namaz-protesteImami i Xhamisë së Dine Hoxhës, së bashku me një grusht besimtarësh, i është bashkangjitur protestës kundër armëve kimike në stil origjinal për Shqipërinë dhe jashtë konteksti për situatën. Pasi ka mbajtur një fjalë të shkurtër përpara protestuesve dhe grupit të besimtarëve, të cilët, ndërkohë, mbanin edhe parulla kundër Avokatit të Popullit, ka falur namazin para kamerave të sheshit, e pastaj xhemati protestues është shpërndarë.

Duhet thënë se protesta kundër ardhjes së armëve kimike në Shqipëri ka habitur shumë skeptikë ndaj shoqërisë shqiptare me qytetarinë dhe sensibilitetin e shfaqur. Por gjithashtu këto ditë proteste janë shoqëruar me ngjarje të ndryshme, e përpjekje për ta politizuar e orientuar në funksion të interesave individuale e politike, siç ishin vizitat e Berishës, Bashës dhe Metës, të cilët u pritën me fërshëllima, detaje këto që treguan disa nga vlerat e këtij manifestimi, i cili arriti të qëndrojë larg ngarkesave e interesave politike.

Shumë individë e grupe individësh janë sjellë përqark me lugë në brez këtyre ditëve, duke e parë këtë eveniment si një tortë për t’u rrëmbyer. Megjithatë, në vija të përgjithshme, protesta demonstroi qytetari dhe emancipim, si rrallë-herë në këtë vend, në dallim të plotë me egërsinë, barbarinë dhe provincialitetin e mitingjeve plot ngjyra e fishekzjarrë të partive politike, të mbushur me militantë e mercenarë. Protesta ia doli të mbajë një nivel distancimi nga çdo lloj ngjyrese politike, ideologjike, klasore e kulturore, duke u zhvilluar, ndonëse pa ndonjë organizim të mirëfilltë, në mënyrën më dinjitoze të mundshme.

Spektakli i ofruar nga imami i Dine Hoxhës, ishte krejtësisht i tepërt dhe grotesk. Zbarkimi plot bujë i grupit të vogël të besimtarëve ishte një demonstrim kontrastesh kulturore e ideologjike, krejtësisht i panevojshëm dhe negativ, si për besimtarët ashtu edhe për vetë protestën. Përveç imazheve të një mospërkatësie kulturore me turmën, në kushtet kur protesta është ndeshur çdo ditë me njerëz që janë përpjekur ta kanalizojë politikisht, ky show ngjante si një përpjekje e vyshkur për instrumentalizim fetar, mbase duke tentuar përfitime populiste, gjë e cila i përfshin protagonistët në kategorinë e atyre që u munduan ta përdorin atë.

Patjetër myslimanët duhet të ishin në shesh për të protestuar, si gjithë të tjerët, dhe e kanë bërë këtë çdo ditë që prej fillimit të saj. Jo vetëm që ka pasur besimtarë të mirë që i janë atashuar asaj në çdo moment, në mënyrën më dinjitoze që mund të bëhet, por ka pasur prej tyre që kanë qenë ndër organizatorët më të zellshëm të saj, pa demonstruar identifikimin fetar, pasi kishim nevojë për qytetarë e vetëdije civile, madje edhe përpara të qenurit shqiptar. Ndër të tjera, ka pasur edhe shumë vajza myslimane me shami, që janë solidarizuar me reagimin qytetar kundër armëve kimike dhe shkeljes së dinjitetit të popullit. Nuk kish asnjë arsye përse të ofroheshin shfaqje të tilla ku myslimanët duken si mish i huaj në mes të turmës.

namaz-proteste.jpg 2Ahmed Kalaja nuk përfaqëson as myslimanët shqiptarë e as të ashtuquajturin Islamin shqiptar, ndaj nuk ka asnjë të drejtë të marrë peng imazhin tonë të përbashkët me vendime individuale të papjekura. Shumica e besimtarëve janë si ata që kanë protestuar si qytetarë të thjeshtë midis të tjerëve, pa u dalluar aspak si grupe kulturore të alienizuara.

Mbi të gjitha, namazi nuk është show, por është një ritual ku njeriu ushtron marrëdhënien e tij më intime me Zotin e gjithësisë. Namazi nuk bëhet përpara kamerave e as përpara një turme të mbledhur aty për halle të tjera. Namazi i drejtohet vetëm Zotit dhe nuk mund ta përdorësh atë për të shprehur mesazhe të tjera, drejtuar krijesave. Të njëjtën dukuri e kemi denoncuar edhe më parë, në rastin e organizimit të faljes së namazit të teravive për natë Kadri në bulevard. E përgëzojmë KMSH-në që ka hequr dorë nga ky profil i marrëdhënies me namazin, por mendojmë se nuk duhet të lejojë që imamë të saj të bëjnë ekspozime të tilla individuale të cilat dëmtojnë imazhin e Islamit në Shqipëri dhe vetë KMSH-në si institucion. Islami nuk mund të përfaqësohet nga kushdo që ka 10 njerëz me vete, një xhybe e aftësinë për të marrë poza kalorsiake.

Kalaja është shquar vazhdimisht për një profil të imamit protagonist, duke dashur të ndërmarrë role publike që nuk i realizon dot. Shfaqet nëpër televizione i përfshirë në debate për të cilat është krejtësisht i papërgatitur e që kërkojnë njohuri të thelluara profesionale. Me përpjekjet për t’u prononcuar mbi çdo ngjarje e dukuri, në mënyrë diletante, ka bërë që figura e tij të rrezatojë një abiguitet problematik, ndërkohë që repertori i ligjëratave në internet, me diskutime fenomenesh sociale, që duket sikur vijnë nga periudha arkaike, është bërë në rastin më të mirë objekt ilariteti, por edhe dhe objekt akuzash e ofendimesh të adresuara ndaj myslimanëve anembanë rrjeteve sociale. Paaftësia për të komunikuar me shtresa të tjera shoqërore jashtë asaj që i përket, përbën një problem serioz, i cili përforcon stereotipet dhe stigmat e shumta drejtuar sot Islamit dhe myslimanëve në Shqipëri.

 

Comments

    • Djali duhet ta mesoje se siç u falnin ne Tahrir a gjetke protestuesit, egjiptianet tane te dashur, mbeshtetes te te dy kampeve falen perdite ne rruge, nese vakti i kap aty, dhe behet xhemati minimiting.

    • Me mire mos e permend Egjiptin, te lutem, se behet e sikletshme analogjia, e na fut ne paralele qe nuk jane te bukura.

      Edhe ne Egjipt protestat i filloi tjeterkush (kryesisht liberalet e progresistet, po edhe aktiviste fetare qe jane prane dy rrymave te para) ne nje kohe kur ultrakonservatoret ende mbeshtesnin regjimin. Kur u be deti kos, dolen dhe keta te fundit ne shesh, per te mos dale bllof. Namazet ne shesh u falen normalisht atje, se sheshi ishte i pushtuar, e nuk mund te dilje e te hyje prej sheshit duke lene terren per policine. Plus qe shoqeria egjiptiane eshte jo thjesht 90% muslimane, po edhe niveli i saj i praktikimit te fese eshte shume i larte. Asnje nga keto kushte nuk eshte i vertete per Shqiperine.

      Fakti qe ne protesten tone nuk mund te mos kishte edhe besimtare muslimane, krahas besimtareve te feve te tjera apo jobesimtareve, eshte krejt i natyrshem, por nuk pati nevoje per mesha per t’u vertetuar qe ka te krishtere ne shesh. Mjaftoi deklarata e keshillit te ipeshkeve dhe pastaj e keshillit nderfetar, si edhe shkelqeu me mungesen e vet Komuniteti Musliman qe nuk i del kurre kunder pushtetit, kushdo qofte. Po mungesen institucionale te KMSh-se, qe eshte deri diku e kuptueshme (se nuk ka Vatikanin prapa) nuk mund ta kompensoje njeri me perdorime kreative te namazit. Ata tridhjete e tre vete qe falen namaz ne bulevard, thjesht treguan se jane vetem tridhjete e tre vete brenda nje deti njerezish te tjere, kaq. Besimtaret e tjere muslimane shkuan dhe u falen tjeterkund, se nuk e gjente gje protesten po te mungoje cerek ore.

      Njeriu zakonisht ka nevoje per qetesi e siguri kur drejtohet para Zotit ne namaz, dhe nuk e kuptoj si mund te planifikosh te falesh i rrethuar nga spektatoret e nga zhurmat, nuk di si mund te gjendet mundesia te perqendrohesh pastaj. Mire qe nuk iu vjen keq per namazin e vet, qe e fusin ne veshtiresi te panevojshme, po te pakten t’u dhimbsen ata spektatore qe nuk e dine c’eshte namazi, dhe deshmuan dicka shume te ngjashme me nje formalitet demonstrativ. Namazi deshmon Zotin, dhe jo pranine e komunitetit apo te kauzave te tij. E harrojme pastaj naivitetin dhe ndjeshmerine politike zero qe tregojne, se kur gjithe hijenat jane hedhur ne shtyp te akuzojne protesten si antiamerikane, dalin keta dhe u japin material qe te bejne lidhjen e shkurter e te felliqur: islam=antiamerikan. E gjithe kjo aventure, vetem per te grumbulluar kapital simpatie ne publik, meqe u pa mire se kundershtimi i ardhjes se armeve kimike ishte gati total ne Shqiperi.

      Ashtu si qeveria qe desh te fitoje kapital nderkombetar politik me armet, mbase me qellim te miren e pergjthshme, nuk ka rendesi fare nese keta 33 vellezerit tane kishin qellime te mira qe dolen ne proteste. Qellimi nuk diskutohet. Problemi eshte se zgjodhen rruge jo te mencur pjesemarrjeje. Nuk eshte fare e veshtire te zbulosh se namazi eshte delikat dhe nuk pranon perdorime te sforcuara.

      Po te doje stafi i Dine Hoxhes te tregoje ndjeshmeri per mjedisin, le ta filloje duke rimbjelle bimet qe jane shkulur prej xhamise, apo duke kufizuar perdorimin e ujit dhe energjise ne xhami, apo duke keshilluar besimtaret te mos perdorin makina per te ardhur ne xhami.

      • Ju lumte dora o cunat e Ezanit. Ky kalorsiak ka qe ne 2004 qe e degjoj te dale neper televizione dhe te lere kokkrren e namit…
        Kur e degjova per here te pare ne nje televizion lokal ne 2005 mendova ”Muslimanet vertet jane njerez te prapambetur dhe qe skane haber…”

  • Ibrahim duhet ta artikulsoh me mire pyetjen.
    Nese e ke fjalen per namazin e protestuesve ne Egjipt, je jashte cdo konteksti me shkrimin dhe me protesten aktuale shqiptare.
    Rasti egjiptian eshte politik, mes disa forcave islamiste dhe disa te tjerave uzurpatore. Masa qe protestoi atje ishte kryesisht e frymezuar nge feja. Pervec kesaj, protestoi per dite me radhe dhe namazi do te kryhej ne shesh, natyrisht, aq me teper kur flitet per nje vend me tradite dhe kultur islame.

    Protesta shqiptare nuk ishte politike, pervec tentativave te ndonje politikani dhe veglave mediatike tip Fahri Balliu. Nuk u diskutuan liri fetare e liri politike te lidhura apo te frymezuara nga feja. Protesta kerkoi qe shqiptaret te mos beheshin kosh plehrash. Ajo grumbulloi nje mase njerezish te bashkuar rreth kesaj kerkese, dinjitetit kolektiv dhe te qenurit qytetar. Asgje me teper.

    Nese vertet zoteria donte te protestonte ne kete menyre, mund ta bente kur u pezullua leja e xhamise se Namazgjase. Ajo eshte prone myslimane, ceshtje islame, dhe aty shkelen te drejtat e myslimant.

    Nese ai namaz ishte pretestues, mendoj se ka forma te tjera proteste per myslimanin, pervec namazit, gjithmone nese del nje person serioz dhe e legjitimon kete obligim fetar si mjet proteste. Por edhe nese mund te behet proteste me namaz, perseris, myslimani eshte edhe shqiptar, qytetar, etj, etj, prandaj i pershtatet dhe jeton me kontekstin. Si i tille ai apo ajo duhe te uniformizohen.
    Perfytyroje pak: ne nje stadium, myslimanet ne vend te tifozllekut bie ne sexhde; ne nje proteste per martesen e homoseksualeve bie ne sexhde; ne nje miting bie ne sexhde; ne nje proteste per nje problem social, ekonomik, etj, bie ne sexhde; per nje proteste per ndertimet pa leje bie ne sexhde.
    Cfare kuptimi ka sexhdja ne keto raste? Cfare kuptimi ka sexhdja ne vetvete qe te meritoje kete turbullim?

    Sic e thash ne jemi jo vetem mysliman. Imami e di mire kete dhe po e banalizoj me nje shembull.

    Nese imami ne fjale ka nje problem mjekesor, ai i drejtohet mjekut, jo se ky eshte mysliman, por sepse eshte mjek i zanatit, se po te kishte nevoje thjesht per mysliman do te shkonte tek shitesi i qofteve. OK? Ne momentin qe i drejtohet mjekut, i pershtatet disa kushteve. Mund te bie ne sexhde, por nuk besoj se e ben tek kembet e mjekut per t’i treguar kartelen, hallin apo rebelimin. Ne kete rast personi, myslimani, ka nje problem dhe flet me gjuhen e atij problemit.

    Gjuha e problemit ne protestat kunder armeve siriane nuk perputhej me ate qe jetesoi imami.

  • Sikur ta dinte Ibrahim Dalliu dhe Hafez Ali Korca qe nje person shprehet nen emrin e tyre me nje nivel katastrofik gjuhesor, do trazoheshin ne varret perkatese. Nejse. Po rrekem une te te jap nje pergjigje, ndonese nuk kam gisht ne shkrim, por e shoh veten brenda logjikes se akullt te shkrimit. Nuk ka asnje lidhje mes gjestit te djeshem te hoxhe Ahmed Kalase e xhematit pas tij e namazeve te myslimaneve gjate protestave ne Egjipt. Sepse nuk ka lidhje mes motivit te protestes, si dhe me Egjiptit e Shqiperise ne kontekste kulturore e fetare. Eshte e natyrshme qe aty te ishin dhe myslimanet, si bashkesi apo si individe, por jo te jepeshin shfaqje si ajo me namazin e ikindise, nderkohe qe fort mire mund te shkonin ne xhamine me te afert 5 min larg, te falnin ikindine e te ktheheshin serish ne vendin e protestes. Ti serish do pyesesh se perse nuk e benin te njejten gje dhe protestuesit myslimane ne Kajro? Epo ne protesten e tyre kishte dhe dicka fetare ne thelb, pasi Mubaraku dhe pushteti laik kunder te cilit protestohej, konsideroheshin dhe faraonik ne kuptimin kuranor te ceshtjes.
    Inshallah ke kuptuar gje ne keto 5 rreshta shpjegim!

  • A nuk do mund te shihej ky rast thjesht si nje grup besimtaresh qe po protestonin aty gjithe diten dhe te cilet i kap vakti i namazit ne shesh e ulen e falen?

    • Myslimani ngelet i tille edhe nese proteston me mekanizma joislame – me parulla nacionaliste, me te tjera politike, apo me parulla sociale, etj – por nese nje X proteste, qe ka identifikimin e vet, i cili e dallon nga te tjerat, perzihet me mekanizma te tjere ajo e humbet tipologjine dalluese dhe behet cirk ku secili shfaq ngjyrat e veta. Kjo proteste nuk ishte nje panair gjellesh ku secili sjell dicka. Megjithese edhe ne panaire te tilla, elementi “gjelle” mbetet themelor, e nese dikush sjell objekte te tjera e shperfytyron qellimin fillestar.

      Ata myslimane protestuan dhe iken. Nuk “qendruan” aty se i kishte kapur vakti. Pastaj, qe kur doli kjo tradita “me zuri vakti dhe po falem ku te kem deshire”? Keshtu behemi qesharake fare. Po nese me ze vakti mua ne autobuz? Nese dua te rebelohem per nje te ri i cili nuk ia liron vendin nje te moshuari ne autobuz? Te bie ne sexhe aty, se jam i legjitimuar si protestues dhe sepse ka ardhur vakti?
      Namazi ka kohen e vet, qe eshte interval dhe nuk skadon menjehere; Tirana ka xhamia; myslimanet kane shtepi. Feja eshte me shume se namaz, dhe myslimani ka edhe identifikime te tjera qe nuk jane vetem fetare. Keto duhen ne te jene te qarta.
      Nuk thote njeri qe feja te reduktohet pas deres se xhamise, por namazi eshte nje praktike adhurimi e cila kerkon hapesira te vecanta dhe jo abuzime. Ndryshe, c’kuptim ka?
      A ju duket normale qe nje besimtar, ne momentin qe degjon e-zanin, fillon e falet teksa kalon semaforin? Jo, sepse ekzistenca jone dhe jeta sociale eshte e ndertuar mbi disa rregulla, kushte, ligje e hapesira.

      Namazi eshte forma e adhurimit qe me shume se te tjerat e afron njeriun me Krijuesin. Tani, kete e bejme ne shesh? Sa mund te perqendrohet nje njeri ne ate kontakt, kur eshte para kamerave, ne proteste, ne shesh dhe kur rreth e rrotull zhurmohet per dicka krejt tjeter?
      E ju lutem, mos replikoni se namazi falet edhe ne lufte, pasi ketu nuk ishte njeri ne llogore e as nuk ju mbyll kujt xhamia e shtepia per t’u falur.

      Ky nuk qe namaz “nga frika se iken vakti”, por demonstrativ. Eshte ne mes te rruges, e jo ne ne nje vend me te izoluar nga protesta. Nese nuk donin te humbnin vaktin, a nuk mund te faleshin trotuar apo ne lulishten aty perbri?

      • Ndoshta ke te drejte por mua kur lexova lajmin per here te pare nuk mu duk gje e madhe. Thjesht ca besimtare protestues qe i ka zene vakti ne proteste e po falen. Keshtu mu duk. Nuk lexova kaq shume simbolizem e problematike tek ky akt sa ju.

  • Imamit kjo e falura ne trotuar i eshte bere semundje profesionale. Namazin e xhumase pothuajse çdo jave imami ne fjale, fale dhe teknologjise wireless, e fal atje ku ecen njerzia,ndersa xhemati ndodhet brenda kangjellave dhe mureve te xhamise. E veçanta kesaj radhe ishte se xhematin e kishte terheq me vete ne rruge, per tu fal sebashku.

  • Mendoj qe imami nuk ka bere nje veprim serioz, sikur nuk i ka hije… Po ama dhe ju te e-zanit (ezani elektronik apo si e kenei se kshu del me kete e-zani) po llapni si pa lidhje dhe shikoni ndonje ceshtje me serioze e jo sherre me imamet e ndermjet veti, akoma spo merni vesh se ku jetoni e me ke… kshu gjuajne budallenje (vllau me vlla)

    • Kur imami me nje grup te vogel besimtaresh sipas teje ka bere nje veprim joserioz, nen hunden hijerende te kamerave ne transmetim, çfare prisje ti, ta lyenin me sherbet imamin ne fjale?

      Mos harro nje gje thelbesore, imami eshte nje perfaqsues zyrtar i nje institucioni publik. Kur “zyrtari” kapet gafil, jashte kostumit te tij institucional(megjithese veshjen e kishte me vete), eshte detyre qytetare qe t’i terheqesh paksa veshin, gjithashtu ne publik, ashtu siç e kreu veprimin ne publik.

      Edhe diçka tjeter, kur do marri fund kjo semundja per protagonizem e disa imamve dhe myftinjve, qe kane ose jo lakra ne koke, e marrin nisma qe nuk i mbajne dot ne supe (tamam si ajo e Rames me armet kimike)? Po te jene me mend ne koke ulen dhe reformojne ate paçavure institucion, qe kur u duhet e tregojne si medalje ne gjoks, e kur nuk u duhet heqin dekoraten dhe bejne si ua do qejfi dhe interesi.

    • A e di si eshte kjo puna e vellezerve? Kur jeton ne nje shtepi me vellain, e nuk e keni ndare pronen akoma, kur shkon e merr borxhe vellai diku e nuk i kthen, vijne ta sekuestrojne shtepine e perbashket, dhe nuk ka me rendesi se kush e pati fajin.

      Sa kohe qe nuk jemi ndare akoma, po kemi nje emer, nje shtepi (xhamine) eshte mire te mos e bejme veprime publike qe nuk kane pelqimin e te gjitheve. Nuk eshte veshtire te kuptohet se cili mund te jete pelqimi i te gjitheve: po veprove ne rruge te tradites, je perhere brenda. Tradita permban vetem keto lloje namazi: te perditshmin dhe te se premtes, ate te bajrameve, te xhenazes dhe ate te frikes (ne kushte ekstreme). Namaz mediatik e deklarativ, me imam e kameraman, per nevoja PR, nuk ka ne asnje liber fikhu.

      Namazi eshte dhe i yni, nuk eshte vetem i atyre qe e falen pa nevoje ne shesh. Kur hapin probleme me publikun disa prej nesh, ne emer te fese se njejte, e pesojne edhe pjesa tjeter e jona pasojen. Ne menyre qe te mos ngaterrohemi me njeri-tjetrin kot, duhet e shohim qe veprat publike fetare t’i kemi sa me shume konsensuale, sa me konform mesimeve te pergjithshme fetare, ne menyre qe te mos demtojme njeri-tjetrin. Kush do te beje vepra publike jotipike per traditen tone fetare, le te mos habitet nese distancohen te tjetret nga ai, po aq publikisht. Ne shtepi fol e falu si te duash, ne publik do marresh gjykim publik.

      Po nuk levizi KMSh-ja me masa disiplinore, duhen bojkotuar te gjithe ata qe ekspozojne bashkesine ndaj surprizave te panevojshme.

  • Selam vellazeri,
    Po kaloj direkt ne thela. E lexoj e-zanin, thene troc, se jane nje ze edhe per mua, kur vjen puna per te thene disa te verteta qe komuniteti yne i nderuar psh, nuk i thote dot. Ka pasur disa raste kur kam hasur shkrime kunder hoxhes ne fjale. Ky me duket serish si sulm ndaj tij. Personalisht nuk hyj te ata simpatizantet e tij (nuk e di a eshte korrekte me u shpreh keshtu per nje imam, por e kam pa te keq e Zoti e di dhe me falte). Me thane qe ishin falur dje ne shesh. Nuk me erdhi dhe aq mire. Megjithate me vjen akoma me shume keq kur lexoj qe paskeni shkruar edhe per kete ceshtje. Mos e harroni, E-zani. Dhe ka njerez te te ashtuquajtures shoqeri civile qe e lexojne e-zanin vetem per te “vjedhur” ndonje material te tille e per ta plasur ne ndonje faqe gazete. Dmth, me duket me i madh gabimi i dyte, sesa ai i pari. Jprsh e me te mira,

    • E vleresoj deshiren e mire qe tregon per te kursyer material per zerat jodashamires, por megjithate mendoj se nuk mund te vazhdojme gjithmone me heshtje, kur problemet riperseriten vazhdimisht ne syte e publikut, i cili na stigmatizon cdo dite e me shume, edhe per keto arsye. Jo me kot, ekziston nje perceptim i gjere midis shume njerezve se muslimanet jane te prapambetur dhe se ata po behen pengese per zhvillimin e shoqerise. Duhet te shohim edhe kontributin tone ne perforcimin e stigmave te tilla.
      Te siguroj se nuk kemi asgje personale me imamin. Faqet e ketij blogu jane te hapura per kontribute, edhe te tijat, sic kemi deshmuar ne nje interviste te bere me te, te cilen e mendoj me vlere, apo edhe ne raste te tjera kur ka qelluar te permendet, jo domosdoshmerisht per keq. Gjithashtu, ky blog ka deshmuar se ka kritikuar, me nota gjithashtu te ashpra, edhe imame e funksionare te tjere, si dhe institucione qe, ne perceptimin tone, kane ndermarre iniciativa qe i gjykojme problematike. Nese mendoni se imam Kalase i ka rastisur te jete ca me shpesh objekt i kritikave tona (gje qe ne fakt nuk eshte shume e vertete, sepse drejtuesve te KMSH-se u kemi bere shume me teper kritika), kjo vjen prej faktit se ai eshte bere me shpesh protagonist i situatave te tillla problematike. Por, me duhet te shtoj gjithashtu se jemi krejtesisht te vetedijshem per problemin qe ti thua, dhe kjo eshte arsyeja perse tolerojme shume shpesh dukuri te cilat, nese do t’u qendronim ne koke, do te na duhej te merreshim cdo dite me to (qofte prej Ahmedit, KMSH-se dhe te tjereve). Kjo eshte arsyeja perse, edhe ne kete rast, jemi treguar te kursyer, sepse ka shume vend qe kritika te ishte edhe me e pasur dhe me e forte, por jemi mjaftuar me kaq. Fundja, edhe sikur te heshtim ne, veprimi i tij ishte ne syte e te gjithe shqiptareve, dhe ata qe duan ta perdorin mund ta bejne pa problem. Perkundrazi, reagimi yne, sherben si nje menyre per te distancuar komunitetin tone nga veprimet individuale te nje personi, dhe me kete, i ndihmojme edhe vete Ahmedit qe ta clirojme sadopak nga pesha e pergjegjesise ne veprimin e vet.

    • Mire e ke, fjala simpatizant i perputhet individit qe sheh diçka me interes tek kauza qe perfaqson ky lloj tip imami dhe jo vetem. Edhe hoxhe, edhe ligjerues, edhe aktivist, gjysem propagandist, çerek shoqeri civile, pak menaxher, plotesish jasht orbite. Kur dalin keta tipa ne televizor nuk dime ku te fusim koken, nuk ka jastik qe na fsheh.
      Ti me duket e paske kollaj, meqe nuk e simpatizonke, nderron kanalin televiziv ose faqen e gazetes dhe kur te vjen ndonje koleg a komshi e te thote psh: “ore a te le mami ty te shkosh ne Xhihad?!”; ti i thua, “çfar flet ore provokator, mos me ngaterro mua me keto”. Dhe ai vazhdon “po babi”? Dhe ti ia kthen serisht ore per ke me merr ti mua? Por ai eshte i sinqerte e ta kthen: “kam lexuar hoxhen ne gazete or burr i dheut”. Ti ngaqe nuk e simpatizon dhe rrjedhimisht nuk e ndjek ne media ate, thua me vete serisht dhe me sinqeritet; “prap vazhdon ky provokatori”.
      Merre me mend vete si do te pergjigjej nje simpatizant i tij, pale ndonje partizan i zellshem.
      Simpatizant ose jo, ketyre tipave eshte mire per t’i fut ca “qaprina”, te pakten mediatikisht, se na kane nxjerre e sternxjerre padrejtesisht te lara e te palarat ne shesh

      • Dakar,
        Ta bej hallall qe me paragjykon, me gjithe mam e bab. Por vetem kesaj radhe. Apo je edhe ti nga ata 5 vakshit qe thote: pune e madhe s’e s’ma bo hallall ti.
        Nejse, falenderoj adminin per pergjigjen, megjithese nuk shkrova per te marre pergjigje. Thjesht shpreha nje qendrim, qe besoj ka edhe te tjere qe e ndajne me mua.
        Sa per a duhet me i fol keto ceshtje? Patjeter qe po, por mes vellazerie, jo ne publik ku mund te kete edhe zhurmues.
        Me selame te gjitheve edhe zbutuni pak, ju te Dakarit, se nuk u gjen gje

        • Paris.
          Nuk shoh ku te kam paragjykuar. Te jesh korrekt, me sill fjaline perkatese dhe nese ndihesh i paragjykuar do te sqaroj qe nuk ka fare paragjykim aty. Une mora thjesht fjalen tuaj dhe ndertova nje situate hipotetike thjesht per te bere te dukshme problematiken, nese u paragjykove aty nuk sigurisht ta kerkoj hallallin, gjithsesi.
          Ju mund te mbani gjithnje idene se debatet duhen bere ne ilegalitet dhe nuk duhet te na i marre vesh shoqeria, por ketu ne artikull kritika i eshte drejtuar nje veprimi publik te imamit dhe nuk po akuzohet kot ne tym siç mund te ndodhe gjetke.
          Ne shkrim nese jane deformuar faktet publike dil dhe evidentoi, nese interpretimi i veprimeve te tilla publike nuk te duket i mbeshtetur, bujrum dhe rrezoi.
          Kur te kesh mbaruar me keto qe te thash me lart, me jep nje mendje, si duhet trajtuar problematika e komentit paraprak, ai me “lejen e prinderve” qe mundeson ose jo vajtjen e djemve shqiptar ne Siri, pra legjitimon ose jo “xhihadin” per shqiptaret, gjithmone per Siri. Nese do ta konfirmosh, kerko tek “shqiptarja.com”, dhe do te veresh qe strhollimet e fese qe nuk i kupton kerrkush pa nje parapergatitje kane dale sheshit bashke me belane qe ti kerkon te ruash. http://www.shqiptarja.com/aktualitet/2731/imami-kalaja-familjare-ndaloni-femijet-qe-te-behen-xhihadiste-186241.html
          Gjithe te mirat dhe selam

          • Shiko vella,
            Nuk dua qe ta kthejme kete komunikimin tone ketu si nje fotofinish te nje gare rally. Ti me kupton shume mire cfare dua te them, une ty gjithaq. Jemi ne nje llogore, me gjithe Shejhun e shkrimit, e shume shejha te tjere, qe ne Shqiperi i kemi me tonelata. Por, menyra e te kritikuarit, nuk me le shije te mire. Dhe te siguroj une, Shejhu nga ana tjeter eshte shume gabimtar ne kete pike, se si peshon fare “mallkimet” qe leshon. Por, une kritika ti mallkime, e bota ben sehir. Kjo nuk me pelqen. He, a eshte ky mendim absolut. Zot na ruaj. Ndaj per t’iu rikthyer pyetjes tende (ku e shikoj une paragjykimin), po te them qe me pelqeu me shume pergjigja e qete dhe e urte e adminit sesa “prepotenca” jote.
            … dhe Rallyn Paris-Dakar e fiton ….
            Selam,

  • Ky imam do te ishte shume i sinqerte ta bente nje veprim te tile nese kishte qe diten e pare aty, qe ne fakt nuk ka qene, apo diten e dyte qe po ashtu nuk ka qene, apo e kishte gdhire ate nate aty me cunat, apo ishte organizator i kesaj proteste…. asnje nga keto…perkunder gjithe problemeve qe ka xhemati i tij i xhamise se tij, meriton ti behet nje proteste mu ne mes te xhamise per indiferencen qe ka ndaj problemeve themelore te shkeljes se te drejtave te njeriut dhe femijeve pikerisht ne xhematin e tij… apo per perfaqesimin pa tagra qe na ben kudo… apo qe sipas statutit te KMSH ai duhet te votohet dhe duhet te zgjidhet dhe ka afate te ushtrimit te detyres se tij, nderkohe qe po kthehen ne te pazevendesueshem ai dhe imamet e tjere ne Tirane, qe jane bere si pseudo diktatore te ideve te tyre fetare dhe interpretimeve te tyre…jam dakort qe beri nje show te panevojshem dhe te pakuptimte per thelbin e protestes….. e nese ata cuna do te procedohen penalisht per organizim tubimi pa leje sic lexova diku, cfare do te thuhej per imamin a do te ishte edhe ai ne krah te tyre???

  • Kesaj i thone me u tregu pragmatist per hir te Allahut. Pse e them kete? Sepse me kujtohet qe vite me pare, teksa muslimanet e Shkodres beheshin gati per t’i hipur autobuzeve e per te ardhur dhe protestuar ne Tirane kunder shkarkimit te pamotivuar te myftiut te Shkodres B. Bajraktari, ishte po ky imam i cili naten udhetoi drejt Shkodres per t’i kumtuar xhematit shkodran se pjesmarrja ne protesta eshte bidat. E keshtu qe numri i pjesmarresve u pergjysmua.

    Po te shkojme pak me para ne kohe, aty nga vitet 2000-2001, kur disa vajza u perjashtuan nga shkolla e mesme per shkak te hixhabit, ishte pikerisht ky njeri i cili per te penguar xhematin e xhamise se “tij” per t’iu bashkuar perpjekjeve te disa vellezerve dhe motrave te veteaktivizuar per t’u ardhur ne ndihme ketyre nxenesve, nxorri fetvane e famshme se: femrat e kane haram te shkojne ne shkolle, e keshtu xhemati inocent i ndodhur para trysnise se fetvase se hoxhes u terhoq dhe i la ne balte ato. Per ta thene troç, pas ç’do trazire neper xhamite e Tiranes por jo vetem, ndjehet dora e ketij njeriu.

  • Kjo me poshte eshte kunder pergjigjja e Kalase ne rrjetin social FB
    Po ti heqesh fjalet “Shija” … “Alvetinj” …e “Rafidinj” (te cilat i perdor pa sens prej sh kohesh) dhe ti zevendesosh me fjalen “Imperializmi Amerikan” do te vesh re se kunderpergjigja e Kalase nuk ka asnje ndryshim me fjalimet e Enver Hoxhes i cili na genjente dikur se atje ne amerike njerezit vdisnin per buke
    Njerezit me intelekt te ulet sapo kritikohen hidhen direkt ne kundersulm dhe flasin per gjera qe nuk kane lidhje me debatin
    z Kalaja e zejme se une personalissht jam Shia Rafidi Alveti e ku di une…… per temen ne fjale u pergjigjet? Per mendimin tim z Kalaja ke patur te njejtin qellim protagonist qe kishte Berisha ate dite. Dhe ti, pse mendoj une keshtu do me akuzosh per agjitacion e propagande
    Kjo nuk eshte fetare aspak po i ngjan me se shumti diktatures sektare

    …….kjo eshte kunderpergjigjja e Kalase

    • Ahmed Kalaja
      Saturday at 22:27 near Tirana ·
      Jo nuk eshte hera e pare !

      Nuk eshte hera e pare qe ata mjerane qe reklamojne mallin e rafidijve ne faqen e tyre te ndjehen perseri keq nga aktivitetet tona sidomos kam per qellim kete te fundit protestes qytetare qe ne edhe disa imame ju bashkangjitem e keta reklamuesit propaganduesit e shiiteve rafidij ne menyre sisitematike ne faqen e tyre te ndjehen keq nga aktivitetet sa qytetare dhe humane sa aq edhe fetare.
      Akuzat i kane te njejtat e une do ju thoja sic e thote i madhi Zot ne Kuran ; ” Mutu fi gajdhikum ” ” Ju zente plasja prej mllefit tuaj”.

      Allahu jua nxjerrte ate qe fshihni para se te vije dita e largimit nga kjo bote!

      Normal vetem te shohesh nje fakt mjafton faltorja e tyre jane kafenete e te perjashtuar nga faltoret e Allahut nga falja me xhemat e jo vetem kaq po shume gjera te tjera qe jane argumente te qarta per besimtaret.

      Qofshin argument per brezat ne vazhdim ! Amin !
      121 Likes·39 Comments

      • Hoxhe liji mallkimet se nuk te shkojne. Nuk eshte as synet, dhe as sjellje dinjitoze te besh dua vend e pavend. Ti do besh budalliqe me zarar, pastaj ata qe te kritikojne doemos do jene te denje per tu mallkuar?! Mos luaj me zjarr hoxhe. Zoti te dhente jete te gjate dhe te hajrit, neve na shpetofte nga hoxhallare katastrofe si ti. Amin! Ene Like! Ene Share bile!

  • une jam nje Radifij dhe mendoj se 2+2=4.
    Tani kam nje pyetje per imamin:
    A kam te drejte per barazimin,apo nuk me merret per baze ngaqe jam radifij.
    Edhe nese dikush eshte cifut,kristian apo radifij duhet ti japim pergjigje duke u bazuar tek tema ne fjale, larg nga paragjykimet. Ne nje nga betejat muslimanet u ndihmuan nga keshillimi i cifuteve duke marre per baze fjalet dhe nuk i dhane pergjigje si te Imamit tone: nuk ja u pranoja argumentin se jeni cifutte

  • Pikerisht ajo qe u tha ketu se ky veprim i imamit mund te interpretohet nen sfondin e antiamerikanizmit, u artikulua ne Opinion nga Mentor Nazarko. Ai u shpreh se, pjese e nje fryme antiamerikane qe po perphapet ne Shqiperi, jane edhe grupe fetare radikale, te cilat kane qene aktive ne kete proteste.
    Pra, veprimi pa mend i imamit ka bere efekt edhe ne kete prizem.

    • Ahmedi yne anti-amerikan? Shtypi thote ndryshe.

      Myslimanët: “E prisnim Bushin në Xhaminë e Et’hem Beut”

      Imami i xhamisë së Dine Hoxhës në Rrugën e Kavajës, Ahmet Kalaja,
      tregon emocionet dhe përjetimin e vizitës së njeriut më të
      pushtetshëm të globit

      Habjon Hasani

      Myslimanët shqiptarë thonë se e kanë ndjerë kënaqësinë e vizitës së
      Presidentit amerikan pak më herët se të tjerët. Kjo pasi në
      intervistën që Presidenti Bush dha për gazetarin Andi Bejtja në
      Vizion Plus, pak para mbërritjes së tij, bëri një përshkrim të
      Shqipërisë, duke shquar emancipimin dhe qëndrimin e tyre. Këtë fakt
      e konfirmon dhe Ahmet Kalaja, imami i xhamisë së Rrugës së Kavajës,
      ndërsa kjo e fundit, në mënyrë ciklike është përshkruar në media si
      ndër “më problematiket”. Gjithsesi, duket se gjindja në këtë xhami
      nuk ngjason aspak me përshtypjet që të japin titujt sensacionalë,
      pasi besimtarët dhe drejtuesit e kësaj xhamie “na habitën” kur na
      komunikuan pas vizitës së Presidentit amerikan, se prisnin më shumë
      prej saj. Imami i xhamisë, Ahmet Kalaja, shprehet një ditë pas
      vizitës së Xhorxh Bushit se të gjithë myslimanët ishin mobilizuar që
      të shikonin Presidentin amerikan të hynte në Xhaminë e Et’hem Beut
      në Tiranë. “Ngelëm shumë të kënaqur, pasi dhe mediat e huaja e
      trumbetuan pritjen e ngrohtë që u rezervua për Presidentin amerikan.
      Ishte një pritje e denjë, e cila iu bë një shteti që na është
      gjendur në momente jetike dhe vendimtare”, – thotë Ahmeti. Por,
      sakaq, imami i xhamisë së Dine Hoxhës nuk harron të përmendë dhe
      pritjen e myslimanëve para ekraneve, të cilët shpresonin në një
      vizitë të mundshme të Presidentit Bush në xhaminë më të njohur
      shqiptare, atë të Et’hem Beut. Sipas tij, një vizitë e tillë ishte e
      munguar, ndërsa shton se nëse do të ndodhte vërtet, ky fakt do ta
      bënte edhe më domethënëse këtë vizitë. “E prisnim, e prisnim të
      vinte. Deri në momentin e fundit ne kemi shpresuar. Do të donim që
      Presidenti i Shteteve të Bashkuara të ishte në Xhaminë e Et’hem
      Beut. Do të donim sepse ne mendojmë se Shqipëria është vendi ideal,
      në të cilin mund të demonstrohet se islami nuk ka ngjyra raciale,
      shtetërore, apo gjithçka tjetër, pasi Shqipëria ka një islam që ruan
      vlerat fetare dhe besuese në harmoni të plotë me aspiratat
      euroatlantike të vendit”, – nënvizoi Ahmeti.
      Pse pritej?
      Imami i xhamisë së Rrugës së Kavajës tregon se të gjithë të njohurit
      e tij myslimanë kanë ndjekur për tetë orë çdo etapë të vizitës së
      Presidentit amerikan. Kur e pyesim se përse prisnin që Presidenti
      amerikan të vizitonte Xhaminë e Et’hem Beut, ai shprehet se
      pavarësisht se nuk kishte asnjë njoftim zyrtar për një vizitë të
      mundshme në xhami, ata mendonin se mund të kishin një “surprizë” nga
      njeriu më i pushtetshëm i planetit, që sipas tyre mund të përsëriste
      edhe njëherë itinerarin e ish-sekretarit të Shtetit, Xhejms
      Bejker. “Asgjë zyrtare nuk kishte. Por ama, në radhët tona u krijua
      një besim se ai do të na vizitonte. Megjithatë, askush nuk mund të
      thotë se edhe kështu vizita nuk ishte perfekte. Vizita ishte e
      mrekullueshme. Më bëri përshtypje dëshira e tij për të fituar kohë e
      për të ndenjur edhe pak më tepër me njerëzit në Fushë-Krujë. Duket
      sikur Shqipëria i dha një mbështetje që kishte kohë që i kishte
      munguar në Europë. Edhe kështu ishte shumë bukur gjithsesi”, –
      shprehet Ahmeti. Nëse i pyet besimtarët myslimanë se cila ishte
      pjesa më e bukur e vizitës, askush nuk di të thotë vetëm një aspekt
      të caktuar. Sikur të ishin të gjithë në të njëjtën mendje, ata
      përgjigjen se deklarata e Kosovës dhe pritja në Fushë-Krujë ishin
      pjesët më kulmore dhe më domethënëse të 10 qershorit të 2007-s.

      12 Qershor 2007
      http://www.gazeta-albania.net/news.php?id=14244

  • Nuk thashe qe Ahmedi eshte antiamerikan (ne fakt, Ahmedi nuk e di as vete cfare eshte), por thashe se ky gjest eshte interpretuar dhe ne kete menyre.
    Ne fakt, Ahmedi nuk eshte as antiamerikan as proamerikan. Eshte thjesht protagonist koniuktural aventurier. Qellimi eshte te bejme show, te jemi biem ne sy, packa se bie gjithmone ne sy per keq. Edhe kur kerkon te behet proamerikan e ben ne menyre te shemtuar.

  • po i kthehem ketij shkrimi per shkak se u permend prape te opinioni kohet e fundit. bie dakort me shkrimin e ezanit dhe i jap perseri te drejte qe veprimi i imamit ishte i pamenduar mire. por kjo thuhet mes nesh dhe i thuhet imamit ne fjale, qe ketu bere gabim se nga nje pjese e shoqerise , ndoshta nga shumica, ja vejme emrin kesaj pjese te shoqerise mustafa nano, keqkuptohesh edhe ne vend qe te ndikosh per mire,shkakton efekt te kundert.
    por sa i trashe duhet te jesh ti thuash kesaj pjese te shoqerise(mustafa nanos) qe imami ka bere gabim dhe duhet trajnuar, se veprimi i tij mund te keqkuptohet nga ti. te mos thonin me shume, psh. ska nevoje(edhe pse do ishte mire) ti sqaronin qe muslimani fal pese vakte ne dite, dhe protesta e cila ishte e gjate dhe ne pritje te pergjigjes finale, i zuri namazi aty dhe aty u falen. do mjaftonte sikur ti thonin aq sa i tha pjesa tjeter e shoqerise qe smendon si e para(fatos lubonja) qe ata kane te drejte te falen ku te duan, dhe te protestojne si te duan, pa rene ne kundershtim me ligjin.
    perfundimisht i vetmi qe mund te na perfaqesoje ne media dhe ne publik nga intelektualet muslimane eshte ervin hatibi. duke pasur krenarine e duhur dhe pa komplekse.

  • Your email address will not be published. Required fields are marked *