maxresdefault_173347Në Kosovë ka nisur një debat mediatik e politik pasuar një hutbe të hoxhës Irfan Salihu. Kanë reaguar me këtë rast grupi i grave deputete të parlamentit të Kosovës. Në deklaratën e tyre thuhet:

Grupi i Grave Deputete të Kuvendit të Kosovës, shpreh indinjatën e thellë për gjuhën denigruese, poshtëruese, fyese dhe të pamoralshme, e cila është përdorur nga hoxhë Irfan Salihu, imam në xhaminë Suzi Zerrini të Prizrenit, ndaj grave të Kosovës. Ky diskurs nuk mbështetet as mbi vlerat universale që ka krijuar njeriu, as mbi vlerat e besimit islam, e as mbi vlerat kombëtare shqiptare. Kjo është gjuhë e papranueshme jo vetëm për gratë, por për çdo qenie njerëzore. Kjo gjuhë denigruese e ka vetëm një qëllim, të helmojë mendjet e besimtarëve me ide të papranueshme edhe për shoqëritë më fanatike; të denigrojë figurën e gruas, nënës, vajzës, ta poshtërojë atë deri në pikën e fundit dhe t’i hapë rrugë nënshtrimit dhe pabarazive shoqërore.

 

Kjo gjuhë e këtij hoxhe por edhe e disa udhëheqësve të tjerë fetarë në Kosovë është gjuhë e rrezikshme dhe mund të ketë pasoja të pariparueshme për të ardhmen në Kosovë, në lidhje me unitetin e shoqërisë, mund të shkaktojë përçarje dhe urrejtje. Kosova nuk është një shoqëri me përçarje sektare prandaj secili prej nesh duhet të mbrojtone vlerat që i kemi kultivuar me shekuj.

 

Gjuha e përdorur nga hoxhë Salihu bën thirrje për dhunimin e drejtave dhe lirive të njeriut, të garantuara me Kushtetutën e Kosovës. Populli i Kosovës i ka përcaktuar aspiratat e veta me këtë Kushtetutë ku thuhet: “Të përkushtuar për krijimin e një shteti të qytetarëve të barabartë, i cili do të garantojë të drejtat e secilit qytetar, liritë qytetare dhe barazinë e të gjithë qytetarëve para ligjit.

 

Ka reaguar më pas kundra kësaj deklarate Lëvizja Islame Bashkohu, e cila ka deklaruar:

 

LISBA denoncon hipokrizinë e atyre që sulmuan hoxhën madje duke kërkuar llogari nga BIKU në emër të të drejtave të gruas, kur dihen shkeljet që u bëhen këtyre të drejtave nga ana e pushtetit. Ajo në të cilën ka thirrur hoxha Irfan Salihu është morali i femrës të cilin e kultivoj me përkushtim dhe e ruajti me sakrificë populli i shqiptar me shekuj”, thuhet në reagimin e LISBA-s.

Thirrës në ruajtjen e kësaj vlere dhe të vlerave tjera të mirëfillta kanë mbetur vetëm hoxhallarët, të moralshëm, të pa korruptuar dhe të papërfshirë në krime duke i shërbyer me besnikëri dhe sinqertit popullit të Kosovës ndërsa ata të cilët sulmuan hoxhën dhe lloji i tyre të cilët mjaft mirë i njeh populli i Kosovës nuk njohin moral apo e definojnë atë në pajtueshmëri me shfrenimin dhe degjenerimin e tyre duke dashur që edhe të tjerëve tua imponojnë atë.

LISBA mbështetë fuqishëm hoxhën Irfan Salihu dhe çdo hoxhë tjetër i cili sulmohet vetëm pse thotë të vërtetën dhe thërret në të dhe ua bën të qartë misionarëve për shkatërrimin e moralit të rinisë sonë se pavarësisht përpjekjeve tuaja nuk do të arrini ta zhvishni nga morali dhe ta dërgoni në degjenerim popullin Kosovës.

Reagimi i grave deputete është i shproporcionuar dhe sjell alarme të ekzagjeruara në shoqërinë kosovare. Nuk ka asgjë të re në një retorikë moraliste, konservatore qoftë edhe maskuliste të një udhëheqësi fetar dhe ka të tilla kudo në botë, përditë, Lindje e Perëndim, myslimanë e të krishterë, hebrenj e hindu etj, etj, etj. Për më tepër, në Kosovë ka patur deklarata klerikale nga konfensione të tjera edhe më shqetësuese, por nuk kanë zgjuar indinjatën e grupit të grave deputete. Ok, gjer këtu, por ama retorika e hoxhës nuk është pa probleme.

Së pari barra e kësaj katastrofe morale pozicionohet në mënyrë absurde në ‘nahijen e grave’ po  kjo vallja e imoralitetit që po dënon hoxha hidhet së paku dyshe. Por hoxha nuk trajton në të njëjtën mënyrë imoralitetin mashkullor. Ky nuk është vizioni kuranor ku femra e meshkuj kanë të njëjtat përgjegjsi në mbrojtjen e virtytit të tyre.

Të deklarosh femrat e divorcuara si ‘bërrllog’ i lënë nga të tjerët, i përdorur nga të tjerët injoron faktin që divorci mund të ketë qenë rezultat i imoralitetit apo dështimit të mashkullit për të qenë familjar dhe prandaj ky pozicionim i ‘fajit moral’ është i pandershëm.

Paragjykimet e tranmetuara në fjalën e hoxhës ndaj femrave më parë të divorcuara apo që kanë patur marëdhënie seksuale në një martesë të mëpërparshme dhe të thuhet se këto gra bëjnë vetëm për martesë me ndonjë vejan me tre fëmijë harron se kryeshembulli ynë moral, profeti Muhamed – paqja dhe bekimi i Zotit qoftë mbi të – u martua me një grua që kish qenë e martuar më parë, dhe ajo grua konsiderohet besimtarja e parë në Islam dhe ne myslimanët e konsiderojmë atë si ‘nëna e besimtarëve.’

Edhe në rastin e femrave që kanë patur marëdhënie seksuale në një lidhje të mëparshme, qoftë dhe nga qëndrimi më konservator fetar, qëndrimi i hoxhës është problematik sepse mohon mundësinë e reformimit moral, premtim që qëndron në esencë të fesë. Nëse gjyshërit tanë, si thotë hoxha, nuk ‘e preknin’ një femër që kish qenë e martuar më parë, kjo është në kundërshti të moralit fetar. Referimi i këtyre femrave si ‘bërllog’ e si ‘gjellë ku kanë ngrënë të tjerët’ është fetarisht i papranueshëm. Në një shoqëri pluraliste me kuptime të ndryshme mbi moralitetin, seksualitetin dhe normat shoqërore, një imam apo një prift kanë të drejtën e tyre të promovojnë vizionin e tyre të moralitetit, por duke qenë të respektueshëm ama ndaj të gjithëve, respekt që me të drejtë edhe ne e kërkojmë prej të tjerëve.

 

Tags: , , , ,

 

12 Comments

  1. d says:

    E keqja eshte se keto reagimet e deputeteve dhe mediave, po bejne heronj njerezit me ekstremiste. Hoxhe Irfani tani eshte shnderruar ne objekt qendrese dhe kjo me se shumti demton Islamin.
    Hoxhe si Irfani kane probleme te medha dhe nuk kuptojne se kjo fe nuk ka ardhe me iu vu damka njerezve, por me i thirre ata ne meshiren e Zotit me butesi dhe dashuri.
    Ku e la hoxha shembullin e Profetit a.s. kur i erdhi dikush e i kerkoi leje te bente imoralitet? Cfare beri Profeti a.s.? A i tha gje: “Ti je imoral!”?
    Perkundrazi, i Derguari i Zotit e afroi prane vetes, dhe me miresi e butesi iu argumentua se, a do te deshironte ai qe te njejten gje te benin te tjeret me nenen, motren, vajzen apo gruan e tij? I foli me pas me fjale zemre dhe ai hoqi dore perfundimisht nga ky tundim.
    Kur i Derguari i Zotit, njeriu me i virtytshem qe ka ecur mbi siperfaqen e kesaj bote, nuk u indinjua nga nje kerkese e tille absurde, hoxhe Irfani na u inatoska me vajzat qe kane te dashur ne pune te tyre!
    Ne vend qe ti ftoje njerezit ne fene e Zotit, keta soj hoxhallaresh jane duke i perzene ata prej saj, duke i fyer, damkosur, akuzuar e peshtyre. A mos ketu i mbeti davja hoxhes?
    Per Zotin, kjo nuk tregon tjeter vetem se deshtim per te gjet gjuhe me njerezit qe nuk jane xhemat. Dhe kjo gjuhe, gjuha e fyerjes dhe akuzes, e perforcon akoma me keq, kete distancim.
    Allahu nuk na ka bere roje te nderit te te tjereve, dhe nuk na ka sjelle per te fyer, damkosur e kercenuar te tjeret, por per ti ftuar ata me butesi, miresi e dashuri ne fene e Tij.
    Hoxha ka ngaterru misionin e vet.

  2. Myhib says:

    Me duket se hoxha ne fjalen e tij, kur thote “gra te lena” nuk u referohet grave te divorcuara, por atyre qe kane kryer marredhenie para/jashtemartesore. Natyrisht, duket qarte humnera qe ekziston midis ligjerimit te disa hoxhallareve dhe gjuhes se predikimit qe kerkon shoqeria e sotme, sepse ndonese ceshtjet qe trajtohen prej imameve jane te dreja, menyra si paraqiten krijon efektin e kundert. Dhe kjo nxjerr ne pah rendesine e fjales se imam Aliut: “Foluni njerezve sipas nivelit qe kuptojne. A deshironi qe te quhen genjeshtare Allahu dhe i Derguari i Tij?!”. Megjithate, ajo qe nuk te le shije te mire ne ligjerate eshte urrejtja dhe perbuzja qe shoqerojne fjalimin. Nese qellimi i kesaj ligjerate eshte sherimi i ketyre plageve shoqerore, gjuha e urrejtjes dhe perbuzjes nuk eshte e duhura. Por me duket se diskursi i shume hoxhallareve synon vetem ne denoncimin e se keqes, prandaj shoqerohet me fjale urrejtjeje dhe poshterimi. Problemi eshte se shume njerez jashte xhematit, ate te keqe qe ne denoncojme, ata nuk e njohin per te keqe dhe, qe t’i bindesh se ajo eshte e tille, nuk duhet gjuha e urrejtjes, por argumentimi logjik e bindes.
    Gjithesesi, ne rastin konkret hoxha i drejtohet vetem xhematit te vet, prandaj gjuha e perdorur prej tij mund te jete mjaft efektive qe xhemati te mos preket nga fenomeni negativ qe hoxha trajton. Ajo qe nuk shkon ne kete rast eshte publikimi i ligjerates pertej rretheve te xhematit, cka nuk i shkon aspak per shtat menyres se ligjerimit te perdorur. Prandaj hoxhallaret duhet t’i kontrollojne fjalimet e tyre, sepse behen me pas objekt akuzash te kota dhe ne vend qe te vene vetullat, nxjerrin syte.

    • d says:

      Edhe kur flet per xhematin nuk duhet me fol me kete gjuhe. Tu flasesh muslimaneve ne xhami, do te thote te percosh tek ata nje perfytyrim mbi njerez konkrete dhe kjo gjuhe prodhon urrejtje dhe konflikte shoqerore, duke krijuar distancim te xhematit nga njerezit. Nuk ka asnje rrethane qe e justifikon hoxhen me ate gjuhe, pervec injorances.

  3. k says:

    Interesant koemnti i Kim Mehmetit:

    “E keni vërejtur: sa herë që Kosova përballet me ndonjë problem madhor ( si arrestimet e ish pjesëtarëve të UÇK-së) nxitet ndonjë debat anësorë (rëndom me prapavijë religjioze) – si ky lidhur me deklarata skandaloze dhe ofenduese të një hoxhe të Prizrenit – me çka zhurma e mbulon realitetin në këtë vend. Tani ecë e mos u gëzo kur e sheh se problemi më madhor i Kosovës na qenkan “vajëset” e hoxhallarëve e jo papunësia, korrupsioni, mjekimi i kosovarëve në Shkup ku ua mbushin xhepat mjekëve maqedonas, shthurja e familjes shkaku i varfërisë…!

    • ambla says:

      une nuk e di me cfare gjuhe flasin kosovaret, mbase zhargonin e perditshem e perdorin edhe per ligjerate, ne kuvend ne televizion etj etj por mua si shqiptare e shqiperise me ka shokuar menyra vulgare e mbajtjes se hoxhes ne hytbe, problematikat qe ngre hoxha jane shume aktuale dhe te nevojshme per tu diskutuar, por menyra e thenies dhe percimi tek masat me ate menyre te foluri realisht eshte shume acaruese dhe me te drejte une do ti quaja “fjale te ndryra dhe te pista”, nji person qe ka statusin e hoxhes, mesuesit aq me teper te ketij besimi islam qe eshte madheshtor dhe asnji nuk gjen dot qofte e dhe nji gabim ne gjykimin e ceshtjeve te interpretuara nga Profet yne te perdori kete gjuhe vulgare qe nuk i shkon as atij qe eshte rritur ne mal dhe ka pa vetem dele, realisht jam shume e indinjuar dhe e fyer nga rastet dhe shembujt qe jep ky hoxhe. duhet te beje autokritike dhe te kontrolloje veten

  4. S. says:

    Eshte interesante te analizohet ky hadith

    “Përgojimi është më i keq dhe më i rëndë se prostitucioni” –
    dikush prej të pranishmeve e pyeti: Si ashtu? E Pejgamberi (a. s.) u përgjigj: “Njeriu bën prostitucion, pastaj sinqerisht pendohet, e All-llahu ia pranon pendimin, (dhe ia fal gjynahun), ndërsa atij, i cili e përgojon tjetrin, nuk do t’i falet përderisa ai të cilin e ka përgojuar (dhe moralisht e ka ofenduar) personalisht të mos ia falë.” (Xhabir in Abdullahu dhe Ebu Seid el-Hudri)

  5. Andrin says:

    Nuk e kuptoj pse eshte bere kaq e madhe nje gje kaq te vertete qe ka thene hoxha I nderuar. Ne asnje moment hoxha nuk ka vene gishtin mbi dike por ka cituar se kush jane kurvat dhe ruspiat sipas dizpozitave te islamit. Varet se ne cfare kendveshtrimi e shef situaten, nese je I moralshem debati duhet te ishte si mund ta rregullojme kete fenomen negativ qe ka kapluar realitetin tone per te cilin deri para disa vitesh jemi krenuar per moralin e femres tone, e nese nuk je I moralshem te shqeteson toni I nje njeiru qe jeten e tij ia ka kushtuar perhapjes se fjales hyjnore te zotit. Ne fund kisha deshire te shtoja qe per te paragjykuar ose per te nxjerre konkluzione per dike duhet me tia shohesh te gjithe punen e tij e jo vetem nje fragment te shkeputur tendencioz. Zoti I mbrofte ata qe thone te verteten dhe bekofte te gjithe shqiptaret kudo qe ndodhen

    • gangster paradice says:

      Fjala nuk ndahet vetem ne te vertete dhe genjeshter, por ka edhe shume klasifikime te tjera: ka fjale te vertete po pa vend, ka fjale te vertete po idiote, ka fjale te vertete por cinike, ka fjale te vertete por djallezore, ka fjale te vertete por pa vlere, ka fjale te vertete por katunareske. Nuk mjafton te jete e vertete nje fjale qe te thuhet.
      Nese hoxha ia ka kushtu jeten perhapjes se fjales hyjnore, them se rezultati duket i kundert me kete gjuhe. Me mire t’ia kishte kushtu jeten futbollit, te pakten nuk do na kishte hap belara me keto ligjerata.
      Ai nuk na ka tregu se kush quhet e kush jo k… (le qe, c’nevoje kemi me i dite keto?!), por ai ka drejtu gishtin duke i quajtur putana te gjitha femrat qe kane pasur nje te dashru para partese, duke i nderhy njerezve ne pune private. Ti mund te tregosh e mbrosh moralin tat, por nuk mund te akuzosh te tjeret si te degjeneruar vetem pse nuk kane moralin tat. Te mos kuptosh kaq gje, eshte pak te thuash injorance.

  6. gangster paradice says:

    Ky hoxha perpara se akuzoje grate per ceshtje nderi, le ti beje vetes nje pyetje: Cfare ka bere ai qe grate e vendit, qytetit, fshatit apo mehalles se tij te mos jene K…? A nuk i ben vetes pyetjen se keto vajza jane te tilla sepse hoxha nuk e ka bere mire detyren, ne mos jane te k… pikerisht sepse e kane humb udhezimin kur shikojne hoxhallare te tille?
    Ka sa te duash njerez qe nuk vijne ne xhami, pikerisht sepse degjojne ligjerata te tilla absurde, dhe keta hoxhallare behen shkak qe njerezit te ngelet te paudhezuar. Nuk kane faj njerezit qe jane te paudhezuar, por kane faj te udhezuarit qe nuk dine te udhezojne. Me kete gjuhe ky i con edhe te udhezuarit ne drejtimin e te paudheve, sepse eshte me ia fut vrapit.
    Cfare mendon hoxha, se do te dali ne diten e Gjykimit e do te jape llogari se perse nuk i shau femrat imorale apo do te jape llogari se cfare beri per t’i udhezuar ato?

  7. voca says:

    Hogja i nderuar ka plotsisht te drejt sepse Morali është temeli i qdo shoqerie.Ndersa ne qe e kemi neperkëmbur morali i kemi punët si i kemi,Ska MORAL ska XHYNAH.ska MARRE,Ka mbetur vetem Vrika qe me shumë është për shtaz se për njerzë.Andaj ju quane këtë emancipim demokraci,apo si te doni.Por ku jemi po na tregojn punet me se miri.

  8. Moralisti says:

    Askush nga te gjitha reagimet ndaj hoxhes, e aq me pak reagimet qe po shoh ketu, nuk eshte kunder moralit. Nese ke dy gram shkolle, pervec se te shkruash drejt, duhet te kuptosh se te gjithe njerezit jane pro moralit, vetem se kane kuonceptime te ndryshme per te. Hoxha, nese do te kishte edhe ai dy gram formim, duhet te kuptonte se jo te gjithe njerezit jane muslimane ne te njejtin nivel udhezimi dhe nuk mund ti fajsosh ata pse nuk zbatojne disa norma te fese, kur ata as qe kane marre sic duhet udhezimin. Ketu faji mbetet i hoxhallareve qe nuk kane ditur ti ftojne si duhet njerezit. Hoxha do te bente mire ta kerkonte fajin tek vetja dhe te shtronte pyetjen: Perse njerezit sot po u largohen xhamive dhe po e urrejne fene tone?
    Pergjigjia do te ishte: Pikerisht pse kemi keta soj hoxhallaresh, qe tmerrojne dynjane dhe qe kane kaq pak kulture.
    Hoxha duhet ti therrase mendjes dhe te kuptoje se njerezit nuk udhezohen duke i share, por duke i bindur me logjike, me mend, urtesi, butesi, dashuri… Mirpo qe te kesh aftesine t’u ofrosh njerezve argumente, duhet te jesh i ditur, i lexuar, i shkolluar, i kulturuar. Nese i ke keto, atehere do te kuptosh se, qe t’i bindesh te tjeret, duhet te kuptosh premisen prej nga ata i vleresojne gjera te tilla si morali. Duhet te jesh i afte tu tregosh te tjereve se premisat e tyre jane te gabuara, e jo ti kundershtosh per perfundimet ku te cojne premisat e tyre, thjesht duke u nisur nga paragjykimet e tua.
    Kur nuk ke asnje nga keto vlera, fillon dhe heq dore nga te ftuarit e te tjereve ne fe, por kalon ne demaskim e ofendim. Taksirat i jone tani qe te felliqemi ne kete menyre prej njerezve pa mend.

  9. Ana says:

    Nuk do komentoj qendrimin e hoxhes, ligjeraten e tij se eshte thene lart nga te gjithe dhe nuk kam se c`te shtoj..por ajo qe te habit eshte reagimi i grave: ka me vite shtypi kosovar flet per kete dukuri negative te shoqerise kosovare ; nuk jane hoxhallare por gazetare..ku kane qene keto deputete kur gazetaret kane folur per kete teme?…
    ku kane qene keto gra qe na qenkan ndier kaq te fyera nga hoxha kur kryeparlamentari i kosoves para disa viteve e plasi ne mes te kuvendit qe UNMIK-u qendron ne Kosove per rrogat super te larta te cilat as ne vendet e tyre nuk i marrin dhe per FEMRAT E BUKURA KOSOVARE…Punesimet ne UNMIK kane qene me te larta ne femra sesa ne meshkuj…Hapni faqet e vjetra apo arkivat e gazetave dhe do shikoni artikuj me shumice rreth kesaj teme..
    Pra hoxha nuk eshte se tha ndonje te re qe shokoi opinionin ne Kosove; ai tha dicka qe e kane thene gazetaret dhe politikanet …

Post a Comment


 

 
 
 

Arkiva

Rregjistrohu me email

Enter your email address:

Delivered by FeedBurner