Burr’ i fortë





Erdogan-speakingY. Dibra

Luftëtarët që kanë shkuar në Siri mund të kenë shkuar të motivuar nga videot e shpërndara në FB apo YouTube nga masakrat e torturat e regjimit të Asadit ndaj popullsisë siriane, apo të motivuar nga premtimi i krijimit të një shteti sipas ligjeve e drejtësisë së Zotit – së paku në mënyrën si ata kuptojnë drejtësinë e Zotit, por pavarësisht nga sa kanë menduar ata, në skemën e madhe të gjërave ata kanë qenë pjesë e një plani gjeopolitik të ngjizur nga SHBA, Arabia Saudite dhe Turqia për arsye të mirëfillta të interesave të tyre kombëtare që nuk kanë të bëjnë me imazhet kalorsiake të luftëtarëve fetarë.

Në një artikull botuar këto ditë në London Review of Books, Seymour Hersh shkruan se SHBA ka hapur një kanal të pasëm ku ka dërguar ndihmë dhe ekspertizë ushtarake për ushtrinë siriane që lufton regjimin e Asadit dhe një pjesë e anës së logjistikës organizohej nga konsullata në Benghazi në Libi, e cila u sulmua para ca kohësh.

Ajo që është më e rëndësishme, tronditëse e alarmuese në këtë artikull është roli i Turqisë, e cila akuzohet se ka orkestruar sulmin me armë kimike në mënyrë që të akuzohej regjimi i Asadit dhe kjo të nxiste nisjen e bombardimeve amerikane. Kjo ka qenë e motivuar, sipas Hersh, nga projekti turk që të krijonte një shtet klient në botën arabe. Analizat nga një laborator ushtarak britanik bindën administratën e Obamës se nuk kishin të bënin me helm të prodhuar nga regjimi i Asadit dhe se kjo do bëhej shpejt publike e prandaj nuk do mund të kishin një justifikim ndërkombëtar për të sulmuar Sirinë. Kjo bëri që Amerika të tërhiqej nga kërcënimi për të nisur bombardimet.

Turqia, thuhet në artikull, ka mbështetur e përdorur frontin Nusra në Siri dhe dyshohet që ka përdorur këtë front për të kryer një sërë aksionesh për të cilat ka akuzuar regjimin e Asadit, përfshi sulmin me armë kimike.

Kjo duhet të ngrërë alarmin për shqiptarët e vecanërisht për muslimanët shqiptarë për disa arsye.

Përtej imazhit të Erdoganit si një lider me vlera të thella fetare, imazh të cilin ka kërkuar ta importojë edhe mes popullsive muslimane në Ballkan, ai është një politikan makiavelist e përtej imazhit të liderit të preukupuar për fatin e gjithë muslimanëve, ai duket i preukupuar për avancimin – me cdo kusht – të interesave të regjimit të tij. Ai ka instrumentalizuar fenë në politikën e brendshme për të justifikuar akumulimin e pushtetit dhe rrënimin e lirive demokratike e shprehjes së lirë ashtu si ka manipuluar fenë në politikën rajonale ku ka promovuar zellin fetar për të krijuar ushtri mercenarësh për interesat e pushtetit të tij.

Një pjesë e shqiptarëve pra, që kanë shkuar në Siri mund të kenë shkuar për të mbrojtur popullin e shtypur të Sirisë, por janë në fakt ingranazhe të përplasjes së interesave të fuqive globale e rajonale në Siri.

Erdogan nuk ka arritur mbështetjen që do kishte dëshiruar mes popullsive muslimane në Ballkan edhe pse janë parë mitingje modeste në mbështetje të Erdoganit në Maqedoni, Shqipëri e Kosovë. Këto mitingje mund të jenë sa të orkestruara aq edhe të motivuara nga karizma politike e Erdoganit, që shihet si avancues i një Turqie të fortë e të të drejtave të popullsive muslimane në Ballkan, që shpesh shohin veten nën presionin e shumicave jo-muslimane si në Maqedoni apo elitave fetarisht të kompleksuara në Kosovë e Shqipëri.

Por nuk duhet të ketë iluzione: Erdogani dhe manovrat e tij politike po kthehen gjithnjë e më të dëmshme e toksike si për liritë politike të vendit të tij ashtu dhe për rajonin. Imazhi i burrit të fortë, i liderit të udhëhequr prej parimeve fetare përtej konsideratave politike, që vë Zotin mbi interesat vetjake po rrëzohet përditë e më shumë e njolla më e madhe e ndoshta barra më e rëndë që do mbartë kur të përballet me Zotin, do jetë Siria.

Vijon…

Comments

  • Fillimisht, pergezime e-zanit qe trajton edhe qendrimet e Hershit, per me teper qe z.Hersh i eshte bashkengjitur tashme edhe z.Fisk, si nje ‘independentist’ me buje.

    Kurre me shume se sot z.Kerry (alias Kohn)nuk ka pasur nevoje per te grimuar fytyren e tij te grimcuar nga paqja e munguar dhe vegimtare ne Siri. Nje paqe aq virtuale saqe solli peshjellim diplomatik edhe ne brigjet e Adriatikut(politika shqiptare ende nuk e ka marre veten nga ajo po/jo-ja aq e sikletshmme e helmeve kimike).

    Te shkruash se armet nuk ishin te Asadit, por te pales tjeter(sic shkruajne Hersh e Fisk), eshte perpjekja me e kote per te justifikuar deshtimin e Kerrit ne Siri, qe solli edhe deshtimin e tij ne Ukraine e Palestine. Kjo thjesht(e mes te tjerash)qe spiuni i Mosadit ne radhet e CIA-s, z.Pollard, te dilte palagur nga burgjet amerikane qe e kishin denuar perjetesisht.

    Sigurisht qe z.Hersh e di mire qe hamendesimet e tij jane aq te pabaza, saqe nuk i pergenjeshtron vetem Ankaraja Zyrtare( ne konflikt interesi), por edhe Uashingtoni zyrtar; si te pabaza apo edhe krejtesisht “off-base” :

    http://www.hurriyetdailynews.com/turkey-us-dismiss-seymour-hersh-report-.aspx?pageID=238&nID=64686&NewsCatID=359

    Nderkaq, nje tjeter analize nga nje tjeter media aspak erdoganiste, merr ne shqyrtim edhe kundertheniet e akuzave te Hershit, qe duket se kane rene ne fushe manjetike: ne dhjetor z.Hersh akuzon opoziten siriane si fajtore(Frontin per Clirimin e Sirise), ndersa po vete ai, akuzon ne prill opoziten e opozites(Al Nusren)?!!

    http://www.al-monitor.com/pulse/originals/2014/04/turkey-not-supporting-jabhat-al-nusra.html

    Nuk eshte kollaj t’i thuash “one minute” nje kryeshtetari qe e ka gur ne kepuce edhe vete Daje Semi. Perkrahesit e zellshem politike e mediatike te Netanjahut edhe ne Amerike(israel-firster) ka vetem nje kut: me ta o duhet te jesh burr’i forte, ose duhet te jesh burrec a buburrec. Erdogani duket se ka zgjedhur variantin e pare, burr’i forte, pa qene domosdoshmerisht burre zamani…

    Megjithate, ky lloj erdoganizmi nuk na rrezikon aspak ne shqiptareve, sepse politikanet tane nuk jane burra me te forta k..qe(lexo te plote: kellqe).

    • O zoteria jote, po na ban dhe analistin e hershit apo khanit. UN nuk i njof ata fare dhe nuk duhet ti njohim perderi sa ne ket artikull flitet per ERDOGANIN dhe YOUTUBE. Ky tiran mizor dhe neo-osman po shtyp popullin e tij o jo ma tonin. Qe kur ka hy ky ne fuqi na dolen lebrat historik te skenderbeut rraciste dhe na dolen ca filozofe per ti nderruar librat shkollore. Ai thote qe Youtube ka nxitur njerezit te marrin pjese individualisht dhe vullnetarisht ne Siri kur ai vete mbyll Youtubin dhe Twitter para zgjedhjeve. Qe ne fillimin e luftes se Sirise nuk po ndalojne grevat ne Turqi kunder tij, ne fund do thoje qe manifestuesit ne turqi ishin sirjane te Assadit. 80 te krishtere u vrane para nje muaj dhe qindra te debuar nga fshatrat e alepos. 4 motrat e nene terezes qe ndihmonin ca familje ne alepo u debuan nga keto guerrilla. Nje prift hollandez eshte vrare para ca ditesh ne siri. Dy gazetaret spanjolle qe u liruan nga ushtria shtetrore deklaruan qe vetem guerrillat vrasin dhe ushtria e shtetit po mbron popullin. Per sa i perket armeve kimiki, dyshimi i nxitjes se luftes nga turqia ishte me rrezimin e avionit turk ne trojet sirjane. Shko or mush zhaben me buk e shif nani big brother se at pune keni ju!

  • Uaauuu!! E-zani paska nxjerre nje shkrim qe nuk levdoka Halifen Erdogan 😛 . Po vjen qameti 🙂 .

    Ore, nje pyetje kam une: Ky Khalifi, pse nuk ka dale ne ndonje vend deri tani te flase kunder denimit me varje te 529 ihuaneve ne Egjipt?! Cfare e ndalon?! A e keni pyetur ndonjehere veten?

  • ky eshte artikull turpi per ata qe e kane publikuar… sepse ata qe e kane sajuar shoh qe ia paskan arritur qellimit. Si mund t’u besohet qafireve dhe te hidhet balte mbi kete burre te madh??
    Allahu ne Kur’an e ka quajtur akuzimin e besimtareve si cilesi te munafikeve…

    • Ngrihu e fli djale se nuk jane muhabete per ty keto. Shko e bej ndonje pice hallall ose rregullo ndonje celular, se punet nderkombetare nuk jane muhabete xhematore. Nuk gjykohet politika nderkombetare me ceshtje akideje, e hadithe te marra bukvalisht me usul fshati! 😛

    • Hahaha. Thote se akuza ndaj besimtareve eshte cilesi e munafikeve, nderkohe qe eshte duke akuzuar vete besimtare per nifak e per turpe! Mesa duket peshngritja e vezeve te jepka vuxhud te mbash edhe pesha me te medha!

      • @nifak-detektor, omlete! Nuk tha omeri,….. por po te citon Kuran, kur citohet Kuran, ule koken, e leri tangerlliqet (pordhet) prej shqiptari.
        Po gjete gabim ne interpretimin qe i jep omeri ajetit qe solli byrum korrigjoje sic ka hije Ndryshe…rrini rehat e mos perforconi nje gabim me tjeter.

        Kaq te pasigurt jeni ne vetvete sa qe ndjeni nevoje te fitoni superjoritet ne debat duke e percmuar tjetrin qe ju keshilloji te mos futni shpirtin ne gjynah, pavarsisht pikpamjeve tuaja e te tijat politike.
        Po nuk patet dituri e burreri kur flisni, tregoni te pakten meshire te tjereve, Allahu ju Meshirofte.

        • Te citosh Kuran ne nje kontekst te gabuar do te thote te shpifesh per Kuranin trendafil. Eshte njesoj si te te vendosesh zotrote ne nje vazo plehu dhe era jote te ngaterrohet me eren e vazos.
          Problemi eshte ceshtje inteligjence (ashtu si edhe ne rastin tend). Autori me siper ka bere nje koment, ashtu sic e ka menduar ai. Autori niset nga disa te dhena qe vijne nga burime jopak autoritative, dhe perpiqet t’u thote muslimaneve ne Shqiperi se krijimi i afeksioneve te tilla politike jane pa kuptim, dhe se mund te mbetesh si i menderosur kur sheh se lideri yt, te cilin ti e ke idealizuar me budallek, del krejt tjeter gje. Shkrimi trajton pikerisht faktin se xhemati yt krijon mite te tille (si Edoani) per shkak te frustracioneve qe ka prej te qenit i abandonuar dhe i percmuar ne kete shoqeri. Po ne te njejten menyre, edhe shume politikane e intelektuale kane qendrime sulmuese ndaj Erdoanit pikerisht per shkak te servilizmit dhe kompleksit te inferioritetit ndaj Europes. Ky Ymeri i varfer tani (ashtu si edhe ti ne mbeshtetje te tij), ngaterron nje perspektive analitike mbi nje fenomen, me ceshtje akuzimi (te cilat natyrisht qe nuk ka sesi ti kete prodhuar autori i shkrimit) e perbaltjeje, e mbi te gjitha e ngaterron kete pune me nje ajet Kurani qe ka per qellim gjera krejt te tjera.
          Keshtu trendafil me ere, kur nuk ke kuptuar akoma se keto debate nuk jane ceshtje “burrnie”, por inteligjence, kulturimi, dijeje, informacioni, kthjelltesie etj. natyrisht qe fillon dhe i jep ere te keqe muhabetit.

          Ps. Mbi te gjitha mos u shpreh ne shumes “ju”, pasi une nuk jam autori i shkrimit te mesiperm dhe mbi te gjitha nuk bie plotesisht dakort me cdo gje ne shkrim.

  • @ Nifak-detector dhe Omlete
    Ne fakt, “Omeri” nuk me duket nga komenti te jete as ngrites vezesh dhe as rregulles celularesh, me shume me ngjan me cun seminaresh dhe kampingjesh 😀

    • Ka shume prej tyre qe i bejne te dyja, edhe bejne peshengritje vezesh edhe peshim hadithesh neper kampingje, madje bejne edhe analistin politik e gjeopolitik part time. 😀

    • Fillimisht duhet te na sqarosh se ku eshte njolla, pse eshte njolle dhe kush e vuri, qe te kuptojme se pse qenka “heqje njolle”. 😛

      • Ezani njihet si portal i radhitur prane erdoganisteve shqipfoles. Kjo duket ashiqare. Botime te tilla kane pataksur ndjekesit e zellshem qe po pyesin ca po ndodh ne rrjetet sociale.
        Ky shkrim eshte vetem me fsheh gjurmet dhe me rregullupak surratin pas delegjitimimit te ketijpersoni ne arenen nderkombetare.

        P.S: Mielli duhet trazuar mire kur ben omlete, ndryshe dell buke me veze 😀

        • Dhe ti mendon se nuk na ze gjumi ne darke nese njerezit na quajne erdoganiste?! 😛
          Shok qytetar! Mesohu te kuptosh se ka disa njerez ne kete bote qe dijne te thone pa frike e pa e care koken mendimin e tyre. E-zani nuk eshte parti politike qe ka hall se humb votat apo mbeshtetjen e nderkombetareve apo edhe mbeshtetjen e grupeve te interesit, nese devijon nga qendrimet e duhura. E-zani nuk e ka problem edhe me ia fut kot, sepse nuk i jep hesap askujt. Deri tani ka dhene prova se di t’i dale kunder edhe gjithe dynjase, me cfaredo kostoje.
          E,zani nuk ka mbajtur ndonjehere qendrim zyrtar per Erdoganin, dhe nuk e kemi pare figuren e tij, ndonje gje me rendesi per publikun shqiptar, qofte ky mysliman apo jo. Kemi botuar shkrime ne varesi te situates, ne varesi te njerezve qe na i kane sjelle (natyrisht edhe pjestare te stafit kane shkruar per Erdoganin, ashtu si ua ka rrokur mendja), pa ndonje lloj iluzioni mbi kahe politike qe duhen mbajtur.
          Po fundja, kaq e veshtire eshte te pranosh se njeriu edhe te mbeshtet kur mendon se po punon mire, por edhe te ndryshoje mendim e te te shaje kur mendon se po e qelb. Kjo tregon objektivitet, e jo dredhje, sic mendon zotrote. Por normalisht duhet te kesh nje te tille qe ta kuptosh tek tjetri! Te trazuar me konspiracion, keni humbur orientimin per te kuptuar ceshtjet e lirise se njeriut. Rrjedhimisht nuk i kuptoni dot njerezit qe dijne ta ushtrojne lirine e tyre.

  • Verifikimi i burimeve eshte nje nga punet me te rendesishme per nje gazetar dhe gazete; po ashtu na porosit dhe Allahu ne Kuran: Kur t’ju vije ndonje mendjelehte e t’ju sjelli ndonje haber….

    • Pse Roald te rezulton gje qe eshte keq-cituar artikulli? Eshte dhene linku dhe eshte thene ‘sipas artikullit.’ Atehere ku e ke fjalen per verifikim, meqenese po tregon punen e gazetes e gazetarit: Mos do te thuash qe London Review of Books (burimi) nuk eshte i besueshem, apo do te thuash se Hersh-i eshte mendjelehte? Kur te kesh nge, zamet e ke te na shtjellosh kete punen e mediave ne menyre me te shkoqitur.

    • @Roaldi, ku t’i verifikoje burimet artikullshkruesi, te gjemoje burimet e Hersh, apo te pyesim ato te shikut tone mos dijne ndonje gje per “Linjen e Miut”, apo t’u kerkojme te na e thone shiksat vete qe, keta te vetshpallurit i lame qe te nxisin per Siri se ashtu e duan shefat pertej oqeanit. Mbase duhet te na citosh ndonje pjese nga tekstet e shenjta qe denon kategorikisht keqcitimin e ketyre teksteve qofte dhe nga naiviteti.

    • Aman mer sa te kujdesshem jeni ndaj Kafilit. Po cju ka bere xhanem. Sikur te ishit kaq mysliman ndaj te gjitheve sic jeni kur ju preket Kafili apo Gyleni do ishit njerez shembullore- jo domosdoshmerisht me perparese e me yll….

  • Një vërtetë e thënë përgjysëm është një gënjeshtër më vete. Artikullshkruesi i mësiperm ka thënë vetëm një pjesë të së vërtetës të publikuar nga Seymour M. Hersh-it. Është e vërtetë se ai i drejton gishtin Turqisë për sulmin me armë kimike me 21 gusht të vitit 2013 ne Guta në periferi të Damaskut, por jo si orkestrues, por vetëm pse lejoi [nuk parandaloi] që Al-Nusra të kryente këtë sulm. Hersh-i citon një ish-zyrtar të shërbimit sekret dhe thotë se një dokument sekret i pa publikuar, përshkruan një marrëveshje mes Obamës dhe administratës së Erdoğanit në fillim të vitit 2012, e quajtur “Linja e Miut.” Sipas kushteve të marrëveshjes, financimi vinte nga Turqia, Arabia Saudite dhe Katari; CIA me mbështetjen e MI6 ishte përgjegjëse për marrjën e armëve te Gadafit për në Siri. Një numër i kompanive të para ishin vendosur në Libi, disa nën mbulesën e subjekteve Australiane. Ushtarë amerikanë në pension, të cilët nuk e dinin gjithmonë se kush i punësonte, merreshin me menaxhimin dhe gjetjen e anijeve. Operacioni u drejtua nga David Petraeus, drejtori i CIA-s.

    Pak ditë pas sulmit të 21 gushtit, ish-zyrtari i inteligjencës i tha Hersh-it se operativët e inteligjencës ushtarake ruse kishin gjëtur në Guta disa mostra të agjentit kimik. Ata e analizuan atë e më pas ia kaluan inteligjencës ushtarake britanike; ky material u dërgua në Porton Doën, laboratorin britanik të mbrojtjes. (Një zëdhënës i Porton Doën tha: “Shumë nga mostrat e analizuara në Britaninë e Madhe dolën pozitivë për agjentin nervor sarin.” MI6 tha se nuk komenton për çështjet e zbulimit.)

    Shtrirja e plotë e bashkëpunimit të SHBA-ve me Turqinë, Arabinë Saudite dhe Katarin në lidhje me ndihmën ndaj opozitës rebele në Siri nuk ka dalë akoma në dritë, ka përmendur Hersh-i Administrata e Obamës kurrë nuk e ka pranuar publikisht rolin e saj në atë që CIA e quan “Linja e Miut”, një kanal mbështetjeje në Siri. Linja e Miut, e autorizuar në fillim të vitin 2012, është përdorur për të kanalizuar armë dhe municione nga Libia nëpërmjet Turqisë jugore dhe përgjatë kufirit sirian për opozitën. Shumica e atyre që morën armë në Siri ishin xhihadistë, disa prej tyre ishin të lidhur me Al-Kaedën.

    Ish-zyrtari i inteligjencës i shpjegoi Hersh-it se përfshirja e MI6 në këtë operacion i mundësoi CIA-s të shmange ligjin amerikan duke e klasifikuar misionin si një operacion ndërlidhës. Ai tha se CIA prej vitesh i shmanget ligjeve ne operacionet e saj.

    Ndërsa konsullata amerikane ne Bengazi nuk kishte një funksion diplomatik të mirëfillte. Ajo shërbente si qënder koordinimi për dërgimin e armëve në Siri. Ndoshta kjo ishte dhe arsyeja pse një milici vendore në shtator të vitit 2012 sulmoi konsullatën amerikane dhe një objekt të fshetë të CIA-s aty pranë në Bengazi. Ky sulm rezultoi me vdekjen e ambasadorit amerikan Christopher Stevens , dhe tre të tjerëve.

    Gazeta The Independet ka kryer një hetim në lidhje me sulmin e 21 gushtit në periferi të Damaskut. Nga burime ruse ka rezultuar se gazi i përdorur në sulm nuk ka qënë pjesë e stoqeve të arsenalit të ushtrisë siriane, por sipas tyre, ishte gaz i cili i ishte shitur Gadafit, e që më pas ka perfunduar ne duart e grupeve rebele me anë të Linjës së Miut.

    Sipas Hersh-it Turqia i lejoi amerikanët që të transportonin armët nëpërmjet Turqisë, përfshirë këtu edhe gazin sari që u përdor në sulm, ashtu si sikur Turqia e kishte lejuar kalimin e këtij gazi nga Bashkimi Sovjetik për në Libi. Hersh-i thotë së edhe pas sulmit të 21 gushtit, Linja e Miut vazhdoi.

    Ai gjithashtu përmend një person i cili ishte i informuar rreth punës se OKB (si gjithmonë Hersh-i nuk përmend emra). Përsoni i ka thënë atij se zyrtarët e OKB që u morën me hetimin e sulmit me gazin sarin nuk kishin autorizimin e as provat e mjaftueshme që t’i drejtonin gishtin dikujt për sulmin. Hersh-i ka mbledhur dëshmi të njerëzve të zonës, e më pas i ka marrë ato si prova për të deklaruar se sulmi (edhe pse OKB-ja nuk e thotë) ishte kryer nga rebelët.

    Përsonalisht mendoj se nuk është aspak e çuditshme që sulmin ta kënë kryer grupet rebele si Al-Nusra, pasi ata njihen për idetë
    e tyre tekfiriste, çka do të thotë se nuk e kanë për gjë të vrasin edhe civilë të pafajshëm. Por, kjo në asnjë mënyrë nuk e bën qeverinë turke përgjegjëse të drejpërdrejtë të këtyre sulmeve.

    Sipas publikimeve të bëra deri tani, amerikanët janë po aq fajtorë për sulmin sa edhe turqia. Prandaj, nëse duam të jemi të drejtë, nuk duhet të hedhim fajin vetëm të njëra palë por, duhet të përmendim të gjithë përgjegjësit. Dhe mëshimi i idesë se Turqia është përgjegjësja kryesore ndoshta nuk është krejt e pa qëllimtë nga autori. Ka shumë kohë që në Shqipëri po qarkullon një frymë pro-raniane. Duke i shtuar këtu edhe fymen gyleniste anti-Erdogan.

    Mos të harrojmë se Erdogani është aleati më i ngushtë i Obamës në rajon, i cili e shikon atë edhe si një ndërmjetës tek i cili mund të mbështetet për të ndërhyrë të bota arabë, sidomos tek vendet ku kanë kaluar të ashtuquajturën “Pranverë Arabë”.

    Think-tanku amerikan mountebanks, si zakonisht, duke i marrë sugjerimet nga burimet zyrtare amerikane, e shpalli Turqinë si “një model” për botën arabe të pas-diktaturës.

    • Mund te te kete shpetuar nga artikulli pjesa e arestimit ne Turqi te anetareve te Nusras me arme kimike e lirimi i tyre i shpejte. Sidoqofte, sa eshte shkruar me siper ndahet ne dy pjese: ne citimin nga artikulli i Hersh, sidoqofte i njohur si nje nga gazetaret interogative me te njohur ne bote i cili ka zbuluar disa krime shtetrore kryesisht ne SHBA, dhe ne mendimin e autorit per politiken anti-demokratike te kryeministrit turk ne Turqi dhe projektimin e imazhit te tij ne Ballkan.

      Per pjesen e pare citon artikullin dhe akuza mbetet – sigurisht e paprovuar – dhe shpresoj sinqerisht qe Hersh te jete gabim. Per pjesen e dyte, jemi te hapur te mos biem dakort por te kemi te drejten e mendimeve te gjithsecilit. Personalisht e gjykoj te demshem kete imazh te Erdoganit midis disa muslimaneve shqiptare si “burre i madhe” – per te cituar nje komentues me siper.

      • Nuk me ka shpetuar arrestimi i anetarev te Al-Nusras, thjeshte nuk desha ta permend, perderisa ambasadori turk ne Moske e mohoi kete. Une nuk e mohova se Turqia po mbeshtet kryengritesit, bashke me Ameriken. E permenda edhe se si Hersh-i ka folur mer marreveshjen e fshehte, te cilen Erdogani dje e mohoi. Erdogani nuk eshte udheheqesi i te gjithe muslimanve, por thjeshte i Turqise. Nese ka te tille qe e paraqesin ate si Halif, ky esshte problemi i tyre. Ajo qe mua me shqeteson nga artikulli eshte fryma e autorit, i cili sigurisht ka te drejten te mendoje si te doje. Por, kam frike se keto jane tbjeshte disa mendime te nxitura nga disa interesa qe aty ne Shqiperi akoma nuk kane dale ne siperfaqe. Turqia patjeter qe ka interesat e veta ne kete lufte dhe eshte normale qe do t’i mbroje, por te thuash qe ai po e keqperdor Islamin dhe po i prish imazhin duhet te japesh argumente bindese. Ai eshte musliman dhe nje njeru, e si i tille do te beje gabime. Artikulli i mesiperm eshte pjese e nje propagande anti-turke qe po behet prej kohesh ne Perendim. Ndoshta autori ketu eshte naiv e nuk ekupton kete. Por, une qe merrem cdo dite me lajmet qe vijne nga Siria, e di se si trajtohet kjo nga per3ndimi dhe disa media filo-iraniane qe flasin shqip. Une nuk e di se ca ka dashur te tregoje e-zani qe ka pranuar ta publikj kete artikull.

        • ” Por, kam frike se keto jane tbjeshte disa mendime te nxitura nga disa interesa qe aty ne Shqiperi akoma nuk kane dale ne siperfaqe.”
          Pas çdo mendimi qe nuk ju pelqe jeni i prirur te shihni interesa, aq me teper qe ne Shqiperi nuk paskan dale ende ne siperfaqje.
          Sipas llogjikes tende te kritikosh dike duhet te nisesh vetem nga interesa dhe jo nga parime. Kur idealizohet personi, sigurisht cilado kritike ne drejtim te tij kategorizohet si e nxitur prej interesave, ende te paqarta sipas teje. Hiqi syzet e ideologjise dhe mbase shef ndonje cep te palatuar mire ne permendoren e Liderit.

        • Nese ka media filo iranian qe flasin shqip ato i perkasin shqipove te FYROM, eshte mediaelire (jo faqja ne fb) .
          Jeni bere me fiksime me kete Erdoganin, mgjs eshte e vetmja alternative pas rrezimit te Mursit per ihuanet.
          Cuditem me reagime te tilla, sikur ju kane mpire trurin.

    • Jam dakord me shumicen e komentit tend, por te kundershtoj vetem ne nje pike: Tek pjesa ku thua se po qarkullon nje fryme pro-iranit!

      Me lejo te te shpjegoj: Komenti yt kupton se Turqia e Erdoganit dhe Irani jane ne kunderhsti, mund te jete ne parim, por kjo nuk vlen me qeverine e sotme. Perkundrazi, Irani udheheq nje pjese te politikave turke.
      1-Erdogani eshte i rrethuar nga keshilltare pro-iranian. Pas ngjarjeve te fundit i beson vetem dy keshilltareve, te dy jane pro-iranit. Nuk i largon dot sepse ka nje bashkepunim te gjate dhe dijne “pislleqet” e njeri-tjetrit.
      2-Shefi i sherbimeve sekrete, eshte pro-iranian. Kane dale foto qe ai ka qene prane Khameneit kur ishte i vogel per te marre mesime nga ai.
      3-Gruaja e Erdoganit eshte minoritare iraniane nga juglindja e Turqise.
      4-Erdogani me te tijte ka mundesuar pastrimin e parave te pista iraniane ne bankat me kapital shteteror ne Turqi duke marre perqindjen e tij.
      5-Ne Iran eshte arrestuar nje biznesmen, Babek Zanxhi, qe i ka dhene nje ore 700 mije dollare nje ministri te Erdoganit.
      6-Bizneset iraniane ne Turqi jane disafishuar ne Turqi pas embargos se shba dhe eu.
      7-Irani po hap masivisht shkolla ne Turqi keto tre vitet e fundit
      8-Irani po nderhyn tek librat fetare ne Turqi duke futur frymen shiite
      9-Irani e ka bere normale martesen “muta” ne Turqi!!! Martesa muta eshte martese e perkohshme midis nje mashkulli dhe nje femre. E kane perdorur masivisht per te justifikuar prostitucionin.

      Ja pra qe nuk jane kundershtare, por Irani eshte duke sunduar Turqine.

  • E kuptoj dramen e disa personave qe kundershtojne kete gazetarin, fitues i cmimit Pulitzer. Ata kishin formuar idene e liderit te pagabueshem.
    Duke permendur mengjes, dreke, darke Islamin dhe Allahun, u krijoi idene edhe shume vellezerve ideologjik ne shqiperi si njeri i vecante, lideri i enderruar per dekadash.
    Tani mori fund.
    Mursi iku prej idiotesise se tij per te aplikuar ne vetem nje vit modelin e Erdoganit kunder ushtrise dhe pjeses laike qe ai e aplikoi per 11 vjet.
    Tani, pasi vodhi, u zhyt deri ne gryke ne korrupsion, luften siriane si edhe ne zullume te tjera brenda dhe jashte vendit, po iken edhe Erdogani.
    E kuptoj, jeni bosh tani, kushedi kur vjen nje Halife tjeter 🙁

  • Kush guxon te flase kunder Kafilit? Ai ka dhene Van Mynits ne Davos dhe kjo eshte gje e madhe vellezer. Kush boton artikull qe flet kunder Kafilit ai eshte (me patjeter kjo) shpifes. E papranueshme qe E-zani te botoje nje analize asnjanese(te cilet po e thote e gjithe ajka mediatike e perendimit).
    Or e-Zan, thirri mendjes se do te vendosin damken si Gylenist. E po e more ate damkeeee e di vete ti pastaj.

    Po kur do mesojme ne myslimanet te pranojme kritike e analize xhanem?

  • Nese fillimisht mendova qe e-zani ka bere mire qe ka botuar kete shkrim, tashme jam mese i bindur se ka bere mire mjaft madje. Te botosh fillimisht nje qendrim qe e sheh anen pozitive te Erdoganit, e me pas nje tjeter qe e sheh anen negative te tij, do te thote te japesh te gjitha ngjyresat e nje problemi a problematike rajonale. Kjo nuk do te thote te mbash ane erdoganiste v.s gyleniste apo anasjelltas, por te jesh i baraslarguar nga palet ne konflikt(fatkeqesisht). Te pakten per kete teme…

    Personalisht kam menduar( pa qene i pagabueshem e maje kulles babeliste) se konfliktet Erdogan-Gylen dhe mbeshtetesve te tyre nuk do te mbarteshin kaq fort ne Shqiperi. Sepse antimuslimanet shqiptare e shqipfoles nuk do te kishin shkas tjeter per te lidhur e fryre nyjat: erdoganist, gylenist, turk, shqiptar, musliman….vafshin te tere ne esfel.

    Por ja qe gylenistet( jo detyriomsisht te gjithe ne nje thes) ne Shqiperi duket se kerkojne ta hedhin topin vetem ne fushen e Erdoganit kalif. Per ta larguar kete ‘kalif’ nga mjediset e Ballkanit, pa menduar thelle ( nuk kam argumente per te qene i bindur per vetedijen e tyre) se po i hapin rruge “Princit Lorenc” te koheve moderne. Ne kete artikull te paradyvitshem autori me jo pak spaleta mbi shpatulla, e sheh Shqiperine si gur themeli te…:

    http://www.haaretz.com/opinion/balkanizing-israel-1.437018

    Menyra se si po reagojne mbeshtetetesit e linjes Gylen(ironite me Davos, kalif, me pasthirrma ho… e a…) tregon se kane humbur qetesine. Duke harruar te ndermendin se te kesh mbeshtetje te perkohshme te nje ambasadori amerikan a izraelit, nuk do te thote se e ke te perhershme, qofte edhe ne KMSH. Madje mund te te kthehet ne te kundert, ashtu sic ndodhi me z/znj.Chelsea E.Manning:

    http://www.dailysabah.com/politics/2014/04/08/us-envoy-gulen-may-be-extradited

    Logjika se nje pulitcerist si z.Seymour Hersh ka boll te drejte per armet kimike turke ne Siri, do te rrezohej nga precedenti i pulitceristit te trefishte Thomas Friedman qe shkuante e pershkruante jo vetem njujorkshem se ne Irakun e Sadamit kishte arme kimike, e se luante topi..!!!

    A ka Erdogani gabime, faje, vese, etj? Zor se nje njeri me mend ne koke ne kete bote dhe qe i dhimbset lekura e tij atebote, do ta conte ndermend te kunderten. Por ajo qe kam vene re tek gylenistet ne Turqi, nuk po e verej aspak tek keta ne Shqiperi. A ka ndopak faj Gyleni a gylenistet? Hysein Gylerxhe mendon se se paku kater fajei i kane bere vete gylenistet:

    http://www.dailysabah.com/politics/2014/03/31/huseyin-gulerce-the-gulen-movement-has-committed-four-significant-errors

    Ndersa nje tjeter ndjekes i kesaj linje(kritizer me ngjan) mendon se faji eshte strukturor, ngaqe Gyleni qendron i vetem ne Fron, ne nivelin e shtate( do ta keqkuptoja si ne qiellin e shtate…)

    http://www.dailysabah.com/politics/2014/03/20/gulens-exfollower-reveals-secret-face-of-movement

    Nje keshille sa u ha veshi u jap gylenisteve shqiptare, e kjo vjen nga pervoja e jo nga aftesia e larte intelektuale a parashikuese. Aspak.

    Ishin vitet e pare te demokracise kur shoqatat arabe geluan ne Shqiperi per te perhapur Islamin. Allahu ua shperblefte te sinqerteve, ua falte gjynahet e pavetedijshme, e denofte sic din Ai cdo munafik ne radhet e tyre(e tonat).

    Fillimisht vereja nje siguri te larte njerezore ne cehret e tyre, deri sa erdhi dita qe kreu aktual i policise , z.Didi, i mori perpara me shtepi e katandi, madje i kerkoi per t’i vrare edhe kur ndryheshin brenda frigorifereve e lavatriceve. Askush si musliman nuk do te deshironte qe te perballej me skena a skema te tilla. Por ja qe ndodhin.

    Pak kohe pas 11 shtatorit aq fatal, ambasadori i asokohshem amerikan ne Shqiperi, i cili pak kohe me pas nderroi jete ne malet e Lures, u shpreh ne pranine e ambasadorit britanik se “Shqiperia ishte baze e luftetareve islamike dhe se Bin Ladeni mund te ishte stervitur ne troje shqiptare”. Lajmi beri buje…Pak kohe me pas, nje gazete poaq me buje si TEMA, botonte ne faqen e fundit te saj nje lajm ku ish presidenti Berisha ishte takuar me ambasadorin amerikan, dyshin e ambasades dhe nje korrespondent te “Zerit te Amerikes”, ku i kishte deklaruar te pranishmeve se nese do t’i meshohej tezes ne fjale, ai do te nxirte ne media te gjitha ato dokumente ku deshmohej se “asnje shoqate arabe nuk kishte shkelur truallin shqiptar pa pasur me pare miratimin e CIA-s”.

    Ky lajm i faqes se fundit, ne dijenine time te perkore nuk u pergenjeshtrua nga i ndjeri tashme, por sa ish gjalle, ai nuk e perseriti kurre me kete (hipo)teze…

    P.S. Sidoqofte, nese gylenistet( per te qene me i sakte ndjekesit e Gylenit) ne Shqiperi mendojne se qendrimet andej-ketej te Ricciardones dhe Limprehtit nuk perkojne fare, kjo eshte ceshtje e tyre. U befte me e mira!

    • O Zamir
      Nuk e kupton ndopak se si Erdoganistat si Gylenxhinjte jane anet e se njejtes medalje. Jane nacionaliste te terbuar turq, qe fatekeqsisht perfshijne narrativa te islamit si pjese te ideologjise nacionaliste autokratike pseudoimperiale. Kritika kur vjen per Erdoganin kesaj rradhe mos kujto se nuk do t’i mshohet heres tjeter edhe hoxhes te vetshpallur ne maje te Pensilvanise. Mjerisht keta djem e kane polarizuar nje pjese te mire te xhematit ne trojet shqiptare, helbete mungesa e kellqeve dhe e keleve per t’i dale zot vete punrave eshte motivi kryesor i kesaj perpelitjeje. Inshalla Zoti na dhente gajret te shpetojme prej ombrellave paternaliste turke dhe te ndertojme partneritet reciprok me dashamiret e muslimaneve shqiptar

    • Zamir, kete shakane e bera une dhe po te kthej pergjigje.

      Ka disa gjera qe i ke kuptuar gabim. Shakane nuk e bera si “gylenist” por duke marre parasysh nje ekzaltim te disave neper rrjetet socisle pas ngjarjeve ne Turqi, te cilat na i kane sjelle ketu dhe raportonin per zgjedhjet atje sikur te beheshin zgjedhjet ne Tirane. Kur fitoi Erdogani festuan sikur te kishte fituar baba tyre.

      Ne Turqi nuk ka nje konflikt Erdogan-Gylen. Ka nje keqkuptim te madh ketu.
      Konflikti eshte shume me i madh se sa Erdogan-Gylen. Ky i fundit dhe levizja e tij jane gjetur si shenjestar per te justifikuar shume ngjarje te renda qe po ndodhnin dhe po ndodhin me qeverine turke. Erdogani nuk ja ve dot gishtin pergjegjesit kryesor qe kerkon te rrezoje qeverisjen e tij dhe i drejtohet Gylenit dhe “gylenisteve”.
      U vertetua tashme qe pergjimet eshumeperfolura ndaj Erdoganit dhe te tijve nuk i paskan bere “gylenistet” por sherbimet amerikane dhe iraniane per interesa te vetat.

      Turqia ka nje rol te rendesishem ne ate zone dhe prandaj perben interes te madh per shtete te ndryshme. Njeri me siper paska shkruar mbi interesat e Iranit. Lexoji me vemendje.

      Levizja e Hizmetit eshte viktime e nje loje me te madhe nderkombetare dhe eshte futur ne kete valle nga qeveria turke qe kjo te shpetoje lekuren para popullit te vet.

      E dini me te forten: Qeveria turke po akzon kete levizje edhe per miratimin e rezolutes per Armenine ne Senatin e SHBA!!!! Thua te kene kapur dhe Senatin gylenistet?!!!

      Ky keqkuptim eshte transferuar edhe ne Shqiperi dhe Ballkan nga perkrahesit respektiv dhe ndodhin komente te tilla si me siper.

      Ti flet sikur Gyleni te jete i vetmi kundershtar i Erdoganit ne Turqi!! Nuk e njeh situaten. Erdogani ka kundershtare me te medhenj (nqs Gylen mund te quhet i tille) ne Turqi se sa Hizmetin. Ushtria, te majtet, Irani etj.

      NUk besoj qe gjithe keta qe kane komentuar “kunder” ketu jane “gyleniste”. Dukesh qe je i formuar dhe besoj kupton qe ka me shume te tjere te prirur te flisnin kunder se sa “gylenistet” . “Gylenistet” nuk merren me debate ne blogje. Besoj e ke vene re kete gje.

      Gjerat duhen pare me gjere.

      P.S: Sabah nuk eshte reference e mire, pasi eshte si 55 apo RD. Referoju me mire hurriyetdailynews.

  • @ Bamir/Rrofte Halifja,

    Te pershendes per shakane dhe seriozitetin e reagimit. Sigurisht qe nenproblemet dhe problemet e Turqise i shoh si i jashtem, edhe pse e ve ndopak ujin ne zjarr. Ne Turqi kam shkuar vetem per muaj mjalti me shpenzimet e mia 15 vite me pare, e ate truall e ate gjuhe fatkeqesisht nuk e njoh. Nuk kam menduar se konflikti eshte vetem njeri kunder tjetrit, sepse vertet do te ishte shenje e keqe per imazhin e e pergjithshem( aspak pergjithesues)te muslimanit ne rajonin ballkanik. Qe ne emer te muslimaneve, pro a kundra njeres figure e tjetres, mund te shpreheshin edhe komentues jo te perkatesise se besimit te perbashket, edhe per kete nuk habitem, prandaj kam permendur togjaleshin ‘lidhin e fryjne nyja’. Sigurisht qe edhe per iranianet ne Turqi nuk ia kam haberin. Prandaj nuk u mora me nje shtet si Irani qe “cdo dreqi, ama cdo dreqi, i hyn ne pune”. Keshillen profetike per perset e mbaj prej kohesh vath ne vesh.

    Ta marr te mireqene edhe njohurine tende se “Sabah” nuk eshte reference e mire. Po i referohem tash e pas edhe medias se Doganit dhe po e le disi menjane ate te Erdoganit, pasi asaj te Gylenit (TZ) i jam referuar shpesh pa qene hicfare pishman. (Ngaqe ofrohen ne anglisht).

    Nese me gjen gafil here tjeter qe citoj ‘Sabah’-un, me thuaj me mire se kjo gazete eshte nje 55 apo ZP. Sepse eshte i njejti person qe i ka drejtuar si njeren ashtu edhe tjetren kohe pas kohe . Sa per RD-ne, i njoh personalisht si burra zamani si Bledi Kasmin ashtu edhe Nebil Ciken, per te mos i vene krahas Fahri Balliut. Pa pasur qofte dhe nje dite te vetme ne jeten time teser blu. Faktikisht, as fatkeqesisht e as fatmiresisht.

    Per ta shkrythur paksa biseden qe merr hera-heres edhe trajta polemike: Uroj e-zanin per kete hapesire publike si dhe gjej rastin qe te uroj tifozet e sportdashesit e Tirones, tashme qe ekipi i tyre/yne ka dale nga zona e ftohte e renies nga kategoria.

    • Haha, njejtin urim e bej dhe une 🙂 per Tironen

      Krahasimi me RD dhe 55 ka te beje me marredhenien e tyre kur PD eshte ne pushtet, e njejte me sjelljen qe gazetat Sabah, Star, Yeni Safak, Takvim kane ndaj Halifes.

      Ne kushtet e sotme, hurriyetdailynews eshte Ok. Eshte nga te vetmet gazeta Hurriyet bashke me “Taraf” (Ka versionin anglisht: al-minotor.com) jane te vetmet qe i kane shpetuar presionit qeveritar.
      Edhe Todays Zaman eshte serioze dhe ka analiza te mira, por ka nje situate qe e kompromenton pak si pale interesi.
      Per sa i perket Iranit, po shtrihet vence ketej nga nahija jone tani qe po ia lehteson embargon edhe amerikoni. Duhet pas kujdes, po ne rrijme dhe merremi me cikerrima te vockla nderkohe qe rreziku shiit eshte ne dere.

  • Zamir, te japesh reference artikuj nga Sabahu ne nje artikull ku flitet Hershi e Fisku rreth armeve kimike te perdorura kunder njerezve te pafajshem(qofte dhe me mbylljen e nje syri nga Turqia, ku ti thua qe ka faj dhe Amerika, gje e cila sja ul pergjegjesine Turqise e cila trumpeton vlerat humane te Kafilit e djegjen e tij per njerezit e dobet neper bote) eshte pak pa lidhje. Nuk po fliten fajet e Gylenit e romancat e gylenisteve per nje bote ne paqe e me dashuricka, por po flitet per mitet e ngritura ne mendjet anadollake te pashkolluara te nje pjese te mire te turqve e te disave neper ballkan rreth nje politike e ngritur mbi parrulla populiste e fetare.
    Artikulli ne fjale, me shume finese hap nje dritare dhe per myslimanet e trojeve tona te cilet zakonisht presin trenin, dhe po zakonisht i hipin trenit te gabuar, ne kohen e gabuar.
    Sa per ambasadore ne kmsh, sja kam idene se per cfare e ke fjalen, por nese e ke per mbeshtetjen e amerikaneve, te siguroj qe me mire mbeshtetje e perkohshme e amerikaneve se sa nje ‘mbeshtetje-shtytje per ne gremine’ e perhershme e Iranit te cilen po ja ben te gjithe botes islame.
    Pres ndonje artikull te forte nga Daily sabah rreth ketyre temave te thella, do biesh ne sy se vec ti e Kafili e lexoni Sabahun, kuptohet kafili ne Turqisht se sdi gjuhe te huaja….

  • Lejome te te kuptoj Kafili: ku kam thene e ka fajin Amerika? (Nuk i druhem edhe kesaj akuze, nese do te ishte rasti i (pa)pranise se armeve kimike ne Irak dhe sulmit amerikano-britanik te mbeshtetur ne pandehma e jo ne fakte).

    Permes “Al Monitor”, kam vene re (sh)perqasjen stinore te vete Se.He-se: e ka fajin UCS-ja, e me pas Al Nusra! Pra kam cituar(permes pales se trete) kundertheniet e Hersh-it. Asgje me teper. Si dhe kam cituar qendrimet zyrtare te turko-amerikaneve se shqyrtimet e Hersh-it jane te pabaza( ne kete rast perkoj edhe me keshillat e bazuara te nje komentuesi per reference hyrrietdailynews).

    Viziten e ambasadorit izraelit ne KMSH e kam thjesht nenvizuar( e jo se i ha barku ketij ambasadori te Avigador Libermanit se si ia con toleranca fetare ne Shqiperi, personalisht mendoj keshtu – prandaj kam cituar edhe artikullin e Haaretz-it “balkanizing Israel”).

    Per Iranin e kam sqaruar qendrimin me lart.

    Per qendrimin zyrtar amerikan thjesht kam ftuar te lexohen ngjyresat e ligjerimeve dite pas dite. Permes tyre mund te kuptosh edhe kur gishti i madh i dores mund te kaloje nga lart vertikalisht poshte sa hap e mbyll syte, nese nuk i ngul syte mire te mimika e perditesuar. Pa ngritur aspak(une)gishtin e fajtorit tek njeri apo tjetri.

    Megjithate, kjo ka qene thjesht keshille, ne qofte e pavlere, hidhe/ni ne koshin e plehrave( fizik a elektronik qofte).

    Sa per Fiskun e Indipendent-it, me kujtohet nje shkrim i nje analisti(Balci,Dumanli a Bilici, njeri prej tyre me duket) te Todays Zamanit te disa viteve me pare, ku e shpotiste mire kete gazete dhe synimet e saja.

    Sidoqofte, sa per Sabah-un, sapo i ke bere nje reklame falas. Nuk mendoj per vete se e kam kaluar kersherine e ngjitjes pas nje gazete. Duke e kufizuar disi numrin, mund te te them duke lene menjane thjershtesine e teruar, se kam rene jopak ne kontakt me afro 150 gazeta te mbi 60 vendeve te ndryshme ne bote.

    Kam frike se anglishtnjohesit nuk do te mbeten pa shuar kureshtjen per te kuptuar se c’shkruhet ne kete gazete(Sabah) kaq te ‘sikletshme’. Druaj se i ke nxitur pa dashje…

    Pershendetje sic perkthehet kjo fjale ne mjediset tona te perbashketa.

  • O Zamir, te jap nje keshille vellai jot. Meqe akoma dike fjale Turqisht dhe i perdorke ne mjediset e tua, duku perseri per pushime andej nga Turqia se paska kaluar goxha kohe. 15 vjet jane shume :)) (kuptohet nese ke pare se ti shkoke me leket e tua se ne te tjeret na co treni ekspres i Kafilit! Pika thuaj!!)

    O Zamir se je goxha djale, le ta lexojne gazeten e sikletshme se ska nevoje per sansurim mendja e kthjellet. Ne nje ane Sabahu, e ne anen tjeter e gjithe media Perendimore e liberale e Turqise. Po ngeli puna me mcef sabahun :))
    Kafili sot dha nje vaze te mrekullueshme. Me duket se foli per sinqeritetin. ki ki kii

    • Kafili, si e ke hallin! Ke qejf te t’i pres drute shkurt. Ma bej me dije se ku je dhe me jep mundesi perballjeje pamore, se te bej esell ty karafil me vese si dhe ‘o shoku-one minute'( klyshin e gjirizave te Ardian Ndreces). Megjithese nuk ju njesoj, nuk dukeni se jeni aq te ndryshem nga njeri-tjetri.

      Per me tej, fjalet e shumta jane fukarallek. Veprat i ndajne krijesat e njemendta te kesaj bote nga gjelat qe kakarisin maje tastieres, pa dale asnjehere jashte kotecit.

    • Ju lutem perpiquni te jeni me te permbajtur. Kafil, kur dikush diskuton me sinqeritet e seriozitet, perpiqu te mos e fyesh sepse, edhe debatin e prish, edhe vete del nga shinat etike.
      Ju lutem mos e kaloni biseden ne gjera personale e ne tone te acaruara, sepse nuk ka hije, per me teper qe nuk jane gjera qe na prekin drejtperdrejte dhe nuk ia vlen gjithe ky emocionalitet.

  • “… njolla më e madhe e ndoshta barra më e rëndë që do mbartë kur të përballet me Zotin, do jetë Siria.”
    Shumë e fortë si akuzë. Ndoshta autori, para se të shkruante këtë artikull, i ka marrë masat për Ditën kur do të përballet edhe ai me Zotin dhe do ta mbrojë këtë akuzë me ndonjë dëshmi më të fortë se shkrimet e gazetave që nuk ka mundësi t’ua verifikojë plotësisht vërtetësinë.

    • Mos u bej merak Myhib se para se te jape xhevap autori per kete, ka kaq siriane qe qajne dertet e tyre tek nderhyrjet e Erdoganit ne Siri. Megjithate, ve re se autori per korektsi fetare e ka vene fjalen ‘ndoshta’ aty, se nuk mund te jemi kurre plotesisht te sigurte per keto pune, pervec faktit se te gjithe do kthehemi te Zoti

  • Une nuk e akuzova artikullshkruesin si gylenist (edhe mund te jete, une nuk e di), por thjeshte kritikova frymen me te cilen ai dhe shume te tjere e trajtojne qeverine aktuale turke.

    Une jetoj ne Turqi dhe jam i bindur dhe e di shume mire se ky vend, per momentin nuk ka nje alternative me te mire se Erdogani. Turqit gjenden perballe dy alternativave te vetme, nuk ka nje te trete: Ose me AKP e Erdoganit, ose me ultranacionalistet dhe komunistet laik te CHP dhe MHP. Njera pale e mbron Islamin dhe interesat e muslimaneve ne Turqi, ndersa pala tjeter, per 80 vjet me rradhe ka treguar se Islamin e ka hale ne sy. Ndoshta duhet te jetoni ne Turqi per te pare ndryshimin qe ka ndodhur gjate ketyre 12 viteve te fundit.

    Askush nuk eshte kunder kundershtimit te Erdoganit, por nese flet, atehere duhen argumente bindese. Autori i artikullit nuk eshte i qarte se nga cfare kendveshtrimi e kundershton Erdoganin. Si politikan, si musliman, apo cfare? Nese duam ta kritikojme ate si musliman, atehere une jam i pari qe disatancohem prej tij. Nese duam ta kritikojme si politikan, atehere duhet se pari te marrim parasysh se ai eshte udheheqesi i nje vendi te madh me mbi 75 milion banore dhe interesat qe ai duhet te mbroje jane te medha dhe jetike, jo vetem per Turqine, por edhe per vendet e tjera te rajoni, e pse jo edhe me gjere. Te mbrosh interesa te tilla nuk eshet e lehte. Nganjehere ne perpjekje e siper edhe mund te gabohet.

    A ka gabuar ai ne lidhje me Sirine? Patjeter, sa te duash! Ka gabuar se nuk ka bere me shume per popullin sirian. Ka gabuar se nuk ka arritur te binde komunitetin nderkombetar qe te nderhyje e t’i jape fund tragjedise humanitare qe ka kapluar vendin. Vdekja eshte ulur kembekryq ne Siri.

    A i ka mbeshtettur ai gruper kryengritese? Sigurisht! Ai asnjehere nuk e ka mohuar kete. Por edhe Amerika, si aleate e Turqise e ka bere kete, dhe vazhdon ta bee. Por, te thush se Turqia qenka fajtore per sulmin me arme kimike me 21 gusht te vitit 2013, kjo eshte jashte cdo logjike. Dhe aurtikullshkruesi kete ka dashur te nxjerr ne pah. Te shkrush nje artikull me disa akuza, qe jo vetem qe nuk mund te provohen, por perkundrazi jane diskretituar nga te gjithe ata gazetare perendimore dhe arabe qe merren nga afer me ceshtjen e Sirise. Hershi ka gabuar edhe here te tjera, prandaj nuk ka asgje te cuditshme ketu. Fakti qe ka fituar nje cmim Pulitzer nuk do te thote asgje. Njeriu eshte qenie gabimtare, e si e tille, eshte prirur te gaboje sado qe te perpiqet qe mos ta beje.

    Une e kundershtova frymen e artikullit pasi eshte ne vazhden e nje politike te caktuar qe po ndiqet gjithandej ne Perendim nga instanca te ndryshme. Nese autori ketu nuk e kupton se eshte bere pjese e kesaj loje, atehere ky nuk eshte problemi im. Per kete ai duhet te fajesoje naivitetin e tij.

    Pretendimin e Hershit se Turqia paska qene planifikuesja e sulmit, qe me pas eshte kryer nga Al-Nusra, e ka mohuar edhe Amerika, vete Kryeministri Erdogan, zevendes kryeministri Bulent dhe te gjitha provat qe OKB-ja ka mbledhur ne terren pasi ndodhi sulmi. OKB-ja ishte ngarkuar me hetimet, e deri tani ajo nuk i ka vene gishtin Turqise. Hershi nuk i ka marre parasysh asnje nga keto . Burimi i vetem i tij eshte nje ish-zyrtar isherbimit sekret amerikan ne pension. Pa emer!!! Gishti i hershi mundet vetem te ngre pluhur ne nje bote te turbullt mediatike. Asgje me shume!

  • Është bër Ezani si Lubonja. Po çmitizon e denoncon çfarë i del përpara, me pretekstin se nuk i japin hesap askujt, duke harru që do i japin llogari Zotit

    • Hahahah kjo ishte perle, mos fol me nje vit 😀

      Pse nuk ngjajne personazhet? Me mjeker, me pak floke, Lubos i kane rene pak me shume ne fakt, megjithate, ceshtje moshe :P.

      Ezani, ka kosto te jesh si Lubo, mos na e merr per keq 😉

  • Per mendimid ndryshe: desha ti pyes komentuesit se cili nga keta jeton ne Turqi, dhe mund te na informonte se si ka evoluar jeta e qytetareve te ketij vendi nen qeverisjen e Erdoganit per mire apo keq? Pergjigjen e mora nga ju, faleminderit.

    • Po mire o Cen, ja do te thoje ai qe eshte permiresu jetesa, hajne dhe pijne me mir,e ecin ne rruge me te mire etj etj. Po pastaj?? Do te dalesh “lideri i pagabueshem Erdogan” ti ?? Sa te lexueshem qe jeni o te mjere!

  • Cdo qenie njerezore eshte e prirur te gaboje, edhe kryeministri i Turqise nuk mund te jete nje perjashtim, gjithsesi flm, qe gjetet kohe dhe u moret edhe me komentin tim.

  • selamualejkum
    nje porosi kam per administratorin censuroje debatin se jemi shqiptar dhe ca grindavec kan ngel ne kohen e enver hoxhes(e kan te trashegume ) iu vjen goja sa shohin se kan liri fjale

  • Your email address will not be published. Required fields are marked *