Telenovela e Namazgjasë





images (1)Siç kuptohej nga zhvillimet e fundit, dhe nga tradita, ndërtimi i xhamisë së Namazgjasë do të pasohej me një sezon akoma më dinamik dhe intrigant për spektatorin. Pas flirtit fillestar me personazhin Sali, KMSH-ja ra në dashuri me simpatikun Luli. Në aparencë dukej sikur më në fund ajo e gjeti atësinë pas një shtatzënie pa mbarim, por sezoni u mbyll me 23 qershor duke i hapur shtegun episodeve të reja me artistin Edi, që KMSH-ja nuk e deshi kurrë. Ishte një përbuzje reciproke, duhet thënë: ai flirtonte me Institucione të tjera, disa homologe te KMSH-së, për të cilat e pati gjetur kohën dhe gatishmërinë e duhur. Edi, i forcuar tani nga pushteti, nga darka romantike e Ramazanit – paguar me lira – dhe nga synetllëku pas shkëmbimit të vizitave me qeverinë turke, është bërë aq joshës për KMSH-në sa ka plasur xhelozia e Lulit.

Ky i fundit e do atësinë për vete, megjithëse një gjë të tillë ia paska premtuar edhe Ndërtesës Polifunksionale, motrës siameze të Namazgjasë. Kalorësi piktor ka sfiduar kalorësin me rul në duel, duke premtuar vetëm atësinë e Namazgjasë, se Ndërtesa Politfunksionale ka birësuar në 12 vite aq sa i doli nami si Don Zhuan i pakursyer. Aktorja tjetër, akoma më misterioze dhe intrigante, është Familja X – apo familjet, megjithëse producentët kanë shfaqur hijen e një familjeje kryesore që emërtohet si vendlindja e heroit tonë kombëtar – e cila dashurinë me Lulin e ka fizike. E gjora KMSH, çfarë nuk bën për fëmijën e saj, pranon edhe kumbari të pahijshme. Normale, me ato përmasa, fëmija nuk mund të pozicionohet kurrë nga drejtimi i duhur, prandaj i nevojiten edhe 2 dynym shtesë.

Si do të shkojnë episodet në vijim? A do të jetojë dot Namazgjaja pa siamezën? Do të shpërthejë dashuria e KMSH-së me artistin, tani që kafen e pi edhe turke? Po Familja X? Në panairin e ardhshëm të votave do të kemi çallma mavi? Ky është shpërblimi për martesën apo prika e investimeve ‘yll e hënë’?

Ndërkohë, pak relaks me kolonën zanore.

***

PD-së i është kujtuar se ka myslimanë që kërkojnë një xhami dinjitoze dhe hiqet sikur po jua plotëson kërkesat, ndërsa pala antagoniste paraqitet si antimyslimane. Mbase, por po kujtojmë një rast që vjen nga bastioni i PD-së, ish-bastioni i znj. Topalli. Megjithëse ka 20 vite që maxhoranca e Këshillit bashkiak i përket të njëjtës parti të shqetësuar për Namazgjanë, xhamia e Rusit – një nga lagjet më të mëdha të Shkodrës –, e rrafshuar gjatë regjimit, është (sot) e zaptuar nga 7-8 familje të ardhurish nga Highlands lindore të Shkodrës. Myslimanët kryejnë ritet në një ndërtesë bashkërisht me një grigjë hajdutësh, e cila, për kronikë, vjen nga zonat ku na qenkësh ruajtur e pastër tradita dhe emri shqiptar. Bashkia e demokratëve ia ka njohur pronësinë e objektit Myftinisë, sepse trualli është vakëf, por nuk merr asnjë masë për t’ia rikthyer, për ta zbatuar ligjin dhe autoritetin e saj. Ndërkohë myslimanët ulin kokën, jo vetëm në sexhde, dhe adhurojnë Zotin në një shtëpi plot hajdutë të pranuar nga partia e pushtetit vendor. Nga ana tjetër, RD-ja (!) fajëson kryeministrin se po diskriminon myslimanët e Tiranës.

 

Comments

  • Gjithsesi me duket se deklarata e KMSh-se ne kete rast eshte korrekte. Kjo eshte ajo qe besimtaret duan te degjojne vetem se duke ditur sa e pafuqishme eshte ne realitet KMSh, na mbetet vetem te themi “inshallah”.
    http://www.kmsh.al/al/?p=1191

    (paska ngel dikush tek KMSH-ja keto dite per te nxjerre nje deklarate shyqyr. jo te gjithe qenkan nis per haxh…)

    • KMSh korrekte? Ku e sheh ti zotrote korrektesen e KMSh-s? KMSh duhet te jete pikesepari transparente ne mardhenje me publiku. Ne eren e teknologjise dixhitale, KMSh informon “subiektet” e saje te shumte aq sa Stalini informonte proletariatin sovjetik. KMSh, pa vendosur gersheret ne duart e Selimit, qe ne ortakllek me gersheret e Saliut dhe Lulit prene shiritat nen sfondi e karikatures me fotoshop, duhej te dilte dhe te bente trasparent marrveshjen. Krymekati i KMSh eshte qe vendos nje tabele tek hyrja e Parlemtit, dhe megjithese e ka lejen me data dhe protokollet perkatese ne bashkepronesi me komshiun, ilustron ne tabele vetem fotoshopin e kontrabanduar por pa imazhet e “qendres polifunksionale” kaq te perfolur. Nese marveshja eshte e ndershme perse KMSh nuk ja la ne gjykim opinionit publik? Fundja marrveshja behej ndermjet dy subiekteve juridike per interesat reciproke, dhe me pak investim publiku do ta mirkuptonte natyren e saje. Fatkeqsisht duke qene e korruptuar ne themel, KMSh per interesat e turpshme te politikes edhe kete projekt e njollosi me modelin e saj historik te aferave me troje, ndertues dhe politike. KMSh ne fakt eshte pasqyra e sakte e bashkesise se gjere te besimtareve, e paafte te mirqeverise me ndershmeri te miren publike qe bashkendajme si besimtare.

  • O njerëz, çfarë shkruani! Ç’jeni ju? Shefa kuadri, apo punonjës të Sigurimit të Shtetit që përflisni kështu:

    “Aktorja tjetër, akoma më misterioze dhe intrigante, është Familja X – apo familjet, megjithëse producentët kanë shfaqur hijen e një familjeje kryesore që emërtohet si vendlindja e heroit tonë kombëtar – e cila dashurinë me Lulin e ka fizike. E gjora KMSH, çfarë nuk bën për fëmijën e saj, pranon edhe kumbari të pahijshme. Normale, me ato përmasa, fëmija nuk mund të pozicionohet kurrë nga drejtimi i duhur, prandaj i nevojiten edhe 2 dynym shtesë.”

    Po kë po përflisni? Familjen X? Familjen Kruja? Erald Krujën, djalë të përkushtuar që është falur në një xhami ku, me shumë mundësi, e keni vënë ballin në sexhde edhe ju? Dashuri fizike me “Lulin”? S’po pyes “cilin Lul”, Lulin e s’ëmës apo të të atit të ndonjë të paedukati, po për përmendjen e familjes X në “lidhje fizike” me njëfarë Luli, ndiej detyrimin të shpreh indinjatën dhe përçmimin më të thellë, sidomos pasi pamë publikisht në TV si përfaqësues të asaj familjeje një shok e mik, një vëlla, një njeri si Alban Bala, për të cilin gjithë kush shkarravit këtu a përflet diku duhet të lajë gojë e duar edhe në i shkoftë mendja për keq! Po haku i vëllait mysliman?

    Sinqerisht, i lutem Zotit që të mos e keni ditur se Alban Bala është pasardhësi i asaj “familjes X”! Një familje që i duhet të përflitet e të përçudnohet kështu sepse krahas një cope truall që pranoi të japë për ndërtimin e një xhamie, pretendoi të mbante një copë edhe për vete! Një copë nga trualli i vet, i gjyshërve të vet! Jo, Alban Bala s’është një njeri që ta merrni nëpër gojë ju këtu! Ai është një besimtar i përkushtuar, një njeri me shpirt, një poet që jo vetëm shkruan më mirë se gjithkush që shkarravit këtu, por shkruan edhe:

    Mjafton nje rojtar varreze

    Ne kete kend te botes ku lulet mbijne pa rrenje
    Ku dyert jane me te renda se hijet e njerezve
    Ne kete kend
    Ku mjafton nje rojtar varreze per t’i bere te heshtin
    Gjithe shpezet, zogjte e lumtur te vjeshtes
    Ne kete vend
    Ku eshte turp te jesh gjalle e gjithsesi do te jesh vetem
    Duke heshtur ne emer te paqes se te tjereve
    Ne kete vend ku deshirat dalin gjithnje teper, si duart
    Dhe ku nuk hyjne me ne pune as kembet
    Ketu ku mendja eshte krejt nje rudiment
    Nje pllake guri qe pohon vetem vdekjen
    Mjafton nje rojtar varreze per t’i bere te lumtur
    Te gjithe te gjallet…
    Ketu vdekja eshte nje menyre jetese…

    Albani është pasardhës i familjes Kruja. Familja e nënës së tij. E s’di në ka pasur kush këtu një gjysmë zemre sa të shkruajë siç shkruan Albani për nënën e vet:

    Loti i nenes sime peshon me rende se nje mal
    Mund ta varrose nje qytet, ta ngreje detin galop
    Ta ndeze nje vullkan, loti i nenes sime
    Tremb
    Si moti ne mal. Kam njohur Zotin
    Tek loti i saj.
    Lotin e nenes sime si nuk e kane frike
    Ata qe e bene te qaje…!

    Nuk jua uroj dot, se do ta meritonit, po nuk jua uroj dot që t’i shihni edhe ju lotët e nënave tuaja! T’i shihnit pak shpesh, jo që të vuajnë ato, por që ju t’i kuptoni ca gjëra më mirë.

    • Me duket se me shume je zemeruar ti, dhe jo per Albanin se sa per Lulin, megjithese duhet ta bejme me shpesh qe te kemi te pranishem ne komente.

      Po marr persiper te komentoj raportin tone, si Shefa kuadri, meqenese ke sjellur disa vargje poetike.

      1. “Dashuria fizike me Lulin” eshte metafore e interesave te ndersjellta. Pra, dhuruesi i prones e ben kete akt sepse i dhurohet e drejta e ndertimit (mbase nijeti ka qene i paster, por rezultati eshte ajo ndertesa polifunksionale, dhe gjykimin e nijetit ia leme Dikujt tjeter, ndersa ne mekataret shohim rezultatet, ku leja eshte nje rezultat dhe jo nijet), aty ku veshtire mund te ndertohej. Keshtu perfitojne dy dhuruesit, pronari, per arsye te thjeshta, dhe Luli per imazh, e nuk po shkoj me tutje.

      2. Lajmi i perfshirjes se familjes apo familjeve X, nuk vjen nga e-zani. Pjeserisht familjet kane dalur ne shesh, pjeserisht jane maskuar, mbase me shume nga KMSH-ja dhe akorduesi i lejes se ndertimit. Sidoqofte, jane fakte, te verteta ose jo, te percjellura nga mediat. Po te lexosh me vemendje, i qete, i çliruar nga kompleksi ndaj nesh dhe nga tifozeria, do te bindesh se nuk e pergojuam Albanin as deshiren e tij legjitime, nese eshte ai pronari, per te investuar sipas “qefit” ne truallin e vet.

      3. Ne asnje fjale nuk ka ofendime personale ndaj Familjes ne fjale, e aq me teper e personazheve qe ti solle ne koment. Nga ato qe vene koken ne sexhde, me te ofenduar mund te ndjehen administratoret e KMSH-se, por nuk jane ne pozitat e moralshme per te kerkuar indulgejnce per zvarritjen e ndertimit te objektit ne fjale per 22 vite, aq sa une dhe ti duhet te falemi ne trotuare, ne xhamia ku imami eshte diku ne nje xhep abuziv. Te ishte KMSH-ja dinjitoze, ajo xhami do te kishte perfunduar me kohe. Prandaj mos na kerko te kursehemi ne kete aspekt. Megjithese, perseris, nuk ka asnje ofendim. Thjesht ironizuam sjelljen e tyre. Nese ajo eshte ofensive, nuk eshte problem i yni, le te sillen siç i ka hije institucionit.

      E-zani nuk mbajti asnje qendrim pikerisht sepse situata eshte e mjegullt dhe pak te thuash tallese. Ne keshtu na duket. Keni leje per xhami, por kjo do te ndertohet me nje “diçka” tjeter prane, sepse nuk mjafton prona; kjo para zgjedhjeve, po, pikerisht; pastaj vjen tjetri dhe anullon lejen e “diçkase”, por jo xhamine – thote, ndersa leja eshte e perbashket, pra nuk ndertohet edhe xhamia; KMSH-ja pohon te kunderten, xhamia do te ndertohet, me pretekstin se ia ka premtuar Rama, por nuk i citon aspak kompromiset me pronaret e 2 dynymeve; ponaret dalin para mediave dhe deklarojne se ndjehen te tradhetuar dhe se kompromisi eshte shkelur, pra xhamia nuk ndertohet edhe ne ato 2 dynym te falura; kuptojme se nuk paskan qene edhe aq te falura.

      Duke mos dashur te ofendojme njeri, te mos mbajme nje qendrim per diçka te rreshqitshme, e komentuam ne kete menyre. Une them se nuk i konteston dot faktet qe ironizohen aty. E ne pamundesi e kthen repliken ne retorike emocionale, me akuza te paqena ndaj nesh. Nuk je i pari Edvin. Hoxhe Ahmedi, per aq sa ne behet vone, na nxori nga feja. Hyr edhe ti ne liste, por gjej akuza serioze per apostazi.

      I vetmi intepretim i sigurt eshte pjesa e dyte e shkrimit. Kete e dokumenton me nje vizite te thjesht, nese ke deshire kete te premte, ne xhamine e Rusit.

      • Eshte shpetimtare kur sulmojne hoxhallare te impresionueshem apo apologjete te partive, po gjithsesi nuk mund te mbrohet dot kollaj gjuha e editorialit mesiper vetem permes kritikes se kritikuesve. Une vete u argetova kur e lexova, po ka edhe argetime fajtore qe te bejne te ndihesh ne siklet.

        Fjale si flirti, dashuria fizike, shtatzania, synetlleku dhe Lul simpatiku, apo hamendjet ekstravagante, i japi nje ton te tille shkrimit, qe sigurisht eshte ne harmoni me mataforen e telenoveles turke ne titull, po me duket se nuk i sherbejne shume qellimit per te cilin shkruhet nje artikull mbi xhamine dhe fene. Nuk ka te beje kjo besoj me ndonje veshtrim ultrakonservator, po me kerkesa minimale, se ashtu si revoltohemi kur shohim biznesin e partite qe perzihen me xhamine, po ashtu duhet te ndihemi keq kur ne emer te shqetesimit fetar, regjistri i gjuhes godet poshte brezit. Ka ca pune qe nuk tolerojne shume perzierje, mendoj. Ndoshta dhe politizimi i panevojshem identitar i zaptuesve te vakefit ne Rus mund te ishte evituar.

        • I vleresoj gjykimet dhe sygjerimet, te cilat mund te them se ishin menduar perpara shkrimit. Ketu eshte preferuar kjo gjuhe tallese, poshte brezit, siç e quan ti, per te ekzaltuar talljen me myslimanet, se tallje eshte kjo, dhe e madhe shume madje. Si te themi, eshte autoironike: argetim me nje reflektim qe mund te shtrihet ne disa drejtime. Ajo qe ti quan qellim shterrohet mjeft mire me kete gjuhe: tallja, paqartesia qe shkon ne kufijte e intriges, shfrytezimi per interesa personale, sjellja e pahijshme e disa nga “aktoret” e mesiperm, inkoherenca e tyre…

          Ajo situata e Rusit, pastaj, del nga telenovela. Konsideroje si publicitet qe ofron informacion. Nuk e kuptoj qarte “politizimin identitar”, sepse nuk nenkuptohet, te pakten ne ato qe shkruajtem, identiteti politik i zaptuesve, perkunder qartesise se identitetit lokal, pra origjines se ngushte, dhe, indirekt edhe fese.
          Sinqerisht nuk e dime per ke votojne ato zaptues. Nuk eshte çudi per te majten, megjithese e djathta i beri me shtepi ne qytet. Identiteti politik eshte i qarte per Bashkine ne fjale. Ajo po. Ne te kundert, çfare publiciteti informativ do te ishte?

          Fundja, te lutem mos me keqkupto, konsideroje(ni) si zgjedhje tonen. Ne nuk bejme dot referendume si duhet te shkruajme nje qendrim. Edhe ne nje referendum ka nje pakice (ose shumice) qe voton kunder e nje tjeter qe nuk voton fare. Edhe sikur shumica te ishte ne favorin tone, perseri kjo nuk do te thote se kemi te drejte.

      • Mos u merr o admin me persona qe nuk i ze gjumi kur preket hazreti Lul dhe hazreti Sali. Kjo pjesa tjeter me familjen qe preket ne shkrim, eshte alibi qesharake per pjesen e pare te turfullimit. 99% e muslimaneve ne kete vend nuk i njeh personat qe permend djali, dhe asqe e ka per borxhe t’i njohe si familje, personalisht apo dhe interesat e tyre. Turp i turpeve, personit ne fjale me fjalor rrugesh nuk i vjen turp se ne si besimtare po na del kallai nga kjo telenovele e ndyre, nderkohe merret me mbrojtjen e nderit supozuar te cenuar te familjes ortake ne ndertim.

      • Ngaqë jeni mësuar të shani pa doganë si t’jua hajë mendja e kë t’jua hajë mendja dhe keni konceptuar se e sharë për të mos u postuar është vetëm rasti i përdorimit popullor të termave me natyrë seksuale (në fakt, ato s’përbëjnë më problem sot; kot s’i lejoni edhe ato!), nuk ju duket as sikur keni cenuar kënd dhe thoni: “Hajt se do ta kesh pasur problemin te Luli, se ne mazallah se e thamë një fjalë të keqe për Albanin!” Mungesën tuaj të respektit për Partinë Demokratike apo për kryetarin e saj të radhës s’kam më ç’ta diskutoj me ju, se e kemi konsumuar shpesh.

        Por juve flladisni egon tuaj duke shkruar pa doganë: “aktorja…misterioze…intrigante…Familja X…familjet… në dashuri fizike me Lulin…në kumbari të pahijshme me KMSH-në…” dhe pasi ke shkruar këto, të bësh tefsir duke thënë se s’u kalua ndonjë cak, atëherë cak thjesht s’ka më. “Myslimani është vëllai i myslimanit, nuk ushtron dhunë ndaj tij…” thotë hadithi. Këtu, ky hadith ka mbetur vetëm retorikë.

        Mbase këtë hadith duhet ta risjellin ndërmend edhe ca gojëkëqinj më poshtë, që jo vetëm cilësojnë turp të madh faktin që unë “mbroj nderin e Albanit”, por e trajtojnë Albanin edhe në cilësinë e një të deklasuari që meriton shpronësimin si në 44-ën. (Besoj se jeni dëshmitëar që unë kam mbrojtur edhe “nderin e Ervin Hatibit” kur është përgojuar këtu nëpër komente, edhe pse e di se Ervini, në përmbajtje, bie më shumë dakord me editorialet e E-zanit sesa me mua)

        Në paçin vërtet lidhje me Islamin të tillë komentues llafazanë, është vërtet gjynah, po tani që në derë të KMSH-së pamë të protestonin kundër xhamisë edhe tipa si zonja Veraj, që mbante “hixhab portativ” vetëm për raste protestash, nuk do të habitem sikur të tillë revolucionarë të jenë trazuar edhe mes komentuesve.
        Paçin hijen e vet!

        • Mos u bej megalloman se Albanit, ose ndonje tjetri, nuk ja ka marr nderin njeri ketu, por e gjitha eshte fantazi e jotja nisur nga krashi emocional qe peson nje fanatik politik si puna juaj. Smptoma juaj e shpikjes se revolucionarve te majte mes muslimaneve mesa shoh do te vazhdoje te furnizoje mllefin tend, energji e nevojshme per te çuar ditet perpara.
          Respektin per Partine dhe Kryetarin shko dhe shiti te “55” e Fari Balliut, e mos na perzi barkun ketu me elozhe per bandite.

        • Nuk je i pari qe gjuan me gura ndaj pemes me kokrra. Dikush E-zanit i thote shia-rafidi, dikujt tjeteri nuk i pelqen dimensionin suni, nje tjeter akuzon duke rrahur gjoksin per spiune soroiste, dikush sheh me dylbi qimen e perenialismit, dikush akuzon per sufiste deviante, dikush e sheh blogun si nje komplot anti PD, ti i bie po te njejti kavall me akuza per revolucionare marksiste, neper blogje akuza vjen per fondamentalisem, etj. Ka mbet pa u akuzuar E-zani per komplot te krishtere (disi e veshtire, ende)

        • Na e kujtove imagjinatën e mbledhjeve të partisë, me persona që shajnë partinë (!), që përdorin shprehje të huaja (me natyrë seksuale), që jemi llafazanë e prishim qetësinë e shokëve-vëllezër… Ia kalove edhe ironisë së shkrimit. Nejse.

          Albani, ç’pati për të thënë e shprehu tek Fevziu, ku duke mos iu përgjigjur një pyetjeje të përsëritur disa herë e deduktoi përgjigjen: “tokën nuk e kemi falur, por e kemi këmbyer”. A nuk janë këto interesa ekonomike? A nuk erdhën me ndërmjetësimin, lejen, vullnetin, dijeninë dhe firmën kryebashkiakut dhe të mentorit të tij? Është botuar një libër i bukur i Hasan Kaleshit që shpjegon në detaje formimin e disa vakëfeve në trevat shqiptare. Përveçse një perlë dokumentare shpjegon mënyrën e mbijetesës ekonomike të institucioneve fetare dhe të formimit të “hapësirave ndihmëse”. Mund të shohësh që asnjëri nga ata aktdhurime nuk është rezultat i lejeve për diçka tjetër.

          Sikur vërtet të ishin dhurime, 2000 m2 e privatëve të Namazgjasë, zotëria nuk do të pohonte, jo më larg se dje, që marrëveshja e “sforcuar” – ai përdori fjalën presion – me KMSH-në tani nuk ka më vlerë. Kjo sepse ai projekt xhamie nuk ndërtohet dot mbi sipërfaqen e vogël që disponon KMSH-ja në Namazgja dhe shtrirja e projektit kërkon pjesërisht territorin e familjeve të cilat janë akoma ligjërisht pronare, pra nuk e kanë dhuruar. Kundërshtoji këto dhe pastaj eja të bëjmë retorikë sa të duash.

          Faktikisht, e-zani nuk e gjykoi aspak veprimin e pronarëve, që kanë të drejtat e tyre ta shfrytëzojnë pronën – fundja KMSH-ja ka autorizuar (ose ka heshtur) transformimin e pronave vakëf në objekte private –, thjesht u limitua në konstatimin e pranisë së tyre, po kështu interesat dhe marrëdhëniet. I mohon dot këto? Atëherë, do të na mësosh se çfarë duhet të flasim, çfarë dhe si duhet të komentojmë? Të është kërkuar të kontribuosh me shkrime dhe nuk ke pranuar: sigurisht, nuk ke refuzuar për censurë dhe orientime.

          Nuk besoj se i ka munguar edukata dikujt këtu në lidhje me ty, dhe, akoma më tepër, nuk ta ka njeri për borxh vulën “Lulin e s’ëmes apo të të atit të ndonjë të paedukati”. E mos më thuaj se të paedukatit në këtë frazë nuk jemi ne, por një komentues abstrakt, pasi dole në këtë përfundim nga togfjalëshi “dashuria me Lulin” që shkëpute nga teksti. Ka një limit për çdo gjë, besoj. Prindërit tanë, por dhe familjet, nuk janë persona publik që të kanë cenuar ty apo ndonjë komunitet specifik, madje ndonjërit komuniteti i është borxhli për përkushtimin që nga 16 nëntori i 1990, kur të tjerë kujtonin se xhamia hahet. Nuk kemi bërë shkëmbime pronash me KMSH-në, nuk kemi marrë leje ndërtesash të çuditshme, nuk ta kemi sharë nga nëna e nga baba “klientin” tënd, nuk kemi shpifur asgjë jashtë asaj që aktorët kanë bërë publike. Kështu që hadithin lexoje për vete, se vlen në këtë rast me shumë se për ne, pasi nuk po tregon vëllazëri gjëkundi, le pastaj respekt. Apo ke tagrin fetvaxhinjve dhe tani që na ke nxjerrë nga feja nuk vlen hadithi? Sikur nuk shkon shfrytëzimi i moralizmit edhe me hadithe, edhe me devotshmëri partiake, edhe me përkujtimin e mbrojtjeve miqësore.

          Siç u tha, ti shqetësimin e ke partiak. Pse vëllezërit e fesë nuk respektojnë PD-në. Ky është thelbi. Një konstatim i thjesht: PD-ja ishte 13 vite në pushtet dhe ajo xhami ka ngelur në letër. Unë jam plotësisht i bindur që nëse në këtë shkrim do të kishin munguar Basha dhe Berisha, ti nuk do ta merrje zahmetin e komenteve. Dallimi është se ti nuk lejon gjykimin dhe opinionet ndaj partisë, në një kohë që toleron diversitetin në fe. Albani, më vjen keq ta them, është dekor dhe pretekst në komentin tënd.

          • Me ç’po thua, po shkon në mos në një linjë, së paku ca më larg se Shkrelit i ndërtimit, që i thoshte Albanit se “nuk i quhet sadakaja”, meqë truallin e ka dhënë me interes e jo pa interes. Unë as s’e di se pse duhej që Albani dhe familja e tij të jepnin truall në mes të Tiranës pa përfituar asgjë dhe as s’e di se pse s’i duhet shprehur mirënjohje për faktin që i mundësoi KMSH-së – qoftë edhe me këmbim – që të shfrytëzonte 2000 metra katrorë prej sipërfaqes së tij, kur një truall të tillë fare mirë, që pas 1994-ës e gjer më sot, mund ta kishte shfrytëzuar vetë duke i futur në xhep një 20 përqindësh ndonjë sekseri (Tan Lepurit, për shembull!) dhe të bënte vërtet dy kulla e jo një, vërtet nga 16 kate e jo 8 (siç shprehet rëndom agjit-propi i pushtetit popullor të rilindur).

            Në fakt, Albani as këtë falënderim s’ia kërkoi kujt dhe s’pretendoi kund të kishte bërë ndonjë “sadaka” si ajo që përmendni ju dhe Shkreli. Nëse rrethanat edhe e detyrojnë dikë që zotëron tri njësi prone që të dhurojë dy dhe të përdorë për vete një, ju keni të drejtën tuaj që të mos i thoni as “faleminderit”. Unë ia di për nder.

            Por gjithsesi, Albani s’ka dalë të kërkojë as këtë. Ai është një pronar i ligjshëm që kërkon të zhvillojë pronën e vet dhe një besimtar i mirë e i përkushtuar që dëshironte të kishte kënaqësinë që xhamia të mundësohej edhe në sajë të kontributit të tij. Unë kaq i shoh dhe kaq i vlerësoj. Më tej, secili gjykohet Tjetërkund për nijetet e veta.

            Natyrisht, edhe punën e “presionit” unë e di dhe e kuptoj ashtu siç e tha Albani dhe jo siç interpretoni ju këtu dhe Lorenc Vangjeli në studio. Fundja nuk dukej që Albani të kishte ndonjë hatërmbetje për “presionin”. Aq më tepër që edhe në komunikimin e sotëm publik, Albani falënderon KMSH-në për negociatat (qofshin ato edhe negociata të forta), ndërsa shpreh keqardhje për faktin që në fund u la vetëm prej KMSH-së. Natyrisht, kjo s’jua heq juve të drejtën që t’i shihni gjërat në qëndrime të njësuara me Vangjelin, Lamen dhe Shkrelin. Ashtu shikojini. S’ka problem.

            Ndërsa kur vijmë te detyrimi për sa ju kam shkruar që në fillim (dhe jo për herë të parë), “Myslimani është vëllai i myslimanit, nuk e dhunon atë…”, në detyrimin për të mos cenuar dinjitetin dhe personalitetin e një vëllait tonë në besim (në fakt, edhe më gjerë se kaq!), s’ka më relativitet dhe s’ka më diskutim mbi këndvështrime të ndryshme. E nëse ti më thua se “dashuria fizike” e familjes së nënës së vëllait tonë, Alban Balës, me “Lulin”, në “polisemantizmin” e vet, nuk duhet parë si një marrëdhënie (homo)seksuale (“fiziken” mos e hiq nga citimi) ku njëri është lart e tjetri poshtë, në mos qoftë kështu, pra, por në qoftë nënkuptimi në shtresat e tjera të “metaforës”, atëherë edhe “Luli i së ëmës a i të atit” të një të paedukati mund të jetë fort mirë abstrakt e metaforik, po aq sa ç’i thonë ndonjë djali të zoti “kopil” pa i sharë nënën.

            Edhe nëse do të kishte qenë e vërtetë ajo që broçkulliset me hamendje nijet-zbuluese se zemërimin e reagimit në mbrojtje të Albanit ma paskësh shkaktuar përmendja e “Lulit” dhe jo e Albanit, unë prapë do të kisha dalë ku e ku më i larë se ju, që urrejtja për kryetarin e radhës të Partisë Demokratike ju shtyn në të kundërtën: në cenim të një besimtari si Albani dhe të familjes së tij.

            Unë vetë kam ulur kokën e s’jam përgjigjur në të njëjtat përmasa kur në rastet që kam debatuar këtu, kam ndier të jem cenuar personalisht, teksa më është bërë edhe “analizë klinike truri”. Kam kapërdirë e madje mirëkuptuar gjithçka. S’po i them as “mungesë respekti” kësaj dhe s’po ta hedh poshtë pretendimin se jam respektuar në këtë faqe në komentet e mia (me aq sa mund të respektohet njeriu këtu). Por në koment të këtij editoriali, nëse s’do t’ju kisha shkruar kurrë një rresht për mënyrën se si e keni shtjelluar përmasën politike të problemit (kemi folur shpesh për këto dhe s’jemi marrë vesh asnjëherë, prandaj kot që të vij e të diskutoj prapë), nuk ndenja dot pa jua vënë në dukje se s’është normale që ju të cenoni këdo e si të doni. Gjithsesi, teknologjia e lirë jua jep të drejtën që këtë blog ta konceptoni edhe si një fletë-rrufe afatgjatë që karikaturizon e prek gjithkënd. Bëni si të doni. Po më e mira do të kishte qenë ndryshe. “Ju jeni ymeti më i mirë, i ardhur për të mirë të njerëzimit; këshilloni për të mirë, ndaloni nga e keqja,” – thotë ajeti. S’di sa larg këtij ajeti jam unë vetë, por ndjesia që më përcjellin fletë-rrufetë tuaja, gjithashtu, qëndron shumë larg dobisë së të këshilluarit për mirë dhe të të ndaluarit nga e keqja. “Shkoni te Faraoni, flitini butë”, porosit Allahu në Kuran Musën dhe Harunin. “Me itharët e librit diskutoni me të mirë”, – porositemi gjithashtu. Kur me njerëz që i njohin statusin e Zotit një njeriu apo me një tiran që i njihte statusin e Zotit vetes duhet folur mirë e pa cenuar, është e tepërt të diskutohet se si duhet trajtuar tjetërkush, për të ardhur deri tek Albani dhe familja e tij. E sërish, bëni si të doni.

          • Te lutem shikoje me vemendje Opininon e fundit te Fevziut, konkretisht nderhyrjet e Albanit, dhe pastaj fol me kaq kompetenca per lejen, sadakane dhe pronaret.
            Une po gjykoj ate çka eshte publike. Se çfare kane me mendje te tjeret, çfare diskutojne tek abdes-hanja apo ne kafe, jane relative.

            Sa per Shkrelin, e kemi nje shkrim ne lidhje me kete personazh, pikerisht per xhamine, prandaj kjo metoda e gjetjes se “tradhetareve” dhe e te “shiturve” te armiku, si ne, eshte e vjeter sa njerezimi, e nuk po ta vej re. Ti e di shume mire qe me Shkrelin nuk na lidh asgje, perkundrazi, e megjithate aludon per njesime idesh e qendrimesh, madje e perforcon duke e nenvizuar me shume se nje here, sikur “ja, jeni si ato“.

            Te jesh i cenuar personalisht nga komentuesit nuk eshte sinonim i cenueshmerise nga ana jone dhe e blogut. Pastaj te tuat kane qene komente dhe jo artikuj. Keshtu qe mos na adreso ate çka nuk e dokumenton dot ketu.

            Keto duken pikat me thelbesore. Te hyj e te shpjegoj se kur fjala kopil ka nje kuptim e jo nje tjeter, se reagimi yt (kupto: metafora, por edhe kjo figure letrare, me sa duket, duhet sqaruar) nuk ishte i barazvlefshem me ate qe lexove nga ne, apo te bej ca retorika duke u ndihmuar nga teologjia, me duket folkloristike.

  • Per mendimin tim KMSH eshte fajtorja kryesore per kete qe ka ndodhur me xhamine. Nga ana tjeter ne rastin me te mire Basha dhe Berisha kane lare duart si Ponc Pilati sepse po te kish qene burre i mencem dhe i dashur me myslimanet Lulzim Basha apo Berisha mund t’i thonin komunitetit “Token ua blej une atyre pronareve dhe ua jap juve si kompensim”. Mirepo z. Berisha as qe denjoj ta bente kete pune….madje vete Alban Bala pohoi me ze dhe me figure “Nuk me ka ardhur asnje oferte nga askush per te me blere token”.

    Nga ana tjeer KMSH vjen me nje pazar te ulet dhe te poshter (edhe pse sipas burimeve mund e kerkonte toke per xhami edhe pas pallatit te kultures apo dikund tjeter) vjen dhe kerkon te ndertoje nje xhami pa shije fare ne nje vend qe nxit nje debat te madh politik. kerkoi ta ndertonte xhamine per te treguar karshillek dhe madheshti e ndoshta Zoti na e shperbleu ne kete menyre sepse fundja shtepia e tij s’mund te jete objekt i nje pazari te ulet.

    Keshtu qe eshte i kote diskutimi ne fjale, madje eshte aq qesharake saqe te gjithe po e kuptojme qe Rama eshte shtrenguar te ndertoj xhamine, dhe KMSH as qe denjon te shkoje ne emision per te sqaruar pozicionin e tij dhe ate pazarin qe ka bere. Se si Rama do ta beje xhamine duke abuzuar me pronen e Krujave apo duke e blere te gjithin.

    • Mos u nxito, deri tashme kemi vetem versionin e pronarve lidhur me realitetin e marrveshjes. Dje perfaqsuesi i pronarve, komshi me Namazgjan, thone qe kemi qene nen presionin e forte te KMSh-s per te arritur nje marrveshje zhvillimore te perbashket. Sado qe ndajme respekt per zotrine ne fjale, kjo gjithmone eshte gjysma e te vertetes. Duhet te kemi dhe versionin e KMSh (qe s’kemi per ta pasur mesa duket) per te plotesuar mozaikun e te vertetave rreth ngjarjes. Eshte diçka e çuditshme qe dikush sado i fuqishem qofte te bej presion mbi komshiun, aq me teper kur nga kjo perfiton fizikisht nje pjese prej tokes se komshiut. Publikimi i marrveshjes do ti hiqte hijet e dyshimit seciles pale, dhe nga ekspertet do te kuptohj prej tekstit te marrveshjes se cila pale ishte nen presionin e kujt.

        • Ne traditen tone “heshtja eshte pohim” per vashat e pamartuara. Tashti seriozisht, ne te tilla raste kur ka vullnete kryeministrore dhe kryebashkjake, si vajze e vogel kur zihet mami me babin nuk di se krahun e kujte te mbaje. E gjora vajze.

  • Nuk kam fjale per te shprehur keqardhjen e thelle dhe deshperimin qe provoj duke lexuar kete shkrim (karikature) dhe disa prej komenteve te bera kryesisht nga persona qe identifikohen pas pseudonimesh.
    Nuk dua t’u pergjigjem shpifjeve te panumerta qe kam degjuar ne gjithe keto dite te mundimshme. Gjithseicili i ka ato ne shpine te tij dhe do t’i gjeje sipas nijetit.
    Kam qene dhe mbetem i bindur se te besh nje perpjekje te mire eshte gjithsesi me mire se te mos besh asgje. Kam qene dhe mbetem i bindur se cdo veper qe behet me nijet per Zotin, eshte me mire te mos permendet.
    Per gjithcka kam deklaruar me ze e figure ne media mbaj pergjegjesi para Zotit dhe nuk ndjej asnje nevoje t’Ju perbetohem se po them te verteten. Me mjafton Allahu deshmitar.
    Nuk kemi fshehur asgje perpara askujt. Por ngjarja publike nuk ishim ne: ishte xhamia. Pse KMSH zgjodhi mos ta tregonte te gjithe lejen se cfare perfshinte, perseri kjo nuk eshte pyetje per mua. UNe dhe familja Kruja nuk i jemi imponuar askujt. Ishim ne punen tone dhe na u kerkua ndihme. Pranuam te ndihmojme duke nderlidhur zhvillimin e nje zone te integruar dhe duke deshmuar maksimumin e vullnetit pozitiv. Te jetosh me dinjitet nga prona jote nuk eshte haram apo jo?
    Ju siguroj se ligji i shtetit laik nuk lejon nje qeveri te shpronesoje me shperblim nje privat, per te mbeshtetur nje interes komunitar (sepse interesi i nje grupi fetar nuk kategorizohet si interes publik). Nese kjo do te ishte e mundshme, do te kishte ndodhur.
    Ne prodhuam shanset e nje zgjidhjeje. Kjo zgjidhje nisi te zbatohet deri ne rrezimin e lejes se perbashket, cka ndalon edhe xhamine te vazhdoje punimet.
    Braktisja e pozitave te pales se cenuar nga KMSH mbetet nje vendim i tyre, sado zhgenjyes por une nuk jam ketu per te folur per KMSH.
    Une jam ketu per t’ju thene se helmi i asaj qe lexova me lart eshte shume me i hidhur se cdo vendim i padrejte dhe abuziv i administrates.
    Gjithsesi gjithcka qe familja Kruja ka bere deri me sot nuk e ka bere vecse per kenaqesi te Zotit dhe ne kujtim te pronarit te asaj toke, H.Jusuf Kruja, njeri qe vdiq si musliman i devotshem pas mundimesh qe e sfiliten, por nuk e thyen asnjehere.
    Mungesa e mirenjohjes nga cilitdo qofte, nuk zhgenjen asnje pritshmeri. Gjithcka e kemi bere ne emer dhe per kenaqesi te Zotit. Ai eshte Shperblyesi, i Drejti.

    • Le t’i marrim pak më avash gjërat dhe mundësisht larg emocioneve. Në fillim (ri)përsëris atë që është thënë disa herë këtu: nuk hyn fare në optikën tonë, të paktën deri tani, interesi juaj si pronarë. Është e drejta e juaj ta shfrytëzoni pronën në mënyrën maksimalisht përfituese, qoftë ekonomike, ashtu edhe morale.

      Ajo çka vërej unë ka qenë e lexueshme dhe qartësohet më shumë me komentin tënd si dhe me linkun e artikullit, madje më shumë me këtë të dytin. Tek komenti nuk del në pah diçka themelore, që kuptohet nga intervista në Albpress. Po e marr të mirëqenë pohimin se «ligji i shtetit laik nuk lejon një qeveri të shpronësojë me shpërblim një privat, për të mbështetur një interes komunitar (sepse interesi i një grupi fetar nuk kategorizohet si interes publik)». Natyrshëm shtrohet pyetja: a e lejon ligji i shtetit tonë laik dhurimin e pronës? Po shitjen e saj? Nëse po, e kështu është, përse nuk i dhuruat ato metra? Këtë përgjigje ti nuk e jep tek komenti por tek intervista, dhe e jep ne këtë formë.

      «Projekti aktual i Xhamisë se Madhe ka nevoje për një truall, të cilin KMSH nuk e kishte, ndaj erdhi tek ne si pronarë për të kërkuar bashkëpunim. Ajo e gjeti bashkëpunimin, ndërtoi me ne si pronarë një marrëveshje – e cila realizohej në çastin e përmbushjes se lejes së ndërtimit».

      Pra, KMSH-ja mund ta realizonte projektin e një xhamie në ato përmasa duke u shtrirë në tokën tuaj pa asnjë detyrim ekonomik ndaj jush, porse në këmbim të lejes së ndërtimit për ju në pjesën e mbetur të truallit. KMSH-ja – me aq sa kuptohet – shtrihet në një sasi nga trualli i juaj sepse ju merrni leje ndërtimi. Më korrigjo nëse gaboj. Ç’ka këtu për t’u shqetësuar, do të thuash? A nuk kemi të drejtë ta shfrytëzojmë pronën tonë, mund të shtosh? Sigurisht, mund ta shfrytëzoni. Sigurisht për t’u shqetësuar ka, por jo nga ju se sa nga institucioni i myslimanëve, e kjo është çështje e gjatë. Ama ti nuk mohon dot diçka: interesin. Të thuash se gjithçka është «bërë veçse për kënaqësi të Zotit dhe në kujtim të pronarit të asaj toke» dhe të firmosësh marrëveshjen që hyn në fuqi nëse realizohet leja, sikur nuk je shumë koherent.

      E përforcon këtë ide me përgjigjen ndaj pyetjes «si do të reagojnë pronarët nëse qeveria vendos të blejë dhe shpronësojë për interes publik vetëm për pjesën prej 750 metrash të tokës që i nevojitet në këtë rast xhamisë për ndërtim?»:

      «Nuk mund të vijë dikush dhe të thotë se meqë fqinjit tënd i duhet dhoma jote e gjumit, ne të blejmë dhomën e gjumit, po ti vazhdo ta mbash shtëpinë… Unë ose kam një pronë të cilën e gëzoj sipas një parimi kushtetues, ose nuk e kam atë. Dhe unë nuk e kam atë pronë, vetëm në rast se bie dakord që ta shes atë me çmim tregu qoftë te shteti për interes publik, ose te një ent tjetër jo-shtetëror që mund të jetë privat, komunitar apo tjetër».

      Më vjen keq të them se kjo nuk është përgjigje e saktë. Shteti ta blen “dhomën” dhe pjesa tjetër ngelet shtëpia jote. Kjo ka pak interes përballë një deduksioni: ju si pronarë e shisni pronën, tek shteti ose tek privati, dhe këtë e bëni në tërësi, jo pjesërisht, me sa kuptohet nga metafora e dhomës. A mund të aludoj, si spektator injorant, se tek ajo pronë specifike, nëse veprohet me një shpronësim-shitje të pjesshëm, ajo çka ngelet nuk ka shpresë për të dhënë fryte përveç kokrrave që mund të prodhojnë pemët e një lulishte publike? Përsëri ti si pronar ke legjitimitetin ta kërkosh këtë zgjidhje, shitjen e plotë të pronës, por kjo konfirmon se qasja nuk është tërësisht për kënaqësi ndaj Zotit. Të paktën pjesërisht duhet ta pranosh interesin.

      Në momentin që evidentohet interesi (përsëris, i ligjshëm), si spektator mund të them se mjegullnaja që rrethon marrëveshjen, lejen dhe teatralizimin e ndërtimit të xhamisë është e dukshme nga të gjithë. Çdo gjë që u bë rreth asaj xhamie erdhi thuajse tërësisht e mjegullt: sa ishte kostoja, kush i mbulonte shpenzimet, përse ai projekt, po tenderi i projektimit dhe i ndërtimit, kush ishte Komisioni, kush ishin familjet që lëshuan truallin, përse e bënë këtë lëshim, përse përpara zgjedhjeve, përse Muça ishte mes dy liderëve të PD-së, e deri pyetjet e dekorit (përse imamllarët si rrallë herë ishin me uniformë), etj. Kjo për mua përbën misterin. Unë nuk di asgjë si qytetar se çfarë ndodh me pronën publike, por, si mysliman, nuk di asgjë rreth pronës publike myslimane të cilën unë, teorikisht, ia kam deleguar në administrimin KMSH-së. I vetmi fakt i qartë ishte premtimi i ndërtimit të xhamisë i sanksionuar nga fotot e kreut te KMSH-së me kreun e Bashkisë dhe të Qeverisë.

      Pra, edhe një herë, ka interes dhe mister. Vijmë tek elementi i tretë, raporti me Bashkinë. Ti je mjaft i qartë:
      «Pranuam çdo propozim që ata [KMSH] ofruan, edhe nën trysninë e Komisionit të Posaçëm të Bashkisë së Tiranës që u krijua për të mbështetur KMSH. E deklaroj me përgjegjësi se interesi ynë tregtar i është nënshtruar interesit komunitar që Bashkia ka prezantuar».

      Përveç interesave tuja si pronarë, Bashkia ka pasur interesat e veta. Për këtë interes, madje, Bashkia ju paska presuar. Them paska, sepse këtë nuk e dinim, por e mësuam në Opinionin e Fevziut (që është një han informativ). Ja ku rikonfirmohet misteri, e panjohura, dhe po flasim per një xhami e jo për kotec pulash.

      Fjalia e fundit është akoma më domethënëse: dy interesat, të Bashkisë dhe të juajat, kanë gjetur kompromis. Marrëdhënia është shprehur me një leje ndërtimi që, po të citoj ty, vetëm nëse përmbushej ajo (leja) mund të ngrihej xhamia. Ka interesa, ka pika të errëta, ka raporte mes jush dhe Bashkisë, të konkretizuara fizikisht me një leje të një objekti ku fiziciteti nuk ka ku të vejë më tej, epo tani mos na akuzo për shpifje, vrer e inkoherencë.

      Po, e vërtetë, shkrimi ishte karikaturë, në kuptimin e plotë të fjalës, një karikaturë e situatave, sepse ato (nganjëherë) flasim më mirë se mijëra fjalë e imazhe. Kanë ironi, deformojnë realitetin e dukshëm për t’u përqendruar tek esenca, tek simbologjia, tek kritika, tek mesazhi. Janë mjet i satirës politike, e xhamia e Namazgjasë, fatkeqësisht, është çështje politike. Askush ama nuk tha se u ironizuan edhe myslimanët, edhe vetë ne, pasi KMSH-ja e sotme është në këtë gjendje sepse ne jemi katandisur kështu.

  • Selam Alban

    Kam qene ne udhetim gjate ketyre diteve dhe nuk kam qene ne korrent te shkrimeve te fundit. Vetem dje i ndoqa debatet, pasi e pashe qe ishin bere mullar keqkuptimesh dhe, te them te drejten, i irrituar nga gjithcka shkruan Cami, e ndonje tjeter, nuk gjeja dot asnje deshire per tu perfshire ne debat. Kete paranteze nuk e bej per t’u shfajsuar, por thjesht per te treguar se, si lexues i tekstit nuk e shoh aspak si armiqesor apo fyesh ndaj teje personalisht, e as ndaj familjes tende. Per kete arsye nuk e kuptoj se ku qendron helmi.
    Natyrisht shkrimi ka helm, per shkak se jemi te gjithe te helmatisur nga kjo estrade qe po ndodh me ne, por ai drejtohet ndaj realitetit tone dhe atyre qe e kane sjelle ate, politikes, KMSH-se etj, e kurrsesi ndaj jush.
    Pavaresisht se nuk jam autor i shkrimit, ndjehem pergjegjes per cdo gje qe hidhet ketu, dhe duke te njohur e vleresuar pa mase, nuk do te pranoja kurre qe nje angazhim te cilit une i perkas, te behet objekt per te zbrazur helm kunder teje. Personalisht nuk kam asnje gjykim kunder rolit tend. Normalisht ti je ne pronen tende dhe ke te drejte te gjesh mjete per te shfrytezuar ate. Nuk mendoj se ka askush te drejte te te gjykoje per kete dhe besoj se shumica prej nesh ketu do te vepronte keshtu. Por, kam bindjen se e ke lexuar shkrimin nen presionin e te shnderruarit ne objekt gjykimi.
    Te kuptoj drejt, eshte e sikletshme te vihesh ne qender te vemendjes ne raste te tilla. Por fakti qe mund te jesh prekur nga shume njerez qe gjykojne pa pergjegjesi lart e poshte, nuk ka te beje me kete shkrim.
    Permendja e familjes X nga autori, ku perfshihet familja Bala (ku ben pjese ti) dhe Kruja (ku ben pjese Eraldi) nuk me duket se ka ndonje qellim as per ti goditur ato, e aq me pak, juve personalisht qe jeni vetem pjesetare te tyre. Nese e sheh me nje sy tjeter (qofsha i gabuar) shkrimi eshte me shume satire, qe synon te tregoje me humor te trishte nje realitet, i cili vertete eshte shnderruar tashme ne telenovele. Permendja e familjeve eshte thjesht si pjese e panorames, si pjese e aktoreve ne kete telenovele, qe normalisht nuk e keni gatuar ju. Pra shkrimi ju sheh si aktore dhe jo si skenariste te kesaj telenovele dhe nuk shoh t’ju kete akuzuar ne asnje rrjesht per kete.
    Permendja e “dashurise fizike” midis Kryebashkiakut dhe familjes X, nuk ka perse te merret ne literalisht, sic e paraqet Cami, duke shtruar edhe boshtet e simetrise, per te percaktuar saktesisht edhe tipin e pozicionit sipas fjalorit te kamasutras. “Dashuria fizike” aty tregon thjesht marredhenien materiale midis bashkise me familjen ne fjale. Sipas shkrimit, ju jeni te detyruar te jeni ne marredhenie me Lulin, sepse perndryshe prona ju shkon dem. Normalisht kjo nuk synon te fajsoje familjen, por kryebashkiakun sepse ai eshte ne nje detyre publike e jo ju. Me kete, shkrimi synon te thote se Kryebashkiaku qe pretendon rolin e “atesise” mbi xhamine, ne fakt duket se le per te dyshuar se interesohet me shume per objektin tjeter 8 katesh, nje aktivitet ekonomik qe barset si barre e fshehte ne nje bark tjeter. Shkrimi madje, per te qene korrekt, shpreh vetem “misterin” qe shfaq kjo histori, duke hezituar te thote me siguri qe Luli po e perdor ate per te perfituar. Nuk shoh asgje joetike te ngresh dyshime mbi nje rast te tille, per sa kohe qe, shteti fare mire mund ta kish kompensuar familjen X ne vleren reale te prones se saj, nese do te kishte vertete vullnet per ta zgjidhur kete ceshjte. Ligjerisht ndoshta vertete mund te mos e kete aq kollaj, por, duke ditur si behen punet ne Shqiperi, nuk mendoj se eshte e veshtire. Konkretisht, ju mund te ishit shpronesuar thjesht per faktin qe prona juaj eshte de facto lulishte me funksione publike. Pastaj, nese mund t’i dhuroje toke KMSH-se, kete e kemi precedent te gjalle, ne rastin e Kishes Ortodokse qe madje hengri pjese edhe nga territori i Ministrise se Mbrojtjes per ndertimin e katedrales.
    Gjithsesi, kjo eshte ceshtje jo-thelbesore. Mendoj se autori, e kushdo, ne keto kushte ka te drejte te mendoje se ketu, ose nuk ka vullnet qe kjo xhami te behet, ose ka nje vullnet qe te behet kulla, dhe xhamia eshte thjesht sebep. Por sido qe te jete nuk shoh te kete asnje helm kunder familjeve tuaja (te cilat, edhe ato nuk duhen marre ne kuptimin intim, te familjes berthane si nje nga gjerat me te shtrenjta per njeriut, atakimi i te ciles, natyrisht qe eshte gjeja me e shemtuar), e aq me teper, nuk ka ndonje qellim per te cenuar figuren tende personalisht, si pjestar i nje prej ketyre familjeve.

    Sidoqofte, me vjen keq qe je ndjere i prekur e i fyer. Nuk e dua kurre nje gje te tille, per askend qe nuk e meriton, e aq me pak per ty, qe te vleresoj pa mase, pervec se te njoh e respektoj personalisht.

    Ma bej hallall!
    Selam

    • Nuk e kuptoj hiç kete hallallekun e sforcuar dhe ne ajer. Hallalliku ne kete rast lind nga kompleksi i te qenit “i paanshem” dhe i ” drejte”, sepse muhabetin ne dimensionin moral e paragjykoi nje fanatik politik si i perhershmi diku lart. Ne te tilla raste, i bie te mos themi asnje fjale per kerkend sepse dikush eshte vllai e dikush motra ne besim dhe na i mbet qejfi. Shkrimi eshte super korrekt, i pelqen apo jo dikujt. Shkrim ne formatin e vetem qe ka mbetur per t’i dhene kurajo njerzve pas sa e sa shuplakash te padrejta.
      Nese kjo pune eshte bere per rizane e Zotit, siç shprehet pronari ketu, kjo marrveshje duhej bere me kohe publike nga pala qe del me e perkushtuar (meqe “dhuron” toke), kjo per t’u gjykuar nga opinioni publik, sidomos ai i besimtareve muslimane. Mospublikimi i marrveshjes ne çdo rast hedh doza te forta dyshimi per afere korruptive, arma e te cilit eshte mostransparenca. Qe KMSh, dhe Bashkia njihen si vatra korrupsioni ne fushen e ndertimit, kete nuk e mohon askush, dhe presioni kundrejt familjes se pronarve nga keto ente te korruptuara padashur i ka futur me hir a me pahir drejt nje marrdhenie te dyshimte. E dyshimte sepse ne cilindo rrethane kane mashtruar opinoni publik, perfishi dhe te besimtareve kur ne tabelen zyrtare qe prezanton publikisht objektet qe ndertohen, mungonte “ndertesa polifunksionale”, perkarshi minares X. Per cilen arsye ndodh kjo, kete eshte mire ta sqaroje dikush. Praktikisht projekti i xhamise u pengmorr fale kesaj marrveshjeje, e cila po te ishte transparente, mund te kritikohej ne kohe, qe te tentohej te parandalonte fiaskon totale te bashkesise se gjere te besimtarve. Mendoj se blogut ketu i interesojne punet e besimtareve shqiptar, sidomos kur ato shkojne keq, por çdokush eshte ne te drejten e tij te mbroje interesat filantropike te shtetasve amerikane dhe kanadez.

      • Me nje fjale, Edvini fanatik partie e ka fajin se Albani u ofendua kur e ofenduat ju ketu. Po c’beni, more shoke e shoqe! Kur thoshit se fajine ka Saliu, ju merrnim vesh. Po mos thoni tani qe fajin e ka Edvini, se e dime qe nuk e keni seriozisht. Për riza te Zotit gjithe kjo pune? Mos, o Zot! Vec ne pate qene per shpirt te Riza Ceroves, se riza te Zotit ketu s’di ku te gjesh. Albani vihet para pergjegjesise dhe i kerkohet te beje autokritike se pse nje kungulleshke qe kishte e ndau ne tri pjese dhe dy ia dha tjeterkujt, kurse nje deshi ta hante vete. I kerkohet te beje autokritike per nijetin me te cilin i paska dhene dy copat e tjera. Fajin e ka Albani ne fakt nuk i futi Tan Lepurit 20 perqindshin ne xhep qe ne kohe te Edit dhe ta hante vete ate kungulleshke. Po edhe nese nuk e ha vete, me mire ta hedhe ne kosh sesa t’ia jape tjeterkujt e t’i kerkojne llogari. Fundja skema dihet: po hyri ai Luli ne mes, duhet felliqur edhe Albani, se Luli i prish biografine. Edhe bashkia duhet te dale e korruptuar ne leje ndertimi edhe pse akoma s’e kemi pare te jape leje ndertimi. “Dihet nga te gjithe,” – thote. Nga se dihet? Nga te dhena operative apo konspirative? Se kur nuk di tjetri as qe Lulzim Basha, si kryetar i bashkise, ka dale me kohe ne “Opinion” te Fevziu per prezantimin e planit urbanistik dhe ka thene hapur se ne lulishten e Namazgjase do te kete edhe xhami, edhe ndertim per pronaret qe kane akomoduar xhamine, çudi si mund t’i dije te tjerat qe s’i di askush perveçse me hamendje. Dhe keshtu pergojoni per “fanatizem partiak” te tjeret ju? Po vete c’jeni? Xhanem kush e merr vesh se c’jeni ju tani qe pame se ne dere te KMSH-se ka edhe gra qe protestojne diten me shami ne koke, ndersa pas orarit te punes e heqin shamine dhe dalin shetitje per te kaluar kohen ne menyre te kulturuar. Ku po e dime se s’ka edhe mes komentuesve te tille: Riza Cerova fshehur nen masken e rizase se Zotit.

        • Nuk di tjeter vetem te nxjerresh Tan Leprin nga xhepi si prestigjator, por nga ata amatoret patetike ama. Nuk te eshte shqitur nga trute skema me armiq klase, nga goja veç nxjerr xhevahire pa fantazi te tipit “fajin e ka Saliu”, “fajin e ka Albani”, “fajin e ka Edvini”: faje, krime dhe komplote sheh zotrote gjithandej. Je me i zi se komunistet e vaktit, mendja vetem tek biografia familjare dhe vija politike te qendron tere kohes. Lojen me kungulleshka modifikoje pak sepse njehere permendet “dhurimi”, akomodimi nese te pelqen ty keshtu, njehere permendet mungesa e ofertes per blerje nga askush/Komiteti. Tashti edhe rizaja e Zotit, edhe riga e matjes se lekures nuk ka ku te qendroje, por kjo pjese nuk i intereson kerkujt sepse me keto kontradikta llogjike njeriu ketu e merr vesh vete se ku fle lepuri. Problemi nuk eshte tek interesi i pronareve qe ne te drejten e tyre mund edhe ta lene te teren vakuf po deshen, por tek litari qe ju vu ne fyt aspirates per nje xhami dinjitoze ne Tirane. Marrveshja qe “konkretizohet kur nxirret leja e perbashket e ndertimit” eshte per ne besimtaret si ato kontratat paramartesore: po me le, mbete me gisht ne goje. Mesa kuptohet pazari ka qene i thjeshte: per xhamine zgjerohu nga une, ne kembim dua leje ndertimi shumkateshe dhe Bashkia i bekonte te dy palet. Te ishte e sinqerte marrveshja, duhej qe t’i dhurohej copa e tokes Komitetit dhe paralelisht Bashkia/qeveria t’i jepte leje ndertimi te dy subjekteve, gjithesecili ne pune te tij, gjithesecili te vendoste nje tabele ne llogoren e tij. Po te goditej xhamia nuk prekej pallati dhe anasjelltas, ose do te kishin si projekte fat te perbashket per mire a per keq, por me leje/histori te ndryshme. Komiteti u trajtua ne kete marrveshje si cilido subjekt privat “i afte” per “bashkepunim”, si Selimi i dallavereve, por duhet te dijme se Komiteti vetem ne kete rast duhej trajtuar disi ndryshe, sepse per here te pare ne Tirane u angazhua institucionalisht per te bere nje Xhami dhe jo per te ndertuar pallate me perqindje minimale si kudo gjetke ne Tirane dhe jo vetem. Zoti i Madh e di, por mua me duket i sforcur disi ky yryshi per te mbrojtur dinjitetin e dikujt, supozuar se u neperkemb nga nje reagim jokonvencional per te tilla deshtime komunitare.
          Sa per lejet e ndertimit, ti rendis po deshe shpejt e shpejt nja pese sheshe ndertimi ne Tirane, dhe te gjitha jane te njerezve prane PD.

          • Se si ke qejf ta shohesh ti nje leje te perbashket ndertimi, eshte ceshtja jote. Nese e ke si kusht fetar qe Albani dhe familja e tij te hiqnin dore nga prona e tyre krejtesisht dhe jo pjeserisht qe ty mos te te dukej “afere e piste”, por e paster kjo pune, une s’e kam nje kusht te tille. Aq me teper “ne myslimanet”, ne emer te te cileve nuk flas dot une, por nuk flet dot as ti.

            E vertetë; mund te te ngjaj i zi kur nuk mendoj per “interesin e pergjithshem”, por per “interesin personal” te Albanit ne kete rast. Dhe e marr me mend se kjo per ty mund te perbeje kufizim te rende ideo-politik. Po per mua jo. Ceshtje kendveshtrimi.

            Tan Lepurin nuk e përmend ne kushte fantazie apo biografie. Meqe me fole per aferat e supozuara te bashkise aktuale (qe u dashka te jete e korruptuar meqe u paska dhene leje pese njerzve qe ti i njeh si njerez qe kane mangesine qe nuk ia duan te keqen PD-se), une fola per Tan Lepurin ne kushtet kur ka nje prove tashme te dokumentuar e publike se ky zoteri kishte bere nje kontrate per te marre 20% te vleres se nje pallati ndersa merrte persiper qe planin 8 katesh te ndertimit ta kthente ne 13 katesh ne lejen e bashkise. Prokuroria e provoi si autentike marreveshjen e noteruar dhe u pa, gjithashtu, qe leja ishte dhene sipas letres, per aq kate sa shkruhej. Pra, Tan Lepuri e kishte bere punen e vet. Por prokuroria nuk mundi te provonte se Tan Lepuri ia ka dhene 20 perqindeshin Edi Rames. Prandaj edhe une, per te mos i hyre ne hak Edit, thashe qe Albani t’ia jepte 20%-in Tan Lepurit dhe jo Edi Rames. Propozim e kisha. Gjynah qe Albani s’eshte kujtuar ne kohe.

  • Gjithcka bo vaki. Bo vaki edhe Edvini ketu, nuk osht hic Edvin Cami qe perkthe librat e Piro Mishes me turkun pushtues, por mund te jete vete Sali Berisha qe futet ketu per me shkaterru objektivitetin qe ofron asnjanesia e E-zanit, qe PD-se mesa duket nuk po i pelqenka. E per kete arsye ky Edvin Cami, eshte thjesht nje logo fallco, me prapavije politike. PD-ja duke se po investon shume ne xhemot, duke gjet menyra per t’a paraqit si ledhatim shqelmin ne fyt qe ua ka ngul prej 8 vjetesh.
    Nuk kam si e shpjegoj ndryshe, se nuk ka mundesi qe robi mos ta ndjeje se per 8 vjet i eshte zone fryma nga kjo PD. Per ket arsye, duhet me saju ca gjona, qe balta ndaj E-zanit te hahet. Bojme sikur E-zani po sha Albanin dhe keshtu merr legjitimitet cdo lloj pallavre qe thuhet kunder tij. Ne fakt, me c’vuna re ketu, emrin e Albanit ketu e ka qit vetem Edvin Cami. Shkrimi s’thote gjo. Po te mos ishte Cami, askush ketu nuk do ishte marre me Albanin. Une kur e lexova shkrimin, nuk me shkoi hic mendja tek ai.
    Po nuk mjafto as kjo, por ky shoku Edvin, nuk ngurro me perdor edhe nonen e tjetrit per riza t’shejtonit, duke dash me i dhone dramaticitet sa mo te modh muhabetit, vetem e vetem qe urrejtja ndaj E-zanit te jete sa mo e modhe.
    Ne fakt gjithe ky muhabet eshte nji budallik me oke. Balta e shokut Edvin (Camit, jo Rames) eshte aq bajate sa nuk ka gjase te zeje. Aq mo teper nuk e ha njeri ket objektivitetin e shokut Edvin qe i keputet shpirti per vllazni ne fe, kur ka mo shume se i vit qe hudh balte mbi E-zonin, teksa ne faqen e vet, i bo duo Gazetes 55 dhe Fahri Balliut.
    http://www.edvincami.8m.com/
    Duke qene keshtu, normal qe balta e shokut Edvin, vetem sa i bo nder E-zanit.

    • Nese ta ha mendja se librin “Kronika e Tursun Beut” e ka shkruar Piro Misha, po me vjen keq per ty. Nese paska bere gjynah Edvini se paska perkthyer vepren e nje kronikani te sulltan Mehmetit, Zoti ia shtofte gjynahe te tilla! Sa per dijenine tende, ate liber ai Edvini e ka perkthyer me sugjerimin e njerit prej administratoreve te kesaj faqeje, me te cilet ka njohje e miqesi edhe pse “u hedh balte”. Eshte ceshtje idesh. Jo njerezish. Prandaj edhe ti zbute pak tehun, se s’ka lezet kur i zoti e jep e tellalli s’e jep.

      Ndersa ne faqen http://www.edvincami.8m.com, syte i placin atij qe gjen dua e salavate per Fahri Balliun, se une s’shoh gje. E ne fakt, s’ka gje. Ka vec disa linke neper ca gazeta te perditshme, mes te cilave edhe Gazeta 55. E c’te beje Edvini i shkrete! Te vere linke per te Respublica? Apo te Zeri i Popullit?

      • Nese ta ha mendja qe Pirro Misha eshte admirues i veprave te medha te Sulltan Mehmetit, mund te vazhdosh te shprehesh lavderime pa fund per perkthimin. Per te ta qartesu disi efektin, po te duash te sugjeroj ca linke nacionalistesh antimuslimane qe vjellin vrer gjithe diten ndaj Islamit duke ilustru “barbarite osmane” me faqet me te nxehta nga kjo veper.
        Nuk e di nese paraqitja e Mehmetit si pushtues e mizor, e ofruar pa asnje shpjegim shkencor e orientim profesional, eshte dicka per tu krenuar nga nje perkthyes qe bo be gjithe diten per tyrqyni. Une, duke i dash te miren them qe, Zoti i mundesofte sa me pak “sevape” si keto dhe kaq.
        Nuk e di se me cilin prej admineve te E-zanit ka fol perkthyesi, por di qe E-zani ka pas jopak kritika e rezerva per botimin. Kjo do te thote se, ose nuk jane marre vesh, ose vete adminet paskan luhatje opinioni, perderisa shkruajne te tjera gjera. E duke qene se jam vetem tellall i vetes, me duhet te mbaj mendimin tim se Pirrua ia paska fut diten per diell perkthyesit, nese vertete nuk e kupton arsyen e ketij interesi te befasishem te tij per sulltanet osmane.

        Ndersa per faqen http://www.edvincami.8m.com, nuk gjen salavate allaturka, por i gjen allafrenga, sic i ka qef vete Fahriu si kampion i eurocentrizmit papist qe ka qef te jete. Autori nuk eshte se thjesht ka vone ca linke, ca i ka kap dora, por ka sugjeru ato medisa qe i konsideron me te mirat, qe i bi me qene mediat qe thone te verteten me shume se te tjerat e qe jane gjithashtu me profesionale. Autori e ka perzgjedh 55 ne dyshen me te mire te gazetarise shqiptare dhe kjo flet shume mbi nivelin e vleresimit te Camit. Nga ky aspekt, them se keta djemte e E-zanit kane te drejte te ndjehen krenar nga balta e tij, kur shohim se cili eshte kriteri per te fitu trendafilat.

  • Vallahi as kishim per ta marre vesh kurre kush ishte i perfshire ne kete mesele po te mos ishte per Camin. E sic e tha edhe nje vella me siper shumica e myslimaneve as nuk e dine kush eshte Bala dhe nuk kane asnje gje personale me te, por me corben a xhamise se madhe qe eshte vene ne zjarr e heq nga zjarri per dekada nga politika e kokat e KM. Edhe shkrimin e kemi lexuar dhe vleresuar maksimalisht ne kete kuptim; ne fakt ishte zgjedhja me e mire per te shkruar ne kete forme. As nuk e mora vesh fare pse na u sollen poezite e Bales ketu si argument per diskutimin. Ajo poezia e nenes, shume e bukur vallahi, i heq kapelen autorit. Shpresoj shume qe te mos jete shkruar me rastin e heqjes se lejes per ndertimin e ndertesave polifunksionale, pasi kjo do te jete me te vertete sarkazem cnjerezore per ato qindra nena qe derdhin lote perdite ndersa femijet e tyre nuk kane mundesi te shkollohen; ndersa nuk munden dot t’i ushqejne sic duhet duke iu shkaterruar potencialin per zhvillimin mendor e fizik; per ato nena qe iu shuhen femijet para syve perballe mungeses se mjeteve financiare per te perballuar mjekun apo kostot e spitaleve; apo per ato nena qe kane humbur femijet ne rrugen e mergimit. Jam e sigurte qe poezia do jete shkruar per ndonje situate me te denje sesa ndertesa polifunksionale.

    Gjithsesi, duke u kthyer tek Bala, nuk mendoj se ndonje prej nesh mund te kete guximin te diskutoje nietin e nje vellai apo motre myslimane. Ajo cka diskutohet ketu eshte pjesa publike dhe argumentat kane qene vetem rreth misterit qe ka prodhuar kjo lloj marreveshje qe duke patur parasysh kontekstin korruptiv te politikes – majtas e djathtas – ngre pyetje shume te rendesishme. Nuk e kuptoj pse ka kaq shume acarim ne faktin qe bashkesia e besimtareve duan te ngrene pyetje dhe kerkojne edhe shpjegime. Bala ka pas mundesine te tregoje pozicionin e tij, sic kane patur edhe shume kontribues ketu e ndoshta gjetke mundesine te shprehin mendimin e tyre. Jam e sigurte qe nje besimtar i vertete nuk do te shfrytezonte asnje njohje/lidhje politike per kete kontrate apo per kontrata te tjera ku ka interes financiar. Kjo vecanerisht duke patur parasysh llumin e politikes ne pergjithesi e asaj shqiptare ne vecanti. E di qe per ca myslimane perkatesia partiake del mbi perkatesine fetare, por mendoj se shpreh mendimin e nje pjese te madhe besimtaresh qe te dyja partite kryesore ne Shqiperi (nenkuptoj politanet qe e drejtojne) jane fajtoret kryesore per degradimin moral, shoqeror, ekonomik e politk ne vend e te behesh pale me cilindo bllok eshte e papajtueshme me te qenit besimtar. Gjithsesi, duke iu kthyer argumentit kryesor, ashtu sic thote edhe Bala, familja u kontaktua papritur, ne fakt edhe u vu nen presion per kete projekt, dhe familja ne fjale nuk ka bere asnje hap per t’i kerkuar bashkise/qeverise (duke pat parasysh kontekstin zgjedhor) ndonje favor, ne fakt me llogari te thjeshta matematikore dilnin te humbur nga kjo marreveshje, por rane dakord sepse donin qe te kontribuonin me toke per xhamine. Une e marr teresisht te mireqene keto fakte dhe do te doja t’i bashkohem zerave qe shtrojne nje sere pyetjesh me qellimin per t’u qartesuar te gjithe:

    – Se pari: A do ishte bere ishte ngritur ndonjehere ndertese per qellim fitimprurese ne ate park nese nuk do te ishte per projektin e xhamise? A ka pas tentativa te meparshme per kete te ngritur dicka aty dhe cila ka qene pergjigja? Me pak fjale, ajo qe shume prej nesh duan te dine eshte: a u be ndertimi i xhamise “koke Turku” per t’i dhene mundesi zhvillimit te prones?
    – Se dyti: Pse nuk u be asnjehere e ditur per ne besimtaret e thjeshte cilet jane dhuruesit? E kuptoj argumentin qe kur ben sadaka nuk tregohet, por kjo nuk eshte sadaka e jam e sigurte qe po te ishte ngritur xhamia, emri i familjes Kruja do dilte aty patjeter ndoshta ne nje pllake thjeshte. Pastaj duke perdorur te njejtin argument nuk kishte pse te dilnit kur kontrata u prish, perderisa asnje prej nesh njerezve te thjeshte nuk e dinim qe nje kontrate me familjen ne fjale madje ekzistonte.

    Asnje nuk mundet t’i evitoje keto pyetje, duke u pergjigjur qe nieti yne ishte i paster dhe vetem Zoti e di. Patjeter, nje pjese e marredhenies eshte teresisht me Zotin, elhamdulilah qe eshte gjykimi me i drejte, gjykim qe sheh thelle ne zemren e besimtarit e vlereson me perpikmeri nese nieti i paster eshte mbi interesin privat; qe vlereson me saktesi te pagabueshme: “ku eshte zemra jote?”. Nje pjese tjeter eshte me komunitetin dhe duke qene se pavaresisht se prona eshte private xhamia na perket te gjitheve, keto jane pyetje legjitime dhe pa asnje dashakeqesi.

  • Eshte nje shprehje: Familje 70 metra katrore. U perkas edhe une atyre. Po ja qe ne nuk i kuptojme dot hallet e njerezve qe vijne me “background” me te gjere se 70 metra katrore. Dhe s’e kuptojme se pse mund te lotoje dikush qe sheh se pronen e te pareve te vet nuk do ta gezojne dot pasardhesit e vet. Ndersa kur nje nene sheh te birin t’ia permendin per keq ne TV e ne gazeta dhe loton, nuk eshte njerezore te mos e kuptosh. Natyrisht, halle halle eshte kjo dynja. Dhe ka nga ata qe kane halle me te medha se disa te tjere. Kur ka rreth e rrotull muslimane te pasur e te perkushtuar, edhe hallexhinjte e kane nje dere ku t’i qajne hallet. Tani, hallexhinjte le te shkojne e t’i qajne hallin njeri-tjetrit ne barin e parkut te namazgjase (ne mbette bar e ne mos u ngritte ndonje pallat qe s’do te kete asnje lidhje as me xhamine dhe as me pronaret).

    Se fundi, per te bere edhe une ndonje hamendje duke pare se ketu te gjithe mundohen te zbulojne dicka, po hamendesoj se i gjithe halli i shkruesve agresive eshte qe projekti i xhamise nuk mbante firmen e Rames, por te Bashes e te Berishes. Po te kishte qene ndryshe puna, atehere askush s’do te ankohej per “polifunksionalitetin” e lejes per xhami shoqeruar me ndertese polifunksionale. Prandaj para se te perflisni nijetet e fshehura te te tjerve, futini nje te skanuar nijetit tuaj dhe pyesni nje here veten se mos ju del keshtu.

    E se fundi, duke shpresuar qe pasi te kene kaluar vite dhe te jene kthjelluar disa gjera do te kuptohemi me mire, po ju uroj te gjitheve gezuar Bajramin! Edhe ne paste ardhur Silvana Veraj e protestes se ambientalisteve qe te komentoje ketu (me siguri, gjate shkrimit te komentit do te kete qene me shami ne koke, ndersa pas komentit do ta kete hequr shamine), i uroj edhe asaj qe ta kaloje gezuar Bajramin! Zoti na i falte kusuret e sjellte me shume harmoni mes besmitareve!

    • Amin, amin per urimet, gezuar te gjitheve.

      Nuk e di pse emri i nje motre me emrin Silvana Veraj del gjithe kohes ketu e permendet per shamine qe e heq dhe e ve. ndersa na behet thirrje per te mos diskutuar nietin e nje besimtari, ne te njejten kohe komentet ndaj nje motre besimtare behen teresisht mbi baza te tjera (apo kur personi i perket nje tjeter te menduari per ceshtjen e xhamise nga i juaji ajo nuk ka me te drejten te konsiderohet se ka niet te paster?). Gjithsesi, ceshtja e Veraj eshte periferike per diskutimin tone dhe mendoj qe perderisa ka zgjedhur te behet pjese e nje diskutimi publik me fytyre e ze, nuk do kete ngurrimin te shkruaje me emrin e vet ketu.

      Ke te drejte ndoshta; une thjesht mendova se kur njeriu ka nje cati mbi koke i eshte falenderues Zotit (qe dmth e ka zemren plot me kenaqesi) vecanerisht kur ka njerez qe jetojne ne qiell te hapur e jo me shume se 10 dite me pare dikush qe e kishin perzene nga shtepia vdes ne nje park. mendova une, ne kete vend te varfer, ata qe nuk perballen me sfida te mbijeteses se perditshme do ishin me te kenaqur. por eh, si me prone si pa prone me lot qenka ky muhabet.

      Ke shume te drejte, duhet te jete e tmerrshme te shohesh femijet tend te pergojohet neper gazeta e televizione. Eshte per te ardhur keq qe kur nje njeri behet pjese e hapesires publike, me ose pa deshiren e vet, do i duhet te degjoje gjithe llojet e komenteve. Ka njerez qe duke pare vrasjen e qytetareve ne bulevard kane kurajon te thone “mire iu be”, apo te justifikojne vrasjen e tyre. Duhet te jete e dhimbshme deri ne palce per familjaret te perballen me keto komente.

      Se fundmi, hamendesia jote se ata qe komentojne ketu kane me shume hallin se firmen e kujt do te mbaje xhamia, vetem perforcon mendesine enveriste “kush s’eshte me partine, eshte kundra partise”. Si besimtare e thjeshte as nuk me hyn fare ne sy se gjate periudhes se kujt do ndertohet kjo xhami. Ne fakt, duke patur parasysh qe per dy dekada as Berisha/Balla e as Nano/Rama nuk mundesuar ngritjen e kesaj xhamie, kushdo qe do te jete ne pushtet kur te perurohet xhamia nuk ka bere vetem se detyren dhe as nuk ia di absolutisht per nder. Garantimi i trajtimit te barabarte te komuniteteve fetare eshte detyrim i atyre qe i zgjedhim.

  • Mua personalisht me duken te teperta komentet per familjen Kruja e per Albanin. Ata nuk kane nevoje fare te vijne ketu e te na japin shpjegime per nijetin e tyre sepse faktet flasin vete. Fakti qe ata pranuan te dhurojne 750 m2 toke ne qender te Tiranes per te plotesuar projektin e Xhamise se Madhe nuk eshte me pak “dhurim” pse ata kerkuan ne kembim lejen per te zhvilluar pjesen tjeter te prones se tyre. Kjo toke (750 m2) e ka vleren mbi 2 miljon euro. Te isha une ne vend te zoterinjve Kruja e Bala do i kisha ofruar KMSH t’ua shisja token per 2 miljon euro, me kusht qe te me siguronin lejen e ndertimit per pjesen tjeter, ose ndryshe nuk ua shisja hic.
    Edhe ata qe thone se nuk e kane ditur se familja Kruja ka dhuruar toke per xhamine, ata jane te painformuar sepse qe ne diten e inaugurimit te projektit te xhamise, me date 20 Prill, Selim Muca ne fjalen e tij ka falenderuar familjen Kruja http://www.dritaislame.al/zhvillohet-ceremonia-per-fillimin-e-punimeve-te-xhamise-se-madhe-te-tiranes/

    Fakti qe lejet per qendren tregtare dhe xhamine jane kombinuar ne nje te vetme nuk me duket se ka qene kerkese apo faj i Krujave. Keshtu duket se e kane menduar “djemte” e KMSH dhe lideret e Bashkise ne menyre qe leja te mos zhbehej nga qeveria e mundshme e majte e ardhshme, duke qene se do ishte me veshtire te zhbesh nje leje te perbashket me xhamine.
    Sidoqofte, kam bindjen se duhet ta leme rehat familjen Kruja, e tu cojme vetem falenderime e dua, e nderkohe te fokusohemi tek KMSH, Bashkia, dhe Qeveria.
    KMSH: pse nuk po tregojne lidershipin e dhe transparencen e duhur, ndaj qytetareve tiranas, por dhe ndaj besimtareve sidomos? Pse KMSH kapitullon kaq pa kushte ndaj nje vendimi te njeanshem te qeverise Rame qe zhben nje vendim unanim te KRRTRSH, dhe nje marreveshje te meparshme qeveri-bashki-kmsh-pronare private?
    Qeveria: Pse Rama merr nje vendim te njeanshem qe zhben nje vendim unanim te KRRTRSH, dhe nje marreveshje te meparshme qeveri-bashki-kmsh-pronare private? Pse i duket Rames i nevojshem, apo dhe i justifikueshm mosndertimi i qendres tregtare prane xhamise? A e lejon plani rregullues i Tiranes qendren tregtare aty? Po e lejon. (Shih ketu rreth planit rregullues http://www.peshkupauje.com/2013/02/pallatet-me-kate-te-larta-zonat-ku-do-te-ndertoje) A eshte legjitim shqetesimi i Rames apo eshte akt politik me qellim perfundimtar mosndertimin e xhamise? Cudi e madhe nuk do ishte te ishte kjo e dyta prandaj kjo eshte ceshtje legjitime debati.
    Bashkia: Pse Basha del e ben deklarata te njeanshme duke thene se me kete vendim te Rames per qendren tregtare u anullua xhamia? Pse nuk kerkon Basha takim me Ramen e KMSH-ne e ta zgjidhin kete pune me konsensus? Pse nuk e kerkon KMSH-ja nje gje te tille ne vend te deklaratave politike te njeanshme? Kam idene qe me komunitetet e tjera fetare si qeveria dhe bashkia do tregoheshin me te kujdesshem e nuk do dilnin me vendime te tilla te nxituara qe nxisin konflikt e paqartesi. Ne si besimtare duhet ti kerkojme KMSHse, bashkise e qeverise te ulen ne tavoline sebashku e ta zgjidhin kete ceshtje sa me shpejt

  • Po i rreshtojme disa fjale per t’i vene kapak pusetes qe hapi i mirenjohuri EC.
    1 Sali Berishes i doli ne shesh hipokrizia e ketyre tete viteve per mosndertimin e xhamise. Vetem disa dite para zgjedhjeve ndermori hapat ligjore per te mundesuar lejen, kur si pergjegjes per mosndertimin e saj akuzoi para kater pese vjetesh nga Kavaja rivalin e tij. (Nuk u kuptua kurre perse nuk u ndertua xhamia ne vitin 94, i vetmi shpjegim folklorik eshte ai qe riciklojne idhtaret fanatike te kryebajraktarit se xhamine nuk e desh kryeparlamentari i kohes, me aludimin qe nenkuptohet vetvetiu kur kihet parasyshe besimi i tij fetar)
    2 Edi Rama, gjithashtu si rivali i tij politik, per ndertimin e xhamise pas PK u kujtua vetem ne fundin e mandatit te tij te trete ne kryeqytet, pra ne pragfushate. Kriteret e realizimit dhe arkitetktura e saje larg te qenit islamike e ftohen publikun musliman ndaj ketij projekti. Sidoqofte futja e ketij aktori ne lojen per xhamine, solli pashmangshmerisht reagimin e pales tjeter, e cila deri me ate çast ishte ne gjume letargjik.
    3 Politika e te dy kraheve, ne keto vite po e perdor per kapital politik ndertimin/mosndertimin e xhamise ne Tirane. Paradoksalisht te dy paleve u vjen gjynah per besimtaret qe falen tretuareve, dhe po ashtu te dy palet shohin “difekte” dhe “anomali” ne projektin qe mbeshtet rivali tjeter sa qe e pamundeson realizimin e cilido projekt.
    4 KMSh eshte si perhere eshte skllave e politikes, krahut qe eshte ne pushtet. Megjithese publikisht lideret politike shprehin miqesi ndaj krereve te KMSh (kujtojme Nanon qe i shkoi per qoke ne shtepi “mikut” te ndjere Sali Tivari, Rama para dy ditesh takoi “mikun” e tij Selim Muçen, sa per Berishen nuk ka koment per “miqesine” e tij te forte me cilindo qe i bie rruga te jete aty i pare) realisht i kane trajtuar me perbuzje dhe neveri, ndersa lideret e KMSh me paaftesine dhe korruptimin qe i karakterizon, perhere i jane lajkatuar pushtetit per te mjele sa me mire benfitet qe sjell posti ne fjale. Fakti qe KMSh ne rastin e fundit nuk reagoi fare per anullimin e lejes se saje te ndertimit, perkundrazi e pergezoi si nisem, tregon nenshtrimin e saj total ndaj padronit te ri, tashme klishe kjo ne mardhejet e pushtetit me institucionin zyrtar te muslimaneve.
    5 Familja dhuruese dhe ortake ne ndertim eshte viktime e lojrave politike qe sipercituam si edhe e ambicjes se saj legjitime qe prodhoi nje mardhenje me institucionin komunitar qe terhiqet hundesh prej 23 vitesh ne Shqiperi. Viktimizimi i saj nuk vjen ne asnje rast nga bashkesia e gjere e muslimaneve, perkundrazi pala me viktimizuar eshte kjo bashkesi e gjere, e cila eshte e privuar nga vendimarrja dhe perfshirja ne ndonje marrveshje specifike. Perfshirja ne debatin per xhamine dhe ndertesen perbri saje e familjes ne fjale ishte e vonuar kur prej disa muajsh glonte ne publik akuza se aty nuk do te ndertohej xhami por nje gradaçele (as ne gjyqin qe u zhvillua gjate veres nuk u pa asnje perfaqsues i familjes qe te mbronte te drejten e saje legjitime.)
    6 Sa per folkloristin e famshem qe kuterbon gjithandej leksik banal huazuar nga fondi i pasur i peiudhes se diktatures, perpjekja e tij qe ta pilotonte debatit drejt viktimizimit te “vllezerve muslimane” dhe kafshimit te hakut te tyre eshte qartesisht sa i peshtire aq dhe mjerane. Yryshi qorrazi drejt hapsirave te shendetshme te debatit publik i zerave te tille me epidemite socio-kulturore qe i bashkshoqerojne eshte i demshem dhe i rrezikshem. Fanatiket dhe fondamentalistet jane produkt tipik i leçitjeve injorante te politikes populiste dhe kavardisjes se saje me maksima siperfaqsore fetare. Eshte detyre shoqerore e cilido intelektuali te virtytshem te perpiqet qe semundje te tilla te sulmohen dhe te izolohen ne mjedise te parrezikshme per publikun e gjere. Ky eshte nje mision sa fisnik aq dhe i veshtire, por jo i pamundur, megjithese kemi parasyshe se sa e ndikuar shoqeria jone nga keto loje ligjerimi qe i ushqejne dhe fatkeqsisht i mbajne nen kontroll.

  • Më keni thënë më herët se “Berishizmi më ka zënë sytë”. Po duket se berishizmi im ju ka zënë sytë edhe juve këtu, aq sa të mos shihni dot thelbin e asaj për të cilën kam vënë alarmin. E ndërsa më akuzoni se shkruaj duke ju paragjykuar, ju shkruani mbi ç’shkruaj unë duke paragjykuar bindjet e mia që s’kanë lidhje me problemin që unë kam ngritur (jo vetëm kësaj radhe, madje). Është një paragraf, një i vetëm, në të cilin, në vështrimin tim, është cenuar përtej çdo mase të lejuar (fetarisht) një miku ynë i përbashkët, besimtar e figurë publike.

    Edhe më herët kam komentuar e kam pyetur administratorët nëse “i zë gjumi natën” kur nxisin një atmosferë të tillë mes besimtarëve. Po si atëherë, si tani, “berishizmi” im bëhet pengesë për t’u kuptuar në atë që them në këtë drejtim dhe gjithmonë nisin e më numërojnë të zezat që ky vend e kjo Fe paskan parë prej PD-së dhe prej zullumqarit Berisha (tani paska nisur avazi me zullumqarin Basha).

    Deri edhe qëndrimi im për “ngjarjen në bulevard” merret si “delil” për të argumentuar se unë s’kam ç’flas për etikë mes myslimanëve, njëlloj si një dorë selefinjsh që nxjerrin fetva se fetvatë e ihuanëve nuk bën të pranohen për shkak të menhexhit të gabuar.

    Po ç’t’ju them unë për këto gjëra! Për këto s’jemi marrë ndonjëherë vesh. Mua s’ka ç’të më vijë keq për të vrarët në “ngjarjen e bulevardit”, sepse unë jam pozicionuar që më 8 dhjetor 1990 në njërën anë të historisë, në bindjen e nevojës për një mbështetje afatgjatë e jo “me provë” për Partinë Demokratike, dhe për rrjedhim, i shoh tjetërkund “të vrarët” për të cilët më vjen keq: më vjen keq e kujtoj me respekt të vrarët e 2 prillit, të vrarët e të masakruarit në Vlorë në krah të shtetit më 1997, të vrarët më 12 e 14 shtator 1998 etj., ndërsa me të vrarët e vrasësve të të vrarëve “të mi” nuk më lidh gjë e nuk më vjen keq. Kështu i kam ndarë unë këto punë, pasi në konceptin tim, politika e pas 90-ës te ne është konceptuar si vazhdim i luftës me forma të tjera. Në kushte të tilla, është njëlloj si të më kërkohet që të më vijë keq për të vrarët e persëve në luftë kundër bizantinëve, përshkruar në suren “Rum”.

    Me kaq gjë besoj se shpjegova mjaftueshëm. Qëndrimet e tjera politike mund të m’i merrni si derivat i kësaj, ndërsa nuk është në tagrin e askujt këtu (as timin) që të absolutizojë qëndrimin e vet dhe të përcaktojë se cilët janë “fanatikët e fondamentalistët” që duhen izoluar.

    Po ndërkohë, vij prapë tek ajo, për të cilën nuk lëshoj pe, nuk toleroj, nuk relativizoj dhe këmbëngul se është krejt e papranueshme. Lexojeni edhe një herë këtë paragraf:

    “Aktorja tjetër, akoma më misterioze dhe intrigante, është Familja X – apo familjet, megjithëse producentët kanë shfaqur hijen e një familjeje kryesore që emërtohet si vendlindja e heroit tonë kombëtar – e cila dashurinë me Lulin e ka fizike. E gjora KMSH, çfarë nuk bën për fëmijën e saj, pranon edhe kumbari të pahijshme. Normale, me ato përmasa, fëmija nuk mund të pozicionohet kurrë nga drejtimi i duhur, prandaj i nevojiten edhe 2 dynym shtesë.”

    Nuk e kam shkruar unë. As nuk është sharë “Saliu” këtu. As “Luli”, as “Argita”, as “Shkëlzeni”, madje as “Selimi” e të tjerë (meqë këta s’meritojnë të përmenden me etikë!). Këtu është prekur familja Kruja, familja e “njërit prej nesh”. Është cenuar me një lehtësi e lirshmëri që s’di si mund të duket e pranueshme.

    Nuk duket ndonjë gjë e madhe kjo? Nëse kjo është hiçgjë, atëherë s’po e marr as unë personalisht për fyerje shprehjen “Edvini na hapi një pusetë”, sepse përfytyrimi i vetes sime si punëtor komunaleje, me krehër e kazmë në dorë, duke hapur puseta rrugëve, më duket shumë më i këndshëm se ai në të cilin e keni vënë familjen që e keni përmendur në atë paragraf.

    E nëse nuk doni ta besoni, bëni një provë: rilexojeni paragrafin duke e konceptuar sikur është shkruar për familjen tuaj apo – ca më keq – të nënës tuaj: familja X, intrigante, misterioze, në dashuri fizike me një kryetar bashkie a qeverie, në 2 dynymë truall të së cilës një institucion rrugaç vendos si në një mitër të huaj një foshnjë të konceptuar në mënyrë “të pahijshme”. Si ju duket? Apo keni përkthim (tefsir) tjetër? Qofsha i gabuar unë!

    E qartë, unë s’kam të drejtë të bëj as vërejtje të tilla. Sepse unë jam në krah të Berishës e të PD-së dhe nuk më vjen keq për Ziverin që u vra në bulevard. Kështu që e do puna të izolohem si fanatik e fondamentalist dhe t’ju lë të qetë. Në rregull. Ta lëmë jo vetëm qeverinë, por edhe e-zanin të punojë. Të shkruajë në qejf të vet e të prekë kë të dojë.

    Gjithsesi, një gjë bëni mirë t’ia kujtoni vetes: se, siç thuhet në fjalët e Profetit (a.s.), nuk do të shkojmë dot në Parajsë pa besuar; dhe nuk do të kemi besuar në mos e paçim dashur njëri-tjetrin (edhe në mos u marrshim dot vesh për të dashur apo jo “Saliun” apo Ramiun, Enverin apo Ziverin).

    Ndaj shani e prekni kë të doni, si të doni, pa rezerva, por mirë do të ishte që para se të shkruani, ta kujtoni këtë të fundit: pa dashur njëri-tjetrin, jemi hiç. Jo për mua. Jo për Albanin. Po për vete. E që të mos jua lë vetëm juve në derë këtë përgjegjësi, po ia përsëris edhe vetes: edhe unë, pa ju dashur juve, jam hiç.

    Për të krijuar një mundësi reflektimi për të gjithë dhe një atmosferë më të mirë nga e deritashmja, po ju lë duke ju ftuar sërish të lexoni e të meditoni mbi disa vargje të Alban Balës:

    Zogjte kendojne per vete

    Kur lartesojne pranveren a kur qajne me mall
    Kur perkujtojne Zotin apo thjesht u hahet
    Kur kendojne per ikjen a kur perdellehen
    Zogjte kendojne per vete, thjesht per vete.

    Duan ta degjojne zerin si muzike
    Duan te ankohen a te thurin himne
    Duan te lazdrohen a ta vrasin heshtjen
    Zogjte kendojne per vete, thjesht per vete.

    Rindertojne lirine nder qiej te larme
    Rizbulojne bashkimin mes ikjesh dhe ardhjesh
    Largesite i masin me flatra dhe vdekje
    Por jeten e jetojne si kenge me ze te larte

    Se Zogjte kendojne per vete, thjesht per vete.

    Jane trupi i brishte i ajrit dhe mosha e cdo stine
    Jane fryme mbijetese, foleja e kujtimit
    Jane sy i verber frike per cka iken pa kthim
    Jane endrra e njeriut per ta gjetur lirine
    Jane prekje qe nuk ndjehet, flurudha lumturie
    Jane fuqia e te voglit, krijesa si deshira
    Qe te mesojne te rrosh i nenshtruar hyjnie
    Me kenge e gaz e shprese,
    Me ajer, me vetmi
    Me lot te ngrire mbi mallin e bukur te nje kenge

    Se zogjte kendojne per vete, thjesht per vete…

  • Po me duhet te ta rishpjegoj edhe njehere situaten, meqe e ke vazhduar edhe ketu te njejten gje.

    Fillimisht me duhet te them se ajeti per dashurine mes njeri-tjetrit nuk hyn fare ketu sepse nuk shoh te kete shprehur askush urrejtje. Te pakten, une njihem personalisht me Albanin dhe nuk ma do mendja se ti e do me shume. Por sic te thashe, ti u nxitove te ripohosh nje sere akuzash e etiketash, gjate perpjekjes tende per te mbrojtur Albanin, pa u ndalur te degjosh e kuptosh perspektiven tjeter, ate te shkruesit te artikullit, i cili ka edhe tagrin per te na dhene versionin zyrtar te se vertetes, per sa kohe qellimin e vet, me mire se i zoti nuk mund ta dije askush.
    Po te risjell edhe njehere shpjegimin tim qe ta kam dhene privatisht.

    Fjala “intrigante”, nese e lexon mire kontekstin, eshte perdorur ne kuptimin e dickaje intriguese, qe te intrigon, jo ne kuptimin e dikujt qe thur intriga (ndoshta perdorimi ne kete forme, eshte me shume problem dialektor, ose thjesht nje lapsus). Ki parasysh qe autori, po rrefen se cfare po ndodh ne nje telenovele. Shkrimi paraqitet ketu ne menyre satirike si nje tekst reklame telenovelash, qe po perpiqet te joshe publikun per ta ndjekur. Ne kete menyre reklama synon te terheqe publikun duke treguar mbi misteret, ngjarjet, surprizat qe do te gjejne ne kete serial, te cilat jane intriguese, kuriozuese, terheqese dhe interesante, nje menyre kjo per te tallur gjithe kete histori kaq banale 20 vjecare.
    Pra, citimi qe ti nxjer ka per qellim te thote se roli i familjes pronare te tokes, si personazh, eshte intrigues, sepse, jo vetem qe ka mbetur edhe pengu i muhabetit (gjithcka behet per token e kesaj familjeje), por eshte intrigues edhe per faktin se, mbi te gjitha, eshte i vetmi aktor qe “dashurine” ne kete mes, e ka me sinqeritet, sepse e ka “dashuri fizike”, pra ka interes te drjetperdrejte, ndryshe nga palet e tjera qe nuk ua ndjen shume per xhamine, por perpiqen ta perdorin ate si karte elektorale.
    Ky eshte sensi ne te cilin jane thene ato fjale dhe nuk shoh asnje fyerje ndaj familjes.
    Te njejten gje e ka pohuar edhe vete autori me siper kur ka deklaruar se nuk po fyen njeri. Kur vete autori e pohon kete nuk ke perse te diskutojme me, perderisa autori e di me mire se per cfare i ka thene ato fjale. Per me teper, kur kjo perforcohet edhe me prononcimin e tij se, e sheh krejtesisht si legjitime perpjekjen e pronareve per te zhvilluar pronen e tyre. Pra kur vete autori e shikon si legjitime ate cfare kane bere pronaret, c’kuptim ka te mendojme se ai i ka fyer per nje gje qe e quan legjitime?
    E shumta qe mund te thuash ketu, eshte se duhet te kish gjetur terma te tjere, dhe se i kane rreshqitur disa terma qe mund te keqkuptohen, por nuk mund te kembengulesh me kaq vendosmeri se i ka fyer. Kjo do te thote se ti ke sigurine se autori po genjen tani. Me duket se kjo eshte shume e qarte dhe nuk e kuptoj se c’ka ketu per ta bere telenovele me vete.
    Mbi te gjitha, shkrimi nuk e permend fare Albanin. Ai permend pronaret e tokes si nje aktor anonim ne kete telenovele, qe kane nje rol si nje personazh me vete. Albanin e fute ti ne muhabet. Pronaret e tokes jane nje grup njerezish dhe nuk ka perse t’ia adresosh Albanit drejtperdrejt profilin e personazhit. Gjithashtu familja ketu nuk perdoret ne kuptimin intim, por ne kuptimin nje grupi farefisnor. Ti e kap muhabetin anapulla. Nisesh nga Albani per te dale tek familja, dhe jo e kunderta. Per ty, ne po shajme familjen e Albanit. Menyra sesi ke reaguar ti, duket sikur shkrimi ka pas per qellim te fyeje Albanin nga njerezit e shpise, gje qe nuk ka kuptim.

    Ne lidhje me Ziverin, kam pershtypjen se duhet ta rimendosh edhe njehere. Personalisht nuk kam asnje respekt per ate demonstrate, por nuk mund te mos kem nje minimum keqardhjeje per cdo viktime qe, sido qe te jete, nuk e meriton vdekjen. Nuk ka rendesi aspak Vin nese ai ishte protestues i Rames apo i Berishes. Ishte nje jete njeriu qe po protestonte per dicka qe e konsideronte te drejte, qofte edhe i gabuar apo mashtruar. Fundja ishte viktime gjithashtu edhe e Rames, qe e dergi mish per top, interesa qe nuk mund te jene kurrsesi kauze e askujt. Por nuk mund te mendosh se e meritonte plumbin dhe natyrisht qe nuk ka perse te mos meritoje keqardhjen tone per fatin e trishte, e per gjemen qe i beri familjes.
    Natyrisht, nuk mund te solidarizohemi cdo dite me mijera njerez qe vdesin ne bote. Por nuk mund te mos e bejme kete, kur e shohim vdekjen live, me syte tane nga ekrani, ne nje ngjarje jo me larg se 2 km nga shtepite tona.
    Nejse, ky eshte muhabet pa lidhje me temen.

  • Your email address will not be published. Required fields are marked *