Neki KaloshiNeki Kaloshi

Njeriu në esencë është qenie shoqërore. Pra, është qenie e krijuar prej dy elementeve: shpirtit dhe trupit. Andaj, si rezultat i kësaj ai është i obliguar që të mbajë një baraspeshë mes këtyre të dyjave.

Ushqimi shpirtëror i njeriut është ibadeti (adhurimi), por ibadet nuk do të thotë vetëm kryerja e disa obligimeve ndaj Zotit, por pjesë e ibadetit është edhe kryerja e obligimeve ndaj njerëzve. Pra, kemi të bëjmë me dy komponentë që nuk shkojnë pa njëra-tjetrën. Po të themi se me rëndësi është vetëm namazi, zeqati, agjërimi, haxhillëku etj., atëherë si e ndryshoi Muhamedi a.s. botën dhe ku mbesin këto fjalë të tij?

“Më i miri në mesin tuaj është ai që është më i dobishëm për njerëzit”

“Allahu është në ndihmën e robit përderisa robi është në ndihmën e vëllait të tij”

Tregohet se Allahu i shpalli Musait a.s.: “O Musa, a ke punuar diçka për Mua?” Musa i tha: “Të kam përmend vazhdimisht, për Ty jam falur, për Ty kam agjëruar dhe në emrin Tënd kam dhënë sadaka”. Allahu i tha: “Namazi është argumenti yt, agjërimi është mbrojtja jote,  sadakaja është flladi yt, kurse (përmendja) dhikri është dritë për ty. Për Mua çfarë ke punuar?” Musa tha: “Çfarë mund të punoj për Ty, o Zot?” Allahu iu përgjigj: “O Musa a je shoqëruar me dikë dhe a je hidhëruar me dikë për hatrin Tim?”[1] Në një transmetim tjetër thuhet se Allahu e ka pyetur: “A ke ushqyer një të varfër, a i ke dhënë ujë një të eturi, a ke veshur dikë dhe a ke nderuar ndonjë dijetar për hatrin Tim?! Kjo është puna e sinqertë që bëhet për Mua.”

Pra, ky hadith favorizon raportin e njeriut me njerëzit, dhe në asnjë mënyrë nuk kundërshton pjesën e adhurimet, përkundrazi këto hadithe dhe këto tregime i japin shpirt ibadetit të besimtarit, sepse nuk duan një besimtar të ngurtë dhe egoist, por shpirtgjerësi.

Rasti i cituar më lart tregon se ndonjëherë favorizimi i disa punëve nuk nënkupton mohimin e të tjerave, por kërkon kualitetin e tyre, dhe sigurisht që ai që falet, agjëron, shkon në haxh dhe bën edhe punë të mira për njerëzit, është më i mirë se ai që bën ibadet vetëm për veten e tij.

Këtë e tregon edhe një rast tjetër nga historia islame:

Në popullin Beni Israil ishte një besimtar i devotshëm i Allahut (xh.sh.), i cili falej dhe agjëronte shumë si dhe kryente edhe shumë ibadete të tjera. Atë nuk e shqetësonte gjendja e popullit të tij, i cili kishte lënë rrugën e Allahut (xh.sh.), dhe nuk e udhëzonte atë në punë të mira, as nuk e ndalonte nga punët e këqija. Ai shikonte vetëm punët e tij. Allahu (xh.sh.), e urdhëroi Xhibrilin (a.s.), që ta shkatërronte atë popull. Kur shkoi Xhibrili (a.s.), vuri re se në mesin e tyre kishte një të devotshëm që adhuronte Allahun (xh.sh.). Atëherë u kthye tek Allahu (xh.sh.) dhe i tha: “O zot, në atë vend gjendet edhe një njeri që po të bënte ibadet Ty”. Allahu (xh.sh.), iu përgjigj: “Fillo me atë të parin, sepse ai nuk i ka udhëzuar njerëzit për punë të mirë dhe nuk i ka ndaluar ata nga e keqja”. Nëse nuk i fton njerëzit të distancohen nga gjynahet, nëse nuk kontribuon në shoqëri për mirë, nëse nuk je aktiv në ruajtjen e fesë dhe nderit të njerëzve, dije o besimtar se nuk e ke bërë detyrën ashtu siç duhet.

Pra, ky hadith nuk nënkupton se namazi, agjërimi, haxhi etj. nuk janë punë të mira, por tregon se reflektim i ibadetit të mirëfilltë duhen të jenë edhe punët e mirëfillta për të tjerët.

Këtë e dëshmon edhe hadithi ku Muhamedit a.s. i treguan për një grua:

Ajo grua ç’do ditë agjëron, natën e kalon në ibadet (lutje), por është punëkeqe, ngase i shqetëson fqinjët (me përbuzje, thashethemeve etj.). Për këtë grua Muhammedi a.s. tha: “Ajo s’ka asnjë mirësi. Ajo është banore e xhehenemit”.

Nga ky dhe shumë mësime tjera islame kuptojmë se reflektimi i adhurimeve në vepra të mira është pjesë e pandarë e ibadeteve.

Pastaj duke pasur parasysh këto fjalime, nëse kemi për qëllim mohimin e ibadeteve fetare, atëherë kemi heretizëm (mosbesim), sepse ato janë shtylla të fesë dhe pa to nuk bën, por nëse kemi për qëllim se bashkë me këto duhen bërë edhe punë tjera të mira për njerëzit, atëherë kjo është shenjë e të kuptimtuarit të vërtetë të islamit. Përveç kësaj duhet të kuptojmë se koha kur kërkohej që Islami të kufizohet vetëm brenda mureve të xhamisë ose vetëm brenda disa ibadeteve fikse, ka kaluar. Ky ka qenë synimi i sistemeve të kaluara totalitare, ndërsa Islami kërkon një besimtar të përkushtuar ndaj Zotit dhe me shpirt e vepra altruiste.

Sa i përket qëllim personal të ndokujt, absolutisht nuk është e drejtë e njerëzve të përzihen në nijetit e të tjerëve, sepse rregulli i përgjithshme është: “Ne vlerësojmë me atë që e shohim, kurse Allahut i takojnë qëllimet dhe punët e fshehta”.

 

***

Në fund, më duhet të shpjegoj se akuzat për herezi që i janë bërë Ali Ahmetit në Maqedoni, për disa deklarata të tij, në lidhe me rolin e fesë në jetën publike, nuk qendrojnë. Akuzimi i dikujt me herezi (dalje nga feja) nuk është punë e lehtë, sepse fjalët e liderit të BDI-së nuk ishin fjalë që të nxjerrin nga feja. Për vet faktin që ai nuk është teolog dhe mund të mos jetë i përpiktë në ndërthurjen e tregimeve fetare, por kjo absolutisht nuk i mohon të drejtën që ai të flasë rreth vlerave të përgjithshme fetare, ashtu siç ka të drejtë çdo mysliman tjetër.

 



[1] Tregimi është në njërin prej librave të imam Gazaliut, i cili në boshnjakisht quhet “Norme ponasanja u islamsko bratstvo”, Sarajevë, 2001, f. 23.

Comments

  • Faleminderit per trajtimin. Do ishte me e udhes te ishin cituar ne kete shkrim edhe fjalet e Ali Ahmetit per te cilat akuzohet, qofte ne permbledhje e njekohesisht edhe nje permbledhje e atyre qe pretendojne heresine e tij. Gjithashtu, shkrimi duket I shkruar me nxitim e ka vend per korekture, po kjo ndoshta vlen per adminet

    • tironci ne kete faqe nuk u diskutojme njerezve qellimet e brendshme. Ne kete faqe, gjithashtu, ne rast se nuk e ke vene re, nuk u masim njerezve nivelin e ortodoksise fetare. Eshte e rendesishme per ne qe te ruajme kete natyre te faqes.

    • Jo jo babe, korrektese fetare. Te zbatosh ate qe na kerkon Profeti a.s. nuk te ben kameleon, por parimor. Nese nuk e ke per vete kete permase morale dhe intelektuale, nuk ke si ta kuptosh.

  • Ja burimi i lajmit te kesaj historie. Mua me duket injorance dhe mungese respekti per fene dhe per besimtaret nga ana e Ahmetit te tregoje barsoleta te tilla, por per herezi me duket pak si shume.

    “Dersi” i Ali Ahmetit ofendon myslimanët
    http://lajmpress.com/lajme/maqedoni/18860.html

    Madhesia e germave: 10/03/2013 23:19:00

    Barsoleta e liderit të BDI-së, Ali Ahmeti, ose siç e quajnë ndryshe “dersi” i Ali Ahmetit, sipas teologëve është herezi. Ndërkaq, BFIM nuk dëshiron të komentojë asgjë

    Në tubimin në Gostivar, kreu i Bashkimit Demokratik për Integrim (BDI), Ali Ahmeti tregoi një barsoletë për fenë.

    “Iku njëri për atë botë dhe e pyesin natën e gjykimit, sepse ai kërkonte të shkojë në parajsë, në xhenet. Dhe e pyetën engjëjt, çka ke bërë ti për të shkuar në parajsë, xhenet? Tha: unë kam falë pesë vakte namaz, kam falë ramazan, kam qenë në haxh. Ore zotëri i thanë, këto i ke bë për vete. Çka ke bë ti që ta shohin hairin të tjerët? Atëherë tha: unë nuk kam bë gjë që të ma shohin hairin të tjerët. Atëherë i thanë: hyn pak këtu te katrani, provoje”, tha Ahmeti. Më pas pasuan të qeshurat.

    Kjo barsoletë e Ahmetit, ose siç e quajnë ndryshe “dersi” i Ali Ahmetit, sipas teologëve është herezi

    “Në këtë rast vetë barsoleta është heretike, pasi falja, agjërimi, bamirësia ndaj njerëzve janë pjesë e fesë, por jo njëra në llogari të tjetrës. Është keqpërdorim i situatës dhe futje në tema që nuk i kanë hije një njeriu të thjeshtë e të mos flasim për lider politik që përfaqëson një pjesë të madhe të popullit shqiptar, të cilët i përkasim fesë islame dhe janë myslimanë”, tha për “Lajm”, teologu Bekir Halimi.

    Ai thotë se kjo është edhe ne kundërshtim me porosinë e kryetarit të BFIM-së, i cili apeloi që të mos keqpërdoren objektet fetare dhe feja për marketing politik.

    Ndërkaq, BFIM nuk dëshiron të komentojë asgjë në lidhje me këtë. “BFI nuk komenton asgjë. Ato janë fushatë dhe le të bëjnë ç’të duan. Ne nuk komentojmë asgjë”, tha Afrim Tahiri, sekretar i BFIM.

  • per Zotin, duket krejt i pavend si shkrim… po hajt mo, e mira (edhe e keqja) eshte qe tani do fillokan te bekan rolin e hoxhallareve edhe politikanet

  • Pse keni kaq qejf me i mbrojt keta politikan, nuk e mar vesht?! Po keto jan armiq te Islamit, dhe kete gje e din edhe jomuslimanet! Keto jan kukulla te perendimit dhe kundershtar te rrepte te Sheriatit! Politikanet jane nga njerezit me moralin me te ulet ne rruzullin tokesor dhe ne si musliman duhet me bo kujdes me keta munafik…!

    • ti duhet te jesh dijetari mo i modh ne rruzullin tokesor per keta 250 vjet qe vendos perballe nje koncept ligjor (Sheriatin) dhe nje koncept gjeografik (Perendimin), aq me teper qe vendimet sheriatike kam pershtypjen se deri dje ka patur nje liri me te madhe per t’i zbatuar ne Perendim.

      shto ketu pastaj qe thua se politikanet kane apriori moralin me te ulet, gje qe vetem e ti e di se ku bazohet.

      po nejse, sporti i futbollit dhe i tifozllikut kohet e fundit ka hy e osht ngatarru shpesh me fene

      • Ju lutem tregohuni te kujdesshem ne ate qe thoni. Hoxhe Nekiu nuk ka mbrojt asnje politikan. Ajo qe ka thene hoxha, nese ke pas vullnetin me e lexu me vemendje, eshte se, Ali Ahmeti ka vepru gabim, por kjo nuk e ben ate qafir. Pasi kritikon Ali Ahmetin, hoxhe Nekiu ka kritiku gjithashtu ata qe e kane bere qafir, pasi kjo fjale eshte e rende dhe nuk i ka hije muslimanit, per me teper kur ne ate qe ka thene Ahmeti, une personalisht nuk shoh asgje per kufer.
        Nese ti mendon se politikanet jane armiq te Islamit, kjo me duket shume e ekzagjeruar, pasi duhet me fol me fakte dhe jo me hamendje. Por edhe sikur te jete keshtu sic thua ti, kjo nuk do te thote qe te mos i japim hakun dhe te mos kritikojme kur akuzohen me te padrejte.
        Perpiquni te gjykoni me drejtesi, maturi dhe seriozitet e jo me nxitim, pasi nxitimi eshte prej shejtanit!

        • Herezia dhe apostazia (pra, pak a shume, bidati dhe kufri) jane dy gjera te ndryshme, ndonese e para shpie tek e dyta. Nese nje hoxhe si Bekir Halimi, i njohur per erudicion, devocion e moderacion (meqe po perdorim llafe latini), ka thene ‘herezi’, besoj se edhe fjala edhe thenesi i saj shpjegojne qarte kuptimin: behet fjale per nje qortim per bidatin, dhe jo per nje ekskomunikim (tekfir) te Ali Ahmetit. Prandaj nuk shoh pse duhet diskutuar nese eshte apo jo qafir Ali Ahmeti, pasi askush nuk me duket ta kete thene kete. Herezia shpie drejt apostazise, po nuk eshte e barabarte me te.

          Interneti mundeson kapercime te kontekstit, po nuk besoj se eshte mire qe nje hoxhe nga Shqiperia te shkoje e te korrigjoje vendime te marra nga nje hoxhe nga Maqedonia, per arsye se gjithsesi, kontekstet dhe interesat nuk jane te njejta, si dhe nuk ka asnje urgjence apo domosdoshmeri jetike te nderhyhet nga Tirana ne nje debat te brendshem te Shkupit. Iluzioni i afersise apo njesimit qe jep interneti apo TV-ja nuk duhet te na beje te harrojme se punet dhe gjerat e kane ende nje permase dhe histori lokale dhe keshtu cdo myfti flet per publikun e tij, jo per cdo lloj publiku. Edhe sikur te jete gabim ajo cka eshte thene per Ali Ahmetin, Maqedonia ka mjaftueshem hoxhallare qe te mund t’i japin pergjigje gabimit ne vendin e tyre. Nese hoxhallaret e Kercoves do nisin te korrigjojne nga larg ata te Kavajes (kur Kavajes mund t’i jape xhevap Kruja komshije, fjala vjen), vetem kaosi do shtohet, besoj.

          Gjithsesi, mendimi i mire qe kemi per hoxhe Nekiun, na shtyn te besojme se ndoshta situata eshte paraqitur e tille, sa qe kjo nderhyrje t’i jete dukur me vend, pra e domosdoshme, e tille qe e ka bere me borxh te thote fjalen e tij e t’i pergjigjet nga larg, me etike e pergjegjesi, kolegut te vet Halimi.

          Zoti i madh i ruajte te dy e i udhezofte tek me e mira.

          • E gjykoj me vend te sqaroj se, kur autori ka sjelle shkrimin ne blogun tone, as ai e as ne nuk dinim se cilet hoxhallare kane mbajtur qendrimin kundra Ali Ahmetit. Hoxhe Nekiu me ka sqaruar me vone se ne kete qendrim qenka perfshire edhe Bekir Halimi (i cili duhet thene se gezon tek ne, respekt te thelle,) por ai e ka shprehur reagimin e tij pa u interesuar per emrat e hoxhallareve qe jane shprehur kunder Ali Ahmetit, por duke mbetur tek qendrimi i tyre.
            Qendrimi i Hoxhe Nekiut, ka ardhur, i kerkuar nga nje media shqiptare ne Maqedoni. Ai, ka qene ne dijeni te reagimeve te disa hoxhallareve, dhe shkrimin e ka bere, pasi eshte njohur me keto qendrime si dhe me fjalet e Ali Ahmetit, por pa u ndalur tek emrat e hoxhallareve qe jane shprehur kunder tij. Menjehere pas hartimit te shkrimit, nje kopje e ka nisur per e-zanin, ndersa nje variant tjeter e ka derguar per web-in zhurnal.mk ne Maqedoni. Qendrimi ka ardhur duke gjykuar se akuzat ndaj z. Ahmeti mund te prodhojne polarizime te demshme, dhe per kete arsye, shkrimi synon te zbuse qendrimet.
            E bera kete nderhyrje, per te sqaruar (ashtu sic besoj edhe vete) se hoxha i nderuar nuk ka pasur asnje qellim ndaj kolegut te tij Halimit, sic mund te kuptohet nga komentet ketu. Kritika nuk i eshte drejtuar atij personalisht, por qendrimit te mbajtur ne pergjithesi, pa u njohur me emrat konkret te cilet e kane mbajtur kete qendrim.
            Ne te kundert, rikonfirmoj respektin me te thelle per te dy imamet Kaloshi dhe Halimi, ne pavaresi prej qendrimit ne ceshtjen konkrete. Gjykoj qe, ne pavaresi se nga anon peshorja e te drejtes, jemi qenie qe gjykojme, mendojme dhe jetojme ne menyra te ndryshme, dhe, edhe nese gabojme, nuk ka asnje arsye per tu luhatur ne vleresimin dhe respektin e gabuesit. Nuk mendoj se vlen gjithmone afersia lokale per te gjykuar drejt ne ceshtje te tilla. Ka raste kur zera me te larget, jane me te kthjellet, per vete faktin se jane me te paprekur nga nxehtesia e problemeve te perditshme, keshtu qe, mendoj se nderhyrja e imam Nekiut, ne parim, eshte e mireseardhur (qofte edhe e manget ne informacion), pa zbehur kjo asgje, ne vlerat e imam Halimit.

            Shpresoj ne mirekuptimin e te gjitheve!

  • KLS, un nuk jam dijetar.Por jam nje musliman gjynahqar qe perpiqet te ndjek Kurani dhe Sunetit ashtu sic duhet… Po ti KLS cfar je avokati i politikaneve qe te djeg kaq shum kur un them qe jan nga njerezit me moralin me te prishur se i kam par vete… Disa njerez qe mirartojn ligje per homoseksualitetin, mos te duken njerez te devotshem ty?! Dhe mos te permendim gjera te tjera tani…! Nqs ke dicka fol hapur dhe mos i bjer nga Kina! O DALAN te thuash qe Namazi, agjerimi, zekati, haxhi nuk te fusin ne xhenet kjo eshte kulmi o vlla! Dhe te tallesh me fene e Allahut duke bere me qesh njerezit osht shum e rende! Dhe kjo nuk eshte hera e pare qe ky politikan e ben kete gje! Me vjen me qesh kur thua qe politikanet nuk jane njerezit qe e luftojn me shum Islamin! A nuk jane keto njerez qe dergojn ushtar per te luftuar vellezerit tane ne Lindje?! Antaresimi ne parti politike ka te beje ngushte me besimin dhe ju e dini se cdo te thote besoj?! Betimi ne kushtetuten qe ato kane, vendosja dhe gjykimi me ligjet e kufrit besoj se e dini ku te shpie?! Po pse mezor doni ti mbani njerezit ne fe?! Ku e keni mare kete fetva qe lejohet me mar pjes ne parlament, me nje program “Demonkratik” sic ka partia e ali pisit dhe partit e tjera???

    • Or njeri, mos fol qesim. Ketu nuk po flasim as per anetaresim ne parti, as per programe elektorale. Po flasim per Ali Ahmetin. Hoxha me lart ka sqaruar, me argumente shume te qarta se, ne fjalet e Ali Ahmetit nuk ka kufer. Pasazhi ku kapesh ti nuk ka fare lidhje me kufrin. Nuk shoh askund qe Ali Ahmeti te kete thene se namazi, agjerimi, haxhi dhe zekati nuk te fusin ne xhenet, por ajo qe ai ka thene, eshte se te gjitha keto nuk mjaftojne te hyre ne xhenet, nese njeriu nuk ben pune te mira prej te cilave kane dobi njerezit.
      Mos u ngut per te dale kaq kollaj ne perfundime kaq te renda, sepse gjuha e pa fre eshte bela e te zot’ dhe futesh ne merine e Zotit pastaj pa pas nevoje, me injorance e papjekuri.

      Nje problem tjeter tek ty eshte se ti barazon “vellezerit” ne vendet arabe me Islamin. Nese politikanet dergojne trupa paqeruajtese ne Afganistan, kjo nuk eshte lufte kunder Islamit. Mund te thuash se kjo eshte e gabuar, eshte nje politike servile apo se eshte e demshme, kjo eshte ceshtje kendveshtrimi, por nuk mund te thuash se dergimi i trupave ne keto vende eshte lufte kunder Islamit. Nuk di qe trupa shqiptare ne Afganistan te kene ndaluar ndokend te falet, apo te kene shkaterruar ndonje xhami. Trupa te tille kane derguar edhe vende muslimane, si psh. turqit, por nuk thote kush se ata po shkojne te luftojne kunder Islamit, ne Afganistan, Irak, e gjetke.

      E treta, gjykimi me “ligjet e kufrit” qe thua ti eshte nje mit ne mendjen e ceket te dhahiristeve siperfaqesore e injorante ne Shqiperi e kudo. Ky “ligji i kufrit” qe thua ti, lufton trafikimin e droges, grave, femijeve, denon kriminalitetin, dhunen, shpifjen, shtypjen, mbron lirine, dinjitetin njerezor, te drejtat e individit, garanton rendin, institucionet, etj. Nese ti je kunder ligjeve qe kane keto qellime, bravo te qofte!

      E fundit, askush ketu nuk ka thene me marre pjese ne parlament, as me nje program “Demokratik”, e as me program “Diktatorial”, madje as me program “Sheriatik” (ndonese edhe sikur ta kishim bere, c’problem ka?). Keshilla e hoxhes ketu eshte, te mbajme gjuhen e te mos i themi tjetrit qafir, kaq sebes.
      Mendohu mire kur kundershton e akuzon te tjeret, se del bllof kot!

    • Shume bukur! Ti nuk paske kuptu asigjo nga komenti im, dhe thjesht vazhdon te flasesh per gjera qe nuk te takojne.
      Kurani dhe Suneti dhe fjalet e dijetareve jane krejt te qarta ne ndarjen e asaj qe mund te themi ne njerezit e thjeshte dhe asaj qe mund te thone trashegimtaret e Profetit, qe jane dijetaret: nga fjalori, ti dukshem nuk je nga keta te fundit por je, si puna ime, nga njerezit dhe besimtaret e thjeshte, dhe si i tille duhet te jesh paksa me i perulur ne fjale dhe jo kaq definitiv ne formulime publike, qofte edhe kur i ben pa emer e mbiemere e adrese, sidomos per gjera qe nuk jane definitive (se ne shkrim nuk thuhet qe abdesi vlen dhe me ujin e Lanes). Autori i shkrimit, me sa dime, eshte hoxhe i nderuar dhe ka bere nje arsyetim qe, fundja fundit, e ka per detyre ta beje, dhe me sa lexojme ka perdorur ajete Kurani, hadithe nga Suneti dhe fjale nga dijetaret. Kurse une e ti mund te themi publikisht se “nuk jemi dakord” per aksh e aksh arsye, por me gjuhe shume te thjeshte dhe te perulur dhe duke kerkuar ndjese, dhe te shtojme se Zoti e di me se miri, dhe ndoshta mund te marrim nje pergjigje sqaruese nga hoxha ne fjale. Por ama keshtu, vella, duke ia perplasur deren fytyres hoxhes, jo vetem qe hoxha s’na begenis, po madje mund te meritojme dhe ndonje dacke kokes, njesoj si nxenesit e keqinj ne klase te pare a te dyte.
      Ne lidhje me politikanet tani: mos iu fut atij muhabeti se ka dhe me keq se c’ke pare ti, por ama meshira e Zotit mund te shfaqet edhe ne formen e politikaneve, ndoshta jo sot, dhe kjo gje ka ndodhur dhe ne vende te tjera muslimane si Shqiperia, se politikani, qe thu ti qe s’na the asgjo, eshte profesion, s’osht grade ne xhehenem, amo ke i fare te drejte se si profesion eshte nga te paktit qe mund te morish dynjon m’qafet.

      selam e me te mira e Zoti te rujt

  • Duke lexuar shkrimin e fundit te admin po kuptoj shume gjera ne lidhje me patericen e politikes Neki Kaloshi, i cili me sa duket nga shkrimi qenka nje vegel e politikes te cilin e perdor ne momente te veshtira siç jane tani politikanet e Maqedonise, pas ngjarjeve te ushtrimit te dhunes dhe arrestimeve qe po bejne maqedono-shqiptaret te cilet po udheheqin sot Maqedonine, madje ka dhe nje motiv tjeter, se pikerisht tani eshte edhe koha e zgjedhjeve e cila u ngroh xhepat, pasi u ka munguar kjo ngrohtesi prej me shume se kater kater vjet. Falenderimi i takon vetem Allahut qe doli e verteta nga fjalet e tua si adminitrator i blogut E-zani i nalte. Lexojeni çthote vete admin
    Qendrimi i Hoxhe Nekiut, ka ardhur, i kerkuar nga nje media shqiptare ne Maqedoni. Ai, ka qene ne dijeni te reagimeve te disa hoxhallareve, dhe shkrimin e ka bere, pasi eshte njohur me keto qendrime si dhe me fjalet e Ali Ahmetit, por pa u ndalur tek emrat e hoxhallareve qe jane shprehur kunder tij. Menjehere pas hartimit te shkrimit, nje kopje e ka nisur per e-zanin, ndersa nje variant tjeter e ka derguar per web-in zhurnal.mk ne Maqedoni. Qendrimi ka ardhur duke gjykuar se akuzat ndaj z. Ahmeti mund te prodhojne polarizime te demshme, dhe per kete arsye, shkrimi synon te zbuse qendrimet.

    • Kete pacavuren qe ke shkruar parimisht duhet ta kisha fshire, por me shprese se do reflektosh sado pak po e lejoj te postoj, por nese e riperserit, patjeter qe nuk do te ta lejoj me.
      E para, fetarisht hamendesime te tilla, dhe dalja ne konkluzione e ne bindje duke u bazuar thjesht ne hamendesime, nuk eshte gje tjeter, vetem se haram. Profeti na ka udhezuar t’u largohemi hamendesimeve dhe te mendojme gjithmone per mire, aq me teper kur keto hamendesime i kemi krejtesisht pa baze. Mbi te gjitha, kapercimet logjike te tuat pa lidhje, nuk bejne gje tjeter vetem se tregojne mjerimin intelektual te atyre qe merren me dallavere si keto te tuat.
      Askund me siper nuk thuhet se qendrimin hoxhes ia ka kerkuar ndonje politikan, por ia ka kerkuar nje media, me sakt nje faqe interneti qe quhet zhurnal.com.
      E dyta, cfare problemi ka qe nje media (ku punojne njerez qe mund te kene edhe njohje personale me hoxhen), i kerkojne atij nje prononcim mbi gjykimin fetar te nje ceshtjeje si kjo? Cfare ka per te dyshuar ketu? Natyrisht, mediat ate pune kane, te shtojne zerat qe prononcohen per probleme te ndryshme dhe normalisht nuk ka arsye perse nje hoxhe ta refuzoje kete.
      Te dalesh prej ketej ne hipoteza qe sipas teje “vertetojne” lidhjen e hoxhes me politiken, e aq me teper, te permendesh edhe para ne xhepa anonime, eshte nje absurditet krejt ne ajer. Nese ke dy pare besim te sinqerte tek Zoti, pyete zemren tende: A je vertete i sigurt per keto qe thua? Nese e verteta nuk eshte keshtu, a nuk mendon se e ke ngarkuar veten me nje mekat te madh, per te cilin do te pergjigjesh perpara Zotit?
      Se fundi, gjithcka qe ka thene hoxha eshte e drejte. Prej kendej, c’kuptim ka te kerkojme konspiracione hipotetike mbi lidhje apo qellime te fshehta te hoxhes, kur ajo qe po thote eshte e sakte? Nese ai thote te verteten, cfare dreqin te shtyn te hamendesosh duke dale ne perfundime mbi nijetin e tij, per me teper duke hyre ne gjynaf kot?
      Fundja e fundit, perse te mos bejme te njejten pyetje per ty? Po ti me cfare skuthlleqesh merresh qe vjen ketu te hedhesh balte nga anonimati mbi nje hoxhe te nderuar e rrespektuar? Kur ti e ben kete mbi nje njeri qe mbron te verteten, duke dale hapur e publikisht me emer e mbiemer, perse te mos e mendojme kete per ty qe mbron te shtremberten? Perse te mos mendojme se je ti qe merr para nga politikane opozitare me Ali Ahmetin dhe, per te mbrojtur interea te tilla, akuzon te tjeret per ate qe e ben vete? A e kupton sesa qesharak eshte ky lloj diskutimi?

  • Your email address will not be published. Required fields are marked *