, jo i imi. Une mund te them gjithashtu se je ti qe ke probleme me konceptimin e fese. Rregullat nuk i ben ti. Nese mbeshtetesh tek disa dijetare, ka njerez te tjere qe mbeshteten tek dijetare te tjere.
      Mbi te gjitha, ajo qe nuk po kupton eshte dallimi midis gjerave personale me diskutimet fetare. Ti nuk e di hic se cili eshte zbatimi im i fese. Mundet qe une te jem me shtate pellembe mjeker, por kjo nuk ka lidhje. Ketu po flasim per zgjdhje personale, per lirine individuale te secilit qe ta kenaqe Zotin ashtu sic e mendon ai. Ketu po flasim per te drejten individuale per te gabuar dhe askush nuk ka as tager e as fytyre te “keshilloje” te tjeret kur nuk ia ndjen kujt per keshillen tende.

      • besa bese…nese sta ndjeka per mendimin e askujt, pse komenton? Gjithashtu nese dikujt nuk ja ndjen per mendimin e askujt, perse e publikon artikullin e saj ne nje faqe apo disa faqe ku eshte i lire komenti? absurde…!pra nese dikush ka nje mendim, dhe ja shpreh ate dikujt, ky dikush ka te drejten e fjales. Ose ose, nese njeriu dashka vetem ta thote ate qe ne koke(ne kete rast artikullin), pse ekzistoka opsioni i komentimit? po degjoj fjalen…ca dijetare thone kshu a ca te tjere thone ashtu…ok ku jane bazat….?kush dijetar thote cfare?Mua ky reagim me duket thjesht emocional dhe arroganti mbushur me: kush je ti, sta ka njeri per detyre… perderisa autorja ka dale me shpate duke thene mendimin e vet, komentuset nuk kane me pak te drejte te thone mendimin e tyre. me kaq e mbyll, nuk komentoj me se u be bajate. thjesht ju bej thirrje vajzave qe mbulohen, qe kur ta bejne kete te pastrojne nijetin dhe te bazohen ne literature korrekte e jo nga mendja e vet, apo filma…Nese kane veshtiresi qe te mbajne nje forme te mbuleses qe udhezohet nga dijetaret, se paku te mos behen shembuj, po ti mbajne gjynahet per vete nese kane, se te marresh persiper nje perfaqesim te gabuar, qe bart me vete shume me shume gjynahe. Per mua nje person qe injoron dijetaret, ska kurrfare lidhje me besimin apo islamin si fe hyjnore.eshte shume e thjeshte , artikujt komentohen. Meqe sta ndjen, apo kujtdo qe nuk ja ndjen, atehre nuk duhet ekzistoje fare deshira apo vullneti per koment.Kush komenton”ja ndjen”. Allahu na udhezofte te gjitheve,Islami nuk eshte nje pacavure,respektojeni ne distance, nese nuk mundeni ta aplikoni ate.

      • Besa-bese, fjalen imponim e ke permendur disa here, po ashtu per te disaten here e kam kundershtuar, ti si futbollist do motivoheshe te beje me shume gola kur e di qe I ben te tjeret krenar, megjithese ne rastin konkret qellimi eshte te jemi ndikues positive per te rregulluar imazhin qe kane njerezit per islamin (besoj se cdo musliman e kupton kete gje dhe e ka nje nder ‘misionet’ tij).

        Qellimi I komentimeve te mia nuk eshte te te bej as ty dhe asnje tjeter te ndjej pergjegjesi per te me bere mua krenare, ceshtjen e ke kaluar ne nivel individual nderkohe qe eshte shume me e gjere se kaq. Patjeter qe secili do e jetoje jeten ashtu sic mendon se eshte me e mira,pikerisht kete te mire, njeriu e njeh nepermjet shoqerise, apo jo?

        Ate cka udhezon feja e ka cdo musliman ekskluzivitet. Besa-bese duke ndjekur llogjiken tende, cdo njeri ka nje fe te veten. Feja eshte hyjnore dhe ka zbritur ne menyre te persosur nga me I Persosuri. Ne fe gjerat jane shume te qarta, nuk ka nevoj per mendimin tim dhe tendin, aty ku ka nevoje per shpjegime jane dijetaret.

        Besa-bese, lexoi paragrafet e tua njeri pas tjetrit ne menyre qe te kuptosh cke shkruar vete e jo me pastaj te kuptosh cpo shkruajme ne te tjeret.
        “Nisma e autores, eshte shume e mire dhe shume e nevojshme per muslimanet. Ajo ka ditur te mbroje me mjaft nivel, sinqeritet dhe qytetari nje norme te fese sone, gje qe juve zonjushat kritizere dhe te devotshme, nuk ju shoh ta beni. Duhet ta falenderoni per kete, dhe jo te kapeni pas gjerave personale, per te cilat nuk u ka vene kush roje te njerezve.” – Qe kur, Besa-bese, normat e fese paskan nevoje te mbrohen nga ne? Me vjen keq qe nuk e shoh dot lisianen ashtu si ti, ‘nje heroine’ qe mbronka me kaq sinqeritet, nivel dhe qytetari normat e fese. Nese me kerkon ta falenderoj do te thote qe po me kerkon te ndihem krenare per te…..ku shkuan fjalet qe the deri tani, mos valle po me imponon te ndihem krenare per te??

        Vlerat Islame nje njeri mund ti shprehi me veprimet me te vogla, nuk eshte domosdoshmerisht e nevojshme te behemi publik per kete. Nuk e kuptoj pse ke marr te drejten te flasesh ne emer te Lisianes ne kete rast, mjafton te japesh mendimin tend, jo mendimin e Lisianes, perderisa ajo vete ka ‘hequr dore se marruri me te tjeret’.

        ‘’TE TJERET nuk kane pse te sugjerojne, keshillojne, vetem UNE kam te drejte ti kritiokoje ata’’, kete po perpiqesh ti thuash vetes?

        Mesa duket ti degjon vetem ate qe do te degjosh…jo ate cka te tjeret duan te te thone…qe keshtu besa-bese, te uroj dite te mbara.

        Zoti na befte ta kuptojme fene e Tij drejte dhe ti zbatojme urdhrat e Tij ne ate menyre qe Ai te kenaqet me ne dhe jo ne me veten.

        • Nuk jam une, por ju qe e keni individualizuar temen. Nuk jam une, por ju qe i vini vizoren shamise se tjetres apo raportorin per te matur perimetrin e gjeresise se rrobave. Kjo eshte e ulet dhe e turpshme, thuaj cfare te duash.
          Nese te shqeteson nje fenomen, mos merr individe konkrete per ta trajtuar. Nuk ta ka per borxh askush te behet objekt diskutimi ne mjedise publike e private, vetem e vetem se ty nuk te pelqeka zgjedhja e saj. Nese nuk e kupton as kaq gje, me vjen keq, por gjithcka eshte e kote.

          Une nuk them se ne nuk kemi te drejte te kritikojme e te sugjerojme mbi fenomene ne pergjithesi apo per probleme publike, por po them qe askush prej nesh nuk ka te drejte te sugjeroje e kritikoje te tjeret per gjera private, pa pasur miqesi e shoqeri me ta, dmth pa ua lejuar tjetri kete. Te keshillosh tjetrin, duhet ne rradhe te pare te kesh konfidence me te, gje te cilen, duket qarte qe nuk e ke. Ndersa per gjera publike, per fenomene te pergjithshme, kemi te drejte te kritikojme sa te na enjten mushkerite. Ju nuk po kritikoni fenomene, por po kritikoni njerez konkrete per gjera shume personale. Kjo eshte e patolerueshme.

          Qe ju jeni imponuese, eshte e qarte, per sa kohe po merrni persiper te udhezoni me zor njerez qe nuk e duan udhezimin tuaj. E pervec kesaj i perplasni njerezit me fene e Zotit, duke barazuar mendimin tuaj me verdiktin fetar.
          Megjitahte, mua nuk me intereson diskutimi fetar ketu. Me intereson etika dhe imponimi qe njerez si ju shfaqin ne xhemat, duke nxjerre lupen per te gjetur te metat e te tjereve.

          Nuk thashe se ti po kerkon te me besh pergjegjes pse nuk te bej te ndjehesh krenare, thashe se fakti qe ti nuk ndjehesh krenare nuk ka pike rendesie per mua. Nuk me intereson fare te te bej ty krenare dhe nuk ka perse ti interesoje as Lisjanes, sic kerkon ti ne komentin tend. Kaq. Kete e them sepse menyra sesi ti flet eshte tipike e atyre njerezve qe nuk kuptojne se nuk kane asnje te drejte te gjykojne te tjeret per gjerat e tyre personale. Ragimi im eshte per te te thene nje te vertete ne menyre te hapur e pa dorashka: Mos i jep vetes me teper rendesi se c’duhet duke pretenduar se te tjeret shqetesohen fort per ate qe ti mendon per ta. Kupto pozicionin tend. Nuk te ka vene njeri roje te sheriatit, keshtu qe mos merr persiper ate qe nuk te takon. Ajo cfare po vijoj te riperseris eshte se njeriu ka zgjedhjen e vet, per te cilen nuk i jep llogari askujt, as ty e as mua. Kaq eshte muhabeti.

          Menyra sesi njeriu formohet, sesi krijon bindjet se kush eshte e mira apo e keqja, eshte nje diskutim krejt tjeter. Ketu po flasim per ceshtje te drejte dhe une po pohoj qe ti nuk ke asnje te drejte te gjykosh, paragjykosh, perflasesh, kritikosh, keshillosh mesosh, te imponosh, te tjeret. Nderkohe te tjeret kane krejtesisht te drejten e tyre, te bejne zgjedhjen e tyre, te ndryshojne mendim, te gabojne, te bejne harame dhe per te gjitha keto nuk te pyesin fare as ty e as mua, e as njerezve qe ti kerkon tu mbushesh mendjen ketu, me komentet e tua, se autorja qenka me fe te prishur.
          Pra une nuk po them hic se cdo njeri duhet te kete fene e vet, por une po them se cdo njeri ka te drejten e vet te zgjedhe ate qe i duket me e drejte ne fene e vet. Ka ndryshim shume te madh midis ketyre. E per sa kohe cdo njeri ka te drejte te zgjedhe ate qe i pelqen, qe i duket e arsyeshme, e pershtatshme, e drejte etj. ti nuk ke asnje te drejte ta gjykosh.

          Dhe mos u ngaterro me kot neper fjalet e mija. Te thashe se duhet ta falenderosh, sepse me shkrimin e saj, u perball me nje opinion arrogant sic eshte ai ne Shqiperi, duke ngrene edhe nje lume te sharash tek Shekulli (sic po merr tani te njejten gje nga ju, madje edhe me keq, sepse ketu e merr te shoqeruar me verdikte fetare), pikerisht per te mbrojtur nje norme qe me se shumti bie mbi vete vajzat me shami. Duhet ta falenderosh, sepse ne njefare menyre beri nje pune te mire per te thyer nje opinion qe te vret edhe ty, direkt apo indirekt. Nese nuk do ta besh kete, sepse nuk te pelqen menyra sesi ajo e mban shamine, kjo tregon vetem vogelsine, verberine dhe imponueshmerine tende dhe asgje tjeter. Pervec kesaj, te falenderosh nje njeri per nje pune te mire, nuk do te thote aspak se ndihesh krenar per te. Mirenjohja dhe krenaria jane gjera te ndryshme. Mund te lidhen me njera-tjetren por jo domosdoshmerisht. Per me teper une nuk ta ndalova te jesh krenare per njeri, thjesht shpreha qendrimin tim, se nuk kam pike ndjeshmerie per krenarine tende, kaq.

          E fundit, nuk po flas ketu ne emer te askujt. Nuk e di fare se cfare mendon Lisjana per te gjitha keto qe thua ti. Po flas duke reaguar ashtu sic do te reagoja vete po te isha ne vendin e saj dhe po reagoj ketu pikerisht sepse me indinjon kjo menyre pa takt e pa edukate me te cilen shume muslimane, sidomos grate, sillen ndaj tjetrit duke synuar te korrigjojne bindjet fetare te tij.

          Shpresoj te kem qene i qarte dhe shpresoj te reflektosh per gjithcka. Nese jo, eshte problemi yt.

  • Ne jemi “askushi” per te gjykuar.
    Un jam askushi. Askushi beri nje koment pozitiv per artikullin, duke I pare gjerat ne kepucet e nje vajze me mbulese. Askushi nje dite pa Lisianen live dhe u skandalizua nga pamja e saj. Kjo e beri askushin, qe te beje nje koment tjeter per te s’prapsur komentin e pare pozitiv qe beri. Perderisa ky eshte nje artikull public dhe ne faqe ekziston opsioni I komentit eshte e pritshme qe te kete komente positive , negative apo neutrale. Askushi ushtroi nje te drejten qe vet qe I ka dhene faqja e web, per te komentuar.
    Askushi mund te kete mendime te kota , te pavlera, te parendesishme , te padrejta.
    Mund te rebelohet tekst-shkruesja apo lexues te artikullit nga ato qe kam thene.
    Baza e islamit jane Kur’Ani dhe Sunneti(prej nga jane shkruar hadithe). Te kater meth’hebet pajtohen me pershkrimin e tyre se si duhet te jete mbulesa, sikurse shoh te cituar me siper nga ada. Nje nga vlerat me thelbesore te Islamit eshte se ajo eshte nje fe per te gjithe njerezit, te gjitha vendet, te gjitha kohet.Kjo do te thote qe islami eshte I njejti si ne Emiratet Arabe, edhe ne Britani, edhe ne Shqiperi. Ajo qe ndryshon nga njeri vend tek tjetri eshte menyra se si praktikohet nga NJEREZIT. Kjo per shkak te:
    • Padijes per menyren korrekte te praktikimit
    • Karaktereve te ndryshem
    • Normave kulturore te ndryshme(variabile nga nje vend ne tjetrin
    • Faktore qe sme vinje ndermend per momentin…
    Nese praktika islame do te lihej te vendosej individualisht nga cdo person sipas menyres se vet, do te kishte nje kaos dhe sdo te kishte identitet islam. Per kete arsye ka dijetare, te cilet I studiojne te gjitha ceshtjet me detaje ne menyre qe te japin instruksione per menyren e zbatimit te islamit (gjithmone bazuar ne hadithe dhe Kur’An). Nuk jam ne dijeni qe ndonjeri prej meth’hebeve te konsideroje korrekte nga pikpamja e etikes islame veshje dhe qendrim si ajo qe kam pershkruar se pashe. Nese ka ju lutem dashamiresisht qe te me informoni me emer meth’hebi, dijetari apo libri ne menyre qe ta konsultoj.
    Askushi shqetesohet per dy gjera. Se pari per tekstshkruesen, tek e cila verehet nje difference e madhe mes asaj qe shkruan dhe asaj qe ben. Per kete shqetesim mund te mos doje qe tia dije njeri, pra Lisianes as I duhet shqetesimi I askushit e as ja ka kerkuar. Eshte dhe nje shqetesim tjeter :ky artikull eshte publikuar edhe ne media te tjera, madje bashke me foton e tekstshkrueses. Problemi qe krijon kjo eshte se ajo(ose ti) merr persiper nje lloj perfaqesimi per femren besimtare,duke e bere publike veten me mendimet dhe artikullin/ujt(nese do te shkruaje serisht). Keshtuqe perpara se te marresh persiper pergjegjesi te tilla robi duhet te llogarise edhe se kujt po I hyn ne hak. Ok ka menyren e vet/tende, por ajo nuk bazohet ne asnje reference korrekte islame. Per kete arsye ky eshte nje shembull I keq I femres besimtare ne sy te te tjereve.
    Nuk ka rendesi se cfare mendon askushi, por ka rendesi se cfar mendojne dijetaret, dhe nese injorohet mendimi I tyre, nuk e di se cfare fragmenti apo copeze islam mbetet tek personi.
    Nuk po jap fetva, thjesht po orientoj: lexoni cfare thone dijetaret per veshjen, jo cfare them une apo dynjaja ne pergjithesi. Lisiana me kete menyre mund te fitoje nje fare publiciteti(pozitiv apo negativ qofte eshte publicitet).Jo domosdoshmerisht “fiton”, vleresim pozitiv apo respekt. Perderisa eshte opsioni I komentimin un kam te drejte te jap mendimin tim. Lutem qe mos te dalin persona me teorira personale qe skane lidhje ne fakt me islamin, pra mire qe eshte gabim(qe nuk e them une por Dijetaret), port e pakten mos “shit mend”. Allahu na ruajte ,na udhezofte e na permiresofte te gjitheve. Lisiana nuk ka folur per formen e veshjes me detaje por e paraqitja e saj flet me shume se fjalet.
    p.s shembull reference per pershkrimin e veshjes islame sipas meth’hebit hanefi(me ‘liberali” per ceshtjen e veshjes) mund ta gjeni tek ky link:
    http://qa.sunnipath.com/issue_view.asp?HD=1&ID=2039
    por mund te gjeni vete referenca, ka libra plot.

    • Askushi, si askush qe eshte, duhet te kuptoje se nuk ka piken e te drejtes te skandalizohet me tjetrin. Duhet te kuptoje se tjetri eshte ne hesap te vet dhe ka te drejten e vet te vishet, e te zhvishet sic ia ka qefi apo ashtu sic mendon se eshte me e mira, dhe nuk te pyet ty per ate qe ben. Nese ti skandalizohesh mbaje per vete dhe mos ia thuaj te tjereve sepse tjetri, dikushi, nuk ka asnje deshire te degjoje pallavrat emocionale te askushit. Eshte dicka elementare e etikes dhe qytetarise te mbash vendin qe te takon.

      Ajo cfare na ofron E-zani eshte mundesia per te komentuar ide dhe mendime, jo per te diskutuar per ceshtje personale te te tjereve. Komentet pozitive apo negative duhet te behen per shkrimin, jo per jeten personale te tjetrit, per te cilen askush nga ne nuk ka pike te drejte te diskutoje. As une, asi ti, as Ada, as E-zani nuk ka piken e te drejtes te hyje ne jeten e tjetrit, te ulet aty kembekryq e te skandalizohet, gjykoje, urdheroje, jape mend etj etj. Rrjedhimisht te kater meth’hebet, citoja atij qe ta pranon citimin. Kaq eshte muahbeti. Nuk e di sa po e kupton? Eshte shume e thjeshte.

      Meqe merr persiper te diskutosh per skandalizimet e tua, prano edhe deshmine e skandalizimit tim mbi te drejten qe i jep vetes te gjykosh mbi sinqeritetin e tjetrit dhe raportin e tij me Zotin. Ketu moter e dashur, jo kater meth’hebet, por te gjitha meth’hebet boterore te historise Islame, edhe ato qe nuk kane gjetur vijueshmeri, e madje te gjithe dijetaret e botes, e ndalojne ate qe ben ti. Pra, me ixhma shume here me te forte, futja jote ne ceshtje personale, e sidomos gjykimi yt mbi sinqeritetin dhe raportin personal te tjetrit me Zotin, eshte mekat i rende dhe shkelje e rende e etikes dhe sidomos parimeve baze te fese.

      Fakti qe Islami eshte fe per te gjithe njerezit dhe per te gjitha koherat nuk hyn fare ne kete diskutim, ndaj mos na sill argumente qe nuk kane te bejne me ate per cfare i perdor. Patjeter edhe une them se Islami eshte per te gjitha koherat dhe te gjithe njerezit, dhe pikerisht per kete Islami permban edhe mundesite e adaptueshmerise per kohe si e jona. Se sa e si, nuk eshte atribut as i imi e as i yti ta gjejme. Pikerisht per kete, secili e gjykon sipas mendimit te vet, menyren sesi do te adaptohet me mjedisin.

      Autorja nuk ka marre persiper te perfaqesoje askend dhe askush nuk ka te drejte te perfaqesoje askend. Konkretisht, une nuk mund ta pranoj kurre te jem i perfaqesuar prej teje me keto mendime dhe sjellje qe ke, ndaj hiq dore nga keto shtrengesa standardizuese. Secili perfaqeson veten. Natyrisht, secili prej nesh perfaqeson edhe fene, kulturen ideologjine, ku ben pjese apo ekipin e futbollit per te cilin ben tifozllek, ne syte e te tjereve, por, eshte tjeter gje fakti qe njerezit shohin tek une apo ty kategorine e njerezve ku bejme pjese, dhe eshte tjeter gje tagri perfaqesues. Ndonese dikush mund te shohe tek ty muslimanen, kjo nuk do te thote aspak se ti e perfaqeson vertete Islamin dhe gruan muslimane, me shume se Lisjana apa ndoshta dikush tjeter qe nuk ka shami fare. Nese njerezit shohin tek ty perfaqesuesen thjesht kjo rrit pergjegjesine tende, por ne fakt, ky eshte keqkuptim i nejrezve, qe i kerkojne modelet tek individet. Kjo eshte dicka qe nejrezit do te mesohen ta korrigjojne gradualisht kur te mesohen me diversitetin. Njerezit duhet te mesohen se muslimanet jane te ndryshem dhe varjojne qe nga Bin Ladeni e deri tek Majk Tajsoni qe ka mbi shpine disa akuza per perdhunim grashe. Bota eshte e larmishme dhe nuk kemi te drejte ta formatojme ne kallepe.

      Mbi te gjitha, perpiqu te kuptosh se gjithashtu e gjithe dynjaja skandalizohet me veshjen tende rrugeve te Tiranes, e per sa kohe e vuan mbi kurriz skandalizimin e te tjereve, duhet te pakten te kishe mesuar te mos skandalizohesh vete me te tjeret. Mesohu te mos besh ate qe te tjeret bejne me ty, kur vete e vuan kete: Mos gjyko qe te mos gjykohesh.
      Prandaj e thashe edhe me lart: I meritojme keto sprova qe na ka sjelle Zoti.

      • nuk do nderhyj fare ne lidhje me temen e shkrimit..dihet qe eshte pelqyer, shume i bukur, kenaqesi qe e lexon..
        jeni duke debatuar te dy palet ketu pro e kundra veshjes ne realitet te autores , dhe ngaqe doni te mbroni idete tuaja, padashje beni edhe gabime fetare..Autorja normal qe para se te vishte shamine ka lexuar rregullat dhe vendosi te vishej ashtu si e mendoi te arsyeshme per veten e vet; e kritikojne..kritika qe bejne fetarisht e rregullt eshte, por nuk mund ta besh debat ketu, mund ti shkruash nje email te faqja e saj ne fb dhe tia japesh mendimin tend nese ti mendon vertet qe do ta keshillosh dhe nuk deshiron ta pergojosh..pala tjeter do qe ta mbroj me zor veshjen e saj , ku kur`ani e ka percaktuar shume qarte dhe prere , pa asnje medyshje, pa asnje tolerim apo ndryshim per brezat qe do vijne, pa asnje forme komenti tjeter: Hidhni shamite mbi kraharor..i eshte vene vula , ka mbaruar..ajo qe diskutohet se sa e gjate mund te jete mbi kraharor; gjysem meter, 1 meter, 2 metra…kur ne boten arabe filloi te paraqiteshin vajzat myslimane me kete veshje qe ka edhe autorja e shkrimit te foto e gazetes shekulli, shejhu i nderuar Jusuf Karadawi ne nentor 2006 tha: Cdo gje eshte, por hexhap ..JO, shamia eshte ashtu si Allahu teala e ka caktuar ne Kur`anin e Tij Fisnik: shamia hidhet mbi kraharor.
        kurse sa per nijetet apo perfaqesimet, askush nuk ka te drejte as te gjykoh dhe as te paragjykoj..sidomos persa kohe qe shqiptojme shehadetet , falim namaz 5 here nga kibla, gojet i mbyllim per njeri-tjetrin, bejme dua per njeri tjetrin, buzeqeshim ne fytyre njeri-tjetrit..eshte barre shume e rende , e madhe qe ndersa do te rregullosh veten tende, perpiqesh te jesh e kapur pas litarit te Allahut, rri dhe shikon edhe rrobat e te tjereve apo sinqeritetet e te tjereve..
        mos vazhdoni me debata te tilla, dhe na lini ta shijojme shkrimin…llogaria e hexhapeve tane, eshte te Allahu..
        esselamu alejkum..

        • Anonim i nderuar, kur shehu i nderuar, Jusuf Kardaui u dergoi nje fetva nje grupi myslimanesh ne Bosnje, myftiu i Bosnjes, Dr Ceric i shkroi mbrapsht dhe i tha se ketu fetvate i japim ne e nuk na vine nga larg. Bota arabe le ta kete metrin ne dore se eshte tjeter pazar atje. Une nuk e di se cfare gjinie ke por po spekulloj qe je mashkull – si dhe une – e per sa kohe qe une e ti nuk veme shami ne koke, shenjen dalluese te te qenit mysliman ne nje shoqeri ku te qenit mysliman shpesh paraqitet si tradhti kombetare, s’kemi takat moral tu japim mend te tjereve. Une po te isha femer ka shume mundesi qe nuk do kisha takat ta mbaja shamine qe mban Lisiana, e kesisoj, kur nuk perball veten me te njejtat sprova, mundohem ti kursej vetes arrogancen e vulosjes se muhabetit me citime nga medhhebi hanefi te shkruara ne Kufen mesjetare apo qofte ne Katarin e sotem.

          • nuk gjykoj veshjen e Lisianes , por as nuk marr guximin qe tia mbroj sic ka bere nje nga komentueset siper dhe nga zelli i madh ben gabim fetar ; per ty ndoshta nuk eshte gabim fetar, ndoshta nuk te pelqen asnje nga medhhebet se i quan te vjetra, ndoshta nuk te pelqen verdikti i dijetareve meqe banojne ne shtet tjeter dhe rrethana te tjera.Ama persa kohe qe nuk kemi ndonje vendim tjeter , nuk kemi fetwa tjeter ( fundi i fundit kush eshte ai dijetar qe del mbi nje ajet qe eshte shkruar ne urdherore dhe jo ne lejore , apo ne ate te mundesise , apo ose..ose..ose…askush, cfare eshte ne urdherore , ka marre fund, nuk e ndryshon dot as koha e as vendi)…ashtu sic edhe nuk me pelqen qe te futen e te zhbirojne faqen e saj ne fb dhe te vijne e ta komentojne ketu se cfare rrobash kishte ajo etj etj..ezani ka publikuar shkrimin pa foton e saj, ka gjetur nje foto ilustruese shum te bukur..dhe jam askushi qe te gjykoj veshjen e Lisianes..ajo mund te jete shume here me e sinqerte, mund te jete shume here me lart nga ne ne frikerespektin ndaj Allahut ne zemren e saj te cilen nuk ia shikon askush nga ne…une e gjykoj nga shkrimi dhe me ka pelqyer shume per idete e saj, e vleresoj me ate cfare ka shkruar..nuk po gjykoj as Lisianen dhe as vajzat qe vishen si Lisiana, por po flas per dy palet qe po debatonin lart, forma e debatit : njera pale pa foton e saj te shekulli, zhbiroi faqen e saj ne fb apo twitter dhe erdhi dhe u zbras ketu ku nuk kishte pune , ezani nuk ka pune me fotot apo me rrobat e te tjereve , solli artikullin shume bukur, mjaft..pala tjeter do qe te mbroje veshjen e saj pa sjelle asnje argument ( natyrisht nuk sjell argument sepse fetwat xhanem i bejme vete , i pershtasim sipas rrethanave tona, mundesive tona perderisa nuk kemi ndonje Dar Elfetwa te tonen ) ku edhe pala tjeter e prishi gojen njesoj si pala sulmuese dhe ku te dyja palet ndihen te ofenduara nga perfaqesimi nga pala tjeter …skandal, per mua eshte skandal..feja eshte moral, eshte edukate, eshte respekt per ate qe ka vendosur te sakrifikoje brenda muindesive te tij;…eshte hadithi i johur eshte ndaluar pergojimi i myslimaneve qe thone shehadetin dhe kthehen 5 here ne dite nga Kibla”..ketu ne kemi turp nga njeri-tjetri..pergojohen motrat myslimane dhe ky eshte harram shume i rende…mendoj qe do ishte mire te fshiheshin te gjitha komentet debatuese, te lihen vetem 2 te parat qe tregojne vleresim per shkrimin dhe qe jane vleresime reale..selam alejkum….

          • E paske kuptuar keqe diskutimin tone. Une nuk po diskutoj as pro e as kunder veshjes se autores, une po kritikoj menyren sesi shume muslimane, i japin vetes te drejte te nderhyjne ne zgjedhjen e tjetrit, duke i demaskuar ata ne shoqeri e madje, ketu edhe publikisht. Une po denoncoj gjithashtu menyren sesi nje grup njerezish midis nesh u imponohen te tjereve dhe se si ata, ne emer te keshilles, i fusin hundet aty ku nuk u takojne.
            Natyrisht une kam gjykimin tim mbi temen ne fjale, por ketu nuk jam duke e mbrojtur gjykimin tim. Ajo qe po bej, eshte mbrojtja e te drejtes se tjetrit per te zgjedhur e per te mos u paragjykuar per zgjedhjen e tij, qofte dhe gabim.
            Ndaj ji i drejte kur gjykon e mos krijo dy pole artificialisht per tu vendosur ne mes, si rruga me e sigurte per te qene i mbrojtur dhe ne barazpeshe. Mos i ofro mendimet e tua si rruge e mesme, kur njerin pol e ke krijuar vete.

  • Lisjana eshte nje alamet goce dhe vishet e eshte vesh gjithnji ne menyre dinjitoze pervecse shume bukur. [Edituar]

    Ju lutemi kujdesni me gjuhen qe perdorni. Nuk na pelqen te fusim duart ne komentet e lexuesve po me mire mos teprohet. Shpresojme mirekuptim. e-zani.

    ….

  • Absolutisht mesazhi nuk kishte asgje per tu edituar. Do ti nenshtrohesha edititimit nese do ta benit gjithnji ne menyre korrekte. Gjithesesi e respektoj te zotin e shtepise.

    • Fakti qe ndonjehere edhe tolerojme me shume nuk eshte tamam nje arsye per ta percaktuar kete tolerance si standard. Nuk eshte se komenti yt kishte ndonje gje te madhe, por gjykoj qe gjuha e perdorur do te acaronte biseden. Ndaj kerkojme mirekuptimin tend per nderhyrjen. Na ndje, por na krijohen here pas here pervoja te pakendshme, te cilat mendoj se eshte me mire te evitohen.

  • Ne 3 vitet e fundit kam mundur te lexoj me shume personalisht pa kerkuar pergjigje personave qe supozohet te jene me te ditur per ceshtje fetare dhe deshiroj te them qe kam ndryshuar mendim. I kerkoj ndjese artikullshkrueses per fjalet qe kam perdorur, tonin, sensin e qortimit. Nuk duhet tia lejojme vetes te gjykojme te tjeret, kur ne vete si besimtare jemi te pa-edukuar ne lidhje me vete besimin qe kemi perqafuar. Pavaresisht se e konsiderojme veten pjese te nje ummeti, duhet te jemi te vetedijshem qe jemi individe dhe jo thjesht besimtare, por qytetare te botes dhe secili perpiqemi te japim nje vlere te shtuar, nje kontribut pozitiv. Nuk kam me asgje kunder veshjes “ekstravagante” sic mund ta kem quajtur ne komentet e mia te para 3 viteve. Jo sepse tani me pelqen apo nuk me pelqen por per faktin e thjeshte se veshja e zonjushes nuk eshte aspak dicka qe me takon dhe fatkeqesisht tregon per nje nivel te ulet te debatit qe kam nisur. Nese dikush ka dicka per ti ofruar shoqerise eshte i mirepritur dhe sa me shume edukohemi aq me pak do te terhiqemi nga debate te ketij niveli. Lisiana, te kerkoj nje ndjese te sinqerte nese komentet e mia te meparshme te kane shkaktuar ndonje forme stresi sado modeste. Deshiroj te te shoh ty dhe cdo vajze tjeter besimtare qe te rritet intelektualisht dhe qe debatet per formen e mbuleses te zhduken njehere e mire nga tryezat tona te diskutimit.

  • Your email address will not be published. Required fields are marked *