Dilema Gay





tintin75-the-gay-flag-with-a-grunge-textureBesnik Sinani

 

Bashkësia Muslimane në Shqipëri është një bashkësi e të drejtave civile. Përpjekja përgjatë gjithë viteve qysh nga lejimi legal i praktikave fetare në Shqipëri kundra politikave diskriminuese apo fushatave alarmante që paraqesin muslimanët si rrezik kombëtar janë të bazuara jo në vlerën numerike të muslimanëve në këtë vend – por në kontratën shoqërore të ngritur mbi parimet e demokracisë, sekularizmit dhe kushtetutës. Qartazi, muslimanët nuk kanë sfiduar në Shqipëri parimet e sekularizmit, por kanë sfiduar mënyrën e padrejtë se si sekularizmi shpërdorohet në politika që tregojnë paragjykimet ndaj praktikave, formave të devocionit, dhe etikës së bashkësisë muslimane.

Bashkësia gay në Shqipëri ngrë pretendimet e veta për më shumë të drejta, apo për njohje publike mbi të njëjtat institucione, principe dhe marrëveshje shoqërore që burojnë nga kushtetuta, parimet e demokracisë dhe të faktit që shteti nuk bazon politikat e veta mbi vlerat e ndonjë bashkësie fetare, pra sekularizmi.

Secila bashkësi fetare është e lirë të besojë dhe predikojë që homoseksualiteti është mëkat dhe i dënueshëm nga Zoti në botën që vjen, por shteti i ngritur mbi parimet e demokracisë garanton të drejtën e bashkësive fetare ashtu si dhe të bashkësisë gay për të qenë pjesë e shoqërisë e për mos u diskriminuar për shkak të besimit të tyre apo orientimit seksual. E njëjta e drejtë e muslimanëve për të përdorur bulevardin kryesor të vendit për falje publike, apo të krishterëve për procesione fetare, u njihet nga shteti homoseksualëve për të patur paradën e tyre. Nëse secila bashkësi do protestonte prezencën e tjetrit, kjo do sillte një klimë tensioni në shoqëri.

Masa e vogël apo e madhe nuk mund të jetë kriter për të përcaktuar nivelin e të drejtave të një bashkësie në një demokraci. Fondet e mara nga jashtë, gjithashtu, nuk mund të jetë argument kundra legjitimitetit të asnjë bashkësie. Fondet e përfolura të ambasadës pink nuk janë shumë më ndryshe fondeve që marrin bashkësitë muslimane, katolike apo ortodokse.

Sfida për bashkësitë fetare është që teksa i qëndrojnë besnikë mësimeve të traditave të tyre mos bien në pozitën e ngritjes së gjuhës së paragjykimve për bashkësi të tjera si bashkësia gay e drejta e të cilëve për të qenë pjesë e shoqërisë dhe që mos diskriminohen buron nga të njëjtat parime dhe institucione që garantojnë liritë fetare në këtë vend.

 

 

Comments

  • A me duket mua, apo kesaj rradhe nuk i ke rene ne te Besnik?! Nuk e mora vesh ku deshe te dilje. Selam.

  • Nuk di te them a ja kam qelluar por gjithsesi mendoj se kam qene i qarte se cfare kam dashur te them. Kontrata shoqerore e qytetareve te Republikes se Shqiperise bazuar mbi vlerat e demokracise liberale garanton lirine e besimit ashtu si lirine e zgjedhjes se orientimit seksual dhe garanton qe individet mos diskriminohen per arsye te besimit apo orientimit seksual. Sipas ligjeve ne fuqi, homoseksualet kane po aq te drejte te perdorin bulevardin deshmoret e kombit per paraden e tyre sa c’kane muslimanet per te falur Bajramin. Permasat e vemendjes qe po i kushtohet nje fenomeni per te cilen edhe autoret kontribues pranojne se eshte margjinal, me duket i pajustifikuar dhe i shproporcionuar.

  • Jam me autorin ne kete artikull. Perqendrimi i tepert ne kete ceshtje eshte ne raport te zhdrejte me problematikat e tjera qe shqetesojne ekzistencen dhe mireqenien e muslimaneve ne shoqerine shqiptare.
    Po ashtu, me duket inkoherent qendrimi ndaj kushtetutes: nese e pranojme kete kushtetute per te mbrojtur te drejten tone te shfaqjes se besimit ne publik, atehere duhet ta pranojme ate edhe kur ajo mbron te drejten e disave per te shfaqur ne publik orientimin e tyre seksual.
    Dhe e treta, me duket joparimor qendrimi prej te forti, sepse e shfaqim ate me shtresa te dobeta e te margjinalizuara si gejt dhe jo kunder aktoreve kryesore te kesaj te keqeje, qe jane politikanet.

  • Ta kishte shkruar ndonje jomusliman eshte do me dukej normale por kur e shkruan nje musliman ne kete forme dhe ne kete trajtim tregon fatkeqesisht nje boshlluk te madh qe kemi ne me Islamin dhe kriteret qe ai vendos per peshimin e ceshtjeve.E shkruajta i cuditur per te mos thene i skandalizuar nga nje anologji e kote midis te drejtave te muslimaneve dhe homove.Dy gjera krejtesisht te kunderta ne princip dhe ne sfondin kulturor qe ato zene ne Shqiperi.Me pak fjale avokatia e Besnikut me duket shume perverse.

    • @ i cuditur, eshte teresisht e kuptueshme mos jesh dakort me dike, apo dhe te skandalizohesh, po pse mer rob Zoti nxiton t’i vesh ne dyshim fene tjetrit? Se dyti, sfondi kulturor ne Shqiperi eshte ai qe totalisht hoqi te drejten e muslimaneve per te praktikuar fene. Argumenti i muslimaneve ne Shqiperi nuk eshte sfondi historik, por te drejtat e njohura ne kushtetute. Kushtetuta eshte e bazuar mbi principet e demokracise liberale dhe sekularizmit dhe jane po keto principe qe njohin dhe te drejtat e homoseksualeve. Nuk ka fare cudi ne kete mes. Nuk shkroi njeri qe homoseksualizmi eshte hallall, por qe ne nje shoqeri demokratike e sekulare te kundertat duhet te mesojne te ndajne hapsiren publike.

      • Besnik se pari nuk vura fare dyshim fene tende perkundrazi u cudita se si nje musliman shkruan keshtu.Do ishte me e llogjikshme qe te fusje disa nota kritike ndaj homoseksualizmit sesa te beje nje paralelizem midis te drejtave te besimtareve dhe homoseksualeve.Nje paralelizem i tille pa asnje kritike ndaj fenomenit ne fjale tregon se ne muslimanet nuk i meshojme fort perdorimit te kritereve te vleresimit kur bejne ndonje shkrim, analize apo ndonje artikull.Per kete arsye ne nuk mund te krahasohemi kurre me homoseksualet sic ben dikush nga postuesit poshte.Ne jemi besimtare qe mbartim vlera morale dhe dinjitet, ndersa homoseksualet nuk mbartin as vlera morale dhe as dinjitet, per kete arsye mua sme ka ardhe mire me te thene te drejten qe muslimanet ne shqiperi i futen ne te njejtin ligj mosdiskriminimi me homoseksualet dhe kjo ishte nje gje e qellimshme duke i bere te mendojne disa se me kete ligj do lejohet shamia dhe duke ia hequr mendjen nga lejimi homoseksualitetit edhe pse ky i fundit vjen si presion i politikes europiane mbi shqiperine.Politika e djathte e pa me syrin e perfitimit qe per hire te interesit te liberalizimit te vizave te fuste miratimin e nje ligji.Kurse sot ndodh krejt e kunderta nuk behet fjale me per diskriminim por behet fjale per parade gay-sh qe do te thote qe bari i keq ka ngritur koken perpjete ne shoqerine shqiptare dhe kete po e ben publikisht, dhe kerkohet nga muslimanet qe kur e keqa behet publike ta kritikojne ate dhe jo ta arsyetojne ate me cfaredo lloj arsyetimi qofte ai arysetim i ngritur tek kushtetuta dhe lirite qe ajo jep, apo arsyetimi se jetojme ne shtet laik.E verteta ngelet e vertete pavarsisht se ne cfare sistemi apo vendi ajo ndodhet.Per kete arsye nuk e di pse ke perdorur paralizem te tille por mendoj qe kritika jone ndaj te keqesduhet te ngrihet mbi arsyetimin e ndodhjes se saj per shkak te faktoreve ligjore apo institucionale.
        Meqe ti je dhe qytetar amerikan duhet te kritikoje dhe ambasaden e shtetit tend e cila nuk i shpenzon donacionet per luften kunder veseve por i shpenzon fondet per proklamimin e homoseksualizmit ne shoqerine shqiptare.Dhe jo vetem ambasada amerikane, por dhe ajo hollandeze dhe ajo gjermane moren pjese ne organizimet qe bene homoseksualet ne diten e tyre qe e kane caktuar pikerisht nje dite perpara dites se familjes.
        Mua me duket absurde kur muslimanet mundohen ti mpijne paragjykimin e njerzve ndaj nje te keqeje.Perkundrazi ne duhet te cysim ndergjegjen e opinionit publik per te krijuar paragjykime ndaj te keqes cilado qofte ajo.Kjo si nje mase mbrojtese te shoqerise meqe ligji jep hapesira veprimi te se keqes.Per kete arsye ju kerkoj juve dhe te gjithe shoqerise civile intelektuale qe te behet shkak per ngritjen e gjykimit te opinionit publik ndaj se keqes qofte me ide, mendime, artikuj apo shkrime me qellim parandalimin, kritikimin dhe luftimin ndaj se keqes.
        Nuk mendoj se jemi ne nje sistem diktatorial qe per te perfituar te drejtat tona duhet te japim viston per te drejtat e homosesualeve.

        • Viston per te qene te barabarte te drejtat tona me te drejtat e gayve e ka filluar Ahmed Kalaja, duke dale ne krah te Elsa Ballaurit ne hartimin e ligjit antidiskriminim. Ky ligj qe ti e quan te keq, mori jo vetem miratimin por edhe angazhimin e muslimaneve per te, pasi u tha qe ligji do te lejonte edhe vajzat me shami ne shkolla.
          Sot vajzat me shami vazhdojne te mos lejohen ne shkolla, ndersa homoseksualet kane perparuar shume ne kerkesa e ne te drejta. Ju merruni sa te doni me ta, e verteta eshte qe jemi te gjithe cope-cope sa ia kemi zili edhe gayve aftesine qe kane!
          Shkrimi i Besnikut nuk shoh te thote askund qe te drejtat tona kane te njejten vlere me te drejtat e homoseksualeve. Ajo qe thote Besniku eshte qe te mos rrime e te merremi me kerkesa per te kufizuar te drejtat e homoseksualeve, ne nje kohe qe jemi vete duke vuajtur nga dhunimi i te drejtave.

  • Cudia jote tregon se s’merr vesh nga kjo pune dhe tregon cfare boshlleku ke vete, teksa mendon se e kane te tjeret.
    Ti mer rob i Zotit nuk ke kuptu hala qe konsensusin me shoqerine nuk e vendosim me sheriat, por ne terma neutrale, ne terma te shoqerise. Ti nuk kupton qe autori nuk barazon homoseksualitetin me fene, por tregon qe korpuzi parimor e ligjor te cilit i referohemi kur kerkojme nje te drejte eshte ai qe i barazon. Prandaj dhe nuk mund te kerkojme nje te drejte pa ua ofruar kete edhe te tjereve.
    Me pak fjale, perverse ketu eshte vetem injoranca jote dhe paaftesia per te kuptuar e pranuar perspektiven e tjetrit (qofte edhe sikur ta kete gabim), duke diskutuar si njerez jo si qenie te skandalizuara!

    • Ne muslimanet konsesusin me shoqerine e vendosim sipas parimeve dhe kritereve qe kemi.Une nuk bej konsesus me te keqen ne parimet e mia pavarsisht se cfare mendon shoqeria apo ligji per to.Nuk bie dakort me te keqen, une jam i detyruar qe te bashkejetoj me te ligjerisht por jo menderisht dhe shpirterisht.Prandaj une nuk e quaj konsesus por detyrim(i detyruar).Ky eshte dallimi midis meje dhe teje.Se ti per te keqen i referohesh shoqerise dhe ligjeve ndersa une fese.Ti ben konsesus me shoqerine, ndersa une une bej konsesus me fene dhe parimet e saj.

      • Ti mer babe, duhet ta kuptosh njehere per cfare flitet pastaj te rendesh e te besh deklarata ku shfaq qendrime dhe dallime. Konsensusi nga vete palet nenkupton me u marre vesh me tjetrin. Per kete shkak, qe te merresh vesh me tjetrin duhet ti referohesh disa termave, parimeve dhe vlerave me te ndermjetme, me universale me te gjithpranuara. Kjo nuk domethene qe te heqesh dore nga parimet e tua, por qe ne raport me tjetrin arrin te biesh dakort mbi disa vlera, perndryshe nuk jetojme dot ne nje vend, duhet qe o njeri o tjetri te ike. E meqe asnje prej nesh nuk ka ndermend te ike, duhet gjet gjuha e perbashket.
        Ky lloj konsensusi qe ofron ti nuk eshte konsensus por totalitarizem. Ti thua merremi vesh vetem po te mendosh si une. Ky eshte budallek.
        Pertej kesaj ne jemi te lire te besojme e mendojme cfare te duam dhe kjo nuk cenon aspak fene tone. Muslimanet kane treguar se dijne te bejne marreveshje dhe ti qendrojne asaj qe nga koha e Profetit. Kushtetuta e Medines i krijonte hapesire cifuteve dhe te tjereve te ujdisen sipas ligjeve te tyre dhe ne fund te gjejne gjuhen per tu marre vesh me muslimanet. Sigurisht Profeti besonte se parimet dhe ligjet e tyre jane te gabuara, por shoqeria kerkon marreveshje.
        Pra, qe ta mbyll e qe ta kuptosh ti, nese ke deshire me kuptu, une i referohem fese dhe fetem fese per te miren dhe te keqen, por kur me duhet me nda jeten e perditshme me tjetrin, duke iu referuar fese, kam hapesire me gjet nje te perbashket, nje rruge te mesme me tjetrin, se perndryshe nuk jetojme dot ne nje vend.

  • Nuk duhet të habitet kush me disa qëndrime që në këtë blog janë konstante. Është fjala për qëndrime të pastra majtiste, që gjejnë artikulim më së shumti mbi të njëjtën skemë si në platformat socialiste në Perëndim, ku ne myslimanëve na ka zënë taksirati të jetojmë si pakica, si qebapçinj e si trafikantë droge ose si të dyshuar për terroristë. Ndërsa e djathta dhe konservatorët në ato vende nuk na shohin me sy të mirë dhe na konsiderojnë të huaj, e majta perëndimore na afron dhe synon të na bëjë pjesë të “larmisë” së vet bashkë me homoseksualët dhe me të gjithë perversët e tjerë, burim i pashtershëm votash për të majtën e atjeshme. Myslimanët në ato vende, për shkak të pozitave të tyre të paprivilegjuara, i ka zënë halli e u janë qepur të majtave, duke pranuar të bashkëjetojnë me këtë frymë, ndërsa e majta perëndimore vetë nuk ka ndonjë besim fetar a përvetësim vlerash kombëtare a fetare, por ushqen thjesht një ateizëm që shoqërohet me një respekt për besimin e myslimanëve për aq sa i duhen myslimanët sa për të pasuruar “menynë” e tyre dhe për t’u shtuar ndonjë votë aty ku kanë të drejtë të votojnë (ndërsa mban qëndrime të ashpra ndaj shoqërive myslimane ku flitet për Fe dhe ca më keq për “Sheriat”).

    Por për të qenë parimorë, na duhet të pohojmë se çështja e Islamit dhe e myslimanëve, në thelb, nuk është çështje refugjatësh. Prandaj edhe sjellja jonë shoqërore e politike, në respekt me atë çfarë ne jemi dhe besojmë si myslimanë, duhet të jetë e ndryshme nga fryma e majtizmit, qoftë edhe e një majtizmi që vjen nga Perëndimi.

    Konkretisht, nuk ka vetëm një mënyrë për atë që në të majtë i thonë “ndarje e hapësirës publike”. Ka disa mënyra. Një mënyrë për të zënë vend në atë hapësirë është kjo që thotë autori; dhe kjo është sjellje dhe gjykim qartësisht i majtë. Por një model tjetër është, për shembull, ai që sjell e djathta evropiane, që manifeston për familjen dhe kundër homoseksualëve, siç ndodhi në Francë apo tjetërkund. Në një frymë konservatore, shprehet qëndrimi se jo çdo “komunitet” a grupim shoqëror është i lejuar të ushtrojë lirshëm veprimtarinë e vet në shoqëri.

    Edhe nëse flasim për besime fetare, jo çdo besim njihet dhe lejohet të manifestohet në të njëjtën liri me të tjerët qoftë edhe në një shoqëri demokratike, po të kemi parasysh që shumë sekte e grupime të margjinalizuara fetare kanë sjellë dëme shoqërore e kanë shkaktuar vetëvrasje apo lëndime të qytetarëve. Si të tilla, këto grupime ndalohen të manifestojnë dhe nuk i gëzojnë disa liri që i kanë të tjerët.

    Në të njëjtën logjikë e frymë, myslimanët duhet të jenë aktivë në një shoqëri si ajo shqiptare për t’u vendosur në krah të të aderuesve në besime të tjera dhe të çdo lëvizjeje kombëtare e konservatore, kundër të ashtuquajturit “komunitet” homoseksual, pasi homoseksualiteti është një sjellje (e theksoj, sjellje, jo gjendje) e dëmshme për shoqërinë dhe propagandimi i hapur i tij bëhet në kurriz të fëmijëve tanë nesër. Kështu, nëse ne si myslimanë manifestojmë dhe kërkojmë që të tillë njerëz të mos njihen si komunitet, nuk do të thotë se i kemi zënë kujt “hapësirën publike”, pasi hapësirat e manifestimeve me frymë të ndryshme dhe të protestave me kërkesa të ndryshme bëhen në hapësira të ndryshme dhe brenda rregullsive e të drejtave të garantuara nga një vend demokratik.

    Madje qëndrimi ynë duhet të shkonte më tej dhe të protestohej apo të shpreheshim edhe kundër pranisë së grupit parlamentar të Partisë Socialiste në tribunën e manifestimit të homoseksualëve dhe në fjalën e mbajtur që aty nga përfaqësuesja e atij grupi, Vasilika Hysi, si dhe ndaj thirrjes së saj të papranueshme për ne, që prindërit t’i pranojnë siç janë fëmijët e tyre homoseksualë. Është e turpshme jo vetëm për ne, por për krejt shoqërinë që një deklaratë e tillë, e shprehur nga një përfaqësuese e qeverisë dhe e partisë në pushtet, lihet në heshtje.

    Shkurt, neve na takon të jemi aq konservatorë sa të mendojmë për të ardhmen e fëmijëve tanë, ndryshe nga ata që mendojnë vetëm për menderen e vet.

    • Te thuash se ky blog ka qendrime “konstante” “pastertisht te majta” do te thote se, ose vjen per here te pare ne kete blog dhe ia mbeshtjell per hatlla, si te te vije per mbare, ose je nga ata lloj militantesh tekfiriste qe e kane ngushtuar rrethin e te djathtes ne Shqiperi tek nje grusht njerezish qe fillojne nga Sali Berisha e Jozefina Topalli e mbarojne tek Aldo Bumci e Flamur Ndoka, ose pastaj je ndonje skuth partie apo grupesh sektare me qellime agjitative. Ky blog ka treguar se di te shaje e kritikoje te majte e te djathte kur e meritojne. Madje perkundrazi, nese do te kisha kritike ndaj kesaj faqeje, eshte se ia ka mbajtur anen me shume te djathtes dhe se nuk ka pasur te njejten force kur ka goditur te djathten sa kur ka goditur Ramen. Shpresoj qe kjo te korrigjohet dhe ne te ardhmen paanesia te ruhet me mire.
      Identifikimi qe ti i ben kesaj ceshtjeje, e po ashtu ketij blogu, me ceshtje partishe eshte i turpshem. E para njehere, ky shkrim eshte shkrim individual dhe nuk ka dale ne emer te blogut. Dhe, natyrisht, kushdo e kupton qe, jo me kot autori, ndonese eshte admin, ka vene emrin personal, nderkohe qe shume shkrime te tjera kane qene te botuara nen emrin e blogut. Por, ju berishistet nuk arrini te kuptoni qe ne nje iniciative njerezish te qyteteruar mund te ndodhe qe adminet te mos ndajne te njejtat pikepamje per shume gjera, e prape kjo te funksionoje me se miri. Po te thithesh ajrin e PD-se te ndotur nga gazrat e Berishes, nuk ke sesi ta kuptosh kete.
      Me tej, perdorimi i kesaj ceshtjeje per qellime partiake eshte i mjerueshem, aq me teper kur permenden femijet tane. Nuk ju kemi pare ta shfaqni kete hall te madh, kur Berisha ulte breket ne krah te Kristi Pinderit duke iu ofruar me shume te drejta se c’vete Kristi i kerkonte. Ishte Berisha i pari qe e coi deri ne ekstrem mbeshtetjen ndaj homoseksualeve, madje duke u ofruar edhe martesat, kur vete komuniteti gay u shpreh se ishte e parakoheshme. A mos valle tani qe eshte Rama ne pushtet u kujtuat per te ardhmen e femijeve tuaj?!
      Me vjen per te vjelle nga keto muhabete!

      • Duke të falënderuar për të gjitha ofendimet që më bën në përpjekje për të më karakterizuar me cilësime që prej “skuthllëkut” deri te “mjerimi” e s’di çfarë, të sugjeroj që të tilla gjëra t’i mbash për vete, se nëse unë pohoj që ju jeni të majtë dhe ky shkrim me autorësi është në koherencë me qëndrimet qartësisht të majta të këtij blogu, nuk i bie të kem sharë kënd, apo jo? Kështu që po qe se rezervohesh për të mbajtur pak dorën, nuk bën keq. Po gjithsesi, si të duash.

        Ndërkohë, Berishofobia juaj/jote proverbiale nuk të ka lejuar të kuptosh thelbin e qëndrimit tim dhe të ka shtyrë të dalësh aty ku të/ju dhemb në përgjithësi: tek emrat e përveçëm dhe tek antiberishizmat ala-ZP. S’di pse m’i thua këto kur unë s’kam përmendur më sipër as personazhe e as parti politike shqiptare. Kur flas për të majtë, në këtë kontekst, flas për një platformë dhe kur flas për të djathtë apo model konservator, po ashtu i referohem një platforme e një grupi parimesh që s’t’i identifikova me asnjë parti politike në Shqipëri. Kështu që rri rehat, se nuk desha të të them që Berisha është burrë i mirë. E kam të qartë që është sakrilegj kjo në këtë blog.

        Po nëse e do mendimin tim, meqë aty e ke sikletin: Po, është e vërtetë, Berisha dhe PD kanë mbajtur qëndrim krejt të papranueshëm për një të djathtë në raport me homoseksualët dhe unë këtë s’po e them sot, e kam thënë gjithnjë, hapur e jo fshehurazi. Po, është e vërtetë që Berisha pohoi se ishte i gatshëm t’u legalizonte homoseksualëve martesat dhe unë kam qenë e jam krejtësisht kundër. Kam shkruar e folur në atë kohë nëpër forume e Facebook, po s’di as në më ke parë e lexuar, as në më ke njohur. Natyrisht, nuk kam bërë atë që bën ti më sipër e nuk i kam “hequr brekët” (ndoshta po do t’ia heqësh me zor në pamundësi për ta barazuar edhe në këtë rast me Ramën, që i heq ato të shkreta mbathje në publik me vullnetin e vet të lirë?), por duke ruajtur etikën, jam shprehur qartë dhe ashpër kundër idesë.

        Në fund, Berisha dhe PD miratuan në konsensus me PS-në një të ashtuquajtur ligj kundër diskriminimit mbi baza të racës, besimit fetar, prirjes seksuale etj.. Kërkesa për miratim është bërë nga një dorë shoqëri civile duke përfshirë edhe ca shoqata myslimane, me sa di unë. Është një ligj pikërisht në frymën e shkrimit të mësipërm: që myslimanët dhe homoseksualët i mbron mbi të njëjtën bazë, duke i njohur si komunitete në status shoqëror të njëjtë. Unë prapë s’jam dakord dhe e shoh si një ligj me frymë të majtë e të papranueshëm për një mendësi konservatore e në krah të familjes, që i bie (teorikisht) të na karakterizojë neve që shkruajmë këtu.

        Por ju jeni dakord me ligjin, me sa kuptoj. Ose, për të ndarë qëndrimin e autorit nga blogu në këtë rast të veçantë, së paku autori i këtij shkrimi është pikërisht në frymën e ligjit në ato që thotë. Unë jo. Kaq kam thënë dhe më duket se kam të drejtë ta them, sikurse ti je në të drejtën tënde të thuash, “Kujt i plasi?”. Palët e treta që lexojnë, le të gjykojnë vetë.

        Avazet me Berishë janë shqetësimet tuaja këtu edhe kur s’jua përmend kush, por më duket se s’e kishim fjalën këtu. Kështu që kurseje stomakun dhe mos të të vijë për të vjellë siç thua, sepse më ke paragjykuar kot për një qëndrim a mungesë qëndrimi që s’e kam pasur asnjë ditë. Mbase homoseksualët nuk po doni t’i paragjykoni, po mua më ke vënë damkën e “berishistit” me paragjykim dhe ta ka hëngër mendja se do të kem shkuar pas Berishës kudo e kurdoherë, duke përfshirë edhe rastin e artikulimit prej tij të avazit të martesave të homoseksualëve. Në fakt, lëreni qimen në syrin e vëllait tuaj modest, por shihni veten tuaj dhe vëreni nëse përkimi i qëndrimit të shkrimit më sipër me qëndrimin e qeverisë dhe të Ramës në çështjen në fjalë është rastësi apo jo para se të më thoni mua berishist. Po gjithsesi, kjo është puna juaj.

        Së fundi, rikujtoj se ky vend ka një ligj të miratuar me konsensus, siç e përmenda, për mosdiskriminim mbi baza të racës, të fesë e të prirjes seksuale. Edhe në kuadrin e këtij ligji, askush nuk detyron asnjë parti parlamentare apo jo që të përfaqësohet me folës në tribunën e manifestimit të homoseksualëve. Dhe askush nuk na e mbyll dot gojën për të thënë se prania e PS-së në tribunë ishte një precedent i papranueshëm në gjykimin tonë. Ju si të doni, gjithsesi.

        Po ashtu, askush nuk imponohet dot që pjesa konservatore e shoqërisë të shprehë pakënaqësi me ligjin në cilësimin e tij për “prirjen seksuale”. Besoj se askujt në këtë vend nuk i ndalohet të kërkojë amendime e përmirësime ligjore. Në këtë kontekst, them që ligji është i gabuar kur vlerëson “prirjen seksuale” në raport me diskriminimin dhe argumentoj (që të sqaroj edhe dikë tjetër që flet për dy standarde) se një vajzë me shami apo një djalë me mjekër që përjashtohen nga shkolla për arsye të besimit nuk mund të trajtohen njëlloj me dikë që manifeston sjellje homoseksuale, sepse bindja jonë është që një sjellje e tillë është e dëmshme (këtu besoj se biem dakord), ashtu siç janë të dëmshme plot sjellje të tjera si p.sh. vjedhja (a duhet të bëjmë ndonjë ligj për mosdiskriminimin e hajdutëve?), urinimi në publik apo di unë se çfarë.

        • i skandalizuari, para se te me sqarosh me kupto cfare po them. e kam vetem me menyren e argumentimit tone ne publik ose edhe ne hutbe. qe sipas mendimit tim eshte i gabuar dhe perdoret dystandarteshi. psh nuk mund te thuash qe shqiperia ka halle te tjera dhe nuk duhet ti jape te drejta atyre, pastaj te thuash qe duam nje ore pushimi zyrtar ne diten e xhuma. po per kete ska halle te tjera shqiperia? sipas mendimit tim duhet te dekonstruktohen pretendimet dhe qasjet e tyre , se here thone qe keshtu kemi lindur , dhe here te tjera ne jemi te lire dhe kemi te drejte te bejme cte duam. nje pike e rendesishme qe duhet argumentuar mire , eshte se pse ne duhet te na interesoje se cfare bejne ata, sidomos publikisht. nese kjo nuk argumentohet mire do kemi dhe musliman pastaj qe mendojne si autori apo dhe si disa nga komentuesit,.

        • Ne komentin tim nuk te kam adresuar asnje fyerje, tregova vetem tre mundesi, qe mund te shpjegojne perpjekjen tende per te nxitur reagime negative ndaj kesaj faqeje. Nese te dogji puna e skuthllekut, kjo vetem me ndihmon me shume te kuptoj se cilen nga alternativat perfaqeson me shume rasti yt.
          Kjo potencohet nga fakti qe ti vazhdon dhe flet ne numrin shumes, duke mu drejtuar mua me ju, si per te identifikuar fjalet e mija me blogun ku komenton gjithashtu edhe ti. Dhe kjo eshte ne vijimsi te vendosjes se shenjes se barazise midis qendrimit personal te nje admini me vete blogun. Ti e identifikon te gjithe blogun, me nje shkrim (te cilin gjithashtu e devijon nga qellimi), packa se ky blog ka mbi 50 shkrime kunder levizjes gay dhe mund te thuash se eshte mediumi me i forte kunder tyre ne te gjithe mediat shqip. Per ty mjafton nje (edhe ky rast nuk qendron, por po supozoj se eshte keshtu si thua ti), per ti shperfillur gjithe te tjeret, sepse qellimi yt nuk eshte objektiviteti, por kerkimi i sebepit per te justifikuar akuzat e tua. Jemi mesuar tashme me zera te tille agjitues kunder ketij oazi te vetem te mendimit dhe debatit, i cili qenieve militante, sektariste, misionariste ua vret syte (kategorizoje vete veten ne cilin rast ben pjese dhe shenoje edhe kete ne listen e “fyerjeve”). Koherenca majtiste qe ti kerkon si sebep per legjitimimin e akuzave te tua mjaftohet duke marre ne reference nje shkrim qe con uje tek ideja jote, e duke lene menjane dhjete te tjere qe cojne uje tek e kunderta. Ne kete menyre une mund te gjej koherence per te thene edhe se Papa i Romes eshte hip-hopist.

          I akuzon te tjeret per te majte, sepse duan te shprehin nje qendrim me te ftohte ndaj komunitetit gay (ne fakt ky qendrim vjen per arsye krejt te tjera nga cfare gjykon ti), nderkohe qe perdor vete terma te sajuar ideologjike ala lgbtist si termi berishofobi (ekuivalent i homofobi), te adresuar ndaj kujtdo qe kritikon e shan Berishen. E pastaj perpiqesh te na mbushesh mendjen se nuk je berishist! 😛

          Kerkesa jote per te reaguar ndaj grupit parlamentar te PS-se, te duket e depolitizuar?! Dhe ti mendon se nuk hyn Berisha ne kete diskutim?!
          Cdo lexues ketu eshte deshmitar se ketu eshte share edhe Rama edhe Berisha. Dhe jane share e kritikuar te dy seriozisht dhe ashpersisht, nuk kane qene thjesht shprehje mosdakortesie, si ato qe ti thua se i paske bere Berishes (estagfirullah) kur u shpreh se do lejoje me ligj martesat gay.
          Interesante, paske shprehur se nuk je dakort me Berishen kur tha se do legalizoje martesat gay eee?! Urraaaa. Bravo! Thashe se do ta miratoje edhe kete!:P
          Vetem se kur PS-ja ben shume me pak pro komunitetit gay, menjehere ju ndizet lambushka e konservatorizmit dhe kerkohen reagime publike e protesta! Pra per nje tra ne syrin e Berishes mjaftoheni duke pohuar se nuk jeni dakort, ndersa per nje qime ne syrin e znj. Hysi duhet te shpertheje revolucioni! 😛
          Breket Berisha i ka hequr vete (nuk ia kam hequr une) dhe preferoj me mire nje kryeminister qe i heq breket per hesap te vet ne plazh nudo, sesa nje kryeminister qe ia ul Kristi Pinderit ne zyren e vet, aq me teper ne ate moshe, e aq me teper kur vazhdon e bertet pastaj ne emer te se djathtes, familjes, moralit, konservatorizmit e bla bla bla. Rrotulloje nga te duash, autocensura qe i beni shikimit per te mos ia lejuar vetes ta shihni mbretin lakuriq, thjesht ju ben qesharake ne syte e nje publiku, ku i madh e i vogel ua njeh tashme mire horrlleqet te dyve. Per kete arsye, perpjekja jote per te etiketuar antiberishistet si ZP-iste, eshte pjese e kesaj verberie, teksa nuk arrin te kuptosh veten se je po aq ZP-ist, pavaresisht se ne variantin fahriballist. Te kundertat puqen, thote populli.

  • eshte e vertete qe ne muslimanve nuk na shkon per shtat aspak dystandarteshi. nga njera ane te gerthasim per karten e te drejtave te njeriut,per evropen, kur nje vajze muslimane perjashtohet nga shkolla a puna, dhe nga ana tjeter ta leme menjane kur behet fjala per homoseksuale. nje problem tjeter jane dhe argumentat e dobta qe paraqesin kundra tyre. argumenta te tipit, nese i japim te drejta shuhet njerezimi se ata nuk lindin, apo qe ne kemi halle te tjera, apo dhe ato argumentat qe autori ka permendur me siper.
    Por gjithe ky lloj diskursi eshte problem i joni dhe nuk do te thote asgje per ceshtjen ne thelb, ndikon vetem te suksesi per te arritur ate qe duam.
    dhe nese mendon qe per shkak se keto argumenta jane te dobeta, homoseksualet jane ne te drejten e tyre , atehere je vetem pak mbi ata qe japin keto lloj argumentash , por nuk dote thote qe ja ke qelluar.
    paverisht ketyre mangesive, qellimi i muslimanve eshte qe ta ndalojne te keqen me duart a tyre , nese skane mundesi me gojet e tyre, dhe nese skane mundesi me zemrat e tyre dhe ky eshte besimi me i dobet(hadith).
    protestat mund te jene te ndaluara vetem fetarisht(sipas nje mendimi) per shkak te asaj pasoje qe autori permend, por aspak ne demokraci, perderisa behet me leje dhe pa dhune.

  • Nuk me duket ndonje problem i madhe qe faqja te etiketohet si e majte apo e djathte, pasi kushdo mund te kete leximet e veta, por ju lutem mos personalizoni debatet e mos kaloni ne etiketime te panevojshme e qe nuk i kontribuojne asgje debatit pervecse krijojne armiqesi personale te panevojshme dhe prishin klimen qe kemi vite qe perpiqemi te ndertojme ne kete faqe. @Skandalate, mendoj qe i Ska-ndal-izuari ka te drejte qe te permend etiketimet e panevojshme ne komente. Ndalni nje moment e kujtoni se jemi pergjegjes per sa shkruajme dhe se debati i shendetshem me gjithe kundershtite nuk na ben dem, por perkundrazi.

  • Sinqerisht pres qe muslimnanet te bejne nje rol me aktiv ndaj kritikimit te se keqes dhe nuk me pelqen aspak ky lloj trendi arsyetimi apo liberalizmi kur behet fjale per perhapjen e se keqes.Eshte pikerisht lufta me te keqen ajo qe na nderon dhe na ben njerzit me te mire e cilesuar kjo dhe ne Kurani famelart.Askush nga te gjitha ndjekesit e feve boterore nuk e ka kete cilesi.Prandaj shpesh here gjejme qe dhe prifterinjte i tolerojne devijanca dhe vese te tilla e mos them pastaj se tek disa ju eshte bere nje foleze e madhe lobingu homoseksualizmi ne institucionin e tyre saqe me kollaj e kane te japi doreheqjen nje pape sesa te pastrohet nje lob homoseksualesh klerike katolike.

    • A je i sigurte qe eshte shkrimi shkak apo ndonje faktor tjeter, si injoranca apo ligesia e gazetarit.
      Nga ana tjeter, shkrimi nuk mbron gejt, por keshillon muslimanet te mos hedhin teza qe u bien kokes, sic jane ato te kufizimit te te drejtave. Nga ana tjeter gjithashtu, ka dallim shume te madh midis mbrojtjes se gejve dhe te drejtes se tyre per te patur zgjedhjet e tyre individuale e per ti shprehur ato.
      Nisur prej ketej, a thua te ben dem ai qe te paraqet si mbrojtes te te drejtave te njeriut, apo ai qe te peraqet si sensurues te tyre?!

  • Duke lexuar kete shkrimin tek Dosja.net dhe fotokopjen e nickut tim qe merr shkrimet nga ketu dhe i poston atje po e hudh dhe nje shkrim tjeter se ndoshta ai miku qe kopjon shkrimet e i hudh atje e ben dhe me kete shkrimin.

    Dosja.net me duket si nje faqe rivalizuese e Ezanit nuk di se kush eshte pronar i saj por mendoj qe kushdo qofte ai me bidnje politike ndryshe apo te njejta mos bej te tilla komedi.

    I kerkoj ezanit te jene me te kujdeshem ne shkrimet e tyre, arysteimi periodik i tyre se cdo gje behet publike ne boten sonte te informacionit eshte arsyetim i gabuar.Pasi publiken sot e shfrytezon kushdo per qellime te mira apo te keqija.Behuni kritikues te fenomeneve sepse vetem keshtu nuk do biem ndonjehere pre e provokimeve apo paragjykimeve apo skenrave jo te deshiruar.

    Une mendoj se Besniku mund te bej ndonje shtese ne shkrimin e tij me qellim qe lexuesi te kuptoje qarte se muslimanet jane kundra homoseksualizmit.

    • Aman mer burr sa zmadhohen gjerat ketu. Nje shkrim eshte bere i nisur nga komenti me siper dhe ju i beni lidhje rivalizues/kunder/pro atij apo atij.
      gejt mund te jene pika e vetme e takimit 😀
      e-zani dhe Dosja.net nuk puqen ne asnje pike qe te rivalizohen.
      Dosja.net ka profil te pergjithshem, kurse e-zani eshte i fokusuar vetem tek ceshjet e Islamit. Mgjs ata u bien keq gejve kurse e-zani me kete shkrim ka dale pak nga linja 🙁 gejt
      Megjithate, autori i ketij shkrimi duket qe eshte dore tjeter jo si ata qe shkruajne zakonisht aty, “specialist”, dhe ja ka gjetur mire telat kesaj pune. Ka gjuajtur atje ku dhemb me shume.

      • Haha. E shoh qe qenkan angazhu mire nurxhite, si ketu edhe tek dosja.net. Sulm frontal kunder E-zanit. Armiku nr. 2 mbas Erdoanit.
        O burra! Shpifja can bllokaden!

  • eshte vertete e cuditshme qe te mos befasohesh tek sa sheh nje shkrim te tille nga nje autor te cilin personalisht nuk e njoh por nga komentimet duket se i perket besimit mysliman te komentoje nje fenomen te tille qe po vjen e po gjen vend ne mendje te njerezve edhe ne shqiperi. behet fjale per nje katastrofe te rradhes qe po i kanoset shoqerise, akoma me teper familjes ndersa autori mundohet te mbroje te drejtat e tyre. eshte nje gabim nje e keqe apo si te doni ju quajeni ate qe keto njerez kerkojne. dhe ta legjimitizosh apo te mbrosh kete `te drejte` te ketyre njerezve eshte njesoj sikur te mbrosh te drejten e vrasesit, hajdutit apo te droguarit qe ka deshire te beje dicka por qe nuk eshte e lejuar. turp ai qe i ka shkruajtur keto rreshta e turp ju qe i jepni vend ne kete faqe. cudira te medha kam para por edhe kaq nuk kisha pare ketu…

    • Nderroi njehere syset se mbase sheh me mmire! Taksirat e ke, na trego ne cilin rresht mbrohen te drejtat e gay-ve?
      Kur nuk arrin te kuptosh gjera kaq te thjeshta, vajmedet per te tjerat!

    • Mos u cudit. Aq zemer i ka dhene homove sa po e shperndajne frikshem neper faqet e tyre mer argumentin “se paska edhe Islam te modernizuar ” sa pranon dhe shfaqjet e tyre si normale.

  • Your email address will not be published. Required fields are marked *