shkollaE-zani

Ideja e futjes së lëndëve fetare në shkollat publike ka kohë që vërtitet në mendjet e muslimanëve, duke u parë si një shpresë për përhapjen e fesë. Artikuj të shumtë, takime, tryeza, seminare janë zhvilluar për këtë çështje, duke shpresuar se kjo është një gjë që, së afërmi, mund të bëhet realitet. Kjo temë është trajtuar gjerësisht në blogun tonë, duke u kushtuar hapësirë mendimeve të larmishme. Në fakt, mendojmë se kjo temë është mjaft komplekse dhe, duke e parë më hollësisht, do të bindemi se kemi të bëjmë me një ndërmarrje që, edhe nëse na e mundësojnë, do ta kemi mjaft të vështirë t’ia dalim me sukses.

Angazhimet e Muslimanëve

Gazeta lokale «Mendimi», organ i Forumit Intelektual Musliman, që vepron në qytetin e Elbasanit, na bën me dije se ky forum organizoi një takim për këtë çështje, ku morën pjesë edhe politikanë e përfaqësues të qeverisë si z. Ardian Tana  zv. Ministër i Arsimit, z. Aurel Bylykbashi deputet, z. Rasim Hasanaj Kryetar i Komitetit të Kulteve etj. Ata diskutuan me përfaqësues të disa OJQ-ve muslimane si Forumi Musliman i Shqipërisë,  Shoqata Miqtë e Dijes,  Qendra e Zhvillimit Kulturor të Gruas,  Qendra “Future for You” si edhe pedagogë  e  mësues të qytetit të Elbasanit.

Gazeta raporton:

«Referuesi  kryesor i këtij takimi  deputeti i Kuvendit të Republikës së Kosovës  dhe Kryetar i Komisionit për Liritë Fetare në Kosovë  z. Amir Ahmeti  tregoi për fazat e zhvillimit të instalimit të lëndës fetare në shkollat publike në shtetin e Kosovës dhe dha këshillat e tij për realitetin shqiptar, të cilat i morën përzemërsisht  dhe me seriozitet e përgjegjshmëri të lartë  përfaqësuesit e shtetit shqiptar.»

Gjithashtu, në gazetën Drita Islame Sekretari i Përgjithshëm i KMSH-së Ali Zajmi kishte një artikull të posaçëm në mbrojtje të idesë së përfshirjes së lëndës fetare në sistemin arsimor publik. Në fakt, nuk është se ka shumë kuptim që në një gazetë që i drejtohet një lexuesi musliman, të ofrosh argumente për nevojën e fesë në shkollë. Ky diskutim do të kishte vlerë të zhvillohet në shtypin masiv (por këtu KMSH-ja nuk ka takat të përballojë debatin). Megjithatë, në pak fjalë argumenti i z. Zajmi mjaftohet me përmendjen e faktit se një pjesë e mirë e vendeve perëndimore e zhvillojnë një lëndë të tillë, pa na treguar aspak nëse kontekstet e tyre përputhen me realitetin shqiptar.

Z. Zajmi shprehet:

«Mendoj se është për t’u marrë në konsideratë fakti që gjatë gjysmëshekullit të kaluar vendet e Evropës Lindore që u treguan më të ashpër dhe përjashtues ndaj fesë, ngelën shumë mbrapa edhe në politikë, kulturë, teknologji ekonomi etj. Ndërsa perëndimi, me në krye SHBA, që besimin në Zot e shprehu deri në zemër të materiales, të shkruar mbi dollar, mori frymë më lirisht edhe në “fakultetet” e tjera të jetës.»

Shamitë, përpara lëndëve fetare

Përtej dëshirës së mirë të Forumit Intelektual Musliman, dhe pa dashur të vemë në dyshim përzemërsinë e zotërinjve nga politika, na duhet të vemë në vëmendje se Ministria e Arsimit, ashtu si shumë institucione shtetërore e joqeveritare, nga pozita dhe opozita në Shqipëri, nuk ka seriozitetin dhe sensibilitetin e nevojshëm për të marrë vendime të tilla, kaq delikate dhe aspak të lehta në realitetin ku jetojmë. Kjo temë është mjaft e mprehtë dhe kërkon një trajtim tepër të gjerë e të specializuar, gjë që kërkon kapacitete që ministria nuk i ka, edhe sikur të dojë. Pikë së pari, ministria nuk ka të qartë as llojin e sistemit edukativ që kërkon të ofrojë për qytetarët, e jo më, të përfshijë fenë në këtë sistem, ku kërkohen, jo vetëm njohuritë e nevojshme fetare, të hartuara në përputhje me kërkesat didaktike, të aktualizuara me realitetin shqiptar, por kërkohet edhe një armatë e tërë kuadrosh që do të duhet të shërbejnë si mësues të lëndëve të tilla, të cilët, edhe ata nuk ekzistojnë.

Për të mbështetur këtë që po themi, na duhet të kujtojmë se Ministria e Arsimit hartoi, jo më shumë se dy vjet më parë, një ligj ku ndalonte vajzat me shami të frekuentojnë shkollat, ndaj nuk mendojmë se ka ndonjë vullnet të madh për të ndihmuar muslimanët në këtë aspekt. Atëherë, pati një takim me krerë të lartë të KMSH-së në lidhje me këtë ligj, të cilëve iu premtua se nuk do të miratojnë një gjë të tillë, dhe se gjithçka ishte një sajesë e mediave (ndaj të cilave KMSH, bëri edhe një deklaratë të ashpër), ndërkohë që pak kohë më pas, vetë Ministri i Arsimit deklaroi se vërtetë shamitë do të ndaloheshin. Pas një reagimi të madh nga muslimanët, kur KMSH nuk lëvizi as gishtin, por u detyruan 76 xhami të dalin në deklaratë për shtyp, ministria u tërhoq, duke eleminuar nenin që do të ndalonte shamitë. Por megjithatë, siç deklaroi edhe vetë ministri Myqerem Tafaj, aktualisht në shkollat publike shqiptare nuk ka asnjë vajzë me shami. Pra de fakto, vajzat me shami nuk lejohen në shkolla. E gjithë kjo të bën të mendosh se, vështirë që ministria ta ketë seriozisht, një temë shumë herë më të vështirë si kjo e lëndëve fetare.

Feja në shkollat liberale

Gjithashtu, Ministria e Arsimit nuk ka aspak në plan një model edukimi konservator që të përfshijë fenë në kurrikulat e saj. Në shkollat shqiptare, jo vetëm që organizohen spektakle dhe aktivitete ku fëmijët kultivojnë sjellje ekstremisht liberale dhe në mospërputhje me standardet më elementare edukative (sfilata, party, ku promovohet kultura e pub-it, qejfit dhe jetës hedoniste), por edhe vetë procesi mësimor kultivon vlerat e liberalizmit radikal. Pikëpamjet e feminizmit radikal, kulturës së lirisë seksuale, janë tashmë të përfshira në shkolla nëpërmjet edukimit liberal (por edhe promovimit të përdorimit të mjeteve kontraceptive, të cilat iu përcjellin, nën zë, të rinjve mesazhin e lejimit të seksualitetit të parakohshëm), teksa pritet të përfshihen edhe tekste që mohojnë rolet gjinore (ku supermeni u shfaqet fëmijëve si nje amvise e mirë shtëpie me fshesë korenti), si dhe pjesë të kurrikulës që mbrojnë pikëpamjet e axhendës gay, në lidhje me familjen shqiptare.

Të gjitha këto, janë në kontrast të plotë me edukatën që lënda fetare kërkon t’u japë të rinjve, gjë që, edhe sikur të pranohet, do ta bëjë krejtësisht të dështuar këtë projekt. Përfshirja e një projekti të tillë do të sillte përplasje të mëdha, të cilat kuadrot e mësimdhënies fetare nuk mund ti përballojnë. Në këtë polaritet, nxënësi do të dyzohet midis dy ekstremesh, ku natyrisht morali fetar do ta ketë të vështirë të triumfojë përballë një mijë e një çengelave dhe paragjykimeve që e ftojnë në kahun tjetër, gjë që mund të prodhojë efekte të kundërta. Nga ana tjetër duhet të pranojmë se nuk kemi aspak kuadro të përgatitur, jo vetëm për të qenë mësues të mirë të lëndës, por aq më pak, të përgatitur për të ofruar përgjigjet dhe orientimet e duhura të rinjve, në lidhje me dilemat që krijohen në kushtet moderne të jetesës.

Për këtë arsye, mendojmë se, mirësjellja korteziale e tryezave të tilla, aq më tepër në kohë fushate, është një lugë bosh që nuk na ngop dot. Nëse duam të bëjmë punë me Ministrinë e Arsimit, le të hartojmë fillimisht projekte që synojnë të stimulojnë një sistem arsimor që adreson problemet e modernitetit, duke promovuar një kulturë konservatore, ku shkolla të paktën nuk stimulon liberalizmin radikal dhe ç’edukimin e fëmijëve dhe të rinjve. Le të aftësohemi edhe vetë për t’i trajtuar me gjuhën e duhur probleme të tilla, të formojmë individë të emancipuar ndaj tyre, si dhe hoxhallarë të aftë për t’i njohur e trajtuar ato, nga aspakti i dijeve sociale. Vetëm pas kësaj do të mund të kemi potencialet minimale për të shpresuar në vënien në jetë të këtij projekti.

Nga ana tjetër, Komuniteti Musliman nuk duhet të ofrojë retorikë, por racionalitetin e nevojshëm për të kuptuar komplikueshmërinë e këtij procesi. Kjo iniciativë ka nevojë fillimisht për një njohje të gjerë të realitetit të të rinjve shqiptarë, dhe për një bilanc mbi mundësitë tona për t’iu përgjigjur me mësues të aftë për të trajtuar dilemat e të rinjve. Duhet të dijmë se, në një vend ku kemi përqindje të jashtëzakonshme të aborteve tek gjimnazistët, për shkak të shtatëzanisë së padëshirar që vjen nga seksualiteti i parakohshëm, në një vend ku fëmijët edukohen nga MTV dhe BIG BROTHER, është shumë e vështirë të jesh i suksesshëm me mësues që vijnë të formuar nga kontekste kulturore krejt të tjera, siç janë një pjesë e mirë e hoxhallarëve shqiptarë. Në këto kushte, kjo iniciativë do të ishte një nxjerrje sysh, në tentativë për të vënë vetulla.

 

Tags: , , , , , , , ,

 

31 Comments

  1. hahaah says:

    Nuk eshte blogu i dajes

    • admin says:

      Kemi vite qe e degjojme kete refren, qe sa here themi ndonje te vertete, riperserisin poemen e veprave, duke na akuzuar per llafollogji. Kjo logjike eshte po aq kot, sa dhe vete fakti qe ti po ben ketu, te njejten gje per te cilen na akuzon: llafe. Nese e ke vene re, pozicioni yt ketu i bie te jete “ferre”, njesoj si ajo per te cilen po na akuzon se ua bejme te tjereve.
      Kaq, besoj mjafton.

      • d says:

        Sipas teje keta po e kerkojne te drejten pa qene gati?! Me i llaf, ne e kerkojme i here ket pune, se deri atehere kur te na e japin, inshallah (kismet Zotit) do jemi gati?!
        Peshku ne det, tigani ne zjarr!
        Ti ke te drejte te mendosh ca te dush or vlla, por nuk shkon kur vjen e ben cinikun ketu. Ska kuptim me shajte Ezanin vetem se po na thote nje te vertete qe e pranoke edhe vete: qe keta nuk jane pjek akoma per kete pune, por po e kerkojne para kohe.

        Nejse, dy gjona doja me kuptu prej teje!
        1. Ku ndahen keto licencat per me u bo konsulent i mire?

        dhe

        2. Cfare kupton ti me empirizem?
        :P

    • hihihi says:

      Dhe me gallata ketu eshte qe personazhi me siper, i fut nje te qeshme te sforcume, nje e qeshur teknike e strategjike, per te krijuar efektin negativ ne syte e lexuesve. :)
      Kjo po qe eshte per te qeshur.

    • Dianet says:

      Problemi imediat i ketyre nismave eshte se behen ne fushate elektorale Edhe nje debil kronik do ta kuptonte se qeveria (e vetme ne kete takimin e fundit) po leshon indulgjenca majtas djathtas vetem per te mbledh nje dore vota me shume. Paralelisht, e njejta dore perkedhel gejt dhe pak minuta me pas disa muslimene, per t’iu rikthyer me me lezet perseri gejve etj. E di se justifikimi do te jete ai standarti, qe duhet provuar nje here, por ju harroi qe me heren e trete, pa dilemen tradicionale ketu, quehesh “ashtu”.
      Edhe diçka tjeter ketu. KMSh dhe aktoret e tjere ketu duhet njehere e mire te qartesojne bindshem se ciles shkolle te Islamit i perkasin, cilat tekste ndjekin me rigorozitet. Por perpara se te qartesojne kete duhet qe kete proces ta udheheqin hoxhallare skrupuloze e te sinqerte qe inspirojne njerez, e jo karikatura si Selimi, Zaimi, Gurra, Kruja, Aga dhe kompania, qe jane vetem percjelles te ashures made in tyrkie.

  2. F says:

    Ka patur dhe nje artikull tjeter ketu rreth kesaj ceshtjeje

    http://www.e-zani.com/2012/05/07/mesimi-fetar-ne-shkollat-publike/

    • hulumtusi says:

      Nuk ka kontradikte ketu, edhe ne shkrimin e sotem parimisht kerkohet qe paraprakisht te ndiqen politika qe perafrojne sistemin arsimor me projektin e lendes fetare me zgjedhje. Ne fillim KMSh dhe Forumi duhet ti ktheje burrnine Superman-it duke ja thy me lopate fshesen e korentit, pastaj t’i tregoje femijve se cila eshte “ruga e drejte”. Perpara se t’i mesoje femijve se cili eshte koncepti i teuhidit, te carmatose Abetaren per femijet e sotem nga “Zemra e Nene Terezes”. Perpara se t’i mesoje femijet e ardhshem se cili eshte Ademi as, te qartesoje bindshem ne tekstet aktuale, per keta femije e sotem figuren e خاتم الأنبياء

  3. Salasalasalasalasalasalaiooo says:

    Ironia ( nese nijetin ketu e ke te tille) eshte e mejerueshme. Hidh ndonje fjale me teper te shohim se si e argumenton ironine tende ne restin konkret.

  4. F says:

    Kjo ishte per tu shenuar ne ndonje liber citatesh: mos u merni me llafe po beni ndonje simpozium… O I qeshuri, ke qene ndonje here ne ndonje simpozium ti?

  5. ihaha says:

    Mos harro se sa aktivitete behen keto kohe, Ezani duhet te kete nje redaksi me 40 veta per te bere mbulimin dhe analizimin e ngjarjeve.

    E vleresojme repliken, por ca njerez kaq duan dhe prandaj le t’i permbahemi temes, pasi besojme qe eshte mjaft aktuale dhe me rendesi.

    me respekt

  6. admin says:

    Shiko, se je duke e trash muhabetin ne menyre shume bajate. Te parashtrova disa argumente mbi faktin qe logjika jote eshte e gabuar. Nese ke pergjigje per to, shprehu, por, nese vjen ketu te merresh me autoret e shkrimit e jo me ate cfare thote ai, duke terhequr vemendjen nga tema, nuk kam ndermend te te vi pas avazit.
    Te besh shkrime, nuk eshte hic e thjeshte, sepse duhet me qene i ditur ne ate qe shkruan. Secili prej nesh, ka bere nga nje barre shkolle, e ka lexu i qerre me libra per te ardhe deri ketu, ndryshe nga shume prej aktivisteve, si ata qe mbron ti, nuk kane pere asnje dite gjimnaz. Po nejse, ti dukesh qe per vete nuk e ke kusht dijen per ate qe thua, ndaj dhe nuk e kupton kete. Mbi te gjitha, ndryshimi thelbesor ne kete mes eshte se keta analfabete qe ti i quan milingona, jane sot te punesuar ne fe dhe paguhen pikerisht per faktin se nuk dine te bejne gje tjeter ne jete pervec se te luajne shoqatash, ndersa ne gjinkallat e E-zanit, e kemi me shpirt kengen tone dhe madje shpenzojme per “zhurmen” qe bejme.
    Nuk e kuptoj se cfare kurajo ke per te gjykuar njerez pa i njohur (ti nuk ia ke idene me cfare merremi ne, mbi studimet qe merremi, mbi punet qe bejme, – me te cilat mbajme familjet, – apo edhe mbi angazhimet tona vullnetare ne fe), por fundja kjo tregon nivelin tend e asgje tjeter.
    Sidoqofte, te rikujtoj edhe njehere se tema e diskutimit nuk eshte “si e kalojne kohen adminet e E-zanit”, por cfare takati kemi per te futur lendet fetare ne shkolla. Nese ty te duket me e rendesishme te diskutosh per E-zanin sesa per lendet fetare ne shkolla, te falenderoj per vleresimin.

  7. Sazan says:

    Ali Zajmi ia fut kot. Europa nuk u zhvillua per shkak te zbatimit te fese, por perkundrazi, ajo u zhvillua kur europianet ia kthyen shpinen fese. Te dhenat statistikore tregojne se rikthimi i vemendjes nga feja ka filuar vetem ne fund fare te shek XX dhe ne fillim te shek XXI, nje periudhe pasi Europa e kish marre me kohe zhvillimin. Periudha e parajses ekonomike eshte deri ne vitet 70 kur feja nuk kishte kete influence qe ka sot. Nese i hedhim nje sy historise se lindjes dhe perendimit, autore te ndryshem thone se, teksa muslimanet u rrenuan kur lane Islamin, te krishteret u zhvilluan kur e lane krishterimin. Paralelizmi nuk funksionon gjithmone dhe kushte te vecanta japin rezultate te vecanta.
    Kjo nuk do te thote se krishterimi pengon zhvillimin, por se zhvillimi i Europes ka qene nje proces i pavarur nga feja e tyre.
    Por Zajmi i pret shkurt muhabetet se nuk mendon dot me gjate dhe prandaj ofron argumenta te dobet. Me keto argumente dalim aut fare ne nje debat ne media. Prandaj, shyqyr qe keto i shkruan tek Drita Islame e nuk shkon me larg.

    • E. says:

      «Mendoj se është për t’u marrë në konsideratë fakti që gjatë gjysmëshekullit të kaluar vendet e Evropës Lindore që u treguan më të ashpër dhe përjashtues ndaj fesë, ngelën shumë mbrapa edhe në politikë, kulturë, teknologji ekonomi etj. Ndërsa perëndimi, me në krye SHBA, që besimin në Zot e shprehu deri në zemër të materiales, të shkruar mbi dollar, mori frymë më lirisht edhe në “fakultetet” e tjera të jetës.»

      Ketu mendoj se autori mundohet te veje ne dukje se s’ka te beje distancimi absolut nga fete ose laicizmi i tepruar me zhvillimin. Nje besim te tille e kemi, mbase si dhurate e sistemit te meparshem, e cila eshte skalitur thelle. Kudo ka nje besim se shkenca dhe feja jane armike te njera tjetres. Per ta arritur kete kane punuar shume, me gjithe ato libra qe tregonin injorancen dhe kriminalitetin e klerit, si dhe me menyra tjera. Keto e kane bere punen e vet dhe sot kemi nje vend te prapambetur dhe injorant (ne sensin e shkollimit persembari) qe eshte i sigurt vetem per nje gje, qe feja te kthen mbrapa, dhe qe sa me shume te largohemi nga besimi, xhamite dhe Zoti, aq me shume do ecim perpara.

      Z. Zajmi ketu shprehet qe ndoshta ka nje fare dometheniet perparimi i perendimit qe nuk kompleksohet nga feja dhe e ben presidentin te betohet mbi Bibel psh, dhe nga ana tjeter prapambetjen dhe egersine ne disa aspekte te ish vendeve sovietike psh. Nje besimi te pabazuar dhe ne ajer si ky i ish komunisteve, mund ti pergjigjesh me kundershembuj, nuk eshte se do ndonje mund te madh.

      Z. Zajmi nuk ka thene asgje qe pretendon ti. Ato gjera qe thua i pranojme keshtu ne pergjithesi te gjithe, besoj edhe z. Zajmi. Prandaj, kot ja fut ti, ndoshta i ngutur nga dashakeqesija jote. Kjo e fundit mund te argumentohet me shprehje talljeje dhe percmimi si ‘nuk mendon dot me gjate’, krejt te panevojshme nqs do te shprehesh mendimin tend dhe jo te nxjerresh mllef a hakemerresh per kush e di se cfare.

      Adminet qe fshijne me te drejte budalliqet karshi tyre, qe s’i lexuam por i imagjinojme meqe kemi lexuar tjera, mund te fshijne ofendimet karshi ca njerezve tjere, si ai i palacos qe quan ‘karikatura’ 5-6 muslimane me radhe.

      • Palacio (ish Dianet) says:

        Qe jane karikatura kete nuk e them per fyerje personale siç ben ti me mua.
        Me thuaj mua se cila eshte kurikula e tyre akademike ne punet e fese, te heq une dore perfundimisht nga komentet ketu duke te kerkuar falje. Personat ne fjale jane publike dhe si te tille do ti nenshtrohen kritikes sot e kurdohere, por jo per ceshtjet e tyre private e personale. Marrja peng e puneve te fese, kur dihet boterisht paftesia dhe inkopetenca e tyre, do te perballet me kritika te perhershme te ashpra por te shendetshme.

        Ps. A nuk jane karikatura persona qe vendosin çallmat ne koke, ne ate koke qe meriton nje kaskete te tipit 50 cent?

        • E. says:

          Shpjegoje ti ca mund te kuptoj nqs e perdor fjalen ‘karikature’ si epitet, dhe ndoshta do me duhet mua te kerkoj te falur. Un kuptoj percudnim fizik dhe personaliteti. Nga ata te 5, njerin e njoh personalisht dhe e respektoj shume. 2 tjere nuk i njoh por kam te njejtin mendim te mire qe kam per cdo musliman qe reflekton, nga jashte te pakten, vlera qe i ka dhene Islami. Tjeret si njoh. Asnjeri nga keta nuk meriton fjalet e ashpra dhe fyese. Te pakten kaq. Pastaj per kritika, kritiko sa te duash.

          Nuk jam i interesuar dhe s’eshte puna ime kurikula e tyre, vetem di qe 2 jane teologe qe kane studjuar ne fakultete te respektuara teologjije, dhe nje tjeter nga ta eshte sociolog qe merret me dialogun nderfetar ne punet e tija akademike. Keto, ‘pune feje’ jane.

          Kur thua qe inkopetenca dhe paaftesia e tyre dihet boterisht, mund te jesh me i qarte. Por jo ne terma privat, se ok, e morem vesht qe jane fshatare dhe pa nivel (ky qe njoh une eshte me shume nivel dhe nga nje familje shume e vjeter qytetare)… Duhet ndonje argument se ca duhet te bejne dhe nuk bejne. Kush i ka bere me mire keto pune, dhe kush mund ti beje tani? Me ke mund te zevendesihon se kemi bum te madh intelektualesh dhe dijetaresh keto kohe… ca jane keto punet e fundit: xhamija qe u fut inshaallah ne vije si muhabet (megjithe kritikat, po te pakten do behet), universiteti i pare islamik (qe me kushtet e Shqiperise eshte shume mire, dhe do jete akoma me mire), sukseset e medreseve (pyesni prinderit, shikoni maturantet…), tradita e ‘tallavave’ (te pakten eshte dicka)… ose thjesht, ca bejne keta gjith diten, dredhin zinxhirin? Se ai qe njoh une mezi sheh kalamajte…

          • Dianet says:

            Ai djali qe merret me dialogun nderfetar nuk e ben hiç punen e tij, keto kohe te pakten. Libri qe ka botuar vetem sociologji nuk eshte. Jane nje arradhe fjalesh e qepur si arne. Disa thenje te udhetarve qe kane pas kaluar kendej ne kohe te te Turqise, e qe ja futshin si kau peles, siç themi ne per nji vizite disaditeshe ne mongoli pa pas lexu hic me pare per ate vend. Metode 0. Analize pothuajse 0. Ne rafshin institucional, vetem kohet e fundit ke disa deklarate nga perfaqsues Zyrtare te bashkesive te tjera fetare ne vend, qe kan shpifur per muslimanet, dhe ky sociologu qe nuk i shef kalamoj e vet nuk e di se me çfar zanati tjeter merret qe edhe punen nuk e ben edhe kalamojve ja thau syte. Ja nje ilustrim ku ketij i kan sha dhe Turqine nder te tjera dhe nuk bezan. http://www.shqiptarja.com/aktualitet/2731/raporti-katolik-t-shqiptar-alarm-p-r-islamin-radikal-139025.html
            Per teologet nuk e di se per cilet e ke llafin por nje djale nenkrietar e pame qe t’i jepej ne tv nje leksion islamik nga nje ateist publik, leksionin se Zoti i madh, madheshtine e Tij e shfaq ne krijim dhe jo ne beton. Ky teologu jot e mbylli gojen dhe e hapi vetem per te mermerit vleren financiare te Xhamise dhe donatoret anonim dhe interesin e bixnesmenve, dhe pastaj e mbylli perfundimisht.
            Teolog tjeter ne grupin qe kam permend nuk njoh tjeter, ne mos e ke fjalen per ate kampionin e ndjekjes se studimeve gjithandej, dhe perfundimit me nje diplome shkolle nivel plepash. Ky tipi, e kam degjuar ne nje hutbe te permende 3-4 here se Harvardi, vete Harvardi paska shkrujt nje ajet te Kuranit tek hyrja e fakultetit te drejtesise. No coment.
            Per tjeter teolog, mos e ke pas fjalen per inxhinjerin, te cilit titullin me te larte ja dha dora vete Sali Rame Berisha, diten e firmave tek Namazjaja kur e quajti Hafiz. Hafije do t’i kishte shkuar me mire.
            Te tjeret ne nivelin intelektual jane nje amalgame e ketyre qe permenda me lart, plus minus mediokriteti u pellcet per hunde.

          • Dianet says:

            Se harrova, mos po tallesh me kete termin “islamik” per ate bisnesin universitar qe e menaxhojne turqit etnike ne Shqiperi. Ajo nuk eshte puna e atyre djemve qe permenda, eshte fund e krye asfiksi e islamit ne Shqiperi. Shkolle “islamike” pa arabisht, dhe pa nje profesor arab. Racizmin ngaj arabve e shfaqni ne formen me te kulluar. Edhe xhamia qe ti po na e quan pune te perfunduar nuk eshte puna e tyre por imponim primitiv i turqve etnike, asgje shqiptare nuk ka aty. Shtohen e hiqen minaret sipas haluçinacioneve te ndonje te bajelldisuri ne Ankara. Medreset e mrekullueshme funksionojne “shume mire” kur drejtohen nga persona te korruptuar, baballare nenkryetaresh partie te perfolur si… [… censuruar…]. Funksionojne shume mire kur kryejne evazion fiskal, pasi prinderit ne fjale qe me sygjerove te pyes, detyrohen qe gjysmen e shumes se parave per shkollim (goxha e larte) t’i ja japin turqve etnike si donacion humanitar (humnere). Traditen tallava po ta le ty ta shijosh, por mos na e shit te pakten si pune devocionale gjate perkujtimit te Habibullahit.
            Siç e sheh, rekordet e miqve dhe te njohurve te tu jane negative, alibia e dorzimit pa kushte ndaj turqve etnike.

          • E. says:

            Klasat shqiptare jane literalisht te ngjashme me xhunglat, shiko cfare kercimesh mjeshterore bejne… Medresete jane nga ato pak oaze normaliteti dhe sigurie qe kane prinderit shqiptare. Prandaj medresete jane plot dhe perzgjedhin me konkurs. Disa fitojne bursa, dhe shume tjere paguajne pjeserisht, ndoshta shuma fare te vogla. Edhe keto ndoshta futen te sakrificat e medha qe duhet te bejne familjet shqiptare, por nuk jane shume ndryshe nga sakrificat qe bejne edhe po ti dergojne ne shtet. Pastaj nqs flet per familje ne skamje, ato vuajne kudo, Allahu ia lehtesofte mundimet. Ne medrese mos harro se ka ushqim, konvikt, uniforme, libra. Argumenti ekonomik thjesht nuk eshte argument dhe kush ka vertet kontakte me prinder dhe ish nxenes, e di kete shume mire. Kam dhjetra shoke ish medresiste, asnjerin nuk e kam degjuar te permendi shtrejtesi ne tarifa, apo ndonje pakenaqesi te kesaj natyre. Ti permend ‘Donacione’, sikur ketu kemi ‘turq’ qe perfitojne dhe jo ‘turq’ qe derdhin miliona tash sa vite. Flet per ‘turqit’ si skutha qe perziejne dhe qe do na marrin thesaret e medha qe kemi. Dicka qe duhet te kesh parasysh eshte se Turqia e di rendesine e faktorit shqiptar ne Ballkan dhe po ashtu di potencialin qe ekziston per te pasur bashkepunim dhe miqesi te gjate me popullin shqiptar, per arsye besimi, historie, traditash… prandaj e ka ndihmuar Shqiperine gjithmone, sidomos ne ekonomi dhe edukim. Kaq eshte e gjitha dhe mjafton si perfitim. Te mohosh kontributin e madh te Turqise (edhe njehere, te ftoj te kuptosh pak realitetin dhe sidomos gjendjen e edukimit)eshte mosmirnjohje, qofte si musliman, qofte si shqiptar. Keto fjalite me ‘turqit etnike’ nuk ti kuptoj me thene te drejten, ndoshta jam pak i lodhur. S’te mora vesh as kur permende se filani paska thene 3-4 her qe Harvardi ka shkruar nje ajet ne deren e fakultetit te drejtesise. Ca doje me nxjerr ketu? Se nuk kemi pse krenohemi? Pa fillo e na permend gafat e gjithe hoxhallarve, qofshin te shpeshta, qe ke degjuar… i del dot fundi?

            Nejse, sa i perket tallavave, me pelqen shume te jem ne pranine e atyre kengetareve dhe artisteve qe te pakten me ate rast emocionohen si rralle here, ne ate atmosfere festive dhe krenarie qe jemi muslimane. Ti shihe nga ana negative, puna jote. Une shijoj shume pranine e Yusuf Islamit, te Sidrit Bejlerit, te Reshat Arbanes…

            Ajo qe shoh eshte nje dejavu e bezdisshme e ketyre muhabeteve pa bereqet, kurse rekordet jane me te mirat qe di.

          • Dianet says:

            Edhe nje here, ata djemte me te cilet ti krenohesh jane vetem nenpunes te cilet vetem sa dalin dhe performojne per politikat e deshtuara qe u servirin turqit etnike. Nese kete ti e konsideron Komuniteti Musliman SHQIPTAR e ke shume gabim. Nese je mesuar te te marrin per dore dhe te te bejne faktor ne Ballkan, ky eshte problemi yt i iferioritetit qe ke me vetveten. E di qe jua kane mbushur koken me prrallat e vellait te madh qe ndihmon vellain e vogel i cili i bie te mos rritet kurre, por dhe ky eshte argument i skaduar. Sot behet fjale per kapje totale te KMSH nga turqit etnike te cilet ne nxitim e siper, per te kenaq sedren e tyre te semure me enderra hiperbolike imperiale, jane duke shkaterru çdo themel real nga ku mund te ngrihej i shendoshe identiteti islamik i shqiptareve te sotem. Te gjitha projektet e Turqve jane te deshtuara ne planin kombetar, ndersa ne planin iperial “endrra ne beze” turqve etnike po u ecen per “mrekulli”. Kane gjetur raja te mrekullueshem per te çuar perpara projektin e “islamizimit” te shqiptarve duke u kap ke argumenti i shumices se votave, “i blerjeve te sezonit”. Sado te pudrosen projektet e turqve etnike ne Shqiperi, themren e Akilit e kane perhere zbuluar per te marre kritikat e rrepta nga Xhemati Shqiptar, Selimi me pazaret e pista te miratuar ne heshteje nga abileret eshte pika e dobet qe nxjerr zbuluar amoralitetin e projektit turk. Pune kendveshtrimesh, mbase turqit etnik e mbajne aty Selimin dhe tufen e Selimeve te padukshem me çdo kusht per ti heq syrin e keq gjithe ngrehines made in Tyrkie.
            Edhe diçka, argumenteve te mia ne lidhje me monologun nderfetar, arabofobine e universitetit “islamik”, donacionet e kamufluara por te pashmangshme, dhe falcitetin e çallmes ke kokat e disa çunave pro turq, ju shmange me lezet, turk lezeti.

          • E. says:

            ‘Faktori shqiptar’ eshte muhabet i thjeshte qe nuk ka nevoje per mbushje mendjeje se eshte fakt. Kur te fola per Turqine ne lidhje me marredhenjet qe ka me Shqiperine, e kisha fjalen per politika te perhershme shteterore. Zhvillimi i investimeve turke, nuk ka te beje direkt me shtetin por ka gjetur natyrshem terrenin e pershtatshem per tu zhvilluar per arsye te marredhenjeve te mira. Ajo ideja e popullit mik, eshte ide qe shoqeria dhe xhematet e ndryshme turke e kane. Nuk jane nxitur direkt nga shteti se i gjejne vete rruget.

            Qeveria e momentit meqe ra fjala, ne politika te brendshme nuk eshte fare e deshtuar. Per sa i perket politikave te jashtme, syri i disa politikaneve te iluzionuar tyre sheh vetem gjeografine ish osmane, jo me larg, dhe rrezikon te felliqet kot me gafat qe ben, per shkak te euforise te tepruar. Ti qe kujton se shteti turk perdorka grupe qe i ka hale ne sy dhe mundohet te dobesoje ne fakt, tregon qe ja fut kot dhe se ecen me stereotipe krejt ofsajt turqish ‘imperialiste’ dhe shqiptaresh budallenj dhe te shitur qe nuk kuptojne se po perdoren.

            Shendet

          • Dianet says:

            Nuk me intereson shteti Turk apo ai Polak, por ishim duke folur per nenpunsit e lodhur te KMSh te pilotuar aty nga hizmeti. Zotrotes i pelqenka te shetisi dege me dege. Shkurt dhe shqip, KMSh ke rene ne duart e sektit neonurxhi qe vetem sa po perdor logon e KMSh per te perforcuar infrastukturen e saj sektare ketu.
            Edhe diçka, argumenteve te mia ne lidhje me monologun nderfetar, arabofobine e universitetit “islamik”, donacionet e kamufluara por te pashmangshme, dhe falcitetin e çallmes ke kokat e disa çunave pro turq, ju shmange me lezet, turk lezeti.

      • Sazan says:

        Une mund te them gjithashtu qe nuk eshte dashakeqesia ime, por jane interesat e tua klanore, (qe mund te vijne nga perkatesia ne grupin e Nurxhive apo ndonje lidhje tjeter me Z. Zajmi dhe klanin e tij te analfabeteve drejtore ne KMSH), qe te shtyn ti kundervihesh njerezve qe perpiqen te kritikojne arsye(qofte edhe sikur te mos e kem pasur shume te sakte analizen). Kalimi i bisedes ne ceshtje subjektive, e aq me keq ne gjykime mbi nijetin e tim, nuk i sherben as debatit, por as edhe legjitimimit te kunderreagimit tend. Kur ve ne dyshim nietet e te tjereve, le hapur deren qe te tjeret te gjykojne edhe nijetin tend.
        Po megjithate, crendesi ka? Ja po e pranoj: kam nje inat te papare me z. Zjami. E megjithate, kjo nuk i hedh poshte asnje presje asaj qe thashe.

        Perpjekja jote per te mbrojtur Zjamin, eshte stermundim i madh. Ai e thote qarte se vendet e perendimit u zhvilluan pasi nuk e mohuan fene, nderkohe qe ato te lindjes mbeten prapa sepse mohuan fene.
        Kushdo qe ka ca njohuri te percipta e di qe nuk ka lidhje kjo. Lindja mbeti prapa se nuk kishte zhvillim kulturor, institucional, nuk kishte liri, dhe se rreshqiti ne komunizem. Po te jete per fe, edhe Perendimi nuk kishte ndonje dashamiresi te madhe per fene. Kishat frekuentoheshin shume me teper ne Rusi sesa ne Gjermani e France.
        Por edhe pergjithesimi qe z. Zajmi i ben perendimit, duke i futur ne nje thes “me SHBA ne krye” (?!):), tregon shume injorance. Nuk ka gjimnazist me mesatare 7 ne Tirane qe nuk e di se SHBA, ndryshe nga Europa, eshte vend konservator dhe SHBA nuk eshte ne krye te perendimit ne keto gjera, por eshte nje perjashtim, nje veçanti.
        Nese krahasojme gjithashtu vendet me konservatore dhe me liberale ne Europe, rezulton se vendet me konservatore dhe me fetare si Spanja e Italia, jane shume here me te pazhvilluara se vendet me liberale e jofetare si Gjermania, Franca apo vendet nordike. Kjo nuk do te thote aspak se eshte konservatorizmi problemi (megjithse ka studime qe perpiqen te vertetojne se problemi eshte katolicizmi perballe protestantizmit, gje qe lidhet me modernizimin), por sidoqofte ky shembull te pakten rrezon logjiken siperfaqesore te z. Zajmi.
        Problemi i Zajmit nuk eshte se ndjek teori te gabuar, por se ia fut kot.
        Keto nuk i themi as per inat e as per dashakeqesi, por per te kthjelluar njerezit qe me kete nivel drejtoresh nuk ecet perpara. Po te jete per dashakeqesi, dashakeqesia me e madhe ndaj Zajmit, eshte ti mbash anen, duke e mbeshtetur ne mbajtjen e nje posti qe nuk i takon. Ta ndihmosh te largohet nga kjo detyre, eshte dashamiresi.

        • E. says:

          Un nuk u stermundova te mbroj Zajmin, por u stermundova te tregoj se si e kuptoj une ate qe ka shkruaj Zajmi. Problem tek ne eshte qendrimi qe kane karshi fese shqiptaret, jo diskutimi i ndikimit te protestanizmit ne zhvillimin e perendimit a ndonje teori tjeter. Llogjike eshte qe te shkruhet per nje teme ne lidhje me shoqerine tone. Gjithsesi, ato qe kisha per ti thene ne lidhje me ate paragraf i thashe.

          Un te komentova vetem per nje arsye. Percmimi eshte sjellje e urryer nga Allahu dhe nga njerezit. Eshte edhe shume acaruese. Te thuash pas nje niknejmi ‘filan fisteku nuk mendon dot me gjate’ eshte reagim i tepruar ose i cekuilibruar, po te ishte thjesht nje opinion besimtari. Prandaj ketu rrjedhon ose dashakeqesi ose abuzim me gjuhen qe te ka dhene Zoti. Edhe une perdora nje sharje, por sharja te pakten ka nje lloj ane te justifikueshme. Me kujtohet nje hadith kur Profeti a.s thote mos shani, por nqs se mbani veten mos ofendoni rende por thoni psh ‘ti je genjeshtar’… nuk me kujtohet tamam, ishalla ndonje vellai i kujtohet. Por, me sa kuptoj, sharja eshte nje lloj reagimi ndaj nje ofendimi, kurse percmimi eshte ofendim i rende ndaj robit dhe Zotit, shkurt eshte e urryer. Ketu nuk e kam vetem me ty, por me nje tendence qe kane disa per te percmuar duke i quajtur ‘fshatare’ dhe ‘injorante’ keta te KMSH, vend e pavend. Kjo eshte falas ne kete bote, po ne tjetren ka hesap.

          • Sazan says:

            Ti u stermundove qe c’ke me te, per ta mbrojtur Zajmin (dhe tani po stermundohesh akoma edhe me shume, sepse diskutimi po behet edhe me i veshtire per ty). Ne qofte se do te kishe per qellim vetem qe te me tregoje sesi e ke lexuar ti shkrimin e Zajmit, nuk kishe perse kaloje ne sulm, duke vene ne dyshim nijetin tim.
            Pergjigjia jote tregon qe akoma nuk te intereson e verteta, por te intereson mbrojtja e personit qe i rendon kjo e vertete (nuk e di, a per hir te miqesise, a per hir te kauzes se perbashket qe ai perfaqeson).
            Te tregova me siper qe zhvillimi i perendimit nuk vjen per shkak te fese dhe solla per shembull dallimet midis europes perendimore me ate lindore, po keshtu brenda Europes mora shembull ato vende qe jane fetare e konservatore perballe atyre qe jane me jofetare dhe jokonservatore, te sqarova gjithashtu edhe dallimin midis SHBA dhe Europes (qe ti dhe Zajmi i fusni ne nje thes)… te gjitha keto tregojne se shembulli qe ka marre Zajmi ne shkrim eshte pa lidhje dhe kjo verteton injorancen e tij (tashme edhe tenden) per keto tema. Nuk kam percmim per asnjeri qe nuk ka kulture, por kam percmim per kedo qe jep mend aty ku nuk ka.

            Ajo qe thote edhe E-zani ne shkrim, eshte qe shembulli i Shqiperise ndryshon shume nga ai i Evropes. Qe ketu, fakti qe ka vende europiane ku ekziston lenda fetare, nuk argumenton qe kjo duhet edhe ne Shqiperi. Nuk argumenton as se eshte mundur qe kjo lende te futet neper shkolla edhe ne Shqiperi. Keto gjera ngrihen ose per populizem, per te genjyer xhematin kinse keta jane duke u marre me gjera te medha, ose behet nga injoranca: nuk ka shpjegim tjeter. Eshte e qarte qe kjo eshte nje shashke e rradhes, qe nese nuk behet per interesa elektorale do te thote se ata qe i ndermarrin keto nisma vuajne nga delir i madh.

            Po flet per fyerje dhe perbuzje. Nuk ke te qarte nje gje te rendesishme. Askush nuk po perbuz njeri si individ. Askush nuk po perbuz njeri vetem pse eshte nga fshati, apo vetem pse eshte injorant. Fshataret dhe injorantet kane te drejte te gezojne respekt si gjithe te tjeret. Por kur fshatari dhe injoranti behet drejtor e udheheq punet e nje feje te madhe si feja jone, atehere kemi te drejte sa s’ka ta shajme e ta kerdisim, nese fjalet i themi me hak.
            Kur dikujt i thuhet fshatar, ai nuk eshte duke u perbuzur pse ka lindur ne fshat, por per formimin kulturor. Mund te kesh lindur ne fshat dhe te jesh njeri me kulture, e mund te kesh lindur ne qytet dhe te jesh provincial e katunar ne kulture, shije, sjellje. Shumica e ketyre cunave drejtore ne KMSH, dallohen dy ore larg se nga sa thelle vijne. Disa prej tyre une nuk do ti merrja as per shofere, se nuk do shtyja dot rrugen, e jo me te perfaqesojne Islamin.
            Pra nuk ka njeri inat personal me ata. Inati eshte kru sheh se cfare mysybeti kane pesuar punet e fese, kur shohim qe nje tufe fshataresh pa shkolle, pa dije, pa kulture, pa qytetari, perfaqesojne fene tone fisnike.
            E mos na trego tani anonimatin, sepse nuk jemi ketu per gangsterlliqe, por jemi per te shpreh mendimet, bindjet pakenaqesite apo shpresat tona per gjendjen tone. Ketu nuk po flasim per njerez ne pune te vet, por po flasim per njerez qe veprojne ne emrin e fese tone.
            Ti thua se ata punojne shume. E cfare pastaj? Ajo qe duam ne eshte qe ti bejne te vetmin nder qe munden Islamit ne Shqiperi, te mos punojne fare. Keshtu do te na i kursejne kusuret. Me e mira qe mund te bejne per xhematin dhe veten e tyre, eshte te heqin dore.

            Ti thua se kush duhet ta beje kete pune!
            Seriozisht e ke? Mendon vertete qe ata jane me te mencurit dhe me te kenduarit e xhematit?
            Vertete nuk e kupton se kujt i takon mbi te gjitha drejtimi i KMSH?
            I takon atij qe e do dhe e zgjedh xhemati.
            Dhe me siguri te plote dime se vetem atij qe vjedh votat per te zene postin e drejtuesit nuk i takon.
            Keta djemte e mire qe thua ti, kane ardhur aty me urdher partie, pasi institucionin e kane pushtuar disa turq anadolli, me marifete e dallavere. Nese kane frike Zotin, te bejne zgjedhje te lira e te ndershme, e pastaj le te na shesin tangerllek me mastera universitetesh private.

          • E. says:

            Shqip po te flas por nuk do te kuptosh. E fillove me nje ‘ja ka fut kot zajmi’, duke mos e kuptu tamam dhe pastaj vazhdove te improvizosh nga repertori jot i gjere, per qejf tendin duke zbuluar Kinen dhe Ameriken.
            Zajmin nuk e njoh. Naten e mire.

          • Sazan says:

            Po ti ndalo nje sekonde, se ndoshta je ti qe nuk po kupton shqipen time.
            Edhe njehere po te rithem se nuk kam keqkuptuar asgje. Zajmi ka thene se fakti qe Europa Perendimore (me ne krye SHBA) u zhvillua, kurse Europa Lindore qe urren fene, nuk u zhvillua tregon se feja nuk e pengon zhvillimin, por perkundrazi, e ndihmon.
            Une vazhdoj them se ia fut kot, sepse ky shembull nuk verteton asgje.
            Por jo vetem kaq, ky shembull tregon edhe qe Zajmi nuk di te arsyetoje dhe se nuk ka as njohuri elementare ne keto fusha.

            1. Ngaterron SHBA me Europen duke i quajtur vende fetare.
            2. Nuk ka haber nga dallimet midis vendeve brenda Europes ne lidhje me bindjet fetare dhe konservatore.
            3. Nuk sheh se ne mjaft raste, njerezit vijojne te jene me fetare ne bllokun lindor komunist se ne ate perendimor. Nuk jane me fetar francezet se Polaket.
            4. Pervec ketyre, nuk ia ka idene fare argumenteve qe ngrene ata qe i hedhin tezat qe Zajmi kundershton, e per kete arsye nuk arsyeton drejt per te provuar te kunderten, por mbytet me nje pike uje, ne nje shembull te dobet.
            5. Nuk merr ne konsiderate se Shqiperia eshte kontekst tjeter komplet nga vendet ku eshte implementuar lenda fetare.

            A nuk mjaftojne kaq per te thene se kyr robi (cun i mire) nuk ia ka idene ketij debati dhe i hyn detit ne kembe pa mend?
            E si do mund te realizoje ai pastaj futjen e lendeve fetare ne shkolle, kur nuk di as te jape dy tre argumente te thjeshta?

  8. rezervist says:

    Ju falemnderit per shkrimin vllazni, po mos na diskreditoni kaq shume, duke vendosur per konsultim linqe si ai i Elbasanit, se jemi gjynah. Nuk kisha per ta zbuluar kurre as une, e mbase nuk kishte per ta zbuluar shumekush faktin se qenka nje organizim intelektualoid ne Elbasan qe trajtoka punet e fese, ne ate menyre si tregon ai sajti.

    Me beri pershtypje shume kursi i dollarit qe administratoret e faqes intelektuale e kishin pare me rendesi madhore ta vendosnin ne krye te leximit.

  9. hahaah says:

    e shikon mentalitetin tend te mykur i quan anafalbete ato qe punojne, qe skane bere asnje dite gjimnaz, etj etj kurse ti je ai, perdellimtarja gjinkalle qe fshin komentet dhe kritikat e te tjereve ngaqe ste pelqejne nderkohe qe vete kritikon kedo dhe si te teket ty.Gjeje te keqen tek vetja se aty e ke.

    • admin says:

      Te falenderojme per keshillen, nuk mendoj se ia vlen me.
      Per info, po te them se kete punen e gjimnazit e di me fakte reale dhe nuk eshte thjesht etiketim. Per komentet, ketu jemi disa admine. Disa prej tyre e gjykojne me vend te ti fshijne, sepse, me e pakta jane jashte teme. Duhet te kuptosh se jemi ne nje forum publik dhe jo te gjithe kane nge te asistojne ne nje shfaqje gerricjes femijerore si keto te tuat. Ne respekt te lexuesve serioze, jane fshire komentet joserioze dhe jashte teme si keto te tuat.

    • admin says:

      Nese nuk kupton, konsideroje si deshiren tone per t’i fshire shkrimet.

Post a Comment


 

 
 
 

Arkiva

Rregjistrohu me email

Enter your email address:

Delivered by FeedBurner